Morgunblaðið - 30.04.1992, Blaðsíða 19

MORGUNBLAÐIÐ FIMMTUDAGUR 30. APRIL 1992
19
Morgunblaðið/Silli
Selbitinn þorskur
UNDANFARIÐ hafa verið nokkur brögð að því að þorskur í netum
Húsvíkinga hafi verið bitinn af blöðrusel og telja sjómenn að nú sé
meira um þessa óáran en oft áður. Það, sem selurinn sækist fyrst
og fremst eftir, er lifrin úr þorskinum, hann bítur á kvið hans og
sýgur lifrina út, en lætur annað vera. Þá virðist hann matvandur,
því hann étur aðeins þorskalifur, en lítur ekki við ýsunni.
Lögreg’lumennirnir
teknir til starfa á ný
TVEIR lögreglumenn, sem leystir voru undan starfskyldu fyrir
skömmu eftir að kæra um harðræði við handtöku barst á hendur
þeim, eru komnir til sinna fyrri starfa. Að sögn Magnúsar Einarsson-
ar yfirlögregluþjóns ákvað lögreglustjóri að bjóða mönnunum að
hefja störf þar sem ekki er samræmi í framburði þeirra vitna sem
báru um harðræðið. Samkvæmt upplýsingum Morgunblaðsins er
rannsókn málsins ekki lokið þar sem endanlegt áverkavottorð hefur
ekki borist frá slysadeild.
Kæruna lagði fram maður sem
kvaðst hafa hlotið áverka á höfði
er lögreglumennimir tveir handtóku
hann í Mossfellssveit snemma
morguns vegna gruns um ölvunar-
akstur. Er maðurinn bar fram kær-
una sagðist hann ranglega hafa
verið sakaður um að aka bílnum
en þau mótmæli höfðu ekki komið
fram við handtöku.
Með manninum í bflnum var fé-
lagi hans. Sjónarvottur gaf sig fram
að atvikinu. Samkvæmt upplýsing-
um Morgunblaðsins mun vera mis-
ræmi milli framburðar kærandans
og félaga hans annars vegar og
sjónarvottsins hins vegar og einnig
hefur framburður kærandans og
félaga hans tekið nokkrum breyt-
ingum eftir því sem rannsókninni
hefur miðað og stangast á innbyrð-
is, samkvæmt upplýsingum Morg-
unblaðsins.
Vorfundur Alþjóðagjaldeyrissjóðsins:
Ekki er spáð skjót-
um efnahagsbata
-segir Jón Sigurðsson viðskiptaráðherra
VORFUNDUR Alþjóðagjaldeyrissjóðsins var haldinn í Wasington
í vikunni. Jón Sigurðsson viðskiptaráðherra flutti ávarp á fundin-
um, sem fulltrúi Norðurlandanna, og sagði m.a. að ekki væri spáð
skjótum efnahagsbata og ekki virtust horfur á að hagvöxtur glædd-
ist þegar fram í sækti. Fundinn sátu ráðherrar og seðlabankasljór-
ar frá flestum aðildarríkjum sjóðsins.
í máli Jóns Sigurðssonar kom
m.a. fram að efnahagsástand í
helstu iðnríkjum takmarkaði svig-
rúm stjórnvalda til örvandi að-
gerða. I Evrópu tefðu háir vextir
fyrir efnahagsbata en forsenda
fyrir vaxtalækkun í álfunni væru
aðhaldsaðgerðir í ríkisfjármálum.
Jón minntist einnig á GATT-við-
ræðurnar og benti á að ekki væri
deilt um að aukin milliríkjavið-
skipti hefðu verið ein helsta upp-
spretta hagvaxtar á eftirstríðsár-
unum. Afnám viðskiptahindrana
og aukin þjónustuviðskipti milli
landa myndu hafa í för með sér
frekari efnahagslegan ávinning.
Því væri brýnt að finna lausn á
þeim ágreiningsmálum sem eftir
væru hvað GATT varðar.
Auk Jóns Sigurðssonar - sátu
fund þennan af Islands hálfu þeir
Jóhannes Nordal seðlabankastjóri
og Ólafur ísleifsson forstöðumaður
alþjóðadeildar Seðlabankans.
Þ. Þ0RGRÍMSS0N & C0
Ármúla 29
[acintos
Grunnatriði Macintosh, Works - ritvinnsla, gagnasöfnun, teikning,
töflureiknir og stýrikerfi á 15 klst námskeiði fyrir byrjendur.
