Morgunblaðið - 16.10.1991, Blaðsíða 29

MORGUNBLAÐIÐ MIÐVIKUDAGUR 16. OKTOBER 1991
29

' V
lijl 1 : H \ H 1
m 111
.... 'tm
Úr myndinni Hvað með Bob?.
Fjölfæla í banastuði
Hvað með Bob? („What About
Bob?”). Sýnd í Bíóborginni.
Leikstjóri: Frank Oz. Framleið-
andi: Laura Ziskin. Aðalhlut-
verk: Bill Murray, Richard
Dreyfuss, Julie Hagerty og
Charlie Korsmo. Touchstone.
1991.
í hinni ágætu gamanmynd Hvað
með Bob? leikur Bill Murray fjöl-
fæluna Bob sem allt hræðist í líf-
inu og svo mjög að hann þorir
varla útúr íbúðinni sinni til að hitta
nýja sálfræðinginn sinn, sem leik-
inn er af Richard Dreyfuss. Hin
hrikalega fælni hans nær yfir bók-
staflega allt í umhverfínu. Og hann
er martröð sálfræðingsins. Þegar
sálinn fer í frí með fjölskyldu sinni
á afvikinn, friðsælan stað eltir Bob
og límir sig á sálann eins og
„mannlegt jötungrip”.
En eftir því sem sálinn hatar
hann meira og gerir hverja ör-
væntingarfulla tilraunina á fætur
annarri til að losna við hann tekur
ij'ölskyldan ástfóstri við Bob og
ber hann á höndum sér. Hið kald-
hæðnislega er að eftir því sem
sálarlífi sálans hrakar í samvistun-
um við hinn óþolandi Bob fer fjöl-
fælunni Bob hraðbatnandi.
Efniviðurinn í Hvað með Bob?
er ómótstæðilegur og leikstjórinn
Frank Oz, sem síðast stýrði
kómedíu svika og pretta í „Dirty
Rotten Scoundrels”, hefur gert úr
honum fyndna og bráðskemmti-
lega gamanmynd með nákvæm-
lega réttum ýkjum í persónugerð
og kringumstæðum. Myndin fjallar
um það hvernig Bob leggur líf
sálans gersamlega í rúst með því
sem fjölskyldan lítur á sem hrein
elskulegheit en sálinn aftur helber-
ar ofsóknir og harkalega árás á
einkalíf sem hann heldur fast utan-
um en missir smátt og smátt tökin
á. Bob rúllar algerlega yfír sálánn
en það nær hámarki þegar hann
stelur sjónvarpsviðtali við hann í
beinni útsendingu. Þaðan er titill-
inn fenginn. Bob á huga allra og
allir eru sífellt að spyija, en hvað
með Bob? Engann varðar neitt um
sála.
Myndin er fyndin og fjörug og
á skemmtilegheitum sínum ekki
síst að þakka tveimur frábærum
leikurum í aðalhlutverkum. Bill
Murray er fæddur til að leika rullu
hins léttgeggjaða Bobs og er bráð-
hlægilegur, sakleysið og elskuleg-
heitin uppmáluð og algerlega
ómeðvitaður um eyðileggingar-
mátt sinn. Taktarnir hans í hlut-
verki fjölfælunnar eru oft unaðs-
legir. Dreyfuss er alger andstæða,
metnaðarfullur, pinnstífur, sjálfs-
elskur og sjálfsánægður sáli sem
þráir frægðarljósið, skýrir son sinn
Sigmund og setur fjölskylduna í
ijórða sæti. Allir þessir veikleikar
hans opinberast ijölskyldunni eftir
því sem hann leggur meiri fæð á
Bob. Því hræðilegri stundir sem
þessir tveir eiga saman því betur
kemur hans innri maður í ljós og
því betur skemmta áhorfendur sér.
•• N
HÆTTULEG KYNNI
Kvikmyndir
Arnaldur Indriðason
Dauðakossinn („A Kiss Before
Dying”). Sýnd í Laugarásbíói.
