Morgunblaðið - 22.01.1989, Page 2

2 FRETTIR/INNLENT
MORGUNBLAÐIÐ SUNNUDAGUR 22. JANÚAR 1989

Átta bjóða í
þjónustu við
Flugleiðir
ÁTTA fyrirtæki gerðu tilboð í
hleðslu og ræstingu flugvéla
Flugleiða í Keflavík og ræstingu
á svæði þess í Flugstöð Leifs
Eirikssonar. Fyrirtækin eru á
Suðurnesjum og í Reykjavík og
voru tilboðin flest á bilinu 580
til 800 milljónir króna. Eitt tilboð
var mun hærra, eða að upphæð
1.600.000.000 kr., þannig að
munurinn á hæsta og lægsta til-
boðinu er um það bil einn millj-
arður króna.
í verkinu felst meðal annars
móttaka flugvéla Flugleiða, afferm-
ing þeirra, hleðsla og ræsting um
borð. Einnig felst í því ræsting á
svæði félagsins í Flugstöð Leifs
Eiríkssonar og í þjónustubyggingu
þess. í útboðsgögnum var gert ráð
fyrir því, að samið yrði um verkið
til 38 mánaða.
Átta fyrirtæki í Reykjavík og á
Suðumesjum gerðu tilbqð í verkið.
Lægsta tilboðið var upp á 580 millj-
ónir króna en það hæsta upp á
1.600 milljónir. Flest voru tilboðin
á bilinu 580 til 800 milljónir króna.
Samkvæmt heimildum Morgun-
blaðsins átti Lárus Einarsson sf.
lægsta tilboðið, 577 milljónir, Secu-
ritas hf. bauð 595 milljónir í verkið
og Hilmar Sölvason átti þriðja
lægsta tilboðið, 630 milljónir.
Kammersveit
Reykjavíkur:
Tónleikar
*
íOpeninni
KAMMERSVEIT
Reykjavíkur heldur tónleika
í íslenzku óperunni kl. 16 í
dag, sunnudag. Þetta eru
aðrir tónleikarnir af fjórum
í tilefini af firönsku tónlistar-
árí hjá Kammersveitinni.
Flutt verða verk efitir Sa-
int-Saens, Fauré, Ravel og
Franck.
Á tónleikunum koma fram
þau Signý Sæmundsdóttir
söngkona, píanóleikaramir
Guðríður S. Sigurðardóttir og
Selma Guðmundsdóttir, Rut
Ingólfsdóttir og Eva Mjöll Ing-
ólfsdóttir fiðluleikarar, Sarah
Buckley lágfiðluleikari, Inga
Rós Ingólfsdóttir sellóleikari,
Richard Dom, sem leikur á
kontrabassa, Martial Nardeau
flautuleikari og Eiríkur Öm
Pálsson trompetleikari.
Sjá Sígilda tónlist á bls.
22 C.
Spurt og
svarað um
skattamál
MORGUNBLAÐIÐ mun að vepju
aðstoða lesendur sína við gerð
skattframtala með þeim hætti að
leita svara við spurningum
þeirra um það efiii.
Lesendur geta hringt í síma
Morgunblaðsins, 691100, milli
klukkan 10 og 12 á morgnana og
spurt um umsjónarmann þáttarins
„Spurt og svarað um skattamál".
Hann tekur spumingamar niður og
kemur þeim til embættis ríkisskatt-
stjóra. Svör við spumingunum birt-
ast síðan í blaðinu.
Morgunblaðið/Sverrir
Brúarsmíði
við Miklatorg
Framkvæmdum vegna smíði
brúar sunnan Miklatorgs mið-
ar vel áfram að sögn Sigurðar
Skarphéðinssonar aðstoðar-
gatnamálastj óra. Nú er unnið
við smíði brúarstöplanna, en
áætlað er að brúin verði tekin
í notkun í haust. Brúin á að
tengja Bústaðaveg við
Snorrabraut til norðurs, en
einnig tengist hún Miklubraut
til austurs og Hríngbraut til
vesturs. í sumar verður
Miklatorg lagt niður í núver-
andi mynd, en í stað þess
koma ljósastýrð gatnamót. í
framtíðinni er ætlunin að
flyfja Miklubraut og Hring-
braut þannig að þær lendi
undir brúnni, og verða þessi
fjölförnustu gatnamót borg-
arínnar þá komin á tvær hæð-
ir.
