Morgunblaðið - 30.04.1992, Blaðsíða 44

MORGUNBLAÐIÐ, ADALSTRÆTI 6, 101 REYKJAVÍK
SlMBRÉF
SlMl 691100, Sll
691ÍSI, PÓSTHÓLF 1566 / AKUREYRl: HAFNARSTRÆTl 85
FIMMTUDAGUR 30. APRIL 1992
VERÐ I LAUSASOLU 110 KR.
Glóbus hf.:
Lokað útboð á 72
milljóua kr. hlutafé
LOKAÐ útboð stendur yfir á hlutafé í Glóbus hf., að nafnvirði 72
milljónir króna. „Ég tel ekki aðalatriðið að fyrirtækið sé fjölskyldu-
fyrirtæki, heldur arðsemi þess hlutafjárs, sem í því er bundin,“ sagði
Arni Gestsson framkvæmdastjóri og stofnandi fyrirtækisins, sem
fram til þessa hefur verið fjölskyldufyrirtæki.
Reiknað gengi bréfanna er 2,12
og markaðsverðmæti útboðsins
152,6 milljónir, eða 21,77% af heild-
arhlutafé fyrirtækisins. Handsal hf.
sér um hlutafjárútboðið fyrir hönd
Glóbus.
„Vöxtur fyrirtækisins hefur verið
mikill á undanförnum árum og því
höfum við kosið að fara þessa leið
til að afla aukins fjár og efla traust
"manna á fyrirtækinu," sagði Árni.
Heildarvelta Glóbus hf. á síðasta
ári var rúmlega 1,8 milljarðar sam-
anborið við 1,2 milljarða árið 1990.
Er það 52,3% aukning á milli ára.
Eigið fé var um 276 milljónir í
árslok 1991 og eignarijárhlutfall
29%, en að loknu útboði er gert ráð
fyrir að það verði 37%. Hagnaður
Glóbus var 23 milljónir á síðasta
ári og 46,8 milljónir árið 1990 en
tap var á árunum 1988 og 1989.
Áætlaður hagnaður á þessu ári er
tæpar 62 milljónir.
Það eru stærri lífeyrissjóðir,
tryggingafélög og aðrir fjárfestar,
sem hafa fengið boð um að kaupa
hlutafé og eru þegar komin loforð
um kaup á um helmingi þess hluta-
fjár sem í boði er.
Sjá nánar frétt Bl.
Oddi kaupir versl-
•anir Eyniundssonar
PRENTSMIÐJAN Oddi hefur
keypt allar bókaverslanir Ey-
mundssonar af bókaútgáfunni
Iðunni. Um er að ræða sjö versl-
anir í Reykjavík og á Seltjamar-
nesi ásamt heildverslun. Fimm
Ulvang heim-
sækir Island
Tekur út nýtt skíða-
svæði í Fljótum
NORSKI ólympíumeistarinn í
skíðagöngu Vegard Ulvang
kemur til íslands ásamt félög-
um sínum úr norska landslið-
inu í júní til að skoða nýtt
skíðasvæði í FJjótum í Skaga-
firði.
Trausti Sveinsson, fyrrum
skíðagöngukappi úr Fljótum,
bauð Norðmönnunum hingað til
lands til að skoða aðstæðurnar.
Þeir koma hingað 23. júní og
dvelja hér í fjóra daga. Þeir eiga
að taka út svæðið jafnframt því
sem þeir fá að renna fyrir lax
í Fljótá og fara á hestbak.
Vegard Ulvang vann þrenn
gullverðlaun og ein silfurverð-
laun á Ólympíuleikunum í Al-
bertville í Frakklandi sl. vetur
og var sigursælastur allra á leik-
unum.
Sjá nánar bls. 43
þessara verslana keypti Iðunn
af Odda á árinu 1990, en Oddi
hafði skömmu áður keypt þær
af Almenna bókafélaginu.
Jón Karlsson, forstjóri Iðunnar,
segir að með sölunni sé verið að
skapa svigrúm til að geta rekið
bókaútgáfuna af enn meira afli en
fyrr. Iðunn hafi keypt búðirnar fyr-
ir einu og hálfu ári. Þá hafi þær
verið reknar með miklu tapi og það
hafí kostað mikið átak að snúa
þeirri þróun við.