Leikstjóri og handritshöfundur:
James Dearden. Aðalhlutverk:
Matt Dillon, Sean Young, Max
von Sydow. Universal. 1991.
Dauðakossinn er sakamála-
mynd í góðu meðallagi eftir hand-
ritshöfund Hættulegra kynna, Ja-
mes Dearden. Hann skrifar bæði
handritið og leikstýrir og byggir
ansi vel upp og flækir mann af
leikni inní nokkuð flókna atburða-
rás, heldur áhuganum og spenn-
unni vakandi með nýjum og
óvæntum uppljóstrunum og skap-
ar ógnvekjandi og samviskulausan
morðingja sem Matt Dillon leikur
af stakri prýði.
Dearden fínnur ágætri saka-
málasögunni viðeigandi drunga-
legt og ofbeldisfullt andrúmsloft
með dimmri lýsingu og tónlist og
harkalegum ofbeldissenum sem
fela ekkert. Dillon leikur ungan
mann sem í upphafí myrðir dóttur
eins ríkasta manns Bandaríkj-
anna, koparbarónsins Þórs Karls-
sonar, sem Max von Sydow leikur
af alkunnum þokka. Hann lætur
það líta út eins og sjálfsmorð -
hann er snillingur í að láta morð
líta út eins og sjálfsmorð og skrifa
kveðjubréf fyrir fómarlömb sín -
en tvíburasystur hennar grunar
að ekki sé allt með felldu. Hún
hamrar á lögreglunni að fylgja
málinu eftir og ræður einkaspæj-
ara og rannsakar sjálf málið. En
síst grunar systurina, sem leikin
er af Sean Young, að nýi kærast-
inn sinn eigi hlut að máli; Dillon
sjálfur.
Myndin er ágætlega leikin og
fer þar fremstur í flokki Matt Dill-
on, nokkuð vanmetinn leikari og
lítt áberandi af þeim ungu og upp-
rennandi í Hollywood. Hann getur
verið ástúðin og tillitssemin upp-
máluð eina stundina en hina full-
komlega sálsjúkur morðingi og
ógnvekjandi á sinn hæga, lág-
stemmda hátt. Young gerir einnig
góða hluti sem hin áhyggjusama
tvíburasystir er kemst um síðir að
hinu sanna í málinu.
En þótt myndin sé mjög góð
lengst af eru lokin ekki eins sterk
og tilefni er til. Ástæðan að baki
verknuðum hins sálsjúka morð-
ingja reynist á endanum ekki nógu
sterk eða nógu athyglisverð til að
smella saman við það sem á undan
er gengið. Myndin snýst ekki um
þá einföldu og klassísku spurn-
ingu: Hver gerði það? Það er ekk-
ert leyndarmál að Matt Dillon er
morðinginn. Aðalráðgátan verður:
Hvers vegna gerir hann það? Og
því miður er svarið veikasti hlekk-
ur myndarinnar. Lausnin er ein-
hvern veginn of almenn og ódýr.
Það má kannski kenna græðgi
níunda áratugarins um marga
spillingu en hvort hún gat af sér
gersamlega sálsjúka morðingja er
annað mál.
Hin hliðin á Paradís
Kvikmyndir
Sæbjörn Valdimarsson
Bíóborgin:
Komdu með mér í sæluna - „Come
See the Paradise”. Handritsliöfund-
ur og leikstjóri Alan Parker. Aðal-
lcikendur Dcnnis Quaid, Tamlyn
Tomita, Sab Shimoto. Bandarísk.
20th Century Fox 1991.
Inntakið í nýjustu mynd Alans Par-
ker er óöryggið í hcnni veröld, hvemig-
stormurinn getur skyndilega staðið í
fangið eftir blíðviðri gærdagsins.
Komdu með mér í sæluna er byggð á
sönnum atburðum í grundvallaratrið-
um, svörtum dögum í sögu Banda-
ríkjanna er þeir í örvinglunaræði eftir
árásina á Pearl Harbour í seinna stríði
tóku sig til og smöluðu saman velflest-
um japönskættuðum Bandaríkjamönn-
um í óhijálegar cinangranarbúðir, hvar
þeir máttu dúsa fram undir stríðslok.
