Morgunblaðið - 30.03.1990, Síða 40
40
MORGUNBLAÐIÐ FÖSTUDAGUR 30. MARZ 1990
trein/wi
Skordýr sýnast öflugri í ár
en nokkru sinni íyrr ...
Eru margir kílómetrar í
Sundahöfiiina?
Landsmál og byggðamál
hljóta að fara saman
Til Velvakanda.
Eg sem íslendingur búsettur utan
Stór-Reykjavíkursvæðisins get ekki
annað en skrifað nokkrar línur um
það sem efst er á baugi nú í öllum
blöðum, útvarpi og sjónvarpi um ál-
ver á íslandi.
Margt hefur verið skrifað bæði
satt og logið um staðsetningu fyrir
slíkt iðjuver. Eitt hefur þó komið fram
sem flest allir landsmenn sem eitt-
hvað fylgjast með þjóðmálum vita
að skrifað hefur verið undir yfirlýs-
ingu þess efnis að ljúka samningum
um byggingu nýs álvers hér á landi
og verði því lokið árið 1994.
Undir þá yfirlýsingu skrifuðu Jón
Sigurðsson iðnaðarráðherra fyrir
hönd íslenskra stjórnvalda, Paul E.
Drack aðalforstjóri Alumax, Per Olaf
Aron^son forstjóri Grangers og Max
Koker framkvæmdastjóri Hoogovens
Aiuminum.
Þetta er stór ákvörðun sem allir
landsmenn ættu að vera stoltir af
svo framarlega að staðið verði að
þessu af þeirri skynsemi sem þarf
til að það verði landanum öllum til
heilla.
Iðnaðarráðherra segir að Eyja-
fjarðarsvæðið sé eitthvað það mikil-
vægasta svæði í byggðamálum á ís-
landi í dag sem þurfi að efla frá sjón-
armiði mennta, menningu og ailra
vegna. Einnig vegkur hann athygli á
að breytingar hafi orðið frá fyrir-
rennara hans að staðsetning sé nú
rædd sem eitt af því sem ákveða
þarf. Þetta er stór breyting frá því
sjónarmiði sem var þegar Straumsvík
kom eingöngu til greina í umræðum.
Staðarvalsnefnd hefði eftirfarandi
að segja um staðsetningu álvers í
Eyjafirði, nánar tiltekið við Dysnes í
Arnarneshreppi. Að hann væri álit-
legastur staðurinn fyrir álver utan
suðvestur-hornsins, því er ljóst að
afstaða manna til þess staðar mun
að töluverðu leyti ráðast af byggða-
sjónarmiðum sem nefndin telur utan
síns verkahrings.
Staðarvalsnefnd teiur skyit að
benda á að Eyjafjörður er það byggð-
arlag sem næst er hugsanlegum stór-
virkjunum á Austurlandi af þeim sem
koma til álita fyrir áiver í nánustu
framtíð.
Ef nýta á vatnsorku á Austurlandi
[Ágreiningur í Atlantal-
hópnum um staðsetningu
< '4 aðfóngum og fleira og fleira."
Alumax. Km er eitt þriggja álfyr- I I hópnum um í
.... I samtali við | Morgunblaðið I gser að þeirri akoðuij
í verulegum mæli virðist því líklegt
að forráðamenn líti fyrst og síðast
til stóriðju í Eyjafirði.
Enn fremur telur nefndin að Dys-
nes 1 Arnarneshreppi komi helst til
álita fyrir stóriðju á borð við álver.
Ég get nefnt að í Arnarneshreppi
eru skilyrði til hafnargerðar einhver
þau bestu á öllu landinu og einnig
það að flarlægðin frá vinnuafli, frá
Akureyri og Dalvík eru innan viðun-
andi marka. Þetta hljóta að vera
nægileg rök fyrir því að Eyjafjörður
kemur sterklega til greina fyrir álver.
Ég nefni þetta vegna þess að ég
hef áhyggjur af því ef þetta álver
verður reist á suðvesturhorni landsins
muni það valda stórkostlegustu
byggðaröskun sem um getur í ís-
landssögunni þegar fram líða stundir.
Við sem á landsbyggðinni búum
höfum mátt horfa á eftir hundruðum
íjölskyldna taka sig upp og flytja á
suðvesturhornið í óþökk við vilja'sinn
eingöngu vegna rangra ákvarðana
pólitískra ráðamanna í byggðamálum
undanfarin ár.
Snúum dæminu við og eflum lands-
byggðina, landsbyggðarfólki til heilla
og landinu öllu. Því ef ekki verður
eflt Eyjaíjarðarsvæðið og þar með
landsbyggðin öll gætum við átt það
á hættu eftir nokkur ár að jafnvel
Akureyri yrði orðin að dvalarheimili
fyrir aldraða.
Arni Magg.
Nagladekkin auka öryggið
Til Velvakanda.
Skiptar skoðanir eru um gildi
nagladekkja í umferðinni og að
undanförnu hefur verið beitt
skipulögðum áróðri gegn þeim.
