Morgunblaðið - 23.01.1991, Page 27

Lífeyris-
sjóður STAK:
Um 42% af
innkomunni
fara suður
LJÓST er að umfang starfsemi
lífeyrissjóðs Starfsmannafélags
Akureyrarbæjar, STAK, mun
verða verulega minna á þessu
ári en því síðasta, eftir að fyrir
liggur að greiðslur félaga sem
vinna hjá Fjórðungssjúkrahús-
inu á Akureyri muni renna í
lífeyrissjóð starfsmanna ríkis-
ins.
Jóhanna Júlíusdóttir formaður
Starfsmannafélags Akureyrar-
bæjar sagði að vissulega væru
það vonbrigði að ekki hefði verið
tekið tillit til óska starfsmanna
FSA um að fá að greiða áfram
í lífeyrissjóð STAK, þó svo að
ríkið hafi yfirtekið rekstur
sjúkrahúsa í kjölfar nýrra laga
sem gildi tóku um áramót. Á
fundi sem Jóhanr.a og Halldór
Jónsson bæjarstjóri áttu með full-
trúa fjármálaráðuneytis nýlega
kom fram að ekki væri unnt að
koma til móts við þessar óskir
starfsmanna sjúkrahússins, þar
sem nú væri um að ræða ríkis-
starfsmenn og lögum samkvæmt
beri þeim að greiða í lífeyrissjóð
ríkisstarfsmanna.
„Þetta sýnir okkur að við verð-
um að vera vakandi hér úti á
landsbyggðinni, maður hefur oft
á tilfinningunni að allt stefni
hægt og sígandi suður á bóginn.
Þetta mun hafa í för með sér að
starfsfólkið þarf að leita eftir
þjónustu sunnan úr Reykjavík,
en áður gat það komið við á skrif-
stofu lífeyrissjóðsins þegar það
óskaði eftir þjónustu," sagði Jó-
hanna.
Starfsmennirnir sem um ræðir
eru um 250 talsins og um 42%
af allri innkomu í lífeyrissjóð
STAK eru frá þeim komin eða
25-30 milljónir.
MorgunDíaoio/Kunar POr
Hjálparsveit skáta á Akureyri átti 20 ára afmæli í liðinni viku og í tilefni af því var gestum boðið að skoða búnað og tæki sem sveitin
hefur yfir að ráða. Á myndinni eru nokkrir félagar í hjálparsveitinni við skápa sína í Lundi, húsi sveitarinnar og eins og sjá má
er útbúnaðurinn margbrotinn.
Hjálparsveit skáta á Akureyri 20 ára:
Flest útköll vegna óveðurs og ófærðar
HJÁLPARSVEIT skáta á Akureyri átti 20 ára afmæli í síðustu
viku og í tilefni af því var bæjarbúum boðið að heimsækja skátana
í Lund, húsakynni þeirra við Viðjulund á laugardag. Þáðu fjölmarg-
ir boðið og skoðuðu búnað og tæki þau sem hjálparsveitin hefur
yfir að ráða og kynntu sér starfsemina.
Skátarnir buðu gestum í stutta vélsleðaferð og þáðu þessir ungu
piltar með þökkum að fara eina salibunu.
Magnús Arnarsson sveitarfor-
ingi sagði sveitina á Akureyri vel
tækjum búna, hún ætti tvo öfluga
björgunarbíla til fólks- og sjúkra-
flutninga, en í þeim væri allur sá
búnaður sem á þyrfti að halda t.d.
í sambandi við fyrstu hjálp. Þá á
sveitin snjóbíl, sem flutt getur tvær
sjúkrakörfur og tíu farþega auk
ökumanns. Þrír snjósleðar eru og
í eigu sveitarinnar auk margs kon-
ar tækja sem nauðsynleg eru við
hjálparstörf.
Innan hjálparsveitarinnar er
starfandi flokkur sem sérhæft hef-
ur sig í erfiðri fjallabjörgun og
hafa menn sótt námskeið í útlönd-
um til að vera betur í stakk búnir
á því sviði. Um 45 manna hópur
er tilbúinn að leggja af stað til
hjálpar fyrirvaraiaust og um 20
manns að auki eru í nokkurs konar
varaliði sveitarinnar.
