Morgunblaðið - 16.02.1990, Blaðsíða 17

MORGUNBLAÐIÐ FÖSTUDAGUR 16. FEBRÚAR 1990
17
Frá æfíngu á Carmina Burana sein frumsýnd verður í íslensku óperunni föstudaginn 23. febrúar.
Islenska óperan:
Frumsýning Carmina
Burana og Pagliacci
ISLENSKA óperan frumsýnir Car
1982) og Pagliacci eftir Ruggiero
inn 23. febrúar næstkomandi.
Carmina Burana er sviðsverk
fyrir kór, einsöngvara, dansara og
hljómsveit. Tónlistin einkennist af
kraftmikilli hrynjandi, gáska og
spennu. Ljóðin eru úr handriti frá
því um þrettánhundruð sem fundust
í byijun 19. aldar í klaustrinu Bene-
diktbeuren í Bæjaralandi. Þaðan er
nafnið dregið Carmina Burana:
kvæði frá Beuren. Höfundar eru
ókunn farandskáld sem yrkja um
hverfulleika hamingjunnar, ástir og
glasaglaum. Efniságrip Ijóðanna er
prentað í leikskrá. Sjö dansarar úr
Islenska dansflpkknum dansa í
verkinu. En kór íslensku óperunnar
leikur aðalhlutverkið í sýningunni,
hann lætur sér ekki nægja að
syngja, heldur túlkar tónlist og
texta með hreyfingum. Slíkt sam-
spil söngs og hreyfilistar hefur ekki
verið sviðsett áður á íslandi. Höf-
undur dansa og kórhreyfinga er
Terence Etheridge. Einsöngvarar
eru Akureyringurinn Michael Jón
Clarke, Sigrún Hjálmtýsdóttir og
Þorgeir J. Andrésson.
Operan Pagliacci (Trúðarnir) var
frumsýnd í Mílanó 1892 og fékk
þá strax stórkostlegar móttökur.
Þetta er stutt ópera í tveimur þátt-
um. Texta óperunnar samdi Leon-
mina Burana eftir Carl Orff (1895-
Leoncavallo (1858-1919) föstudag-
cavallo sjálfur, en hann lagði stund
á bókmenntanám jafnframt tónlist-
inni. Hann sótti efniviðinn í
bernskuminningar sínar. Hópur
gamanleikara kemur í sveitaþorp á
Suður-Ítalíu, þorpsbúar fagna ák-
aft, þeim er boðið á leiksýningu þá
um kvöldið. Saklaus gamanleikur
snýst upp í harmleik. Pagliacci er
sýnd með íslenskum skjátexta.
Englendingurinn Basil Coleman
leikstýrir Pagliacci._ Einsöngvarar
eru Garðar Cortes, Ólöf K. Harðar-
dóttir, Keith Reed, Sigurður Björns-
son og Simon Keenlyside. Hljóm-
sveitarstjórar eru David Angus og
Robin Stapleton. Nicolai Dragan
gerði báðar sviðsmyndir og búninga
í Carmina Burana en Alexander
Vassiliev búninga í Pagliacci. Lýs-
ing er í höndum Jóhanns B. Pálma-
sonar. Sýningarstjóri er Kristín
Kristjánsdóttir. Alls taka 130
manns þátt i sýningunni. Miðasala
er opin daglega frá kl. 15—19.
Hafsteinn Austmann ásamt nokkrum verka sinna.
Vestlendingar ræða samgöngu- og byggðamál:
Langtímaáætlanir
í vegagerð standist
STJÓRN Búnaðarsambands Borgarfjarðar boðaði sveitarstjórnar-
menn, alþingismenn Vesturlands og forystumenn Vegagerðarinnar í
Borgarnesi til fúndar á Hótel Borgarnesi um samgöngu- og byggða-
mál fyrir nokkru. Bjarni Guðráðsson í Nesi, formaður Búnaðarsam-
bands Borgarfjarðar, stjórnaði ftmdi og lagði fram fróðlega skýrslu
um íbúafjölda í sýslunum 1981—1989, fjölda lögbýla með fullvirðis-
rétt, bústærð í ærgildum 1989 og búfjárfjölda.
