Morgunblaðið - 30.04.1992, Síða 17

MORGUNBLAÐIÐ FIMMTUDAGUR 30. APRÍL 1992
17
velur.
Heimilistæki hf
SÆTÚNl 8 ■ SÍMI 69 15 00
Traust þjónusta í 30 ár.
Komdu og láttu
fara vel um þig
meðan þú
V7S4

munXlán
ATKV ÆÐ AGREIÐSLA
UM MIÐLUNARTILLÖGU
RÍKISSÁTTASEMJARA
Iðja, félag verksmiðjufólks, efnir til allsherjaratkvæða-
greiðslu um miðlunartillögu ríkissáttasemjara á skrif-
stofu félagsins, Skólavörðustíg 16, sem hér segir:
Þriðjudaginn 5. maí kl. 9.00-18.00.
Miðvikudaginn 6. maí kl. 9.00-22.00.
Þá verður mögulegt að greiða atkvæði um miðlunar-
tillöguna að loknum félagsfundinum 4. maí.
Allir þeir sem eru starfandi á samningssviði félagsins
hafa rétt á að greiða atkvæði um sáttatillöguna. Þeir
sem ætla að taka þátt í atkvæðagreiðslunni skulu fram-
vísa persónuskilríkjum.
Þeir sem nýlega hafa hafið störf á félagssvæðinu eru
beðnir um að hafa með sér síðasta launaseðil til stað-
festingar á aðild sinni, þar sem félagið kann að skorta
upplýsingar um þá.
Iðjufélagar. Takið þátt í
allsherjaratkvæðagreiðslunni.
Afmæliskveðja:
Ester Kláusdóttir
Dagskrá:
1. Miðlunartillaga ríkissáttasemjara kynnt.
2. Önnur mál.
Iðjufélagar fjölmennum
Iðjufélagar fjölmennum
Kveðja frá SVFÍ
I skoðanakönnun, sem nýlega var
unnin af Félagsvísindastofnun Há-
skóla íslands fyrir Slysavamafélagið,
kom í ljós að félagið nýtur líklega
meira trausts meðal íslensku þjóðar-
innar en nokkur önnur stofnun eða
félagasamtök. Þetta er ekki rifjað
upp hér til þess að miklast af því,
heldur kemur mér þetta í hug þegar
ég sendi einni úr forystusveit félags-
ins, Ester Kláusdóttur, kveðjur fé-
lagsins, þakkir og árnaðaróskir í til-
efni merkisafmælis.
Slysavarnafélag íslands er lands-
félag sem eflist með hveiju árinu og
lætur til sín taka slysavarnir og
björgunarmál á öllum sviðum samfé-
lagsins. Þetta er staðreynd sem blas-
ir við hverjum heilskyggnum manni,
en hitt er e.t.v. ekki öllum ljóst,
hveiju félagið á fyrst og fremst að
þakka velgengni sína. Eg hefi átt
því láni að fagna að starfa innan
félagsins um nokkurt skeið og kynn-
ast slysavarnafólki í öllum héruðum
landsins, og í mínum huga liggur
málið ljóst fyrir. Innan raða félagsins
eru þúsundir karla og kvenna sem
bera velferð samfélagsins fyrir
bijósti, eru tilbúnar jafnt að nóttu
sem degi til þess að rétta náunganum
hjálparhönd, án þess að sækjast eft-
ir vegtyllum eða viðurkenningum.
Það er þetta fólk sem hefur varðað
veginn og aflað félaginu trausts sam-
borgaranna. Þótt hlutur karlanna í
daglegu slysavarnastarfi sé oft á tíð-
um meira áberandi eðli málsins sam-
kvæmt, t.d. við margs konar björgun-
arstörf, þá er hlutur kvennanna í
raun engu minni; án kvennadeild-
anna hefði Slysavarnafélagið ekki
átt sama brautargengi að fagna.
Það var Jón E. Bergsveinsson,
fyrsti erindreki Slysavamafélagsins
og einn af frumkvöðlunum um stofn-
un þess, sem sneri sér til kvenna um
liðsinni við hið nýstofnaða félag.
„Það var ekki fyrir neitt ósjálfrátt
hugboð, að Jón sneri sér til kvenþjóð-
arinnar um liðsinni í slysavarnamál-
um. Hann vissi að einmitt hún hafði
næmastan skilninginn og mesta fórn-
fýsina þegar um mannúðarhugsjónir
er að ræða. Og aldrei verður svo slys
á sjó eða landi að það valdi ekki el-
skandi konu eða móður sorg og sökn-
uði. Konurnar brugðust Jóni ekki
heldur í þessu máli. Þær söfnuðu
óspart til starfseminnar af þeirri
hugkvæmni og ósérplægni, sem kon-
um einum er lagin, og án hins mikla
framlags þeirra er hætt við að Jóni
E. Bergsveinssyni hefði einhverntíma
þótt langt að bíða aðkallandi fram-
kværnda."
