Morgunblaðið - 16.02.1990, Blaðsíða 16

16
MORGUNBLAÐIÐ FÖSTUDAGUR 16. FEBRÚAR 1990
Endurbyggingin
eftir Václav Havel
Sérstök hátíðarsýning á laugardag
VEGNA þeirra tíðinda sem gerðust í Tékkóslóvakíu í lok síðasta
árs var ákveðið að setja nýjasta verk Václavs Havel, „Asanace", sem
á íslensku nefiiist Endurbygging, á dagskrá Þjóðleikhússins á þessu
leikári. Þjóðleikhúsið keypti sýningarrétt á verkinu sl. vor og hafði
það þá hvergi verið sýnt, enda verk Havels verið bönnuð í Tékkósló-
vakíu í um 20 ár. Frumsýning verður föstudaginn 16. febrúar kl.
20. Ziirich Schauspielhaus í Sviss frumsýndi Endurbyggingu sl. sept-
ember.
’Leikritið Endurbygging gerist í
miðaldakastala í nútímanum. Þar
hefur starfsfólki teikni- og skipu-
lagsstöðvar verið valinn staður.
Hlutverk þess er að undirbúa end-
urskipulagningu og rif húsa á
staðnum, einkum gamals þorps,
sem umlykur kastalann. Mikil tog-
streita myndast á milli verndunar-
sjónarmiða og sjónarmiða vald-
hafa. Inn í hugsjónir og starf fólks-
ins blandast tilfmningar, ástir og
draumar, en óttinn litar alla af-
stöðu þess.
Leikstjóri er Brynja Benedikts-
dóttir, Jón R. Gunnarsson þýðir
leikritið úr frummáiinu, Siguijón
Jóhannsson teiknar leikmynd og
búninga og Páll Ragnarsson sér
um lýsingu. í aðalhlutverkunum
eru Erlingur Gíslason, Helga Jóns-
dóttir, Jóhann Sigurðarson, Sigurð-
ur Siguijónsson, Jón Símon Gunn-
arsson, María Ellingsen, Þór Thul-
inius og Þórunn Magnea Magnús-
dóttir en í öðrum hlutverkum Edda
Þórarinsdóttir, Hákon Waage, Lilja
Guðrún Þorvaldsdóttir, Pálmi
Gestsson, Randver Þorláksson og
Öm Amason. Sigurður Rúnar
Jónsson sér um fiðluleik og Sylvia
von Kospoth æfði evrópska dansa.
Václav Havel hefur verið einn
þekktasti andófsmaður Tékkóslóv-
akíu síðustu tvo áratugi og helsti
talsmaður hinnar miklu og öflugu
fjöldahreyfingar sem kom úr felum
er einræði kommúnista var steypt
af stóli í nóvember 1989. Havel var
kosinn forseti Tékkóslóvakíu þann
29. desember sl.
Ætla mætti að skáldverk slíks
manns væm lítið annað en vitnis-
burður um hinn sérstæða heim
andófsmanna, en Havel rís hærra
og verður að teljast í hópi merk-
ustu samtímaleikskálda í Evrópu.
Um það bera fyrri verk hans vitni
sem sýnd hafa verið víða um heim
eins og Garðveisla (1963), Minnis-
atriði (1965), Það verður sífellt
erfiðara að einbeita sér (1968), röð
einþáttunga eins og Mótmæli (sýnt
í Þjóðleikhúsinu 1981), Opnunin
(leikið í útvarpi 1980) og Viðtalið
(leikið í útvarpi 1984 og 1990) og
nýjustu leikritin Largo desolato
(1984), Pokusení (Freistingin,
1985) og Endurbygging (Asanace,
1987).
Havel var leiklistar- og bók-
menntaráðunautur við eitt fram-
Úr Endurbyggingunni, f.v.: María Ellingsen, Helga Jónsdóttir og
Erlingur Gíslason.
sæknasta leikhús Austur-Evrópu,
Leikhúsið við grindverkið, í Prag
frá 1962-1968. Það leikhús var
talið frumuppspretta þeirra frelsis-
hugmynda sem kveiktu „Vorið í
Prag“ 1968 og voru í því sambandi
nefndir leikhússtjórinn Grossmann
og Havel. En einmitt þegar Havel
var orðinn vinsælt leikskáld þæði
heima og erlendis (tvö verka hans
hafa hlotið t.d. hin eftirsóttu Obie-
verðlaun í Bandaríkjunum) var
honum bannað að birta verk sín í
heimalandinu frá 1969 og mátti
síðan oft sæta fangelsun. Eini
möguleiki Havels eins og annarra
leikskálda í sömu stöðu þá voru
lokaðar sýningar, leynileg útgáfa
og að smygla verkum sínum úr
landi.