Birgir Guðmundsson, umdæmis-
verkfræðingur Vegagerðar ríkisins
á Vesturlandi, hafði framsögu um
vegamál. í erindi hans kom fram,
að samkvæmt löngu samþykktri
vegaáætlun þá skyldi veija
2,2—2,4% af vergri þjóðarfram-
leiðslu til vegamála. Arið 1972
komst framlagið upp í 2,35%, en
síðan hefur stöðugt dregið úr fjár-
framlögum, og varð einungis 1,16%
1987 og 1,20% 1988. Af heildarfjár-
magni til vegagerðar á árinu 1989
fóru um 14% til Vesturlands.
í ár horfir heldur dapurlega um
fjárveitingar til þessarar lífæðar
dreifbýlisins, sem vegaframkvæmd-
irnar eru, því ríkisvaldið hefur skert
vegafé um 30% miðað við það sem
samþykkt var í vegaáætlun í maí
1989. 600 milljónir er bein skerð-
ing, og um 400 milljónir þarf að
greiða í virðisaukaskatt til ríkissjóðs
á árinu 1990 af vegaframkvæmd-
um. Fundarmenn lýstu áhyggjum
af horfum í atvinnu- og byggðar-
málum. Hvöttu þó til að gefast
ekki upp, heldur að snúa vörn í
sókn.
Engar samþykktir voru gerðar í
fundarlok, en ef dregið er saman,
það sem fram kom hjá málflytjend-
um, þá er það þetta: Varað er við
innflutningi landbúnaðarvara
þ.e.a.s kjöt og mjólkurvörur. Staðið
verði við langtímaáætlanir í vega-
gerð, og þar með verði hægt að
efla og bæta vegakerfið innan-
■ í ÁSMUNDARSAL við
Freyjugötu, stendur nú yfir sýning
þeirra Bjarna Ragnars Haralds-
sonar og Ullu Hosford. Sýning-
unni lýkur sunnudaginn 18. febrú-
ar.
■ SEINASTA sýningarhelgi á
vatnslitamyndum Hafsteins Aust-
manns í sýningarsal FÍM að Garða-
stræti 6 fer nú í hönd. Þetta er 11.
einkasýning Hafsteins, en hann
hefur tekið þátt í fy'ölda samsýninga
hér heima og erlendis. Hafsteinn
Austmann hefur um árabil verið
kennari við Myndlistar- og hand-
íðaskóla íslands. Hann er formað-
ur Félags íslenskra myndlista-
manna og í safnráði Listasafns
Islands.
héraðs með lagningu bundins slit-
lags á útvegi, sem náð hafa ákveð-
inni umferð, jafnhliða þjóðbrautum
og stofnbrautum. Vegagerð ríkisins
fari að óskum sveitarstjórna um
forgangsröð vegaframkvæmda.
Varað er við ofsköttun á ökutæki,
sem rennur beint í ríkissjóð, en
ekki til Vegagerðar.
Jafna beri orkukostnað, svo íbúar
landsbyggðarinnar beri ekki marg-
faldan húshitunarkostnað á við höf-
uðborgarsvæðið. Sveitarstjórnir
myndi sjóð til að aðstoða við að
halda jörðum eða jarðarpörtum sem
boðnar eru til kaups, á hendi heima-
aðila.
Reynslan sýnir, að til að styrkja
byggð, þá er nauðsynlegt að eignar-
hald á jörðum verði hjá héraðs-
búum, annað hvort einstaklingum
eða sveitarfélögum. - D.P.
Helga Bryndís Magnúsdóttir,
píanóleikari og Kolbeinn Bjarna-
son, flautuleikari.
M KOLBEINN Bjarnason,
flautuleikari og Helga Bryndís
Magnúsdóttir, píanóleikari munu
halda tónleika í Selfosskirkju laug-
ardaginn 17. febrúar kl. 16 og í
Félagsheimili Hrunamanna á
Flúðuin sunnudaginn 18. febrúar
kl. 14. Þau munu leika verk eftir
C.P.E. Bach, rússann Sergej Pro-
kofjev, ungveijann Béla Bartók
og íslendingana Árna Björnsson
og Atla Ingólfsson.
Við sýnum:
LJQSRITUNARVELAR
Fjölbreytt úrval, frá þeim minnstu upp í afar fullkomnar
og afkastamiklar ljósritunarvélar.
lí teslhi ELEI IUIÍ1
T "AX
Frá litlum upp í afar fullkomin telefaxtæki.
ÁRMÚLA 8 - SÍMAR 84900, 688271