Morgunblaðið - 27.02.1992, Blaðsíða 18

18
,!l!l ■!,' I; ' ■ 'i , /■ J - I .! . í i,l / ’ i .1.1 I /
MORGUNBLAÐIÐ FIMMTUDAGUR 27. FEBRÚAR 1992
Morgunblaðið/Sigurgeir
Huginn aftur á sjó um helgina
Ljóst er að milljónatjón varð þegar loðnuskipið Huginn VE-55 fékk á sig brotsjói þegar skipið var á leið til
Eyja með fullfermi á þriðjudagsmorguninn. Mikið af siglingatækjum skipsins eyðilögðust og einnig loðnu-
skiljari og lúgur á dekki. Búist er við að viðgerð ljúki um helgina og skipið komist jafnvel á veiðar á laug-
ardaginn.
Tvö tilboð frá Hellissandi
hafa borist í Tungnfellið
TVÖ TILBOÐ hafa borist frá Hellissandi í fiskiskipið Tungufeil í
Ólafsvík. Tungufeli er í eigu Snæfellings sem aftur er eign bæjar-
sjóðs og það hefur verið stefna bæjaryfirvalda í Ólafsvík að skipið
ætti að selja heimamönnum. Tilboðin frá Hellissandi eru samt til
skoðunar enda munu hafnar þreifingar um sameiningu þessara
tveggja bæjarfélaga.
Stefán Garðarson, bæjarstjóri í
Ólafsvík, segir að tvö tilboð hafi
borist í Tungufellið frá heimamönn-
um í Ólafsvík en bæjarstjórn hafí
séð sér fært að taka hvorugu þeirra.
„Hvað varðar tilboðin tvö frá Hell-
issandi sern okkur hafa borist í
skipið viljum við ekki að svo stöddu
útiloka neitt og erum með tilboðin
í athugun," segir Stefán.
Snæfellingur hefur nú ákveðið
að auglýsa Garðar II til sölu utan
bæjarfélagsins þar sem engin tilboð
bárust í skipið frá heimamönnum.
„Þetta er sennilega of dýrt skip
fyrir heimamenn hér en það verður
slæmt að sjá á eftir Garðari II úr
bænum þar sem skipið hefur fiskað
grimmt að undanförnu,“ segir Stef-
án.
Hvað varðar hugmyndina um að
sameina Óiafsvík og Hellissand
hafa bæjarstjórnir beggja lýst yfir
áhuga sínum á að skoða það mál.
Stefán segir hins vegar að málið
sé á frumstigi og þreifingar nýhafn-
ar milli þessara aðila.
Norræni heilbrigðisfræðaskólinn:
Davíð Á. Gunnarsson
kjörinn stj ómarformaður
DAVÍÐ Á. Gunnarsson, forstjóri
ríkisspítalanna, hefur verið kjör-
inn sljórnarformaður Norræna
heilbrigðisfræðaháskólans, en
þar hefur hann setið í stjórn um
nokkurra ára skeið. Norræni
heilbrigðisfræðaháskólinn er
staðsettur í Gautaborg í Svíþjóð
og þangað getur fólk með há-
skólapróf, sem jafnframt hefur
reynslu úr starfi innan norrænu
heilbrigðisþjónustunnar sem og
á sviði félagsþjónustu og skipu-
lagningar hennar, sótt nám.
Davíð er fýrsti íslendingurinn
sem gegnir starfi stjórnarformanns
skólans en þó nokkrir íslendingar
hafa ýmist stundað þar nám eða
kennslu. Davíð segir skólann fyrst
og fremst vera fyrir starfsmenn
heilbrigðisþjónustu sem lokið hafa
grunnnámi og hyggja á framhalds-
nám. „Þetta er þvervísindalegur og
norrænn skóli. Þetta er eini skólinn
á Norðurlöndum sem höfðartil fólks
frá öllum Norðurlöndunum sem
hefur mismunandi bakgrunn í sínu
fagi. Einnig hefur mikið verið leitað
til skólans með aðstoð við uppbygg-
ingu á kennslu og fræðslu og má
þar m.a. nefna Eystrasaltsríkin,“
segir Davíð.
Hann segist ekki búast við að
neinar grundvallarbreytingar verði
gerðar á skólanum sem slíkum.
