Morgunblaðið - 24.05.1991, Síða 4

4
MORGUNBLAÐIÐ FÖSTUDAGUR 24. MAÍ 1991
VEÐUR
Þessir dátar eru í 800 manna áhöfn franska herskipsins, Jeanna d’Arc, liggur við landfestar í Reykjavíkur-
höfn ásamt fylgiskipi sínu, eða korvettu og gefst almenningi kostur á að skoða skipið í dag. Jeanna d’Arc
er skólaskip fyrir tilvonandi yfirmenn í franska hemum. Um borð em 800 dátar og á korvettunni eru 150
hermenn. Skipið er þyrlumóðurskip en í stríði er því ætlað að granda kafbátum. Jeanne d’Arc er eina
þyrlumóðurskip franska flotans. Almenningi gefst kostur á að skoða skipið í dag milli klukkan 15 og 17.
Franskt herskip í heimsókn
Morgunblaoiö/KUA
VEÐURHORFUR I DAG, 24. MAÍ
YFIRLIT: Yfir Grænlandshafi er 1.018 mb smálægð á hreyfingu
austur. Um 800 km suður af Grænlandi er 998 mb lægð sem hreyf-
ist lítið úr stað. Yfir írlandi er 1.036 mb hæð.
SPÁ: Sunnan- og suðvestanátt, víða kaldi, og rigning eða súld með
köflum um sunnan- og vestanvert landið. Vestankaldi og þurrt að
kalla norðvestanlands frameftir nóttu, en hægviðri eða austan- og
norðaustangola og sums staðar dálítil rigning með morgninum.
Vestan gola eða hæg, breytileg átt og skýjað með köflum austan-
lands. Híti breytist lítið.
VEÐURHORFUR NÆSTU DAGA:
HORFUR Á LAUGARDAG OG SUNNUDAG: Fremur hæg suðvest-
an- og vestanátt. Skýjað, dálítil súld og hiti 7-10 stig um vestan-
vert landið en víðast léttskýjað á Austurlandi og hiti upp undir 20
stig.
Svarsfmi Veðurstofu íslands - Veðurfregnir: 990600.
TÁKN:
'Q| Léttskýjað
Hálfskýjað
Skýjað
Alskýjað
s, Norðan,' 4 vindstig:
Vindörin sýnir vind-
stefnu og fjaðrirnar
vindstyrk, heil fjöður
er 2 vindstig.
/ / /
/ / / / Rigning
/ / /
* / *
/ * / * Slydda
/ * /
* * *
* * * * Snjókoma
* * *
■JO' Hrtastig:
10 gráður á Celsíus
ý Skúrir
*
V E1
= Þoka
= Þokumóða
’ , ’ Súld
OO Mistur
—|- Skafrenningur
| Þrumuveður
VEÐUR VÍÐA UM HEIM
kl. 12.00 í gær að ísl. tíma
hiti veður
Akureyri 11 alskýjaö
Reykjavik 8 alskýjað
Bergen 8 léttskýjað
Helsinki 8 rigning
Kaupmannahöfn 12 léttskýjað
Narssarssuaq S skýjað
Nuuk +2 alskýjað
Ósló 13 skýjað
Stokkhólmur 8 skýjað
Þórshöfn 11 skýjað
Aigarve 26 skýjað
Amsterdam 13 léttskýjað
Barcelona 20 mistur
Berlfn 13 úrk.igrennd
Chicago 21 rigning
Feneyjar 21 þokumóða
Frankfurt 13 skýjað
Glasgow 15 rigníng
Hamborg 12 háifskýjað
LasPalmas vantar
London 17 skýjað
LosAngeles 13 þokumóða
Lúxemborg 13 hálfskýjað
Madrid 27 léttskýjað
Maiaga vantar
Mailorca 19 léttskýjað
Montreal 14 alskýjað
NewYork 19 heiðskfrt
Orlando 23 rigning
París 17 skýjað
Róm 20 þokumóða
Vín 14 skýjað
Washington vantar
Winnipeg 16 úrk. fgrennd
Vinnudeila hjá Flugafgreiðslunni hf.:
Starfsmennirnir fara
sér hægt við vinnuna
Keflavík.
