Morgunblaðið - 17.08.1991, Blaðsíða 17

MORGUNBLAÐIÐ LAUGARDAGUR 17. ÁGÚST 1991
17
Skiltabrýr, framför en
jafnframt takmörkun
eftir Kristínu
Sigurðardóttur
Hina síðustu mánuði hafa verið
settar upp myndarlegar skiltabrýr
við öll helstu gatnamót borgarinn-
ar. Þær upplýsingar sem þarna
koma fram eru ókunnugum mikil
hjálp við að komast leiðar sinnar á
ferðum sínum í gegnum borgina og
til þess að finna rétta leið út úr
henni. En með uppsetningu þeirra
eru gerðar miklar takmarkanir, þær
takmarka hæð þess farms eða far-
artækis sem hægt er að aka undir
þær. I því felst nokkurt vandamál.
að vísu eru reglur um leyfilega hæð
ökutækis og farms, en iðulega er
óhjákvæmilegt að víkja frá þeim.
Það kemur nokkuð oft fyrir að
nauðsynlegt er að flytja mjög háan
flutning í gegnum borgina, stór
tæki frá höfninni, byggingakrana
milli byggingasvæða, hús eða sum-
arbústaði svo fátt eitt sé nefnt. En
nú eru fáar leiðir eftir sem færar
eru um borgina. Yfii'völd verða að
gæta þess að einhverjar leiðir standi
eftir opnar, en menn óttast nú að
síðustu leiðunum verði lokað.
Sundahöfn er helsta innflutn-
ingshöfn landsins og þangað berast
eðlilega margvísleg stór tæki og
búnaður sem er mjög fyrirferðar-
mikill. Nú er svo komið að t.d. þarf
að fara upp á Höfðabakka ef flytja
þarf stóran flutning suður á bóginn
frá Reykjavík. Það væri mikill skaði
ef hugsunarleysi við uppsetningu á
slíkum leiðbeiningum í umferðinni,
svo sjálfsagðar og eðlilegar sem
þær eru, verði tii að dæma Sunda-
höfn úr leik sem æskileg innflutn-
ingshöfn á stórum farmi. Það er
því sjálfsagt og eðlilegt við slíka
skipulagningu að sjá til þess að það
sé a.m.k. ein leið í boði í megináttir
í borginni. Þannig verði fært á Selt-
jarnarnes, í suður til Hafnarfjarðar
og í austur út úr borginni. Gjarnan
mætti það þó vera meira, en þetta
verður að teljast lágmark. Flutn-
ingsaðilum hefur stundum verið
bent á að þeim standi til boða að
láta taka niður þessar hindranir
eins og skiltabi-ýrnar, ljósastaura
og umferðarmerki við gatnamót.
En slíku raski fylgir verulegur
kostnaður og varðandi skijtabrýrn-
ar er hann mjög mikill. í sumum
tilvikum hefur mátt leysa mál með
því að fá lögreglufylgd og leyfi til
að aka á öfugri akrein að nætur
lagi. Sú lausn er þó mjög snúin,
þegar hún dugar til. Það er almenn
skoðun í Félagi vinnuvélaeigenda
að slík fyrirhöfn og kostnaður ætti
að vera óþörf því að með nokkurri
aðgát við skipulagningu umferðar-
mannvirkja má komast hjá slíkum
vandræðum. Reyndar er það svo
að menn telja sig hafa orðið vara
við nokkra afturför við hönnun
gatnamóta hin síðari ár. Nú virðast
gatnamótin þrengri, beygjur ólið-
Stækkun söng-
lofts Hafnar-
fjarðarkirkju
UNNIÐ hefur verið að stækkun
sönglofts Hafnarfjarðarkirkju í
sumar og helgihald því legið þar
niðri frá miðjum júnímánuði.
Þeim framkvæmdum er nú lokið.