„Mitt starf sem stjórnarformaður
er ásamt félögum mínum í stjórn
skólans að taka þátt í að marka
stefnu skólans en stjórnin skiptir
Davíð Á. Gunnarsson
sér ekki af daglegum rekstri. Hröð
þróun hefur átt sér stað innan skól-
ans t.d. aukið vísindastarf og aukið
samstarf og efling við aðra háskóla
á Norðurlöndunum svo eitthvað sé
nefnt. Markmiðið er að halda þess-
ari þróun áfram þannig að breyting-
ar á rekstri skólans verða_fyrst og
fremst áframhaldandi þróun á þeirri
braut þ.e.a.s. að auka vísindi og
tengsl við aðra háskóla á Norður-
löndum," segir Davíð Á. Gunnars-
son.1
Tíminn kemur út áfram
Blaðstjórn Tímans tók ákvörðun um að hætta ekki útkomu blaðs-
ins um næstu mánaðamót á fundi sinum á þriðjudag. Jón Kristjáns-
son, ritsljóri, segir að haldið verði áfram viðræðum um víðtækara
samstarf.
Jón sagði að tekin hefði verið
ákvörðun um halda áfram útgáfu
blaðsins en jafnframt að vinna að
þeim athugunum sem í gangi hefðu
verið að einhveiju víðtækara sam-
starfi. Um reksturinn sagði Jón að
hann væri nokkuð erfiður. „En
reksturinn eftir áramót hefur þó
sýnt að við getum haldið sjó,“ sagði
hann og tók fram að áskrifenda-
söfnun gengi í jákvæða átt.
Ákvörðun blaðstjórnarinnar var
tilkynnt starfsmönnum Tímans í
gær.
Opið bréf frá Bamavemdarráði
Morgunblaðinu barst í gær „Opið bréf frá Barnaverndar-
ráði íslands til Bylgjunnar, DV og Stöðvar 2 vegna umfjöllun-
ar um barnaverndarmál“ og fer það hér á eftir:
„Að gefnu tilefni vill barna-
verndarráð vekja athygli á nokkr-
um atriðum sem lúta að frétta-
flutningi af barnaverndarmálum.
Barnaverndarráði er ljóst að
fréttaflutningur hefur margs kon-
ar tilgang. Einn hlýtur að vera
sá að upplýsa almenning og fræða
um staðreyndir mála. Til að svo
geti orðið verða öll sjónarmið við-
komandi máls að koma fram. Ein
sérstaða barnaverndarmála er að
ókleift er að ná þessu markmiði
fréttaflutnings þegar um málefni
einstaklinga er að ræða.
Þriðja grein laga nr. 53/1966
um vernd barna og ungmenna
kveður á um að barnaverndaryfir-
völdum sé óheimilt að skýra óvið-
komandi aðilum frá því sem þeir
verða vísir í starfi um einkamál
annarra. Þetta ákvæði kemur í
veg fyrir að barnaverndaryfirvöld
geti tjáð sig og varið aðgerðir sín-
ar í einstökum barnaverndarmál-
um. Umfjöllun um slík mál í fjöl-
miðlum er því dæmd til að vera
einhliða og jafnvel siðlaus.
Með barnaverndarlögum er sú
skylda lögð á barnavemdaryfir-
völd að aðstoða barn eða ung-
menni sem sætt hefur illri með-
ferð á heimiii sínu eða býr á ein-
hvem hátt við ófullnægjandi upp-
eldisskilyrði. Aðgerðir barna-
vemdaryfirvalda byggjast á þess-
um fyrirmælum. Langoftast eru
þau mál leyst í góðri samvinnu
foreldra og barnaverndaryfir-
valda. í þeim sorglegu undantekn-
ingartilvikum þar sem beita þarf
þvingunaraðgerðum til verndar
barni er ávallt að baki löng saga
sem barnaverndaryfirvöld geta
ekki skýrt frá í fjölmiðlum. Það
er því mikilvægt að fjölmiðlafólk
hafí skilning á því að afskipti
bamaverndaryfirvalda em annars
eðlis en opinber mál sem fjallað
er um hjá lögreglu, ríkissaksókn-
ara og dómstólum. Því verður að
gera aðrar kröfur til umfjöllunar
og meðferðar upplýsinga í slíkum
málum.
Einnig mæla barnavemdar-
sjónarmið eindregið gegn
fjölmiðlaumfjöllun um mál ein-
staklinga. Hún getur valdið barni
sem hlut á að máli óbætanlegum
skaða. Eins geta ítarlegar frá-
sagnir í fjölmiðlum af einstökuin
málum vakið hræðslu hjá öðrum
börnum eða ungmennum sem
þurfa aðstoð barnaverndaryfir-
valda, þannig að börnin þori jafn-
vel ekki að skýra frá hvernig fyr-
ir þeim er komið.
