Morgunblaðið - 21.09.1989, Page 23

23
MORGUNBLAÐIÐ FIMMTUDAGUR 21. SEPTEMBER 1989
Angólska sendineihdin fyrir utan Höfða. Á myndinni eru talið frá
vinstri dr. Adáo Kapilango, Waldemar dos Santos, og Garcia Neto.
Hugmyndir um sparnað
sem bitna ekki á nauðsyn-
legri þjónustu á að ræða
- segir Sverrir Bergmann varaformaður Læknafélags Islands
„ÉG ER þeirrar skoðunar að allar hugmyndir, sem hafa í for með sér
sparnað í kerfmu og bitna ekki á nauðsynlegri þjónustu, eigi að ræða
af heilum hug af báðum aðilurn," sagði Sverrir Bergmann, varaformað-
ur Læknafélags íslands og formaður samninganefhdar sjúkraliús-
lækna, þegar hann var inntur álits á hugmyndum heilbrigðisráðherra
um sparnað í heilbrigðiskerflnu, sem fela meðal annars í sér gagnger-
ar breytingar á uppbyggingu sérfræðiþjónustunnar.
„Það er þegar í gildi takmörkun
á því hvað sérfræðingar í fullu
starfi geta unnið á eigin stofu. Þar
er nú rniðað við mest 40 stundir á
mánuði og mér finnst einnig koma
til greina að setja einhveijar hlið-
stæðar reglur fyrir þá sem eru í
hálfu starfi eða meira á sjúkrahús-
um. Ég hef lengi verið þeirrar skoð-
unar að það megi koma sérfræði-
þjónustunni öðruvísi og betur fyrir,
þannig að hún geti orðið eitthvað
ódýrari en hún er í dag án þess að
gæðin minnki. En ég tel að það sé
mjög óheppilegt að draga algjör
skil milli sjúkrahúslækna og sér-
fræðinga á stofu. Mér finnst að
læknasamtökin eigi að vera til við-
ræðu um fyrirkomulag sem tryggir
nauðsynlega þjónustu og er eins
.hagkvæmt og kostur er. Menn get-
ur svo greint á um hvað sé nauðsyn-
leg þjónusta. En hinu má ekki
gleyma að eins og sérfræðiþjónust-
an er í dag er hún í raun mjög
góð, vafalaust betri en gei'ist nokk-
urs staðar, þótt hún sé ekki fullkom-
in. Miðað við gæði má alltaf deila
um hvort kostnaðurinn sé svo mik-
ill. Laun okkar sem sérfræðinga eru
í rauninni lág en á móti kemur að
við höfum haft öniggar greiðslur.
En þegar hart ei' í ári líta menn á
alla útgjaldaliði og mér finnst sjálf-
sagt að gera það. Það er með lækna
eins og aðra að það getur komið
að því að þeir verði of margir á
þessu sviði eða hinu. Þá standa
menn frammi fyrir því að lítið sé
að gera.
Ég tel það einnig æskilegt á leið
til sparnaðar í heilbrigðiskerfinu að
rekstri stóru sjúkrahúsanna verði
þannig fyrir komið að hann verði
sem hagkvæmastur. Á milli þeirra
þarf að vera sem skýrust verka-
skipting og sömuleiðis að þar væri
góð samvinna um tækjabúnað og
tækjakaup þannig að spítalarnir
noti dýr tæki sameiginlega. Það
þarf að koma því þannig fyrir að
spítalarnir sem hér eruj"áði sameig-
inlega yfir eins góðum tækjakosti
og mögulegt er, þannig að við drög-
umst ekki langt afturúr. Við erum
komnir svolítið afturúr með vissa
rannsóknartækni sem skiptir mali
bæði uppá meðferð sjúklinga og
með tilliti til öflunar þekkingar sem
kemur að gagni til að fyrirbyggja
sjúkdóma en sá tæknibúnaður er
dýr og okkur nægir að hafa hann
á einum stað,“ sagði Sverrir Berg-
mann.