Ég tel að hér sé um hæpinn áróð-
ur að ræða, því það er hafið yfir
allan efa að nagladekkin auka á
öryggið í umferðinni. Mögulega
valda þau tjóni á malbikinu en það
er minniháttar. Hitt tel ég víst að
nagladekkin hafi komið í veg fyrir
mörg slys. Gaman væri að sjá
úttekt á því hvort þeir sem aka á
snjódekkjum lenda ekki oftar í
árekstrum en þeir sem nota nagla-
dekk. Ég hef grun um að mark-
tækur munur sé nagladekkjunum
í vil þó ekki sé um það talað. Það
er mikið talað um tjónið sem
nagladekkin valda á malbikinu.
En hvað þá um eignatjónið í um-
ferðinni og öll slysin sem verða á
fólki. Er það ekkf'þyngar á metun-
um?
Að lokum vil ég víkja að öðru.
Ég tel að allt of há og óþarfa gjöld
séu á einkabifreiðum hér. Sjórn-
völd virðast enn líta svo á að bif-
reið sé lúxús og haga gjaldtöku
eftir því. Bíll er einfaldlega nauð-
syni í nútímasamfélagi. Við bif-
reiðaeigendur ættum að krefjast
þess af stjórnvöldum að öll þessi
gjöld sem greidd eru af einkabif-
reiðum yrðu stórlækkuð eða alveg
lögð niður. Það er allt of dýrt að
reka bíl hér á landi.
Einn sem ekur
Víkveiji skrifar
Satellite TV heitir blað sem gefið
er út í Englandi og birtir dag
skrár sjón varpsstöðva sem senda
út í gegnum gervihnetti. Þetta blað
lesa margir íslendingar, enda fjölg-
ar þeim hratt hér á landi, sem hafa
keypt sér mót töku diska.
í nýjasta hefti blaðsins er skýrt
frá því að sjónvarpsstöðin Euro-
sport muni frá og með 3. apríl sýna
frá C-heimsmeistarakeppninni í
handknattleik í Helsinki. Það er
augljóst að ekki er mikið sýnt frá
handknattleik á þessum stöðvum,
því blaðið sér ástæðu til þess að
lýsa' leiknum í smáatriðum fyrir
lesendum sínum, t.d. að enginn
nema markvörðurinn megi koma
við boltann með fótunum! Tekið er
fram að handbolti sé næsthraðasta
hópíþróttin, næst á eftir íshokkí,
en betra sé að fylgjast með hand-
boltanum því boltinn sjálfur sé
stærri en knöttur sá sem notaður
er í íshokkí. Hann heitir á ensku
„puck“, en Víkvera er ekki kunnugt
um ísienzkt heiti á fyrirbærinu.
Þetta leiðir hugann að því að
forystumenn handknattleiksmála á
íslandi gera alit of mikið úr áhuga
útlendinga á handknattleik. Stað-
reyndin er sú að í flestum löndum
er áhugi á íþróttinni takmarkaður.
Áhugi á handknattleik fer vissulega
vaxandi en aðrar íþróttagreinar s.s.
knattspyrna, ísknattleikur og
körfuknattleikur draga að sér
margfalt fleiri áhorfendur. í þessu
sem öðru er sannleikurinn sagna
beztur.
xxx
Víkveiji kom fyrir skömmu á
heimili, þar sem móttökudisk-
ur fyrir gervihnetti er til staðar.
Þetta er fullkominn diskur með
stiliibúnaði fyrir tvo gerfihnetti.
Úrval stöðva var með ólíkindum.
Þetta heimili hafði aðgang að 35
stöðvum með margvíslegu efni,
kvikmyndum, fréttaþáttum, íþrótta-
efni o.fl. Þegar Víkveiji fylgdist
með var verið að keppa í Evrópu-
mótunum í knattspyrnu og voru
nokkrir leikir sýndir beint. Mynd-
gæðin voru mjög góð, ekki síðri en
hjá íslenzku stöðvunum.
Víkvjeri er þess fuliviss að gervi-
hnattasjónvarp á eftir að veita
íslenzku sjónvarpsstöðvunum mikla
samkeppni á næstu árum.
XXX
Nú liggur ljóst fyrir að engar
þekktar popphljómsveitir
koma á Listahátíð í vor. Víkveija
er kunnugt um að stjórn Listahá-
tíðar stóð til boða að fá söngkonuna
Sinead O’Connor hingað til tón-
leikahalds en taldi hana ekki nógu
þekkta. Síðan hefur það gerzt að
þessi söngkona hefur slegið alger-
lega í gegn og á nú söluhæstu
plötuna beggja vegna Atlantshafs
og efsta lagið á íslenzka vinsælda-
listanum!
XXX
að kom fram í fréttum Morgun-
blaðsins fyrir helgi að söng
dag skrá Pálma Gunnarssonar hef-
ur slegið í gegn í Sjallanum á
Akureyri í vetur. Er uppselt á sýn-
ingarnar langt fram í næsta mánuð.
Þessar vinsældir Pálma koma
Víkveija ekki á óvart. Hann var
viðstaddur frumsýninguna í Sjall-
anum og varð mjög hrifinn. Pálmi
hefur sjaldan sungið betur en ein-
mitt núna. Það kom Víkverja einna
helst á óvart hve mörg þekkt lög
Pálmi hefur sungið inn á plötur um
ævina. Enginn vafi leikur á því að
þessi skemmtidagskrá gæti gengið
heilan vetur í Reykjavík.