STARFSMENN Flugafgreiðslunnar hf. á Keflavíkurflugvelli hafa far-
ið sér hægt við vinnu undanfarna daga vegna ágreinings við atvinnu-
rekandann um vinnutilhögun. Flugafgreiðslan hf. er verktaki hjá Flug-
leiðum og sér um alla afgreiðslu við farþega- og vöruflutningavélar
við Leifsstöð. Smávægileg seinkun varð vegna þessa í gærmorgun.
Sigurbjörn Bjömsson eigandi og framkvæmdastjóri Flugafgreiðslunn-
ar sagði í samtali við Morgunblaðið í gær að hann legði alla áherslu á
að ekki yrðu neinar tafir á fluginu vegna þessa og myndi hann svara
seinagangi starfsmanna með því að fjölga mönnum við afgreiðsluna.
Baldur Matthíasson formaður
Verkalýðs- og sjómannafélags Mið-
neshrepps sem jafnframt er starfs-
maður Flugafgreiðslunnar hf. sagði
að deilan snerist um réttlæti. Um
væri að ræða mörg brot og vanefnd-
ir á samningi og hefði ráðning lausr-
áðinna starfsmanna til sumarafleys-
inga fyllt mælinn. Baldur sagði
starfsmenn allra sérhæfðra fyrir-
tækja væru með ýmiss konar sér-
samninga í gangi og svo væri hjá
þeim. En hjá þessu ætti að sneiða
núna og ráða fólk á lágmarkssamn-
ingum. Baldur sagði að deiluaðilar
hefðu átt tvo fundi saman en engin
niðurstaða hefði orðið á þeim og
myndu menn vinna sín störf í tíma-
vinnu þar til samkomulag hefði
náðst.
Sigurbjöm Bjömsson sagði að
kjami málsins væri að hann væri
að ráða fleira fólk til að þurfa ekki
að brjóta vinnuverndarlöggjöfína um
hvíldartíma en þessu vildu starfs-
menn ekki una. Sá háttur hefði ver-
ið hafður á að næturvakt sæti að
aukavinnu og fyrir að vinna 2‘A til
3 tíma fengju menn allt að 13 tímum
og jæssu fyrirkomulagi vildi hann
breyta. Sigurbjöm sagðist ekki telja
sig þurfa að hafa samráð við starfs-
menn sína um hvort hann réði fólk
til tímavinnu enda væri reksturinn
því óviðkomandi. Hann sagðist hafa
boðið mönnum að slíðra sverðin
meðan lögmenn beggja aðila skoð-
uðu málin nánar og ef ekki fengist
niðurstaða að vísa þá málinu til fé-
lagsdóms þar sem niðurstaða ætti
að geta legið fyrir innan hálfs mánaðar.
BB
Aflakvóti Færeyinga í
okkar lögsögu út í hött
- segir Kristján Ragnarsson formaður LIU
„VIÐ höfum ekki efni á að gefa Færeyingum veiðiheimildir í okkar
lögsögu og við höfum lagst gegii því, þar sem við höfum verið að
skerða okkar veiðiheimildir og þurfum á öllu okkar að halda. Þessi
kvóti Færeyinga er því alveg út í hött og það þarf að slá samninginn
við Færeyinga af,“ segir Krislján Ragnarsson formaður Landssam-
bands íslenskra útvegsmanna. Þorsteinn Pálsson sjávarútvegsráðherra
segir að samningur við Færeyinga um veiðar þeirra hér sé byggður
á viðurkenningu á frændsemi og ræktarsemi við þessa smáu grann-
þjóð okkar.
„Við höfum kappkostað að eiga
gott samstarf við Færeyinga um
fískveiðimálefni, því við þurfum að
eiga gott samstarf við þá á mörgum
sviðum,“ segir Þorsteinn Pálsson.
Belgar mega veiða 4.400 tonn í
íslenskri lögsögu í ár en veiddu hér
einungis 1.346 tonn af botnfíski í
fyrra. Þorsteinn segir að samningur
við Belga um veiðar þeirra hér sé
frá lausn landhelgisdeilunnar og
þessar veiðar séu orðnar óverulegar.