Milan Kundera hefur sagt um
Havel að upphafið að listamanns-
ferli hans hafi verið kímnigáfan.
Og kímnigáfan þýði: efahyggja.
Og efahyggja þýði líka: sjálfsháð.
Þjóðleikhúsið hafði boðið leik-
skáldinu að köma á sýninguna áður
en hann varð forseti, en eftir að
hann varð forseti yfirtók forseta-
embættið boðið sem hann þáði og
verður Havel því viðstaddur sér-
staka hátíðarsýningu laugardaginn
17. febrúar.
(Frétt frá Þjóðleikhúsinu)
Landspítalinn:
Þjófiiaður
úr fataskáp
starfsmanns
LEÐURJAKKA var stolið úr
fataskáp starfsmanns Landspít-
alans á mánudag. Slíkir þjóftiað-
ir úr ýmsum stoftiunum og fyrir-
tækjum hafa verið algengir und-
anfarið.
Samkvæmt upplýsingum lög-
reglunnar hefur starfsfólk Lands-
pítalans oftar en einu sinni vísað
á brott fólki, sem hefur verið að
þvælast þar sem starfsfólki einu
er heimill aðgangur.
Þjófnaðir úr bifreiðum hafa
einnig verið algengir. Á mánudag
var handtaska tekin úr framsæti
bifreiðar við barnaheimilið Lauga-
borg við Laugalæk.
Kona, sem átti töskuna, skrapp
stutta stund inn á heimilið, en á
meðan var taskan gripin úr ólæstri
bifreiðinni.
í töskunni var ávísanahefti,
skilríki og um eitt þúsund krónur
í peningum.
Lögreglan beinir þeim tilmælum
til fólks, að það skilji verðmæti
ekki eftir sýnileg í bifreiðum, læsi
alltaf og gangi úr skugga um að
allar hurðir séu læstar og rúður
dregnar upp.
Þá bendir lögreglan á, að veski
og töskur, sem innihalda peninga,
ávísanahefti, persónuskilríki og
greiðslukort, á aldrei að skilja eft-
ir í bílum.
ALÞJOÐLEGIR
*H ANDBC$)LTADAGARH*
GARÐABÆ
DAGANA= 16., 17. og 18. FEBRÚAR
Eftirtalin lið taka þátt í niótinu:
A-riöill B-riðill
1. Ungl.landslið íslands 1. K.R.
2. U.S.A. 2. Grótta
3. Stjarnan 3. Valur
Auk þess verður leikið í 5. flokki drengja.
Lið: Stjarnan, Víkingur, U.B.K. og Í.R.
Leikjaskrá
Sunnudanuf 18. lebrúar:
Kl. 18:00 Laugardalshöll
Kl. 18:00 Garðabær
Lauuardanur 17. lebrúar:
Kl. 11:00 Garðabæ 5.II.
Kl. 11:40 Garðabæ S.fl.
Kl. 13:00 Garðabæ
Kl. 14:00 Kef.flugv.
Kl. 14:20 Garðabæ 5.II.
Kl. 15:00 Garðabæ 5JI.
Kl. 15:45 Garðabæ
Kl. 17:10 Garðabæ
U.S.A. - Stjarnan
K.R.' - Valur
Stjarnan - Víkingur
U.B.K. - Í.R.
Grótta - Valur
U.S.A. - Ungl.landsl.
Vlklngur - U.B.K.
Stjarnan - Í.R.
Grótta - K.R.
Stjarnan - Ungl.landsl.
