Morgunblaðið - 05.02.1989, Blaðsíða 33
jnnír.’r
a J i \ ' 1 í r l } * r- 1 f > 1<H • ’ 1 - $ ’(VI
MORGUNBLAÐIÐ SUNNUDAGUR 5. FEBRÚAR 1989 C 33
Atvinnuhljómsveit
eflir tónlistarlífið
segir Jón Hlöðver Áskelsson um Kammerhljómsveit Akureyrar
Kammerhlj ómsveit Akureyrar heldur viðamikla tónleika
sunnudaginn 5. febrúar. Tónleikamir eru
helgaðir minningu bandaríska tónskáldsins Georgs
Gershwins en á síðastliðnu ári voru 90 ár liðin frá
fæðingu hans. Kammerhljómsveitin hefiir aldrei verið
Qölmennari en nu því 60 manns taka þátt í flutningnum.
Þessir tónleikar kammerhyómsveitarinnar marka að
ýmsu leyti tímamót því nýlega var stofnað
áhugamannafélag um rekstur hennar og binda
tónlistarmenn á Akureyri miklar vonir við framtíð
hljómsveitarinnar svo hún megi verða til þess að efla
tónlistarlíf bæjarins og treysta atvinnugnindvöll
akureyrskra tónlistarmanna. Jón Hlöðver Áskelsson,
skólasljóri Tónlistarskóla Akureyrar, er einn þeirra sem
unnið hafa ötullega að framgangi
Kammerhljómsveitarinnar og Morgunblaðið ræddi við
hann fyrr í vikunni um tilgang og markmið með slíkum
hljómsveitarrekstri á Akureyri.
etta er þriðja
starfsár Kammer-
hljómsveitar Akur-
eyrar og á síðast-
liðnu ári hélt
hljómsveitin
þrenna tónleika og sagði Jón
Hlöðver að áhugi væri mikill fyrir
hljómsveitinni meðal Akureyringa
og nefndi sem dæmi að aðsókn á
tónleika hljómsveitarinnar á
síðasta starfsári hefði tvöfaldast
frá hinu fyrra. Sagði Jón að unn-
ið væri markvisst að því að efnis-
skrá hljómsveitarinnar höfðaði til
sem stærsts áheyrendahóps en
einnig væri vandað til undirbún-
ings eftir föngum hverju sinni.
„Fólk hér á Akureyri er að átta
sig á því að með þeim kjarna tón-
listarmanna sem hér eru starfandi
er hægt að halda uppi mjög sóma-
samlegu tónlistarlífi,“ sagði Jón
Hlöðver. „Til þess að skapa’
þann kjama í tónlistarlífi sem
okkur er nauðsynlegur þurfum við
að hafa hér það sem kalla mætti
„hálf-atvinnumannahljómsveit“,
en slík hljómsveit er samsett ann-
ars vegar af tónlistarfólki sem er
starfandi hér sem kennarar og
hins vegar gestaleikurum hveiju
sinni. Það skiptir miklu að geta
boðið tónlistarmönnum sem hing-
að ráða sig til tónlistarkennslu
upp á þau kjör að auk kennslu-
starfa bjóðist sæti í hljómsveit
sem haldi fema, jafnvel fimm tón-
leika á ári, er viss trygging fyrir
því að okkur haldist á góðum og
hæfum kennumum hér á staðn-
um. Þetta tvennt styður hvað
annað þegar frammí sækir, hljóm-
sveitin og skólinn,“ sagði Jón
Hlöðver.
„Meginhugsunin á bakvið þetta
er sú að stuðía að uppgangi tón-
listarlífs hér í bænum og fmm-
forsendan á bakvið það er að geta
greitt tónlistarmönnunum fyrir
vinnu þeirra. Við höfum stigið
ákveðin skref með þessum tón-
leikum núna og greiðum öllum
gestum okkar laun fyrir þeirra
vinnu en því miður höfum við
ekki getað greitt heimamönnum.
En engu að síður er þetta áfangi
sem við höfum náð núna og rétt
að taka fram að við höfum notið
stuðnings bæði einstaklinga og
fyrirtækja."
— Þið hafið einmitt nýlega
stofnað Styrktarfélag um Kam-
merhljómsveit Akureyrar.
