Morgunblaðið - 27.06.1992, Blaðsíða 17
MORGUNBLAÐIÐ LAUGARDAGUR 27. JÚNÍ 1992
17
okkar á landhelgisskipunum unnu
í þorskastríðinu?
Ég segi nei
Það þarf enginn að segja mér,
að við fengjum til lengdar að halda
landhelginni fyrir okkur eina, ef
við gengjum í EB, eins og ásókn
útlendinga hefir verið í hana um
aldaraðir. En við skulum líta til
nútímans. Það er ekki einu sinni
hægt að ganga frá EES samning-
um án þess að leyfa EB-ríkjum
togveiðar í íslenskri fiskveiðiland-
helgi. Það eru að nafninu til gagn-
kvæmar veiðiheimildir, en eins og
ég hef sýnt fram á (í Tímanum
4. nóvember sl.) er það aðeins
sýndarmennska, því það er ekki
útlit fyrir að við fáum neitt raun-
verulegt fyrir þær 3000 smálestir
af karfa, sem EB- menn eiga að
fá að veiða hér við land. Ég efast
heldur ekki um, að það liggi meira
á bakvið þessa 3000 smálesta
heimild, en hana á að endurskoða
á tveggja ára fresti og eflaust í
von um að hægt verði að semja
um meira síðar. Þarna er líka ver-
ið að ijúfa það heit, sem ráðamenn
hafa gefið þjóðinni, að opna ekki
fiskveiðilögsöguna fyrir erlendum
skipum.
Það er einnig meira en lítið
ískyggilegt, ef stjórnun sjávarút-
vegsmála á Islandi færist til Bruss-
el, eins og Gunnar Helgi reyndar
viðurkennir að myndi verða með
inngöngu okkar í EB, því miðað
við meðferð á eigin fískveiðiland-
helgi á þeim bæ, yrði það hreinn
hryllingur. Jafnvel tilraunir Breta
til að halda í horfinu gagnvart
Spánveijum hafa ekki staðist EB
dómstólinn.
Um vangaveltur Gunnars Helga
um væntanlega samninga okkar
við EB ætla ég að vera fáorður,
enda segir hann: „Aðildarsamning-
ar nýrra ríkja að EB eru jafngildir
Rómarsáttmálanum, sem þýðir að
þeim verður ekki breytt nema með
samþykki allra ríkja bandalagsins
og að í þeim er formlega séð hægt
að veita allar þær undanþágur frá
ákvæðum Rómarsáttmálans sem
óskað er: „ Það getur hver sem
er hugsað sér, hve auðvelt það
myndi reynast að fá allar þjóðir
EB til að samþykkja að íslendingar
sætu einir að fiskimiðum sínum,
ef þeir gengju í EB, þegar tekið
er tillit til alls, sem á undan er
gengið.
Ég ætla að lokum að undirstrika
nokkur atriði, sem við íslendingar
verðum að standa dyggan vörð um
og myndu verða í hættu innan EB.
1. Fullveldinu megum við ekki
glata.
2. Islenskunni verðum við að halda
við.
3. Við verðum að halda fullum
yfírráðum yfir fiskimiðum okk-
ar og nýta þau af skynsemi.
4. Við verðum að stunda viðskipti
og menningartengsl við aðrar
þjóðir á jafnréttisgrundvelli,
bæði innan og utan EB.
5. Allar auðlindir okkar, svo sem
landsréttindi, vatnsorku og
jarðhita verðum við líka að
varðveita fyrir okkur sjálf.
Höfundur er fiskifræðingur.
BÍLALEIGA
Úrval 4x4 fólksbfla og statlon bila.
Pajero jeppar o.fl. teg. Pickup-bllar
með einf. og tvöf. húsi. Minibussar og
12 sæta Van bílar. Farsímar, kerrur f.
búslóöir og farangur og hestakerrur.
Reykjavík 686915
interRent
Europcar
BÍLALEIGA
AKUREYRAR
Fáðu gott tilboð!
Langholtssöfnuður
í Reykjavík 40 ára
eftir Sigríði
Jóhannsdóttur
Langholtssöfnuður í Reykjavík
var stofnaður 28. júní 1952. Þá báru
frumheijarnir fram kyndil, sem aldr-
ei hefur slokknað á í 40 ár. Svo
sterkt er ljósið frá þessum kyndli,
að það hefur lýst til átaka við sér-
hvern áfanga að byggingu þess húss
Guðs, er heitir Langholtskirkja,
kirkja Guðbrands biskups. Lang-
holtssöfnuður á þessa stórkostlegu
kirkju ásamt safnaðarheimili, sem
ávallt voru reist í áföngum utan um
lifandi starf. Segja má að við hvern
unninn áfanga hafí starfið verið
„Nú er það okkar að
halda kyndlinum á
lofti“
búið að sprengja hann utan af sér.
Þannig er það enn í dag.
Á slíkum tímamótum sem þessum
ber söfnuðinum að þakka og meta
það fórnfúsa og mikla starf, sem
unnið hefur verið söfnuði og kirkju
undir handleiðslu lífsins höfundar.
Við erum öll gjafir lífsins, verkfæri
Hans á jörðu, hvert og eitt á þann
hátt, er hæfileikar okkar nýtast best
til. Söfnuðurinn er sterk keðja, ef
við hvert og eitt leggjum okkar af
mörkum að styðja veikasta hlekkinn.
Því kærleikurinn til samferðamann-
anna sker úr um, hvar við stöndum.
í tilefni tímamótanna nú færði
Kvenfélag Langholtssóknar kirkj-
unni að gjöf hjólastól til afnota í
kirkju eða safnaðarheimili. í Lang-
holtskirkju er ávallt staður þar sem
slíkur stóll fellur inn í stólaröð. Nú
er hún orðin fyrsta kirkja landsins
sem eignast slíka gjöf : gulistól, sem
umvefur hvern þann, sem hans
þarfnast.
Hver er þín afmælisgjöf til Lang-
holtskirkju?
Nú er það okkar að halda kyndl-
inum á lofti. Megi ljósið frá honum
enn á ný lýsa til átaka við nýja
áfanga.
Langholtssöfnuður mun minnast
þessara tímamóta með hátíðarguðs-
þjónustu sunnudaginn 13. septem-
ber nk.
Höfundur er formaður
sóknarnefndar Langholtskirkju
Sigríður Jóhannsdóttir
HLJOMLEIKAR I BOÐI VISA
íþróttahúsi Vals laugardag 27. júní kl. 16:00
íþróttahúsinu Höfn í Hornafirði 28. júní kl. 16:00
íþróttahúsinu Egilsstöðum 29. júní kl. 20:00
íþróttahúsinu í Vestmannaeyjum 30. júní kl. 20:00
r
ViSA
7
VISA ISLAND