Morgunblaðið - 30.03.1990, Blaðsíða 5

MORGUNBLAÐIÐ FÖSTUDAGUR 30. MARZ 1990
5
Snjóalög hindra sam-
göngur um Kísilveg:
Ekkert verið
gert við veg-
inn í 23 ár
Vantar öflugan snjó-
blásara til að halda
veginum opnum, seg-
ir framkvæmdastjóri
Kísiliðjunnar
LÉLEGUR tækjakostur Vega-
gerðarinnar á Húsavík veldur því
að Kísilvegurinn svokallaði, frá
Mývatnssveit til Húsavíkur, hefur
tíðum verið lokaður vegna snjóa,
að sögn Róberts Agnarssonar
framkvæmdasljóra Kísiliðjunnar.
Þá hefir ástandi vegarins hrakað,
þar sem honum hefur ekkert ver-
ið haldið við þau 23 ár sem liðin
eru frá því hann var lagður, að
sögn Róberts, þar hafa alla tíð
verið staðir sem safiia á sig snjó
og vegna viðhaldsleysis hefur
vegurinn lækkað og snjóakistum
á honum fjölgað.
Róbert segir að hinar tíðu lokanir
Kísilvegarins valdi bæði erfiðleikum
og tjóni. Vegurinn var síðast opnað-
ur í gær og hafði þá verið lokaður
í rúma viku. Um Kísllveginn eru
afurðir Kísiliðjunnar fluttar og fara
vörubílar að jafnaði fimm ferðir á
dag með kísilgúr til Húsavíkur. Að
auki segir Róbert að íbúar í Mý-
vatnssveit þurfi á veginum að halda,
þar sem mikil þjónusta er sótt til
Húsavíkur. Hann segir ekki vera
raunhæft að benda á veginn um
Mývatnsheiði sem valkost, þar sem
hann sé um 50% lengri og alls ekki
gerður fyrir umferð þungra vörubíla.
„Það er með endemum hve tækja-
kostur Vegagerðarinnar á Húsavík
er lítill og lélegur,“ segir Róbert.
„Þeir hafa það stórt og víðfeðmt
svæði að sjá úm, að þessi tækjakost-
ur dugir engan veginn.“ Hann segir
að tilfinnanlega vanti öflugan snjó-
blásara, sem enginn er til, svo að
hægt sé að halda vegunum opnum.
Nú sé til dæmis Kísilvegurinn rudd-
ur með jarðýtu, sem hafi í för með
sér að háir ruðningar eru við veginn
og safni umsvifalaust snjó inn á
hann hvenær sem hreyfir vind. Að
auki sé ekki mokað nema einu sinni
í viku. „Við höfum greitt tugi millj-
óna króna í þungaskatt af flutning-
um okkar síðan verksmiðjan tók til
starfa og okkur finnst mál til komið
að við fáum einhveija þjónustu fyrir
þá peninga," segir Róbert.
Það er alltaf öruggara
Sorpböggunarstöð:
Byggðaverk
með lægsta
tilboðið
SEX tilboð bárust í byggingu
móttöku- og flokkunarstöðvar á
sorpi í Gufúnesi að undangengnu
forvali. Lægsta tilboðið barst frá
Byggðaverki og hljóðaði það upp
á 319 milljónir kr. Munurinn á
tveimur lægstu tilboðunum, frá
Byggðaverki og Ármannsfelli var
hálf milljón króna. Kostnaðará-
ætlun hönnuða hljóðaði upp á 353
milljónir kr.
Hæsta tilboðið barst frá Istak hf.
og hljóðaði upp rúmar 348 miljjónir
kr. en tilboð Loftorku hf. og Álfta-
róss námu rúmum 339 milljónum
kr. Tilboð Hagvirkis hljóðaði upp 328
milljónir kr.
Ogmundur Einarsson hjá Sor-
peyðingu höfuðborgarsvæðisins
sagði að eftir væri að meta fráviks-
tilboð, það er að segja tillögur um
breytt efnisval og fleira sem víkur
út af útboðsgögnum.
Útboðið miðaðist við byggingu
sorpböggunarstöðvar, niðursetningu
á tækjum, frágang á lóð og gróður-
setningu. Verkinu á að vera lokið
1. apríl 1991.
í næstu viku verða opnuð tilboð
í tölvubúnað og skráningar- og vigt-
unarkerfi.
að líta á málið frá öllum hliðum
Lítum til dæmis á húsbréf.
Húsbréf eru ríkistryggð skuldabréf, gefin út af Byggingarsjóði rfkisins til seljanda
fasteignar ( skiptum fyrir skuldabréf sem er gefið út af kaupanda fasteignarinnar. (fljótu bragði má
ætla að Iftill munur sé á verðbréfafyrirtækjum þegar viðskipti með húsbréf
eru annars vegar. En það er öðru nær.
Landsbréf eru nýtt, framsækið og traust verðbréfafyrirtæki sem gegnir forystuhlutverki f
viðskiptum með húsbréf. í sérstökum samningi Landsbréfa og Húsnæðisstofnunar er kveðið á um
i að Landsbréf greiði fyrir og tryggi örugg viðskipti með húsbréf. Þetta greinir Landsbréf frá
| öllum öðrum verðbréfafyrirtækjum.
o
\ Það er sama frá hvaða hlið er litið á málið. Hvort sem þú vilt kaupa eða selja húsbréf,
§ þá gengur það hvergi hraðar og betur en hjá Landsbréfum.
Vertu - með Landsbréfum - f forystuhlutverki.
LANDSBRÉF
Landsbankinn stendur með okkur
Suóurlandsbraut 24 • Sími 91-606080
og öll útibú Landsbanka íslands
Upplýsingasfmi um verð húsbréfa er 91-606081