Morgunblaðið - 27.02.1992, Blaðsíða 31

MORGUNBLAÐIÐ FIMMTUDAGUR 27. FEBRUAR 1992
31
Gyða Þ. Þórarins-
dóttir - Minning
Fædd 6. júlí 1922
Dáin 18. febrúar 1992
Tengdamóðir mín Gyða Þórdís
Þórarinsdóttir lést þann 18. febrúar
síðastliðinn eftir erfið veikindi. Ekki
hvarflaði það að mér þegar við vor-
um öll samankomin heima hjá Gyðu
og Kidda um jólin, að hún ætti
aðeins eftir tvo mánuði ólifaða.
Enda var hún alltaf svo bjartsýn
þrátt fyrir allt.
Þegar ég minnist Gyðu er mér
efst í huga elskulegt viðmót hennar
þegar ég kom í íjölskylduna fyrir
16 árum.
Gyða lærði saumaskap þegar hún
var ung stúlka og gerði mikið af
því að sauma, enda var hún snilling-
ur á því sviði. Á yngri árum starf-
aði hún við saumaskap, en seinni
árin var saumaskapurinn hennar
tómstundagaman. Þær eru orðnar
ótalmargar flíkurnar sem hún
saumaði á okkur í ijölskyldunni og
á sjálfa sig.
Gyða hafði mikinn áhuga á rækt-
un blóma, aðallega voru það þó
rósir sem prýddu gróðurhúsið í
Guðbrandsdal.
Guðbrandsdalur er sumarbústað-
ur þeirra Gyðu og Kidda í Land-
broti í Skaftafellssýslu. þar var
þeirra paradís enda voru þau þar
oftast frá vori og fram á haust. Þar
var ávallt opið hús, enda oft gest-
kvæmt. I sveitinni undi Gyða sér
við ræktun rósa, eða við lækjarbak-
kann með veiðistöngina sína. Ég
veit að öll barnabörnin eiga sínar
góðu minningar úr sveitinni fyrir
austan hjá ömmu og afa.
Eiginmanni sínum Kristni Guð-
brandssyni var hún traustur lífsför-
unautur. Kom það vel í ljós þegar
Kiddi slasaðist fyrir fimm árum.
Kom þá dugnaður hennar best í ljós.
Hennar verður nú sárt saknað,
en við eigum yndislegar minningar
um góða konu. Elsku Kiddi megi
góður Guð styrkja þig í sorginni.
Far þú í friði,
friður Guðs þig blessi,
hafðu þökk fyrir allt og allt.
Gekkst þú með Guði,
Guð þér nú fylgi,
hans dýrðarhnoss þú hljóta skalt.
(Vald. Briem)
Ágústa.
Ég vil með nokkrum orðum minn-
ast elskulegrar ömmu minnar, Gyðu
Þórdísar Þórarinsdóttur, er lést á
krabbameinsdeild Landspítalans
þann 18. febrúar síðastliðinn. Elsku
amma er dáin, þetta eru þungbær
orð sem erfitt er að sætta sig við.
Því fyrir rétt þremur mánuðum
hringdi amma alveg fjallhress og
bað mig að koma með sér í bæinn,
við fórum af stað ég, amma og
Doddi Reynir sonur minn, ekki í
fyrstu, ekki í aðra og ekki í þriðju
bæjarferðina saman og enduðum í
kaffi inní Kringlu. Hvern hefði
grunað að amma gengi með illvígan
sjúkdóm þá. 20. desember síðastlið-
inn fékk amma að vita hvers kyns
var og rétt tveimur mánuðum síðar
er hún dáin. Hún barðist hetjulega
og ætlaði svo innilega að sigra í
þessari baráttu en að lokum lét lík-
aminn undan og er hún nú í góðum
höndum hjá Guði.
Það er svo margs að minnast,
við amma vorum mjög góðar vin-
konur, við hlógum saman og grétum
saman. Það má segja að ég hafi
verið með annan fótinn inní Norður-
brún hj,á ömmu og afa frá því að
ég var smá stelpa og þar til ég hóf
mína sambúð með eiginmanni mín-
um. Hún passaði mig og ég hana
því ávallt er afi þurfti að skreppa
frá í einn eða tvo daga bað hann
mig um að vera hjá ömmu, hann
vildi ekki skilja hana eina eftir í
húsinu. Þetta lýsir kannski þeirra
hjónabandi betur en orð fá lýst, þau
voru afskaplega vel samstillt og
sámhent og hugsuðu vel um hvort
annað. Síðastliðin fimm ár hafði
amma hjúkrað og sinnt afa af eins
mikilli nærgætni og hugsast getur
og er hann var á spítala þá fór hún
ávallt til hans einu sinni til tvisvar
á dag. Hún var einstaklega hjálp-
söm, hugrökk og góð kona og vildi
öllum fyrir bestu og leið fyrir það
ef einhver átti bágt eða ef eitthvert
ósætti var.