Hjálparsveit .skáta á Akureyri
var kölluð út 27 sinnum á síðasta
ári og sagði Magnús að flest útkall-
anna hefðu verið vegna óveðurs
og ófærðar, bæði innanbæjar og á
heiðum, einkum Öxnadalsheiði og
Víkurskarði. Hann sagði að oft
væri það svo að búið væri að til-
kynna að t.d. Öxnadalsheiði væri
ófær, en menn þráuðust við og
teldju sig komast yfir á sínum
fjallabílum. „Það er líka áberandi
að sumt fólk hefur ofurtrú á fjór-
hjóladrifnum fólksbílum og telur
sig komast jafnvel yfir ófærur á
þeim.“
Rekstur sveitarinnar er ijár-
magnaður með styrkjum frá bæn-
um, sýslusjóði og ríkinu, en lang-
stærsti tekjuliður hennar er vegna
flugeldasölu eða um 95%. Útgjöldin
eru töluverð, en m.a. þarf að slysa-
tryggja allan mannskapinn og
tryggja búnaðinn ot sagði Magnús
að tryggingar gætu numið allt að
hálfri milljón króna. Kostnaður við
leit er getur numið hundruðum
þúsunda og sem dæmi nefndi
Magnús að rafhlöðukostnaður í
nýlegri leit hefði verið 70 þúsund
krónur.
í tilefni afmælis Hjálparsveitar
skáta er ætlunin að efna til mikill-
ar vetraræfingar síðar í vetur fyrir
félaga í sveitinni auk hjálparsveita
í nágrenninu. Þá eru á dagskránni
æfingarferðir er tengjast björgun
úr snjóflóðum og ferðalögum að
vetri.
Bátur mannsins sem saknað er liggur brotinn í fjörunni við Gjögurtá.
Leit bar engan árangur
LEIT að sjómanninum frá Greni-
vík sem saknað hefur verið frá
því á sunnudag bar engan árang-
ur í gær, en björgunarsveitir frá
Olafsfirði, Hrísey og Grenivík
leituðu á svæðinu við Gjögurtá
þar sem bátur mannsins fannst
brotinn í fjörunni síðdegis á
sunnudaginn.
Sigursteinn Magnússon formað-
ur björgunarsveitarinnar Tinda í
Ólafsfirði sagði að fyrst í gær hefði
viðrað vel til leitar, en á sunnudag
var veður slæmt og komust leitar-
menn ekki í land utan þeir sem sigu
úr þyrlu Landhelgisgæslunnar. All-
margir tóku þátt í leitinni lýgær,
björgunarsveitarmenn frá Ólafs-
firði, Hrísey og Grenivík, tveir bát-
ar frá Grenivík og einn frá Ólafs-
firði auk þess sem gúmmíbátur
björgunarsveitarinnar í Hrísey var
á svæðinu. Þá voru einnig notaðir
svokallaðir sæsleðar og sagði
Magnús að þeir hefðu gefið góða
raun, en á þeim er hægt að komast
alla leið upp í fjöru.
Súr lúða sett í
þorrabakkann
í stað hvalsins
„Viðbrögðín hafa verið mjög góð, fólki þykir
þetta gott og sumum finnst lúðan betri en hvalur-
inn,“ sagði Sævar Hallgrímsson kjötiðnaðarmaður
hjá Bautabúrinu, en fyrirtækið hefur nýlega sett
á markað súra Lúðu, sem að nokkru ieyti líkist
súrum hval. Unnendur súra hvalsins sem nú er
horfinn úr þorratrogum geta nú í sárabætur
gætt sér á lúðunni í hans stað.
Sævar sagði að fyrir margt löngu hefði þótt sjálf-
sagt að setja heilagfiski í súr og hefur hann unnið
að því alllengi að þróa aðferð sem hentað gæti til
að'forma fiskinn og koma honum í neytendaumbúðir.
Súru lúðunni er ekki eingöngu ætlað að fylla skarð
hvalsins i þorrabökkum, heldur sagði Sævar að fyrir-
tækið hefði átt mikið magn lúðu í frysti, en á veitinga-
húsinu Bautanum eru ákveðin stykki lúðunnar mikið
notuð. Það sem ekki er notað þar hafi farið í frystig-
eymslur Bautabúrsins. „Þetta var líka spurning um
nýtingu, að við fórum út i þetta,“ sagði hann.
Fyrirhugað er að bjóða upp á lúðubitana súru áfram
að liðnum þorra og sagði Sævar að yiðbrögð fólks
við fyrstu sendingum á markaðinn lofuðu góðu um
framhaldið.
Morgunblaðið/Rúnar Þór
Sævar Hallgrímsson kjötiðnaðarmaður hjá
Bautabúrinu sker lúðuna súru, en hún þykir líkj-
ast nokkuð súrum hval sem ómissandi hefur
þótt í þorratrogum landsmanna, en er eftir hval-
veiðibann horfinn þaðan. Viðbrögð neytenda
hafa verið góð og þykir sumum lúðan betri en
hvalurinn.