Færeyingar hafa fengið heimild
til að veiða 9 þúsund tonn af botn-
fiski í íslensku lögsögunni í ár, þar
af 1.500 tonn af þorski og 450 tonn
af lúðu. Færeyingar máttu hins veg-
ar veiða 250 tonn af lúðu hér í
fyrra, þannig að kvóti þeirra hefur
verið aukinn um 200 tonn, eða 80%.
Þorsteinn Pálsson segist ekki vita
til að aukinn lúðukvóti Færeyinga
sé að einhveiju leyti greiðsla fyrir
að hætti laxveiðum í sjó.
- Kristján Ragnarsson segir að
íslensk skip séu byijuð að nýta þær
fisktegundir, sem Færeyingar hafi
verið að veiða hér í nokkrum mæli,
eins og lúðu. „Okkur finnst því aukn-
ing á lúðukvóta Færeyinga í lögsög-
unni lítt skiljanlegur,“ segir Kristján.
„í öðru lagi vitum við að Færeying-
ar eru að gefa Evrópubandalaginu
veiðirétt í færeysku lögsögunni og
mér finnst að meðan Færeyingar
geta látið frá sér veiðiheimildir sé
ekki ástæða fyrir okkur að lofa þeim
að veiða hér, þegar við fáum ekki
að halda fískiskipaflota okkar úti
vegna þess að við erum taldir ofgera
fiskistofnunum með því.“
Kristján segir að það sé tilhneig-
ing hjá íslendingum að vera góðir
við Færeyinga og líta á þá sem
minnimáttar, enda þótt þeir hafí
verið með fjárfestingar í sjávarút-
vegi, sem íslendingar hafi ekki getað
skilið. Færeyingar hafi byggt ný og
ný skip en ekki haft nein verkefni
fyrir þau. „Færeyskir útgerðarmenn
hafa hins vegar fengið skip úr gjald-
þroti aftur og aftur og ríkið borgar
alla vitleysuna. Eg teldi menn ekki
geta gengið upprétta á íslandi, sem
yrðu fyrir slíku.“
Færeyingar hafa nefnt að ísiend-
ingar gætu veitt 25-30 þúsund tonn
af kolmunna við Færeyjar vegna
botnfískveiða Færeyinga í okkar lög-
sögu en Kristján segir að þær veiðar
hafi ekki borgað sig.
Hann segir veiðar Belga í okkar
lögsögu lítilfjörlegar og þar sem
samningur um þessar veiðar sé
bundinn við ákveðin skip ljúki veið-
unum þegar skipin verði ónýt. Samn-
ingurinn við Belga var gerður 1975
og bundinn við 12 togara. Þrír belg-
ískir síðutogarar stunda enn þessar
veiðar, einn þeirra var smíðaður
1946 en hinir 1961. Kristján segir
að þessar veiðiheimildir Belga hafi
eitt sinn verið talinn góður gluggi
inn í Evrópubandalagið. „Mér skilst
að það sé einstakt að í gildi sé fisk-
veiðisamningur við Evrópubanda-
lagsþjóð, sem bandalagið er ekki
aðili að. Það stríðir víst gegn öllum
reglum bandalagsins," segir Kristján.
Tryggingabætur:
2,57% hækkun
BÆTUR almannatrygginga
hækka um 2,57% frá og með 1.
júní, sem er sama hækkun og al-
mennir launþegar fá samkvæmt
kjarasamnignum.
Eftir hækkunina verður elli- og
örorkulífeyrir 12.123 krónur á mán-
uði, en var 11.819. Tekjutrygging
verður 22.302 krónur, en vai 21.746
kr., meðlag fer úr 7.425 krónum úr
7.239 og fæðingarstyrkur, sem var
24.053 krónur á mánuði, verður
24.671.
Bætur almannatrygginga verða
greiddar út 3. júní nk. og svo 3. dag
hvers mánaðar þaðan í frá. Áður
hefur útborgunardagur verið 10.
dagur hvers mánaðar. Nú þurfa
umsóknir að berast Tryggingastofn-
un fyrir 15. dag hvers mánaðar, til
að bætur komi til greiðslu næsta
mánuð á eftir.