Morgunblaðið - 08.02.1992, Blaðsíða 1

Morgunblaðið - 08.02.1992, Blaðsíða 1
72 SIÐUR B/LESBOK tvBunHiifrife STOFNAÐ 1913 32.tbl.80.árg. LAUGARDAGUR 8. FEBRUAR 1992 Prentsmiðja Morgunblaðsins Aætlun Rússa um einkavæðingu: Miklar hömlur á er- lendri fjárfestingu Moskvu. Kiev. Reuter. RÚSSNESK stjórnvöld kynntu í gær áætlun um einkavæðingu ríkis- fyrirtækja. Þar er gert ráð fyrir miklum hömlum á erlendri fjárfest- ingu vegna veikrar stöðu rúblunnar. Anatólíj Tsjúbajs, sá ráðherra rússnesku stjórnarinnar sem sér um einkavæðingarmál, sagðist því mið- ur verða að tilkynna að erlendri Rússland: Síðustu pól- itísku föng- unum sleppt Moskvu. Reuter. SÍÐUSTU tíu pólitísku föng- unum í Rússlandi var sleppt í gær. Mennirnir höfðu verið í haldi í Perm-35 vinnu- búðunum í Úral-fjöllum en Borís Jeltsín, forseti Rúss- lands, náðaði þá í síðustu viku. Mönnunum tíu, sem eru á aldrinum 25-65 ára, hafði öll- um verið gefið að sök að svíkja ættjörðina eða gera tilraun til þess. Alexander Dolzhikov var lengst í haldi. Hann var dæmd- ur árið 1983 fyrir ýmis afbrot þ. á m. hafði hann reynt að flýja land. Tveir voru dæmdir fyrir flugrán og einn var fund- inn sekur um að hafa ljóstrað upp um ríkisleyndarmál. I frétt fréttastofunnar Ita.r-Ta.ss seg- ir um þessi tímamót: „Frelsun þjóðfélagsins úr hlekkjum lög- leysunnar hefur náð ákveðnum endapunkti. Gnindvallarreglur lýðræðislegs frelsis og mann- réttinda hafa sigrað í landi okkar." Að sögn breska útvarpsins BBC voru kunnir andófsmenn eins og Vladímír Búkovskíj og Natan Sharanskíj í haldi í Perm-35 vinnubúðunum. fjárfestingu yrðu settar strangar skorður á meðan rúblan væri svo veik gagnvart vestrænum gjald- miðlum sem raun ber vitni. Annars gæti sú staða komið upp að búð í Moskvu seldist á þúsund dalí (57.000 ÍSK). Tsjúbajs sagði að það gæti tekið tíu til fimmtán ár að brjóta upp ríkisrekna efnahagskerfið í landinu. Þó væri stefnt að því að einkavæða fjórðung ríkisfyrirtækja á þessu ári. Væru þau í flestum greinum atvinnulífsins en þó yrðu 23 at- vinnugreinar undanskiidar í fyrstu. Tsjúbajs sagði ennfremur að starfs- fólki fyrirtækja yrði boðið að kaupa 25% hlut í þeim og jafnframt hefði það forkaupsrétt á 10% til viðbótar á sérstökum kjörum. Reuter Sögulegum EB-samningi fagnað Ráðherrar frá aðildarríkjum Evrópubandalagsins (EB) komu saman í Maastricht í Hollandi í gær og undir- rituðu samning um sameiningu ríkjanna sem gengið var frá í borginni í desember. Taljð er að þetta sé mikilvægasti samningur bandalagsins frá því Rómarsáttmálinn var undirritaður 1957. Á myndinni skála nokkrir ráðherranna í kampavíni eftir að hafa undirritað samninginn. Þeir eru, frá vinstri: Cavaco Silva forsætisráðherra Portúgals, Ruud Lubbers forsætisráðherra Hollands, Hans-Dietrich Genscher utanríkisráð- herra Þýskalands, og Jacques Delors, forseti framkvæmdastjórnar EB. Sjá frétt á bls. 23. Pakistanar segjast geta framleitt kjarnorkuvopn Washington. The Daily Telegraph. PAKISTÖNSK stjórnvöld viður- kenndu í fyrsta sinn í gær að þau gætu framleitt kjarnorkuvopn. Hingað til hafa þau ávallt vísað á bug öllum staðhæfingum um að þau stefni að framleiðslu kjarnorkuvopna. Shahryar Khan, utanríkisráð- herra Pakistans, sagði á fundi með blaðamönnum bandaríska dag- blaðsins Washington Post að Pak- istanar hefðu orðið sér úti um allt sem þyrfti til að framleiða kjarn- orkusprengju. Þessi yfirlýsing kom bandarísk- um embættismönnum mjög á óvart þótt þá hefði lengi grunað að Pak- istanar gætu framleitt kjarnorku- vopn. Þessar grunsemdir urðu til þess að Bandaríkjaþing ákvað að hætta við 573' milljóna dala efna- hagsaðstoð