Kl. 13:00 Garðabæ
Kl. 14:15 Garðabæ
Kl. 15:00 Garðabæ
Kl. 16:40 Garðabæ
Kl. 17:20 Garðabæ
Kl. 19:00 Garðabæ
Kl. 20:30 Garðabæ
Lið nr. 1 í A-riðli - Lið nr. 2. í B-riðli
Lið nr. 1 í B-riðli - Lið nr .2. i A-riðli
Leikur um 5. sæti
Víkingur- Í.R.
Leikur um 3. sæti
Stjarnan - U.B.K.
Leikur um 1. sæti
5.II.
5.(1.
Verðiaun:
Lsæti 100.000,- krónur
2. sæti 50.000,- krónur
3. sæti 25.000,- krónur
Ókeypis aðgangur er á föstudagskvöldið í Garöabæ á leik Vais og K.R.
Laugardag og sunnudag verða seldir miðar sem gilda allan daginn.
Miðaverð er 300,- krónur og ókeypis fyrir börn 12 ára og yngri.
BUNAÐARBANKINN
UTIBU GARÐABÆ
Vaxtaleiðréttingin
óskyld kaupunum
á Samvinnubanka
- segir Lúðvík Jósepsson bankaráðsmaður
LÚÐVÍK Jósepsson, fúlltrúi Alþýðubandalagsins í bankaráði Lands-
bankans, segir að hugsanleg vaxtaleiðrétting til Sambands íslenskra
samvinnufélaga sé alls óskyld kaupum Landsbankans á hlut SÍS í Sam-
vinnubankanúm.
Á bankaráðsfundi Landsbankans
á miðvikudag lagði Friðrik Sophus-
son fulltrúi Sjálfstæðisflokksins fram
tillögu um að ekki yrði greiddir vext-
ir af kaupverði hlutabréfa SÍS í Sam-
vinnubankanum, þar sem slík vaxta-
leiðrétting sé ekki í samræmi við
bindandi kauptilboð bankaráðs frá
29. desember sl.
Lúðvík Jósepsson, sem hefur ekki
viljað fallast á að slík leiðrétting yrði
reiknuð inn í kauptilboð Landsbank-
ans, stóð með fulltrúum Alþýðu-
flokks og Framsóknarflokks að fráv-
ísunartillögu á tillögu Friðriks.
Lúðvík sagði við Morgunblaðið, að
frávísunartillagan bæri það með sér
að ekkert væri lagt fyrir bankastjór-
ana um hvað þeim bæri að gera. Það
væri túlkun Friðriks Sophussonar að
bankastjórunum væri gert að greiða
Sambandinu upphæð sem svaraði til
vaxta, en þeirri túlkun hefði verið
mótmælt af sér og mörgum fleirum.
—Hvers vegna studdir þú þá ein-
faldlega ekki tiliögu Friðriks?
„Það var vegna þess að við vorum
búin að afgreiða málið. Það var búið
að samþykkja að kaupverðið væri
605 milljónir og ekkert annað. Hitt
væri allt annað mál sem ekki flokk-
uðust undir kaupin. Við höfum gert
grein fyrir því áður,.að vextir sem
tengjast kaupverðinu koma ekki til
greina. En beiðni stórs viðskiptavinar
um vaxtaleiðréttingu er sjálfsagt að
vísa til bankastjóra sem verða að
leggja mat á þá beiðni.“
—Þú metur það þá svo að þetta
séu óskild mál?
„Það kemur fram í okkar tillögu
að þetta eru tvö mál, alveg óskild.
Hvað sem líður hagsmunum ein-
stakra aðila þá neitum við því að
kaupverðið sé neitt annað en þessar
605 milljónir króna. Það þýðir að
kaupverð þeirra 48% hlutabréfa, sem
eftir eru af Samvinnubankanum
reiknast út frá því, ef þau verða
keypt,“ sagði Lúðvík Jósepsson.
Jón Hallur Stefánsson
Ljóðakver eflt-
ir Jón Hall
Stefánsson
Jón Hallur Stefánsson hefur
sent frá sér kvæðabók og ber hún
naíúið Tángó.
Þetta er þriðja ljóðakver höfund-
arins en þar fyrir utan stóð hann
nýverið fyrir útgáfu hljómplötunnar
„13 tímar og fleiri lög“ ásamt
hljómsveitinni Lestir frá Reykjavík.
í bókinni eru tuttugu órímuð ljóð
um ástina.