Fagfólk sem starfar fyrir
„Einnig mæla barna-
verndarsjónarmið ein-
dregið gegn fjölmiðla-
umfjöllun um mál ein-
staklinga. Hún getur
valdið barni sem hlut
á að máli óbætanleg-
um skaða. Eins geta
ítarlegar frásagnir í
fjölmiðlum af einstök-
um málum vakið
hræðslu hjá öðrum
börnum eða ungmenn-
um sem þurfa aðstoð
barnaverndaryfir-
valda, þannig að börn-
in þori jafnvel ekki að
skýra frá hvernig fyr-
ir þeim er komið. Fag-
fólk sem starfar fyrir
barnaverndaryfirvöld
er sammála um að til-
iitslaus og óvönduð
umfjöllun um mál ein-
stakra barna sé alltaf
skaðleg.“
bamaverndaryfírvöld er sammála
um að tillitslaus og óvönduð um-
fjöllun um mál einstakra barna
sé alltaf skaðleg. Farsæl lausn
viðkvæmra og flókinna barna-
verndarmála byggist öðru fremur
á því að vel takist til um sam-
starf barnaverndaryfirvalda og
foreldra þeirra bama sem eiga í
hlut. Hér er á ferðinni eitt mikil-
vægasta atriðið í öllu barnavernd-
arstarfi þar sem rík áhersla er
lögð á að minnka átök og draga
úr spennu. Ljóst má vera hvaða
áhrif óvarkár og ófagleg umfjöll-
un getur haft í þessu sambandi,
ekki einungis í þeim málum sem
fjallað er um hveiju sinni, heldur
einnig í íjölmörgum bamavernd-
armálum sem bíða lausna.
Því miður er úrræði sem standa
barnaverndaryfirvöldum til boða
oft fá. í umfjöllun um einstök
barnaverndarmál gerist það of oft
að fjallað er um málin á þann
hátt að bamaverndaryfirvöld eru
rýrð trausti, að því er virðist vís-
vitandi og jafnvel í annarlegum
tilgangi. Með því er stuðlað að
því að nauðsynlegt samstarf
þeirra við foreldra fari út um
þúfur og þær fáu lausnir sem
stæðu annars til boða verði ónot-
hæfar. Afleiðingar þessa gætu
hugsanlega orðið þær að beita
yrði þvingunarráðstöfunum þar
sem samvinna gæti annars hafa
náðst. Slíkt bitnar óafsakanlega
á þeim börnum sem þurfa að njóta
verndar barnaverndaryfirvalda.
Barnaverndarráð mælir ekki
gegn því að fjölmiðlar fjalli um
starf barnaverndaryfirvalda.
Þvert á móti er ráðið sannfært
um að það geti verið til góðs.
Hins vegar verður sú umfjöllun
að lúta ákvæðum laga og eðlileg-
um siðareglúm blaðamanna
sjálfra; umfjöllunin má ekki undir
neinum kringumstæðum skaða
börn eða hagsmuni þeirra.
Barnaverndarráð vonast fyrir
sitt leyti eftir samstarfi við fjöl-
miðla til að kynna starfsemi
barnaverndaryfirvalda betur.
Ráðið telur mikilvægt að þeir sem
starfi við fjölmiðla og fjalla um
barnavemdarmál hafi innsæi í og
skilning á eðli starfsins og virði
grundvallarreglur sem verða að
gilda við umíjöllun um það. Ráðið
er fyrir sitt leyti reiðubúið til hvers
konar samstarfs í þessu sam-
bandi.
Það er tilgangur barnaverndar-
ráðs með þessu bréfi að stuðla
að faglegri og þar með vandaðri
umfjöllun um starf barnaverndar-
yfirvalda og þau mikilvægu verk-
efni sem þeim er ætlað að þjóna.
Ráðið beinir því til fjölmiðla að
þau fjalli ekki um barnaverndar-
mál á þann hátt að það valdi ein-
stökum börnum og fjölskyldum
þeirra þjáningu eða vanvirðu.
Haraldur Johannessen, lög-
fræðingur, formaður. Guð-
finna Eydal, sálfræðingur.
Jón Kristinsson, barnalækn-
ir. Olöf Sigurðardóttirj sér-
kennari. Vilhjálmur Árna-
son, heimspekingur."