Samið um nýtingu loðnustofiisins:
Íslendíngar fá 78%, Norð-
menn og Grænlendingar 11%
Samninganefhdir íslendinga, Grænlendinga og Norðmanna hafa
náð samkomulagi um nýtingu loðnustofiisins. Á næstu vertíð fá
íslendingar 78% kvótans, en Norðmenn og Grænlendingar 11%
hvorir. Þá fá norsk og grænlenzk skip veiðiheimildir í íslenzkrí
lögsögu með svipuðum hætti og Norðmenn hafa fengið á undan-
förnum vertíðum og leyfi til að nota íslenzkar hafiiir og landa
þar afla sínum.
Samkvæmt samkomulaginu
skulu þjóðimar þijár leitast við
að ná samkomulagi um heimilaða
heildarveiði, en náist það ekki,
geta íslendingar ákveðið heildar-
veiðina einhliða, eins og áður.
Halldór Ásgrímsson sjávarút-
vegsráðherra sagðist telja sam-
komulagið mjög stóran áfanga og
ánægjulegt að sjá loks fyrir end-
ann á deilum þjóðanna. „Það hefur
staðið í miklu stappi um þessi mál
í mörg ár og deilan hefur einkum
haft áhrif á samskipti okkar við
Grænlendinga," sagði Halldór.
„Samkomulagið mup greiða veru-
lega fyrir frekari samvinnu land-
anna.“
Grænlendingar hafa á undan-
fömum áram tekið sér um 60.000
tonna loðnukvóta og selt hann
Færeyingum. Halldór sagðist þó
gera ráð fyrir að eitthvað af kvóta
Grænlendinga myndi nýtast
íslenzkum skipum. Hvað hugsan-
legar löndunarheimildir til Færey-
inga varðaði, sagðist Halldór bú-
ast við að íslendingar yrðu vin-
samlegir í garð Færeyinga að því
leyti, enda væra þeir vinaþjóð og
byggðu afkomu sína á fískveiðum
eins og við. Sækja yrði þó sérstak-
lega um slíkar löndunarheimildir
til íslenzkra stjórnvalda.
Lítill guðfræðilegur ágreiningur í biskupskjöri:
Kosið um reynslu og hæfileika
Kosningabaráttan fyrir lqör biskups Islands er nú hafin. Fjór-
ir prestar „hafa gefið leyfi til að nafh þeirra sé nefiit“, eins og
það er stundum orðað. Það er þó enginn æsingur i baráttunni,
enda mun .ekki vera grundvallarmunur á guðfræðilegum skoðun-
um biskupsefhanna eða stefiiu þeirra í kirkjumálum.
Kosningarnar verða fimmtu
biskupskosningamar á
seinni tímum, en fram á þessa öld
var biskup konungsskipaður.
1939 hafði Sigurgeir Sigurðsson,
faðir Péturs núverandi biskups,
nauman sigur yfir sr. Bjama Jóns-
syni dómkirkjupresti. Á eftir Sig-
urgeiri komu þeir Ásmundur Guð-
mundsson, sem kjörinn var 1954
með miklum meirihluta atkvæða
og Sigurbjöm Einarsson, sem var
kosinn 1959, en helzti keppinaut-
ur hans var sr: Einar Guðnason
í Reykholti. í síðustu kosningum,
1981, voru það Ólafur Skúlason,
dómprófastur, og Pétur Sigur-
geirsson, þáverandi vígslubiskup,
sem lokabaráttan stóð á milli og
sigraði Pétur með litlum mun.
Á kjörskrá era 160 manns. Þar
af eru 123 prestar, 12 kennarar
við guðfræðideild, 9 leikmenn af
Kirkjuþingi og 16 leikmenn, sem
era fulltrúar prófastsdæma.
Kosningin fer fram bréflega.
Tími kosninganna er ekki ná-
kvæinlega ákveðinn, hann fer eft-
ir því hvenær öllum formsatriðum
vegna kjörskrár verður fullnægt,
en úrslit fyrri umferðar verða í
síðasta lagi ljós í byijun apríl. Fái
enginn hreinan meirihluta, verður
kosið aftur milli
þriggja efstu, og
talningu at-
kvæða ætti að
ljúka eigi síðar
en um miðjan
maí.