Sjálfstæðismenn á Vestgörðum:
Núverandi kvótakerfí
verði lagt niður
KJÖRDÆMISRÁÐ Sjálfstæðisflokksins á Vestfjörðuni hélt aðalfrind
sinn á ísafirði fyrir skömmu. Var þar Iýst yfir harðri andstöðu við
ríkisstjórnina og lögð áhersla á að sjálfstæðismenn þyrftu að standa
saman sem órofa heild í baráttu fyrir endurreisn atvinnulífsins og
breyttri efnahagsstjórn. Aðgerðir til að treysta búsetu á lands-
byggðinni voru einnig ræddar og meðal annars lagt til að núver-
andi fyrirkomulag í kvótamálum yrði lagt niður.
Umræður á aðalfundinum sner-
ust einkum um stjórnmálaástandið
og stöðu landsbyggðarinnar. í
stjórnmálaályktun fundarins segir
Morgunblaðið/Júlíus
Knut Hanschke, yfirmaður
þýska ferðamálaráðsins á Norð-
urlöndum. Hann tekur um
næstu mánaðamót við starfi
flugvallarstjóra í Saarbriicken.
Knut Hánschke sagði að lokum,
að hann myndi sakna ferðanna til
íslands. „Hérna er gott fólk, sem
ánægjulegt er að eiga samskipti
við. Islendingar eru heiðarlegir og
hreinskiptnir og ekki í eðli þeirra
að ljúga. Þessir eiginleikar þeirra
gerðu starf mitt bæði ánægjuiegt
og auðvelt."
meðal annars, að núverandi ríkis-
stjórn hafi á stuttum ferli sínum
fylgt efnahagsstefnu, sem sé
hættuleg atvinnulífinu. Linnulausar
verðhækkanir að undanförnu stafi
. af óhönduglegri stjórnarstefnu, at-
vinnulífið sé víða verr statt en
nokkru sinni fyrr og fullkominn
óvissa ríki um framtíð heilla byggð-
arlaga. Þrátt fyrir að skattheimta
hafi aukist um marga milljarða sé
ríkissjóður rekinn með stórfelldum
halla og í fyrsta skipti í mörg ár
geri atvinnuleysi nú vart við sig
me_ð alvarlegum hætti.
í ályktuninni segir að Sjálfstæð-
isflokkurinn sé sem fyrr reiðubúinn
að axla ábyrgð við stjórn landsins
og er stefnumótun þingflokksins í
efnahags- og atvinnumálum fagn-
að, einkanlega nýmælum varðandi
skráningu gengis. Krafist er ráð-
stafana til að treysta búsetu á
landsbyggðinni; að núverandi
kvótafyrirkomulag verði afnumið,
samgöngur verði treystar, unnið að
bættri þjónustu á sviði mennta- og
heilbrigðismála, fjárhagsstaða
minni sveitarfélaga tryggð og
skipulagi landbúnaðarmála verði
breytt, meðal annars þannig að
aukið tillit verði tekið til staðar-
kosta og aðstæðna.
Á fundinum var kjörin stjórn
kjördæmisráðsins og skipa hana
Guðmundur Sævar Guðjónsson frá
Bíldudal, formaður, Geirþrúður
Charlesdóttir, ísafirði, Óli M.
Lúðvíksson, ísafirði, Þórir Örn Guð-
mundsson, Þingeyri og Björg Guð-
mundsdóttir, Bolungarvík.
Morgunblaðið/Björn Blöndal
íþróttahúsið við Siinnubraut í Keflavík. Nýi íþróttasalurinn er í við-
byggingunni sem er hægra megin á húsinu og er gólfflötur hans
18 x 33 m.
Keflavík:
Nýr íþróttasalur
tekinn í notkun
NÝR íþróttasalur var formlega
tekinn í notkun við hátíðlega at-
höfn nýlega. Nýi salurinn er í
nýbyggðri viðbyggingu við
íþróttahúsið við Sunnubraut og
*
Akvörðun um gerð vegar
yfir Gilsflörð í sjónmáli
Midhúsum, Reykhólasveit.