Þannig ritar Loftur Guðmundsson
rithöfundur um Jón E. Bergsveinsson
og kvennadeildirnar í sjötta bindi
bókaflokksins Þrautgóðir á rauna-
stund, og betur verður ekki með orð-
um lýst því happi, að Jón sneri sér
til kvenna um allt land og bað þær
liðsinnis. Þetta var mikið gæfuspor
því án kvennadeildanna hefði slysa-
varnastarfið aldrei orðið það sem það
er í dag.
Fyrsta kvennadeildin innan Slysa-
varnafélagsins var stofnuð í Reykja-
vík 28. apríl 1930, tveimur árum
eftir stofnun félagsins, og 17. des-
ember það sama ár var svo kvenna-
deildin í Hafnarfirði, Hraunprýði,
stofnuð, önnur í röðinni. Það var vel
við hæfi að velja jólamánuðinn til
slíkrar stofnunar. Hraunprýði hefir
verið í forystusveit allt frá byijun
og stutt dyggilega við starfið í Hafn-
arfirði, starf heildarsamtakanna og
starf einstakra deilda úti á landi sem
sökum fámennis hafa ekki verið í
stakk búnar til stórátaka án utanað-
komandi aðstoðar.
Hraunprýðiskonur • hafa frá því
fyrsta lagt mikið starf af mörkum í
stjórn félagsins, á landsþingum og
aðalfundum. Þáttur þeirra í að marka
stefnu og störf heiidarsamtakanna
er meiri en svo að rakinn verði í
stuttri afmælisgrein.
Ester Klárusdóttir er sprottin úr
þessum fijóa félagsmálajarðvegi,
hún er hin dæmigerða, hafnfirska
slysavarnakona. Hún gekk til liðs við
Hraunprýði árið 1950. Varð fljótlega
formaður hinnar mikilvægu merkja-
sölunefndar, síðar meðstjórnandi,
varaformaður og að lokum formað-
ur, en því starfi gegndi hún í sjö ár.
Ester var kosin í varastjórn Slysa-
varnafélagsins á áttunda áratugnum
og 1982 var hún kosin í aðalstjóm
og tók þá strax við embætti varafor-
seta og gegndi því til ársins 1990
er hún baðst undan endurkosningu.
Ég átti því láni að fagna að starfa
með Ester í stjórn félagsins á þessum
árum. Það var mér mikill og lær-
dómsríkur félagsmálaskóli. Embætt-
is síns vegna þurfti Ester að koma
fram fyrir félagsins hönd við margs
konar tækifæri. Mér er það minnis-
stætt hversu oft ég horfði hrifinn og
stoltur á þessa glæsilegu konu flytja
mál sitt með þeim hætti að ekki
gleymdist. Ég var ekki einn um þess-
ar tilfinningar, mér var Ijóst að þær
bærðust í bijóstum þeirra sem áttu
þess kost að kynnast störfum Ester-
ar, stefnufestu hennar og sterkum
persónuleika.
Það er ekki síst fyrir störf kvenna
innan Slysavarnafélagsins að það
nýtur þess trausts sem fram kemur
í áðumefndri • skoðanakönnun.
Kvenna eins og Esterar Kláusdóttur
, og þúsunda annarra til sjávar og
sveita. Mér er það ljóst að Ester er
það meira að skapi að ég dragi fram
hinn mikilvæga þátt kvenna í slysa-
vamastarfinu en að ég reki af mik-
illi nákvæmni öll þau störf sem hún
hefur sjálf innt af hendi. Hún var
að vinna fyrir félagið, fyrir slysa-
vamahugsjónina, en ekki eigin frægð
eða frama.
Mér er það hins vegar ljúft og
skylt að senda afmælisbarninu kveðj-
ur og þakkir Slysavarnafélags ís-
lands, árna því allra heilla, og óska
félaginu þess að íslenskar konur slái
ætíð skjaldborg um störf þess og
stefnu.
Orlygur Hálfdanarson.
Kaffiveitingar. Stjórn Iðju.
Allir Iðjufélagar eru hvattir til að mæta.
Iðja, félag verksmiðjufólks, boðar alla félags-
menn sína til félagsfundar í Sóknarsalnum, Skip-
holti 50a, mánudaginn 4. maí nk. kl. 17.00.
FÉLAGS-
FUNDUR
Við höfum opnað nýja aðstöðu sem
auðveldar þér val á réttum hátölurum og
hljómtækjum í bílinn. - Þar getur þú
hlustað á ýmsar gerðir hátalara,
við bestu aðstæður í sérsmíðuðu,
hljóðeinangruðu herbergi.
..Topp-græiur“ í hílinn