Tölvu- og verkfræðiþjónustan *
Verkfræðistofa Halldórs Kristjánssonar cjð
Grensájvehi 16»stofnuð 1. mars 1986
&
Þingmannaráðstefna um samvinnu á Eystrasaltssvæðinu:
Skorað á Eystrasaltsráðið
að veita Islendingum aðild
Mjög mikilvæg niðurstaða, segir Geir H. Haarde sem sat ráðstefnuna
Þingmannaráðstefna um samvinnu á Eystrasaltssvæðinu, sem
ísland tók þátt í, hvatti til þess í Iokaályktun að öll þátttökuríkin
fái aðild að Eystrasaltsráðinu. í opnunarræðu ráðstefnunnar hvatti
Jo Benkow, forseti norska Stórþingsins, sérsaklega til þess að Is-
landi verði veitt aðild að Eystrasaltsráðinu en utanríkisráðherra
Dana hefur lagst gegn aðild íslendinga að ráðinu.
Þingmannaráðstefnan var hald-
in í Osló í síðustu viku á vegum
Norðurlandaráðs og tóku þrír ís-
lenskir þingmenn þátt í henni,
Geir H. Haarde og Halldór Ás-
grímsson sem voru bæði fulltrúar
Alþingis og forsætisnefndar Norð-
urlandaráðs, og Hjörleifur Gutt-
ormsson, sem var fulltrúi efna-
hagsnefndar Norðurlandaráðs.
Einnig sátu ráðstefnuna fulltrúar
hinna Norðurlandanna, Eystra-
saltslandanna þriggja, Rússlands
og rússneska héraðsins Karelíu,
Póllands, Þýskalands og norður-
þýskra fylkja.
Geir H. Haarde var formaður
nefndar sem samdi lokaályktun
ráðstefnunnar. I samtali við
Morgunblaðið sagðist Geir telja
það mikilvægt að þingmenn hefðu
á þessari ráðstefnu sameinast um
þá skoðun að öll þátttökulöndin,
þar á meðal ísland, taki þátt í sam-
starfi um Eystrasaltssvæði á vett-
vangi ríkisstjórna í Eystrasaltsráð-
inu.
„Við höfum fengið mjög ákveð-
inn stuðning frá Norðmönnum áð-
ur, en við væntum þess að þegar
svona ákveðin yfirlýsing liggur
fýrir frá þessari ráðstefnu sé stutt
í að allar ríkisstjórnirnar í Eystra-
saltsráðinu fallist á þessa skoðun.
Ég vek athygli á að danskir þing-
menn á ráðstefnunni virtust ekki
hafa' sömu afstöðu til þessa máls
og danski utanríkisráðherrann hef-
ur haft, en hann lítur á þetta sam-
starf sem landafræðilegt mál. Við
höfum hins vegar bent á að þarna
komi margt annað til skjalanna en
landafræði, svo sem söguleg tengsl
og skipulagið kringum Norður-
landaráð, sem ekki er hægt að líta
framhjá," sagði Geir.
í lokaályktuninni er meðal ann-
ars skorað á ríkisstjórnir þátttöku-
landanna að hraða lausn þeirra
vandamála sem enn eru óleyst
milli ianda á Eystrasaltssvæðinu
og jafnframt er skorað á aðrar rík-
isstjórnir að leggja sitt að mörkum
til að ná fram slíkri lausn. Geir
H. Haarde sagði að á þinginu hefðu
verið miklar deilur um hvort í loka-
ályktuninni ætti að vera bein
áskorun á Rússa um að fjarlægja
hersveitir sínar frá Eystrasalts-
löndunum en það hefði verið krafa
Eystrasaltslandanna. Á þetta
hefðu Rússar ekki viljað fallast.
Þeir hefðu sagst ætla að kalla þess-
ar sveitir heim en því fylgdu ýmis
vandamál sem ekki væri hægt að
leysa á augabragði. Auk þess teldu
þeir að íbúar Eystrasaltslandanna
brytu mannréttindi á rússneskum
íbúum þessara landa.
„Þarna varð að ná samkomulagi
þar sem samþykkja varð ályktun-
ina samhljóða. Eftir nokkurt þóf í
ályktunarnefndinni var loks fallist
á málamiðlunartillögu mína og mér
falið að túlka hana þegar ég mælti
fyrir ályktuninni. Fjallaði ég þá
sérstaklega um brottflutning rúss-
nesku hersveitanna og sagðist m.a.
treysta því að það yrði leyst innan
viðunandi tímamarka á grundvelli
sjálfsákvörðunarréttar þjóða,“
sagði Geir.
Gert er ráð fyrir að þessi ráð-
stefna verði haldin árlega á grund-
velli sérstakrar stefnuskrár. Sam-
þykkt var að fjalla aðallega um
umhverfismál, þar með talið varnir
gegn slysum í kjarnorkuverum,
efnahags- og viðskiptamál,
vísindarannsókriir og tækni, orku-
mál, mannvirkjagerð, menningu
og menntunarmál og þróun lýð-
ræðislegra stofnana. Skorað var á
viðkomandi ríkisstjórnir að viður-
kenna þingmannaráðstefnuna sem
þinglegan grundvöll samvinnu
þjóðanna á þessu svæði og taka
mið af ábendingum hennar.
YouáiMe
HANZ
KRINGLUN N
v*fcHZ!