Morgunblaðið - 30.08.1991, Blaðsíða 19

MORGUNBLAÐIÐ FÖSTUDAGUR 30. ÁGÚST 1991
19
Barnafoss-
brú 100 ára
Helguvík hf. sér um
rekstur stöðvarinnar
Barnafossbrú. Myndin er tekin sex árum eftir byggingu hennar, eða
árið 1897.
EFNT verður til samkomu við
Barnafossbrú á sunnudag, 1.
september kl. 14, til að minnast
byggingar brúar á Hvítá við
Barnafoss fyrir 100 árum.
Barnafossbrú var byggð árið
1891 og var fyrsta brúin yfir Hvítá
í Borgarfirði. Árið 1944 var brúin
endurbætt og ný brú var byggð
árið 1954. Hún var svo endurbætt
árið 1987.
Samkoman við Barnafossbrú á
sunnudag hefst með ávarpi Þórðar
Stefánssonar, oddvita Hálsa-
hrepps. Saga Bamafossbrúar verð-
ur rakin í samantekt Magnúsar
Sigurðssonar bónda á Gilsbakka,
Halldór Blöndal, samgönguráð-
herra, ávarpar samkomuna og
Karlakórinn Söngbræður syngur.
Þórir Jónsson, oddviti Reykholts-
dalshrepps, slítur samkomunni.
AÐSTÖÐUGJÖLD vegna starf-
seminnar í Helguvík hafa numið
um 600 þúsund kr. á mánuði og
hafa þau skipst á milli hafnanna
í Keflavík og Njarðvík annars
vegar og Keflavíkurbæjar hins
vegar í hlutföllunum 80% á móti
20%. Þannig hefur Keflavíkur-
bær fengið um eitt hundrað þús-
und kr. á mánuði frá því starf-
semin hófst í september í fyrra,
sem er svipað og áður en olíu-
flutningar fyrir varnarliðið flutt-
ust úr Keflavíkurhöfn til Helgu-
víkur.
Það er hlutaféiagið Olíustöðin
Helguvík hf. sem sér um rekstur
olíustöðvarinnar, en stofnendur
þess eru Keflavíkurbær og Olíusam-
lag Keflavíkur. Fyrirtækið sér um
gæslu á svæðinu, en vakt er við
olíustöðina allan sólarhringinn. Það
afgreiðir einnig olíuskip og sér um
dælingu á olíu til Kefiavíkurvallar.
Tólf stöður eru hjá fyrirtækinu.
Að sögn Ólafs Björnssonar, sem
sæti á stjórn Helguvíkur hf., var
gerður rekstrarsamningur við varn-
arliðið til fjögurra ára síðastliðið
haust og hefur fyrirtækið nú starf-
að í eitt ár. Hann sagði að það
hefði verið stofnað til þess að halda
einhveiju af þessari starfsemi í
byggðarlaginu. Stjórn félagsins
skipa fjórir menn, tveir frá Kefla-
víkurbæ og tveir frá Olíusamlaginu.
Versnandi íslenskukunnátta stúdenta:
*
A ekki að kveða upp
slíka dóma í snarhasti
- segir Olafur Oddsson íslenskukennari
„ÞAÐ er erfitt að svara þvi í skyndingu hvort móðurmálskunnátta
nemenda hafi versnað frá því sem áður var, og ég tel að menn eigi
ekki að kveða upp dóma um slíkt í einhveiju snarhasti. Það þyrftu þá
að fara fyrst fram ýmiss konar athuganir og samanburður," sagði
Ólafur Oddsson, íslenskukennari við Menntaskólann í Reykjavík, þegar
hann var inntur álits á þeim áhyggjum, sem háskólakennarar hafa af
versnandi islenskukunnáttu stúdenta, en uppi eru hugmyndir um að
koma á stoöuámskeiði fyrir stúdenta í heimspekideild Háskólans.
Ólafur Oddsson sagði að taka yrði
tillit til þess að í framhaldsskólana
kæmu nú miklu stærri hlutar ár-
ganga heldur en áður var, og það
væri alls ekki sama hvort 70-80%
af árgangi færi í framhaldsskóla eða
hvort 20%. „Ég veit hins vegar að
það er víðast hvar unnið prýðilegt
starf í grunnskólunum, en staðreynd-
in er sú að í samfélaginu hefur verið
almennt agaleysi á liðnum misserum,
og það jafnvel á æðstu stöðum. Ann-
ars er þetta viðkvæmt mál sem fjalla
þarf um með varúð. Einfaldar lausn-
ir á þessu eru ekki til.“
Ólafur sagði að það sem hann teldi
fyrst og fremst að gæti hafa haft
áhrif til hins verra varðandi móður-
málskunnáttu væru breyttar um-
hverfisaðstæður barna og uppeldi.