Söngloftið var stækkað um tæp-
an hálfan annan metra sem er tölu-
verð viðbót við fyrra rými þess og
rúmar nú betur en fyrr orgel og
söngfólk auk þess sém hægt er nú
frekar en áður að koma öðrum
hljóðfærum fyrir.
Helgihald í Hafnarfjarðarkirkju
hefst á ný núna á sunnudaginn
kemur 18. ágúst með messu kl.
11.00 og eftir hana gefst tækifæri
til að kynna sér þær breytingar sem
unnið hefur verið að.
(Frcttatilkynning)
legri og skilti standa gjarnan fast
við vegarbrúnina. Það gerir það að
verkum að akstur um gatnamótin
á bílum með langa vagna, eða jafn-
vel heldur styttri tækjum eins og
kranabílum, er mjög erfiður. Það
væri fróðlegt að vita hvaða ástæður
eru fyrir þessum breytingum.
Ég vil því skora á yfirvöld að
huga vel að skipulagningu umferð-
armannvirkja svo að þau verði ekki
óþarflega óliðleg og muna einnig
að farartæki og flutningur eru
„Yfirvöld verða að gæta
þess að einhverjar leiðir
standi eftir opnar, en
menn óttast nú að síðustu
leiðunum verði lokað.“
margvísleg. í umferðinni eins og
þjóðlífinu öllu þarf að gera ráð fyr-
ir öllum, stórum og smáum.
Höfundur er framkvæmdastjóri
Félags vinnuvélaeigenda.
Kristín Sigurðardóttir
Freeportklúbburinn:
Gróðursett á
15 áraafmæli
Freeportfélagar héldu á
mánudag upp á fimmtán ára af-
mæli félagsins með gróðursetn-
ingu í Löngubrekku í Heiðmörk.
Freeportklúbburinn var stofnað-
ur þann 12. ágúst árið 1976 og
voru félagsmenn upphaflega 33
talsins. Hópurinn sem stofnaði
klúbbinn átti það sameiginlegt að
hafa leitað til Bandaríkjanna til að
ná tökum á alkohólisma og verið
til meðferðar á Freeport Hospital,
í smábæ að nafni Freeport, á Long
Island í New York ríki. Nokkrir
Freeportfélagar höfðu síðar for-
gang um stofnun SÁÁ.
NISSAN OG SUBARU
SÝNINGARFERÐ Á NORÐURLANDI
SÝNUM GLÆSILEGA BÍLA OG BJÓÐUM í REYNSLUAKSTUR:
Okkar menn verða auk þess með upplýsingar um alla okkar bíla

Nissan Pathfinder-Terrano 3,0 Vo 4 ra dyra sjálf-
skiptur jeppi.
Nissan Sunny SLX 1,616 ventla 4ra dyra stallbak-
ur með fjórhjóladrifi.
Subaru Station 1,6 DL fjórhjóladrifinn með háu og
lágu drifi.
Sýningarstaðir eru:
17. og 18. ágúst, laugardag og sunnudag kl. 1400-1700.
Sauðárkrókur - Bifreiðaverkstæðið ÁKI.
19. ágúst, mánudag kl. 17°°-2100.
Siglufjörður - Við Bensínstöðina.
20. ágúst, þriðjudag kl. 1700-2100.
Ólafsfjörður - Tjarnarborg.
21. ágúst, miðvikudagur kl. 1700-2100.
Húsavík - Hótel Húsavík.
22. ágúst, fimmtudagur kl. 1700-2 1 00.
Dalvík-Við ESSO Bensínstöðina.
^24. og 25. ágúst, laugardag og sunnudag kl. M00-^00.
Akureyri - Bifreiðaverkstæði Sigurðar Valdimars-
sonar, Óseyri 5.
Ingvar
Helgason hf.
Sævarhöfða 2
sími 91-674000
BÍLASÝNINGAR ALLAR HELGAR KL. 1400-1700 í REYKJAVÍK, SÆVARHÖFÐA 2.