við Pakistan fyrir tveimur árum. Talið er ólíklegt að þingið heimili aðstoð við landið í bráð eftir þessa yfiriýsingu utanrík- isráðherrans. Khan sagði að Pakistánar myndu ekki beita kjarnorkuvopnum eða selja öðrum ríkjum þekkingu sína á þessu sviði. Hann lagði jafnframt áherslu á að Pakistanar myndu ekki hætta kjarnorkutilraunum sín- um nema nágrannaríkið Indland gerði hið sama. Ráðherrann sagði ennfremur að stjórn landsins, sem komst til valda árið 1990, hefði ákveðið að skýra frá þessu til að öðlast traust Banda- ríkjastjórnar og tryggja efnahags- aðstoð frá henni. Bandaríkjamenn telja að Pakist- anar geti búið til að minnsta kosti tvær kjarnorkusprengjur, en Khan vildi ekkert um það segja. Banda- rískir embættismenn ræddu við stjórnvöld í Pakistan fyrir þremur vikum og sögðu þeim að efnahags- aðstoð kæmi ekki til greina nema þau eyðilegðu allan kjarnavopna- búnað sinn. Pakistanir höfnuðu þessu en gengu hins vegar að kröfu Bandaríkjamanna um að hætta að vinna úran í kjarnorkuvopn. Koivisto vill að Finn- ar sæki um EB-aðild Helsinki. Frá Lars Lundsten, fréttaritara Morgunblaðsins. MAUNO Koivisto, forseti Finnlands, sagði er hann setti þing landsihs í gær að hann væri hlynntur því að Finnar legðu fram umsókn um aðild að Evrópubandalaginu (EB) án nokkurra skilyrða. Quayle fagnað í \ <*9 ~4lm^ÆÉf Litháen Dan Quayle, varaforseti I áMMh æsL ^LJwr'^Æ^ Bandaríkjanna, heimsótti 1 Litháen í gær og hélt m ^*^wL j* s|L j^^éÉHb ræðu á Sjálfstæðistorg- ; * tíip .>4jPw J| W™k inu í Vilnius við mikinn j fögnuð um 10.000 Lit- | KX, í:':"*p^B W. Æs&Bf \ háa. Hann fagnaði þar MA| hruni kommúnismans og Kflfl \\^r V spáði því að Eystrasalts- 1 ¦¦' tJ þjóðirnar þrjár myndu S H 4i brátt losna við alla rússn- eska hermenn. Á mynd- ¦¦ \ ¦ inni veifar Quayle til mannfjöldans ásamt Vy- 11 tautás Landsbergis, for- seta Litháens. ' Jn ^M~rm *¥m Reuter Kóivisto sagði að Finnar gætu best haft áhrif á framvinduna með því að semja við bandalagið án þess að setja ákveðin skilyrði fyrirfram. Hann kvaðst hlynntur umsókn um aðild þótt ekki hefði náðst samstaða á meðal landsmanna um málið. í áramótaávarpi sínu hafði forsetinn sagt að taka þyrfti ákvörðun í mál- inu sem fyrst en lagði jafnframt áherslu á mikilvægi þess að sátt yrði um málið. Síðan hafa margir látið í Ijós þá skoðun að leggja beri fram skilyrði varðandi landbúnað- ar-, varnar- og byggðamál með umsókninni. Ríkisstjórnin hefur ekki enn tekið formlega ákvörðun um að sækja um aðild að bandalaginu. Utanríkis- mál heyra undir Koivisto og því er talið fullvíst að umsókn verði lögð fram. Forsetinn kvaðst viss um að stjórnin hefði búið svo um hnútana að Finnar gætu náð viðunandi sam- komulagi við Evrópubandalagið. Koivisto lagði áherslu á að auð- veldara yrði fyrir Finna að laga sig að breytingunum í Evrópu ef þeir gætu látið rödd sína heyrast innan EB, þar sem ákvarðanirnar væru teknár. Hann sagði að ótti manna við landbúnaðarstefnu bandalags- ins væri ástæðulaus og taldi að auðveldara yrði að tryggja byggð í sveitum landsins og framtíð land- búnaðarins með því að ganga í EB. Forsetinn minntist hins vegar ekki á áhrif hugsanlegrar EB-aðild- ar á utanríkisstefnu Finna. Margir andstæðinga aðildarinnar hafa sagt að ógjörningur yrði að halda uppi hlutleysisstefnu ef Finnar gengju í bandalagið. Talið er að þessi skýra afstaða Finnlandsforseta með EB-aðild hafi mikil áhrif á stefnumótun þeirra flokka sem hafa ekki enn gert upp hug sinn í málinu. Sá armur innan Miðflokksins sem hefur verið and- vígur EB mun að öllum líkindum minnka verulega.

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.