SAMSTARFSNEFND um veg yfir Gilsfjörð boðaði til fiindar sem hald-
inn var í Vogalandi í Króksfjarðarnesi fóstudaginn 15. september. Á
fundinn mættu samgönguráðherra, Steingrímur Sigfússon, allir þing-
menn úr Vesturlandskjördæmi og einn þingmaður úr Vestljarðakjöi'-
dæmi en hinir þingmennirnir voru búnir að ráðstafa sér annað. Einn-
ig voru mættir þrír verkfræðingar frá Vegagerðinni, sýslumaður
Dalamanna og sveitarstjórnarmenn úr Dalasýslu og Reykhóalhreppi.
Reinhard Reynisson sveitarstjóri
Reykhólahrepps setti fund og bauð
gesti velkomna og setti Sigurð þó-
rólfsson, Innri-Fagradal fundar-
stjóra og stjórnaði hann fundi með
röggsemi. Sigurður Rúnar Friðjóns-
son mjólkunrbússtjóri í Búðardal
hélt framsöguerindið. Til máls tóku
flestir þingmenn, verkfræðingarnir,
samgönguráðherra, sýslumaður
Dalamanna og sveitarstjóri Reyk-
hólahrepps. Einhugur var um að
reyna að vinna sem best að því að
hægt yrði að hefjast handa eins fljótt
og auðið væri og allar áætlanir yrðu
tilbúnar fyrir áramótin 1990-1991.
Verkfræðingarnir töluðu um þijá
valkosti og leist mönnum best á
þann kost að leggja veg frá Kaldr-
ana í Dalasýslu yfir Gilsfjörð að
Króksfjarðarnesi og setja affallsbrú
við norðurenda vegarins. þá yrði
Gilsfjörður gerður að fallegu stöðu-
vatni, og leiðin á milli mundi stytt-
ast um 17 kílómetra. Þessi vegar-
gerð er alldýr og mun vera til laus-
leg áætlun um að þessi framkvæmd
kosti um hálfan milljarð króna.
Tvær tillögur komu fram. Onnur
var þess efnis að ttyggja nægilegt
fjármagn til rannsókna og hönnunar
svo ijúka megi undirbúningsvinnu
og taka ákvörðun um vegargerð yfir
Gilsfjörð á árinu 1990. Hin tillagan
var um snjómokstur á leiðinni Búð-
ardalur - Reykhólar, að hann yrði
samræmdur og aukinn. Báðar þessar
tillögur voru samþykktar samhljóða.
Sveinn
er 18 x 33 m að stærð auk 30 fer-
metra geymslu. Með tilkomu nýja
íþróttasalarins vænkast hagur
íþróttafólks í Keflavík verulega
því erfitt var orðið að fá tíma og
dæmi voru um að menn færu til
Sandgerðis til æfinga.
Helgi Hólm formaður bygginga-
nefndar afhenti bæjarstjórn
Keflavíkur nýja íþróttasalinn við
hátíðlega athöfn sem fram fór á
Flughótelinu og síðar um daginn
fór fram hátíðardagskrá í nýja og
gamla íþróttasalnum og meðal
þeirra sem þar komu fram var 90
manna danskur unglingakór frá
Svenstrup í Danmörku sem var í
heimsókn í Keflavík á vegum Rot-
ai-yklúbbs Keflavíkur.
Við afhendingu hins nýja salar
kom fram í máli Helga Hólm að
framkvæmdir við viðbygginguna
hefðu staðið í eitt ár, kostnaður
hefði verið rúmlega 31,5 milljónir
og þar af væri búið að greiða lið-
lega 8 milljónir. Nýi salurinn er 650
fermetrar að flatarmáli, en 5.626
rúmmetrar. Búningsklefar og ann-
að sameiginlegt rými var þegar
fyrir hendi í íþróttahúsinu sem tek-
ið var í notkun árið 1980. Aðalverk-
taki við byggingu hússins var
Steinsmíði hf. í Nj'arðvík.
BB