Uns Bandaríkjamenn viðurkenndu að
hafa brotið sjálfa stjómarskrána, á
a.m.k. öllum þeim sem fæðst höfðu í
Vesturálfu. Búðavistin, sem vitaskuld
var ekkert annað en prísund, hafði
óbætanleg áhrif á fólkið. Það missti
undantekningarlaust allt sem það átti
af jarðneskum eigum, flest sem það
unni og um sinn trúna á land allsnægt-
anna. Það kynntist hinni hliðinni á
Paradís. „Hversvegna stingið þið ekki
Joe Di Maggio inn?” spyr reitt japansk-
ættað ungmenni að vonum.
Utanum þetta átakanlega efni semur
Parker tregafullt og fallegt drama svo
úr verður einkar áhrifainikil mynd sem
jaðrar við að vera epískt stórvirki. Við
kynnumst Quaid, uppreisnargjömum
ungum manni sem ann réttlætinu svo
hann kann tæpast fótum sínum forráð,
verkalýðssinnaður málaþófsmaður sem
kallar yfír sig vandræðin. Þau minnka
ekki er hann fær vinnu sem kvikmynda-
sýningarmaður í Litlu Tokyo, hveifí
japanskættaðra Bandaríkjamanna í Los
Angeles. Þau verða yfír sig ástfangin,
hann og Tomita, dóttir eigandans sem
helst illa á fé. Hefur hann því í fjáröfl-
unarskyni lofað skuldarciganda sínum,
rosknum manni, dótturina fögru. Þau
Quaid em því brottræk er upp kemst
um samband þeirra.
Um árabil una þau hag sínum vel í
Seattle ogeignast dóttir. En Quaid, sem
ætíð kann jafn illa ójöfnuðinum, kemst
eina ferðina enn í vandræði og svart-
hol útaf réttætisbaráttu. Þau sameinast
aftur í Los Angeles og sælan aldrei
meiri en er Japanir segja Bandaríkja-
mönnum stríð á hendur m.a. með þeim
afleiðingum sem áður greinir. Þeim er
stíað í sundur, hún fer ásamt fjölskyldu
sinni í prísund úti á mörkinni, hann
kvaddur í herinn. Það er sem lífinu sé
lokið.
Parker er engum líkur. Óragur fæst
hann við verkefni sem eru hver öðrum
ólíkari, ætíð krefjandi og' árangurinn
jafnan glæsilegur. Oftar en ekki em
myndir hans áleitnar undir yfirborðinu
þó útlitið sé frábrugðið, tökum sem
dæmi nýjustu myndir hans þijái” Miss-
issippi Burning, Komdu mcð mér í
sæluna og Thc Commitmcnts, sem fjall-
ar um tilurð vsoul”-hljómsveitar skip-
aðri snauðum Irum úr verkamannastétt
og hlotið hefur einróma lof og ótrúlega
góða aðsókn vestan hafs síðustu vik-
urnar. Sundurleitari myndir vart að
fínna, eiga fátt annað sameiginlegt en
ádeilubroddinn og handbragð þessa ein-
staka leikstjóra. Hér tekur Parker að
sjálfsögðu málstað hinna smáðu banda-
rísku þegna sem í nokkur, ógnvænleg
ár máttu gjalda þess að vera ættaðir
frá óvinalandi. En sem í flestum öðrum
myndum hans birtir upp um síðir og
svörtu dagarnir verða rauðir.
Parker segir þessa áhrifamikla sögu
á snilldarlegan hátt. Á göngutúr er
Tomita smá-saman að segja dóttir
þeirra Quaids frá föður sínum, sem þau
hafa ekki séð um árabil, og hinu
stormasama lífshlaupi þeirra. Það dreg-
ur sífellt nær lokum sögunnar og
göngutúrsins sem endar svo á brautar-
stöð þar sem þessi litla fjölskylda sam-
einast að lokum á ný eftir svo ótrúleg-
ar raunir.