Bóklestur væri miklu minni en áður,
og forráðamenn barna hefðu minni
tíma aflögii til að sinna þeim og tala
við þau. „Ég held að allra mikilvæg-
ast sé uppeldið í bemsku, en fólk
þarf að tala við böm sín og gefa sér
mikinn tíma til þess. Þá er afar mikil-
vægt að skemmtunin sé íslensk, og
það er til dæmis mjög virðingarvert
þegar tónlistarmenn flytja verk sín
með íslenskum textum. Annars er
of lítið um íslensku í sumum útvarps-
stöðvunum, og til dæmis er sá einn
munurinn á sumum þáttum í einni
þeirra og útvarpi vamarliðsins að þar
eru skýrari hljómgæði. Þetta hefur
sín áhrif,“ sagði hann.
„Staða kennara og virðing í samfé-
laginu spinnst einnig inn í þetta, en
það hefur verið svolítið í tísku hjá
sumum stjórnmálamönnum að beija
á þeim á liðnum misserum. Þá hafa
vinnudeilur kennara og ríkisins verið
afar skaðlegar, en þær hafa áhrif í
mörg ár á eftir. Ég varð var við það
í vor, við að prófa nemendur í munn-
legu og skriflegu stúdentsprófi, að
mikið tjón var merkjanlegt frá vorinu
1989. Skilningur á þessu virðist hins
vegar ekki mikill, og stundum finnst
mér menn ekki setja þessi mál í sam-
hengi," sagði Ólafur Oddsson.
Víðistaðakirkja í Hafnarfirði.
Þing- íslenskra og fær-
eyskra Kiwanismanna
UMDÆMISÞING Kiwanisum-
dæmisins Island-Færeyjar verður
sett í Víðistaðakirkju í Hafnarfirði
kl. 21 í kvöld, föstudag. Áætlað
er að til þings komi um 500 manns.
Þar á meðal eru erlendir gestir,
Evrópuforseti hreyfingarinnar
Georg Palluva frá Sviss, A1 Prov-
asi fulltrúi í heimsstjórn og umdæ-
misstjóri Norden-umdæmisins,
Lars Jöran frá Noregi.
Kiwanishreyfingin á íslandi og í
Færeyjum hefur haldið uppi öflugu
starfí á þessu starfsári eins og ætíð
frá stofnun hennar í janúar 1964.
Helsta markmið heimshreyfingarinn-
ar á þessu starfsári er að vinna í
þágu barna, sérstaklega barna að
fimm ára aldri.
Kiwanisklúbbarnir hér á landi og
í Færeyjum stunda hin margvísleg-
ustu þjónustuverkefni í sinni heima-
byggð og einnig á alþjóðlegum vett-
vangi. Helsta stolt Kiwanishreyfíng-
arinnar er stuðningur við geðsjúka,
sem hefur komið í framhaldi af sölu
K-lykilsins á undanförnum árum.
Mál þingsins eru margvísleg. Dag-
legur rekstur og skipulag, þjálfun
embættismanna, skýrslur um störf
og lagður grunnur að starfi komandi
starfsárs.
Á íslandi og í Færeyjum eru starf-
andi 44 Kiwanisklúbbar með rúm-
lega 1300 félögum. í heimshreyfíng-
unni eru um 330 þúsund félagar í
75 löndum. Umdæmisstjóri þessa
starfsárs er Hermann Þórðarson úr
Hafnarfírði. Umdæmisstjóri næsta
starfsárs er Steindór Hjörleifsson úr
Reykjavík.
Fréttatilkynning.
RIKISSAMNINGUR
ER INNSIGLI FYRIR
RÉTTRI VÖRU Á
GÓÐU VERÐI!
PAMTADU FYRIR 6. SEPT.
/ tölvukaupum gildir að velja rétt.
Við minnum á að fresturinn til að innsigla
réttu kaupin rennur út 6. september n.k.
Fjárfestu rétt - með pví að nýta þér samning
Örtölvutækni og Innkaupastofnunar.
Samninginn sem öll þjóðin hagnast á.
EO SÍckTpT Tutaþ
Hörtölvutækni M
Tölvukaup hf. Skeiíunm 17 sími 687220 fax 687260