Nú síðustu árin voru amma og
afi að mestu leyti allt sumarið fyrir
austan og það var sem paradís á
jörðu að komast austur til þeirra
hvort sem maður var krakki með
pabba og mömmu eða fullorðinn
með sína eigin íjölskyldu. Alltaf var
tekið á móti manni og bestur var
maturinn hennar ömmu í sveitinni.
Úr Guðbrandsdal er margs að minn-
ast þar tók maður sín fyrstu skref
í veiðimennsku og hvað maður var
stoltur af litlu veiðistönginni og fá
að fara ein niður að læk að veiða.
Já, það verður tómlegt að koma
austur en með góðri hugsun um
góða konu fyllum við bústaðinn af
gleði og minnumst góðu tímanna
með ömmu í sælureit sínum, annað
hvort umvafín rósunum sínum eða
niður við læk með stöngina að renna
fyrir físk.
Far þú í friði
friður Guðs þig blessi,
hafðu þökk fyrir allt og allt.
(V. Briem)
Elsku afi, ég bið algóðan Guð
að styrkja þig í þessari miklu sorg.
Gyða Þórdís Þórarinsdóttir.
Það er komið að því að kveðja í
hinsta sinn. Kveðja sem fær þó
ekkert andsvar heldur hverfur út í
tómið. Tóm orð sem vilja segja svo
miklu meira, en hugurinn einn
þekkir þeirra dýpstu merkingu og
sveipar minningamar blaktandi
gylltum blæ.
Minningar sem við varðveitum í
hjaita okkar og huga þar til spor
okkar hverfa síðan héðan eins og
sporin hennar tengdamóður minnar
Gyðu Þórdísar Þórarinsdóttur.
Ég kynntist henni fyrir 15 árum.
Hún birtist mér sem glæsileg, góð
og göfuglynd kona. Við nánari
kynni fengu þessi lýsingarorð dýpri
og sannari merkingu og vöktu um
leið hjá mér virðingu og þakklæti
í hennar garð. Ég gat sagt hreykin
og með sanni að ég ætti yndislega
tengdamóður. Hún tók mér strax
opnum örmum og lokaði þeim aldr-
ei. Þessum sömu örmum hélt hún
utan um fjölskyldu sína, umvafði
hana ástúð sinni, hlýju og um-
hyggju og gætti hags hennar eins
og hún var megnug. Samheldni fjöl-
skyldunnar var henni mikils virði.
Hún elskaði barnabörnin sín og
sóttist eftir því lífi og þeim hreina
krafti sem börnum fylgir, hún kall-
aði það að „fá líf í húsið“, og sótt-
ust dætur mínar þijár eftir því að
uppfylla þá löngun hennar. Eftir-
sóknarvert þótti líka að fara í
„sveitina hennar ömmu“, sem svo
var ætíð nefnd af þeim. Sveitina
fyrir austan, Tunga í Landbroti, þar
sem amma og afi höfðu byggt sinn
sælureit í Guðbrandsdal. Afinn
ræktaði fiskinn og amman rósirnar.
Rósirnar sem henni þótti svo
vænt um, þessi fallegu blóm með
sína þyrna. En þrátt fyrir gleði
hennar af rósarækt er ekki hægt
að segja að líf hennar hafi allt ver-
ið dans á rósum og þurfti hún að
kenna á hvössum þyrnum lífsins.
Þegar eftirlifandi eiginmaður
hennar Kristinn Guðbrandsson slas-
aðist fyrir 5 árum stóð hún keik
og sterk við hlið hans og gaf sjálf-
sagt meira af sér en hún hafði sjálf
gott af í því stríði. Því mun engum
dyljast hve mikið hann hefur misst
og hversu mjög hann á um sárt að
binda nú. En hún hefði ekki viljað
hafa það öðruvísi, hún gerði það
sem í hennar valdi stóð og gat því
verið sátt við guð og menn. Það
var hennar aðal að vera öðrum stoð
og stytta.
Við sem megnum svo lítils í þess-
um heimi megum því vera þakklát
fyrir þá ánægju og það yndi sem
Gyða veitti okkur.
Hún var sterk kona, sterk á lík-
ama og sál og staðráðin í að berj-
ast gegn þeim sem engum vægir,
því hún vildi sigra. Henni fannst
hún eiga eftir að gera svo ótal
margt 'stil að fegra og bæta það líf
sem okkur er gefið. Hún veitti af
sjálfs sín auði'1 til hinstu stundar.
Ég mun ætíð minnast elsku
tengdamóður minnar.
Sigriður Gunnarsdóttir.
Við bræður viljum minnast ömmu
okkar, Gyðu Þórdísi Þórarinsdóttur,
sem lést þann 18. febrúar síðastlið-
inn úr illvígum sjúkdómi, sem fyrst
gerði vart við sig í enda nóvember
1991.
