Morgunblaðið - 10.09.1991, Qupperneq 42

42
MORGUNBLAÐIÐ ÞRIÐJUDAGUR 10. SEPTEMBER 1991
Morgunblaðið/Þorkell Þorkelsson
ROKKYÍMA
Sebastian Bach, íturvaxin
söngspíra Skid Row.
________Tónlist__________
Árni Matthíasson
ÞAÐ ætlar að ganga seint að
koma Islendingum upp á að
sækja tónleika. Markaður er
einkar ótryggur og margur
hefur brennt sig á að flytja
hingað fyrirtaks sveitir, sem
enginn kemur svo til að sjá. A
föstudag og laugardag lék hér
þungarokksveitin Skid Row,
sem er óneitanlega með fjórum
fremstu þungarokksveitum
heims í dag, og ekki skiluðu sér
á tónleikana nema tæplega
3.000 fyrra kvöldið, en seinna
kvöldið komu innan við 1.000.
Minnugur þess þegar popp-
sveitin slappa Europe fékk
5.000 manna aðsókn, er ekki
gott að segja hvar allir þunga-
rokksáhugamenn voru. Ef til
vill heima blankir.
Skid Row sýndi það á tónleik-
unum í Laugardalshöll að þar fer
sveit í fremstu röð. Söngvari
sveitarinnar, Sebastian Bach, er
tvímælalaust með líflegustu
sviðsmönnum og að auki hörku
söngvari. Reyndar er sveitin öll
geysi þétt og lífleg. Sveitarmenn
virtust ekki óöruggir á sviðinu
fyrra kvöldið þrátt fyrir að Skid
Row væri á sínum fyrstu tónleik-
um sem aðalsveit. Sebastian
fækkaði snemma fötum og var
ber að ofan frá öðru lagi, en
þrátt fyrir það bogaði af honum
svitinn, enda hamaðist hann eins
og hann ætti lífið að leysa. Aðr-
ir sveitarmenn voru og líflegir
og klifruðu spilandi upp allar
hátalarastæður, utan trommari
sveitarinnar, án þess að missa
úr nótur eða takt. Áheyrendur
kunnu og greinilega vel að meta
sveitina og létu hrifningu sína í
ljós með öskrum og ópum, aukin-
heldur sem þeir stukku og hristu
sig. Ekki rekur mig minni til að
hafa séð' aðra eins almenna
stemmningu á tónleikum hér á
landi. Eftirtektarvert var hve
fáir voru áberandi drukknir,
enda var, leitað vel á mönnum
við innganginn. Hef ég heimildir
fyrir því að í salnum hafi fundist
níu áfengisílát eftir tónleikana,
sem ekki getur talist mikið þar
sem hátt í 3.000 rokkþyrstir
unglingar koma saman til að
skemmta sér. Það var því rokkv-
íma sem sveif á viðstadda, en
ekki áfengis. Sebastian Bach
lýsti og hrifningu sinni eftir tón-
leikana. Hann sagðist ekki hafa
átt von á svo góðum viðtökum
og sagðist aldrei hafa leikið fyr-
ir eins skemmtilegan hóp.
Seinna kvöldið voru félagarnir
í Skid Row heldur daufari, enda
tómlegt í höllinni þegar innan
við þúsund manns eru í húsinu.
Þeir lögðu sig þó vel fram og
þau hundruð sem keyptu sig inn
voru ekki svikin.
Skid Row er fremsta rokk-
sveit sem hingað hefur komið í
fjölda ára; framúrskarandi sviðs-
menn og þéttir tónlistarmenn,
sem eiga eftir að ná langt. Hvort
framhald verður á tónleikahaldi
Rokks hf. er ekki gott að segja;
ef til vill er nóg komið af þunga-
rokki.
Til frambúðar
Gaivanhúðað stál gefur styrkinn og litað
plasthúðað yfirborð ver gegn ryði og tæringu.
Fagmenn okkar veita ráðleggingar. Hagstætt verð.