Það er hvergi veikan punkt að finna
í frásögninni og framvindunni, klipp-
ingin aðdáunai-verð, bæði ljóðræn og
hnitmiðuð. Tónlist, útlit, búningar, leik-
munir óaðfmnanlegt, en því eigum^WB
reyndar að venjast undantekningarlítið
í bandarískum myndum af þessari
stærðargi-áðu. Leikurinn er í hæsta
gæðaflokki, Quaid tilfmningaheitur og
fullur tjáningar að venju, Tomita bæði
undurfögur og snjöll leikkona. Aðrir
aðalleikar, sem allir eru óþekktir
Bandaríkjamenn af japönskum ættum,
standa sig ótrúlega vel.
Það vekur furðu hvað myndin hlaut
dræma aðsókn vestan hafs, en sann-
leikurinn getur verið óþægilegur og
vissulega er Komdu með mér í sæluna
óvenjulega tregafull miðað við megin-
strauminn í myndum samtímans og
persónurnar ívið svart/hvítar. En það
breytir engu um að hér er á ferðinni
epísk stónnynd sem snertir alla. Um
áður lítt kunna, svarta daga í lífí þjjð-
ar, sterkar tilfmningar og stormasamt
mannlíf. Gerð af mikilfengleika, vænt-
umþykju og virðingu fyrir margbrotnu
umfjöllunarefninu.
HAUSTSÝNING
A ferð um landið!
SÝNINGARSTAÐIR
RENAULT
19 GTS
Renault 19 GTS er einn af þeim bílum
semheilla straxviðfyrstusýn.Hanner
vandaður og glæsilegur fjölskyldubíll,
með miklum aukabúnaði og er á
einstaklega hagstæðu verði.
Renault 19 GTS er búinn fallegri
innréttingu, kraftmikilli vél, rafdrifnum
rúðum að framan, lituðu gleri, fimm
gíra gírkassa, vökvastýri, fjarstýrðri
samlæsingu og fleiru.
Verð frá kr. 869,000,-
Bílaumboðið hf
Krókhálsi 1, 110 Reykjavík, sími 91-686633
RENAULT FER Á KOSTUM
3 ára ábyrgö
8 ára ryðvamarábyrgð
RENAULT
RENAULT
Clio
Renault Clio hefur sópað að sér
viöurkenningum frá því hann var fyrst
kynntur. Hann var kosinn bíll ársins í
Evrópu 1991, fékk Gullna stýrið og
Auto Trophy verðlaunin i Þýskalandi.
Renault Clio er mjög rúmgóður,
hljóðlátur og með frábæra aksturs-
eiginleika. Hann er búinn fallegri
innréttingu, kraftmikilli og sparneytinni
vél, rafdrifnum rúðum, fjarstýrðum
samlæsingum og er á frábæru verði.
Verð frá kr. 719,000.-
Nevada 4x4
Renault Nevada er framdrifinn með
mögulegri tengingu á afturdrifi, sem
búið er 100%læsingu.
Renault Nevada er með glæsilegri
innréttingu, 120 hestafla vél með beinni
innspýtingu, rafdrifnum rúðum, lituðu
gleri, fimm gíra gírkassa, vökvastýri,
fjarstýrðri samlæsingu, krómaðri
toppgrind og mörgu fleiru.
Verð frá kr. 1,589,000,-
Fimmtudagur 17. október
Föstudagur 18. október
Laugardagur 19. október
Sunnudagur 20. október
HÖFN HORNAFIRÐI
Við Sindrabæ kl. 15.00 -18.00
FÁSKRÚÐSFJÖRÐUR
Við Hótelið kl. 10.00-11.00
REYÐARFJÖRÐUR
Bíleykl. 13.00-15.00
EGILSSTAÐIR
Essóskálinn kl. 16.30 -18.00
AKUREYRI
Bitaval, Strandgötu kl. 10.00 - 18.00
SIGLUFJÖRÐUR
Bensínstöð Olís kl. 11.00 - 13.00
SAUÐÁRKRÓKUR
Bílav.st. ÁKA kl. 15.00 -18.00