Raunar eru allir guðfræðingar
kjörgengir í biskupskjöri, svo
framarlega sem þeir fullnægja
skilyrðum til að vera skipaðir
prestar í þjóðkirkjunni. Að beiðni
nokkurra presta hefur stjórn
Prestafélagsins ákveðið að senda
fjórmenningunum, sem sérstak-
lega eru nefndir til, Iista með
spumingum um afstöðu þeirra til
ýmissa guðfræðilegra málefna og
stjómunarmála kirkjunnar. Svör-
in verða síðan send kjörmönnum.
Margir prestar eru hins vegar
óánægðir með þetta og telja að
verið sé að bijóta gegn þeirri
reglu, að allir séu í kjöri. Stungið
var upp á því að þremur prestum
til viðbótar yrðu sendar spuming-
amar, en enginn þeirra mun hafa
hugsað sér að svara þeim.
Sr. Heimir Steinsson er 52 ára
og hefur gegnt virðulegum og
krefjandi embættum. Hann var
fyrsti skólameistari lýðháskólans
í Skálholti og kenndi áður við
BAKSVIP
eftir Ólaf Þ. Stephensett
sambærilegar stofnanir á Norð-
urlöndum. Undanfarin ár hefur
hann verið Þingvallaprestur og
þjóðgarðsvörður, en það starf er
lflct og skólameistaraembættið
talið útheimta skipulags- og
stjómunargáfu. Sr. Heimir er tal-
inn eiga stóran
hóp stuðnings-
manna og hefur
verið duglegur
að afla sér fylgis
undanfarið.
Sr. Jón
Bjarman er 56 ára. Hann var
fangaprestur, prestur í íslend-
ingabyggðum vestan hafs, æsku-
lýðsfulltrúi þjóðkirkjunnar og er
nú sjúkrahúsprestur. Hann var í
starfsháttanefnd þjóðkirkjunnar,
sem gerði tillögur um breytta
starfshætti hennar. Ýmsir telja
að sr. Jón kunni að eiga stuðning
þeirra, sem vilja að ýmsum tillög-
um nefndarinnar verði hrint í
framkvæmd frekar en orðið er.
Sr. Ólafur Skúlason, vígslu-
biskup og dómprófastur, verður
sextugur í árslok. Hann er sóknar-
prestur í Bústaðasókn og hefur
verið drífandi í safnaðarstarfi.
Fyrr á áram var hann formaður
Prestafélagsins, og hann hefur
verið vígslubiskup um nokkurra
ára skeið. Sr. Ólafi þykir hafa
farizt stjóm stærsta prófasts-
dæmisins vel úr hendi og hann
er talinn hafa skipulagsgáfu og
fjármálavit, auk góðra tengsla við
veraldleg yfírvöld kirkjunnar.
Margir telja að hann eigi einna
helzt möguleika á sigri í fyrstu
umferð.
Sr. Sigurður Sigurðarson,
sóknarprestur á Selfossi, er 45
ára. Hann er þekktur sem formað-
ur Prestafélagsins, og það er
meðal annars talið honum til
tekna að hafa náð virðingu sem
sóknarprestur í bænum, þar sem
hann ólst upp, en einnig er mikill
kraftur í safnaðarstarfinu á Sel-
fossi. Þá kenndi sr. Sigurður um
skeið við Guðfræðideild Háskól-
ans, og mun því eiga stuðning
ýmissa yngri presta.
Gamla skiptingin í fijálslynda
guðfræðinga og íhaldssama, sem
setti svip á biskupskosningar á
áratugunum fyrir og eftir 1950,
er ekki talin til staðar lengur. Það
eru reynsla og hæfíleikar, sem
nú þykja skipta máli. Þá segja
margir, að aldur biskups komi við
sögu vegna þess að menn vilji
ekki hafa biskup of lengi í emb-
ætti. Reglan er að biskup situr
til sjötugs.
Þeir fjórir, sem sérstaklega
hafa verið nefndir til, hafa allir
átt mjög farsælan feril og hafa
aflað sér mikillar reynslu. Þá eru
þeir taldir eiga það sameiginlegt
að vera góðir ræðumenn — og
síðast en ekki sízt þykja þeir allir
einstaklega vel kvæntir.