„Kostnaðurinn við þetta hefur
hins vegar reynst margfalt meiri
en við ætluðum okkur. Iðunn er
traust félag sem hefur alltaf skilað
hagnaði," segir Jón. Hann segir að
um 100 milljónir hafi verið settar
í birgðir og fjármögnun breyting-
anna hefði verið of mikil blóðtaka
fyrir fyrirtækið. Iðunn hefði alltaf
skilað hagnaði og verið rekin þann-
ig að staðið væri í skilum. Því hefði
verið ákveðið að selja búðirnar.
Sjá ennfrpmur B3.
HESTAR
Morgunblaðið/RAX
Bátur stöðv-
ar umferð
BÁTUR stöðvaði umferð um
stund á Kringlumýrarbraut sunn-
an Hamrahlíðar um kvöldmatar-
— leytið í gær. Samkvæmt upplýs-
ingum frá lögreglunni var verið
að flytja bátinn suður brautina
er hann valt á hliðina.
Bíll með aftanívagni flutti bátinn,
sem er fjögurra tonna trilla. Annað
hjólið undir vagninum brotnaði af
og valt þá vagninn með bátnum á
hliðina og teppti umferð um brautina
•um stund. Litlar skemmdir urðu á
bátnum.
Eimskip og Samskip bjóða í flutninga milli Grænlands og Danmerkur:
300 til 400 gámar fhittir
hvora leið í viku hverri
EIMSKIP og Samskip eiga nú í viijfræðum við grænlensk stjórnvöld
um möguleika á samstarfi um vöruflutninga til Grænlands. Um er að
ræða sjóflutninga yfir Atlantshaf milli Grænlands og Danmerkur og
til baka eða 300-400 gáma hvora leið á viku. Ennfremur er gert ráð
fyrir að sá sem fær verkefnið annist strandflutninga og rekstur hafna
á Grænlandi. Þórður Sverrisson, framkvæmdasljóri flutningasviðs
Eimskips, segir að um mjög stórt verkefni sé að ræða og ekki liggi
Ijóst fyrir hver þáttur Eimskips í samstarfinu gæti orðið. Ómar Jó-
hannsson, framkvæindastjóri Samskipa, segir að heimastjórnin á Græn-
landi taki ákvörðun í júní um hvaða aðila rætt verður nánar við um
verkefnið en auk íslensku skipafélaganna hafa nokkur dönsk skipafé-
lög sýnt málinu áhuga.
Grænlenska heimastjómin ákvað
á síðasta ári að skipta rekstri fyrir-
tækisins KNI, arftaka Grænlensku
konungsverslunarinnar, í þijár ein-
ingar, skipafélag, verslunarfyrir-
tæki og þjónustufyrirtæki. í desem-
ber sl. var óskað eftir tilboðum frá
skipafélögum, sem áhuga hefðu á
að taka þátt í flutningunum milli
Danmerkur og Grænlands, og var
tilboðum skilað inn um miðjan mars.
Þórður Sverrisson sagði að nú í
byijun maí hæfust viðræður við
Grænlendinga um hvernig sam-
starfinu yrði best háttað, en þetta
væri afar flókið mál. „Þetta er mjög
stórt verkefni fyrir fyrirtæki eins
og Eimskip og við erum að keppa
um það við stór dönsk skipafélög,"
sagði hann. „Þetta yrði þó ekki með
þeim hætti, að Eimskip tæki að sér
alla flutningana, heldur er líklegra
að við kæmum sem hluthafar inn í
nýtt fyrirtæki um þessar siglingar.
Grænlendingar eru nú að hefja við-
ræður við ýmis skipafélög til að
fínna út hvað þau hafa upp á að
bjóða og þeir ætla að reyna að kom-
ast að niðurstöðu á þessu ári.“
Ómar H. Jóhannsson, fram-
kvæmdastjóri Samskipa, segir að
Samskip annist nú þegar flutninga
á milli Grænlands og Danmerkur
og hafi gert það síðan félagið yfir-
tók rekstur Polar Line. Aðallega er
um að ræða flutninga á freðfiski.
„Við höfum gert okkar athuganir á
þessum flutningum og fengið gögn
úm þá frá Grænlendingum," segir
Ómar. „Fyrir utan flutninga yfir
Atlantshaf yrði einnig um að. ræða
strandflutninga á Grænlandi og
rekstur nokkurra hafna þar. Þetta
er stórt dæmi og við bíðum svara
frá heimastjórninni um hvaða aðila
hún óskar að ræða við nánar um
málið.“