„Við vitum það að tónlistar-
mennimir einir eru ekki þess
megnugir að reka slíkt fyrirtæki
sem hljómsveitin er og nú nýiega
var stofnað Styrktarfélag Kam-
merhljómsveitar Akureyrar og
það er verið að ganga frá reglu-
gerð og lögum-þessa félags. Aðal-
hlutverk þess er að stuðla að vexti
og viðgangi þessarar hljómsveitar
og vekja sem mestan áhuga fyrir
starfí hennar og þeirri tónlist sem
hún er að flytja. Við bindum einn-
ig vonir við stuðning Akureyrar-
bæjar og höfum fengið loforð fyr-
ir slíku og grundvöllur hljómsveit-
arinnar verður ekki endanlega
tryggður fyrr en ríki og bær hafa
komið til móts við okkur. Við telj-
um að fyrsti áfangi sé í höfn þeg-
ar við erum komin inn á fjárlög
ríkisins og fjárhagsáætlun Akur-
eyrarbæjar."
— Stefnir í það?
„Við gerum okkur góðar vonir
um að það verði.“
— Á tónleikunum á sunnudag-
inn skipa 60 manns hljómsveitina.
Er það ekki nokkuð stærri hljóm-
sveit en fólk á venjast um kam-
merhljómsveit?
„Jú, þetta er nokkuð ruglandi
og við höfum velt þessu fyrir okk-
ur. í margra vitund eru kammer-
hljómsveitir mun fámennari og
einnig að hún sé miklu bundnari
við þrengra verkefnaval en við
höfum boðið upp á til þessa. En
ef við lítum á erlenda orðið „cham-
ber orchestra“ þá kemur í ljós að
slíkar hljómsveitir telja oft 60-70
manns.“
— Er þá að spretta upp vísir
að sinfóníuhljómsveit á Akureyri?
„Ef við gætum notað orðið „sin-
fóníetta" þá myndi það eiga mjög
vel við því efnisskrá hljómsveitar-
innar til þessa hefur spannað
bæði sinfóníska tónlist og óperu-
tónlist auk hefðbundinnar kam-
mertónlistar. Það má alveg geta
þess að Kammerhljómsveit Akur-
eyrar er á stærð við Sinfóniu-
hljómsveit íslands eins og hún var
í upphafí."
— Hafið þið úr nægilegum
fjölda hljóðfæraleikara að spila til
að geta mannað sómasamlega
hljómsveit af þessari stærð?
„Já, það höfum við. Hljómsveit-
ina skipa í fyrsta lagi tónlistar-
kennarar hér á Akureyri og þeir
-eru u.þ.b. 20 talsins. I öðru lagi
er um að ræða þá nemendur Tón-
listarskólans sem lengst eru
komnir og í þriðja lagi er um
gesti að ræða og flestir þeirra
hafa komið frá Reykjavík. En við
höfum einnig reynt að fá hingað
tónlistarmenn sem eru starfandi
við kennslu á hinum ýmsu stöðum
á landinu og hafa þörf og löngun
til að spila í hljómsveit sem þess-
ari. Sem dæmi um slíkt má nefna
að við höfum fengið til liðs við
okkur að þessiT sinni stúlku sem
er fíðlukennari á ísafirði.“
— Hvert stefnið þið síðan með
Kammerhljómsveit Akureyrar?
„Okkar stærsta mál er að geta
komið hljómsveitinni á þann.
grunn að við getum gert áætlanir
fram í tímann. Það er alveg útilok-
að að taka ákvörðun um tónleika
með stuttum fyrirvara. Það þarf
að útvega nótur, það þarf að æfa
og það þarf að útvega hljóðfæra-
leikara en margir eru bundnir
langt fram í tímann hveiju sinni.
Þá er ég fyrst og fremst að tala
um einleikara, einsöngvara og
stjómendur sem við viljum fá til
liðs við okkur. Frumþáttur í þessu
starfi er að treysta rekstrargrund-
völl þessarar hljómsveitar. Okkar
markmið er síðan það að þessi
hljómsveit verði auk tónlistar-
kennslu sá þáttur sem laði góða
tónlistarmenn til starfa hingað á
Akureyri," sagði Jón Hlöðver
Áskelsson í lok þessa samtals um
Kammerhljómsveit Akureyrar.
Viðtal/Hávar Sigurjónsson
Gershwintónleikar
áAkureyri
Kristinn Orn Kristinsson leikur Rhapsody
in Blue með Kammerhljómsveit Akureyrar
Aefnisskrá tónleik-
anna em
Rhapsody in Blue
ásamt sönglögum
og dúettum úr
söngleiknum
Porgy and Bess. Einnig verða flutt
létt lög útsett fyrir sinfóníska
hljómsveit og rafmagnshljóðfæri.
