Morgunblaðið - 29.10.1991, Blaðsíða 15

Morgunblaðið - 29.10.1991, Blaðsíða 15
MORGUNBLAÐIÐ ÞRIÐJUDAGUR 29'. OKTÓBER 1991 15 Táknmál, móðurmál heyrnarlausra eftir Onnu Jónu Lárusdóttur Mig langar til að segja ykkur frá ungum hjónum, sem voru svo lánsöm að eignast barn, sannkall- aða gjöf frá Guði. Barnið fæðist heilbrigt, hjónakornunum til mikill- ar gleði. Nokkrum mánuðum seinna kemur það aftur á móti í ljós að barnið þeirra er ekki alveg eins og önnur börn. Barnið þeirra er nefnilega heyrnarlaust. Þssi uppgötvun er mikið áfall fyrir ungu hjónin. Þau vilja aðeins það besta fyrir barnið, en gera sér jafnframt grein fyrir því að mikil vinna er framundan. Þó barnið heyri ekki rödd foreldranna, finnur það ástúð- ina sem skín úr augum og lát- bragði þeirra. Foreldrunum lærist að skilja að barnið verður ekki fatlað á heimil- inu ef þau læra táknmál. Það elst upp í miklu öryggi og fljótlega getur barnið haft samskipti við foreldra sína á táknmáli. Foreldr- arnir eru stoltir af barninu sínu og ausa ekki yfir það vorkunnsemi þó það sé heyrnarlaust. Barnið verður smátt og smátt sjálfstæður einstaklingur með traust á sjálfum sér, vegna hamingjunnar og ör- yggisins sem það fann í uppeldinu. Óþarfa áhyggjur, vorkunnsemi og óhamingja hjá foreldrunum hefðu getað valdið því að barnið yrði að óöruggum, ósjálfstæðum einstakl- ingi með skerta sjálfsmynd. Þó að barn sé heyrnarlaust má ekki færa því allt upp í hendurn- ar, heldur á einmitt að hjálpa barn- inu til að skilja að heyrnarlausir geta allt nema heyrt. Foreldrar sem nota táknmál við heyrnarlaus börn tjá sig með öllum líkamanum, látbragði og höndum, líkt og heyr- andi börn tjá sig með hljóði. Þegar barnið er orðið að full- orðnum einstaklingi getur sá ein- staklingur verið mjög stoltur, því foreldrarnir hafa gefíð honum mik- inn stuðning. Þó að hann heyri ekki getur hann tjáð sig og haft samskipti við alla, því hann kann tvö mál. Þegar barnið er orðið 6 ára gam- alt er það tiJbúið til að fara í Heyrn- leysingjaskólann. Það hefur alist upp við ást og öryggi hjá foreldrun- um og verður nú líka að fá öryggi hjá skólanum. Nú er það einnig hlutverk kennaranna að gefa barn- inu ást og hamingju. Ef barnið er ánægt í skólanum verða foreldr- arnir líka ánægðir. Nauðsynlegt er að viðhorf foreldranna til skól- ans og skólans til foreldranna séu jákvæð, því það myndar góðan stuðning og gott andrúmsloft fyrir barnið. Skólinn og foreldrar verða að vinna vel saman. Ef kennara finnst barnið van- megnugt og gerir allt fyrir það í skólanum er mikil hætta á að barn- ið verði óöruggt og að það hafi lélega sjálfsmynd. Það verður að gera eðíilegar kröfur til heyrnar- lausra barna eins og heyrandi barna. Skólinn verður að kenna börnunum að þau geti gert allt sem þau langar til að gera svo að þau öðlist traust á sjálfum sér og sjálf- stæði og þori að leita eftir frekari menntun í framtíðinni. Ef skóli og heimili styðja bæði við bakið á barninu eru minni líkur á að barn- ið eigi við vandamál að stríða. Gott andrúmsloft í skóla og heima fyrir stuðlar að mótun heilbrigðs einstaklings. En svo eru auðvitað til heyrnar- laus hjón sem eignast heyrandi barn. Það er líka mikil vinna og þessi hjón verða líka að hugsa um hvað sé þeirra barni fyrir bestu. Þau verða að gefa barninu ást og öryggi. Yfírleitt alast þessi börn upp altalandi á tvö tungumál. Eitt tungumálið nota þau við mömmu og pabba og hitt við kunningjana og ömmu og afa. Barnið ber líka virðingu fyrir báðum tungumálun- um. Ömmur og afar, ásamt öðrum ættingjum verða að gæta þess að viðhalda virðingu barnsins fyrir táknmáli, annars gæti það farið svo að barnið skammaðist sín að tala við sína eigin foreldra. Að- stæðurnar eru eins og hjá hjónum af tveimur þjóðernum, þar sem annað foreldrið er íslenskt og hitt erlent. Barnið elst upp tvítyngt og ber jafna virðingu fyrir tungumál- um foreldranna. Aftur á móti mega heyrnarlausir foreldrar ekki gleyma að barnið vill kannski hlusta á útvarpið, fara í tónlistar- skóla og eiga jöfn tækifæri á við vini sína. Hvort sem heyrandi foreldrar eignast heyrnarlaus börn eða heyrnarlausir foreldrar eignist heyrandi börn verður að veita barninu ást og öryggi í uppeldinu. Styðja verður við bakið á þeim og gera þeim kleift að öðlast góða Anna Jóna Lárusdóttir menntun og jöfn tækifæri í lífinu. Það er baráttumál allra heyrnar- lausra og ætti einnig að vera bar- „Það er baráttumál allra heyrnarlausra og ætti einnig að vera bar- áttumál allra foreldra að fá viðurkenningu á táknmáli sem móður- máli heyrnarlausra." áttumál allra foreldra að fá viður- kenningu á táknmáli sem móður- máli heyrnarlausra. Á þessu ári hefur mikill árangur náðst í bar- áttu heyrnarlausra, við höfum fengið Samskiptamiðstöð, text- asímamiðstöð og barnaheimili fyrir heyrnarlaus börn. Næst á dagskrá er að fá viðurkenningu á táknmáli sem móðurmáli heyrnarlausra. Höfundur er formaður Félags heyrnarlausra. Er þetta hægt?? Já okkur tókst það. Acrotech tölvurnar eru fullbúnar alvöru tölvur á verði sem er sennilega það lægsta á markaðnum. Dæmi um verð. Acrotech 386SX 20 MHz. 44Mb harður diskur, 2Mb vinnsluminni, Super VGA litaskjár, 1,44Mb 09 1,2Mb disklingadrif og MS-DOS 5.0 Verð: kr 119,500.- Acrotech 386 25 MHz. 89Mb harður diskur, 4Mb vinnsluminni, Super VGA litaskjár, 1,44Mb og 1,2Mb disklingadrif og MS-DOS 5.0 Verð kn 149,998.- Acrotech 386 33 MHz. 89Mb harður diskur, 4Mb vinnsluminni, Super VGA litaskjár, 1,44Mb og 1,2Mb disklingadrif og MS-DOS 5.0 Verð kr: 179,900.- 1 Acrotech 486 33 MHz. 125Mb harður diskur, 4Mb vinnsluminni, Super VGA litaskjár, 1,44Mb og 1,2Mb disklingadrif og MS-DOS 5.0 Verð kr: 241,640.- Balti hf., ÁrmúSa 1, sími 91-812555
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.