Amma er farin og kemur ekki
aftur nema með minningum sem
eru æði margar og góðar. Guð-
brandsdalur þar sem við barnabörn-
in vorum oft á yngri árum verður
ekki sá sami eftir fráfall elsku
ömmu okkar. Hún kenndi okkur svo
margt, meðal annars að hnýta færi
og styggja ekki fiskinn, amma var
mikil veiðimanneskja og hafði unun
af því að dorga við lækinn.
Heimili ömmu og afa í Norður-
brún var ávallt opið öllum og ekki
síst okkur bamabömunum. Hún var
mikið jólabarn og þegar líða fór að
jólum gátum við krakkarnir vart
beðið eftir aðfangadegi jóla, þá var
alltaf farið til þeirra og skipst á
kveðjum og gjöfum.
Nú síðustu jól voru erfið sökum
veikinda ömmu, en hún var hörð
og vildi fá alla fjölskylduna sem er
stór til sín eins og vant var, og
hélt hún sitt jólaboð með dyggri
hjálp allra ijölskyldumeðlima.
Guð blessi minninguna um ömmu
okkar og styrki elsku afa í sinni
miklu sorg.
Sveinn R. Þórarinsson
Kristinn G. Þórarinsson.
t
Frændi minn,
SIGURJÓN SIGMUNDSSON,
Hrafnistu,
áður til heimilis á Njálsgötu 77,
Reykjavik,
andaðist 23. febrúar.
Jarðarförin fer fram frá kapellunni
3. mars kl. 10.30.
Fyrir hönd aðstandenda,
Fossvogi þriðjudaginn
Jón Sigurðsson.
t
Systir mín og mágkona,
VIKTORÍA JÓNSDÓTTIR,
áöurtil heimilis
á Hringbraut 82,
verður jarðsungin frá Fossvogskirkju föstudaginn 28. febrúar
kl. 15.00.
Þeir, sem vildu minnast hinnar látnu, eru beðnir að láta Slysa-
varnafélag íslands njóta þess.
Fyrir hönd aðstandenda,
Sigurður M. Jónsson,
Guðlaug L. Gísladóttir.
t
Móðir okkar, tengdamóðir og amma,
SUMARLÍNA ÓLAFSDÓTTIR,
Völvufelli 44,
Reykjavík,
verður jarðsungin frá Fossvogskirkju í dag, fimmudaginn 27. febrú-
ar, kl. 15.00.
Guðfinna Birna Colty,
Ólafur Jónsson,
Árni Jónsson,
Una K. Jónsdóttir,
Sigurjón Jónsson
og barnabörn.
Drew Colty,
Birna I. Jónsdóttir,
Guðrún Jónsdóttir,
Valmundur Guðmundsson,
t
Innilegar þakkarkveðjur sendum við öllum, sem sýndu okkur
samúð og hjálp við andlát og útför
VIGDÍSAR SIGURÐARDÓTTUR,
Sleitustöðum,
Skagafirði.
Guð blessi ykkur öll.
Fjölskyldan.
t
Innilegar þakkir fyrir auðsýnda samúð við andlát og útför eigin-
konu minnar, móður, tengdamóður, ömmu og langömmu,
SOFFÍU MAGDAL SIGURÐARDÓTTUR,
Reynimel 90.
Guðjón Simonarson,
Gróa Guðjónsdóttir, Gunnar Jónsson,
Baldur Guðjónsson, Hertha Andersen,
Sigurður Guðjónsson, Kristín Ólafsdóttir,
barnabörn og barnabarnabörn.
t
Þökkum auðsýnda samúð og hluttekningu við fráfall ástkærs eigin-
manns míns, föður, tengdaföður og afa,
HALLDÓRS H. JÓNSSONAR.
Margrét Garðarsdóttir,
Garðar Halldórsson, Birna Geirsdóttir,
Jón Halldórsson, Ingigerður Jónsdóttir,
Halldór Þór Halldórsson, Margrét Pálsdóttir,
Margrét Birna Garðarsdóttir, Helga Marfa Garðarsdóttir,
Halldór Haukur Jónsson, Jón Gunnar Jónsson,
Margrét Halldórsdóttir, Áslaug Þóra Halldórsdóttir.
t
Þökkum auðsýnda samúð og vinarhug við andlát eiginkonu
minnar, móður okkar, tengdamóður, ömmu og langömmu,
SIGURBJARGAR BJÖRNSDÓTTUR,
elli- og hjúkrunarheimilinu Grund,
áður Álafossvegi 20,
Mosfellsbæ.
Kristvaldur Eíríksson,
Guðbjörg Einarsdóttir, Karl Guðnason,
Concordía Konráðsdóttir, Kristján Friðriksson,
börn og barnabörn.
Lokað
Fyrirtæki okkar verður lokað í dag, fimmtudaginn
27. febrúar, frá kl. 12.00, vegna jarðarfarar
GYÐU ÞÓRDÍSAR ÞÓRARINSDÓTTUR.
Björgun hf.,
Sævarhöfða 33.