Einleikarinn á þessum tónleikum
er Kristinn Örn Kristinsson, 31 árs
gamall Eyfirðingur sem stundaði
sitt tónlistarnám á Akureyri fram
til 20 ára aldurs. Kristinn lauk loka-
prófi frá Tónlistarskóla Akureyrar
og stúdentsprófi frá MA vorið 1977
og nam síðan við Tónlistarskólann
í Reykjavík í einn vetur hjá Mar-
gréti Eiríksdóttur. Framhaldsnám
stundaði Kristinn síðan við Sout-
hern Ulinois University í Banda-
ríkjunum og lauk þaðan BA prófi
1979 og stundaði síðan frekara
framhaldsnám um tveggja ára skeið
við St. Louis Conservatory of Music
hjá Joseph Kalichstein. Kristinn
hefur starfað sem tónlistarkennari
á Akureyri frá því 1982 og er nú
yfírkennari við Tónlistarskóla Ak-
ureyrar.
Aðspurður um tónleikahald til
þessa sagði Kristinn Örn það hafa
verið mestan part fólgið í meðleik
með einsöngvurum og einnig hefði
hann komið fram í útvarpi með
Þuríði Baldursdóttir söngkonu.
„Fyrst eftir að ég kom heim fór ég
þó nokkuð ásamt öðrum um ná-
grannabyggðirnar og hélt tónleika
en kennslan hefur tekið drýgstan
tíma minn frá þvi ég kom heim frá
námi. „Það má alveg segja að þetta
sé stærsta einleikaraverkefnið mitt
til þessa síðan ég lauk námi. Þegar
um aðeins einn konsert er að ræða
þarf að hafa hutfallslega meira fyr-
ir honum en ella. Það er í rauninni
auðveldara að spila marga konserta
á ári en aðeins einn. Auðvitað skap-
ar maður sér tækifærin sjálfur en
það er misjafnt hvað fólk hefur
mikinn tíma til slikra hluta. Ég hef
t.d. getað dregið aðeins úr kennslu
í vetur og þá hefur gefíst meiri tími
til æfinga og undirbúnings fyrir
þessa tónleika."
— En hvemig verk er Rhapsody
in Blue?
„Þetta er rapsódía fyrir píanó og
hljómsveit og tekur 15 mínútur í
ilutningi. Þetta er mjög skemmti-
legt verk og liggur svolítið á milli
jasstónlistar og klassískrar tónlistar
— það koma fram sterk áhrif úr
hvoru tveggja."
— Er þetta erfítt verk fyrir ein-
leikara?
„Já, það er á köflum tæknilega
erfítt og svo er líka í því dálítið
H Kristinn Örn Kristinsson píanóleikari. (Morgunbiaðið/RúnarÞðr)
erfíður taktur en á hinn bóginn er
það kannnski ekki erfítt í saman-
burði við stóra píanókonserta í
mörgum köflum.“
— Ertujassáhugamaðursjálfur?
„Ég get ekki sagt að ég spili
jass en mér finnst gaman að honum
og tónlist Gershwins finnst mér
sérstaklega skemmtilegt að spila,“
sagði Kristinn Örn Kristinsson í lok
þessa spjalls.
Þess má að lokum geta að stjóm-
andinn Erik Tschentscher er dansk-
ur og er þekktur jasstónlistarmaður
á Norðurlöndum. Hann hefur starf-
að sem 1. trompetleikari við jass-
hljómsveit og Big band danska út-
varpsins um 15 ára skeið og einnig
hefur hann gegnt sömu stöðu í ein
18 ár við Tívolíhljómsveitina í Kaup-
mannahöfn. Tschentscher lék einn-
ig 1. trompet í hinni víðfrægu jass-
hljómsveit Thad Jones „Eclipse".
Erik Tschentscher hefur stjórnað
mörgum stórsveitum og lúðrasveit-
um og getið sér gott orð sem stjórn-
andi. Kynni Akureyringa af
Tschentscher hófust sl. sumar er
stórsveit Tónlistarskólans á Akur-
eyri tók þátt í námskeiði í Randers
í Danmörku, vinabæ Akureyrar, og
var Erik leiðbeinandi og stjórnandi
þar. Þetta er í fyrsta skipti sem
Erik Tschentscher kemur fram á
tónleikum á íslandi.