Sölu- og þjónustuaðilar:
Blikksmiðjan Funi sf., Smiðjuvegi 28, Kóp. S. 91-78733
Blikksmiðjan Vík hf., Smiðjuvegi 18c, Kóp. S. 91-71580
Blikksmiðja Einars sf., Smiðjuvegi 4b, Kóp. S. 91-71100
Blikksmiðjan Höfði, Eldshöfða 9, Rvk. S.686212
Borgarblikksmiðjan hf., Álafossvegi 23, Mosfellsb. S. 91-668070
Stjörnublikk hf., Smiðjuvegi 1, Kóp. S. 91-641144
Blikkás hf., Skeljabrekku 4, Kóp. S. 91-44040
Blikksmiðja Erlendar, Hnífsdalsvegi 27, ísaf. S. 94-4488
Blikkrás hf., Hjalteyrargötu 6, Akureyri. S. 96-27770
Blikk og bílar, Túngötu 7, Fáskrúðsfirði. S. 97-51108
Blikk hf., Gagnheiði 23, Selfossi. S. 98-22040
Blikksmiðja Agústs Guðjónssonar, Vesturbraut 14, Keflav. S. 92-12430.
Blikksmiðjan Eintœkni, Bygggörðum 4, Seltjarnesi. S. 91-611665.
[SVOR BYGGINGAREFNI,
Dalvegi 20, Kópavogi, sími 91-641255, fax 641266.
pósthólf 435, 202 Kópv.
IHoTiAimliIniiib
Meira en þú geturímyndad þér!
Skákskóli Islands
hefur starfsemi
SAMKVÆMT lögum frá Alþingi 1990 hefur á vegum Skáksambands
íslands hafið starfsemi sína nýr sérskóli: Skákskóli íslands. Dr.
Kristján Guðmundsson hefur verið ráðinn skólasljóri og fastráðnir
kennarar verða stórmeistararnir fjórir, Jóhann Hjartarson, Jón L.
Árnason, Helgi Ólafsson og Margeir Pétursson. Áuk þeirra munu
alþjóðlegu meistararnir Karl Þorsteins, Þröstur Þórhallsson og Hann-
es Hlífar Stefánsson kenna almennum flokkum.
Setningarathöfn fyrir fyrsta
starfsár Skákskóla íslands verður
þriðjudaginn 10. september kl.
14.00 í Faxafeni 12, í húsakynnum
Skáksambands íslands.
Á setningarathöfninni verða
heiðraðir upphafsmenn hugmynd-
arinnar um ríkisstyrktan skákskóla.
Námskeið standa í 2 sinnum 6
vikur, þ.e. tvö námskeið fyrir jól
og tvö eftir áramót. Próf milli flokka
verða haldin tvisvar á ári í desem-
ber og í apríl. Einnig verða í boði
ýmis sumarnámskeið. Bestu nem-
endur hvers skólaárs verða verð-
launaðir með skákferð til Gausdal
í Noregi í ágústmánuði.
Almennu flokkarnir byrja mánu-
daginn 16. sept. en í október verða
efnilegustu nemendurnir valdir i
sérstaka framhaldsflokka. Ofan-
greindir stórmeistarar sjá um þá
kennslu og byijar hún 27. okt. og
verður ókeypis.
Skráning fer fram í síma Skák-
sambands íslands alla virka daga
frá 9-13 og lokaskráning í fyrstu
námskeiðin verður helgina 14.-15.
sept. Raðað verður í flokka eftir
styrkleika.
Flokkarnir verða: Almennur
flokkur 1, bytjendur (mánud.
17.00-19.00). Almennur flokkur 2
(þriðjud. 17.00-19.00). Almennur
flokkur 3 (miðvikud. 17.00-19.00).
Almennur flokkur 4
(fimmtud.17.00-19.00). Almennur
flokkur 5 (föstud. 17.00-19.00).
Auk þess verður boðið upp á
kennslu í fullorðinsflokkum og geta
áhugasamir skráð sig í þijá mögu-
lega flokka: Heimsmeistarar í skák,
Skákbyijanir og sérstakt námskeið
í tengslum við Heimsbikarmót Flug-
leiða þar sem ferill keppenda þess
móts verður kynntur.
Að lokum má geta þess að á
sama tíma hefst Bréfaskóli íslands
og stendur sú kennsla allt árið.
(Fréttatilkynning)