Morgunblaðið - 18.07.1992, Blaðsíða 21

MORGUNBLAÐIÐ LAUGARDAGUR 18. JÚLÍ 1992
21
Ungir sjálfstæðismenn á Vestfjörðum:
Akvörðun um heild-
arafla byggi ekki á
tillögum fískifræðinga
KJÖRDÆMISSAMTÖK ungra sjálfstæðismanna á Vestfjörðum sam-
þykktu um helgina ályktun, þar sem skorað er á sjávarútvegsráðherra
að taka ekki einvörðungu tillit til tillagna Hafrannsóknastofnunar þeg-
ar hann tekur ákvörðun um heildarafla á næsta fiskveiðiári. Sagt er
að óveijandi sé, að stofnunin verði
á landsbyggðinni eða ekki.
Fundur Kjördæmissamtakanna
var haldinn á ísafírði á sunnudaginn.
Þar fluttu ávörp Einar K. Guðfínns-
son alþingismaður og Einar Oddur
Kristjánsson framkyæmdastjóri
Hjálms hf. á Flateyri. í lok fundarins
var samþykkt ályktun, þar sem skor-
að var á Þorstein Pálsson, sjávarút-
vegsráðherra, að „taka fullt tillit til
þjóðarhagsmuna, þegar ákvörðun
um heildarafla verður tekin."
Þá segir í ályktuninni: „Kjör-
dæmissamtökin vilja benda á fyrri
reynslu okkar íslendinga af útgerð
togara á djúpslóð og minna í því
sambandi á það tímabil, þegar
rekstrargrundvöllur nýsköpunartog-
aranna hrundi á árunum 1959 til
1960 og þeir sem eftir yrðu þurftu
að leita til Nýfundnalands og Græn-
einráð um það hvort byggð haldist
lands í leit að verkefnum. Frá þeim
tímatil 1970 sá bátafloti landsmanna
um alla öflun físks.“
Einnig segir í ályktuninni, að sam-
tökin telji að dómur sögunnar hafi
farið ómjúkum höndum um ráðlegg-
ingar og tillögur Hafrannsóknastofn-
unar og sé þá skemmst að minnast
tillagna hennar um stöðvun loðnu-
veiða í fyrra. Þá segir: „Það er óveij-
andi að stofnun, sem hefur slíkan
feril sé einráð um það hvort byggð
helst á landsbyggðinni eða ekki. Þeg-
ar slík ákvörðun er tekin, er það
hreint ábyrgðarleysi að byggja ein-
vörðungu á ófullkomnu líkani Haf-
rannsóknastofnunar af lífríki sjávar
hér við land, sem eingöngu byggir á
aflabrögðum í botnvörpu, en tekur
ekkert tillit til veiða á grunnslóð."
1886-1991
1989 1990 1991
útkailsbeiðna 1991
1986 1987 1988
Leitap- og
bjöpgunar-
1991
Arsskýrsla þyrluvaktar lækna 1991:
Þyrlusveit Landhelgisgæslunn-
ar kölluð út 109 sinnum á árinu
ÞYRLUVAKT lækna gaf fyrir skömmu út samantekt á starfsemi
sinni árið 1991. Það var sjötta starfsár vaktarinnar en síðan 1986
hefur þyrlusveit Landhelgisgæslunnar verið kölluð út í samtals 508
skipti. A síðasta ári var álagið mest en þá var 109 sinnum leitað
aðstoðar sveitarinnar. í skýrslunni eru tíundaðar ýmsar tölulegar
upplýsingar um ferðir sveitarinnar. Þar er einnig yfirlit yfir búnað
hennar en brýnt er samkvæmt skýrslunni að bæta hann.
Fjöldi útkallsbeiðna hefur aukist
jafnt og þétt þessi sex ár ef undan
er talið árið 1987. Fyrst voru út-
köllin aðeins 36 en á síðasta ári
urðu þau 109. í 33 skipti var hætt
við beiðnir um aðstoð en ástæður
þess eru margvíslegar. í flestum
tilvikum voru það breyttar aðstæð-
ur eftir að lagt var af stað sem
ollu því að hætt var við. Átta sinn-
um var það hins vegar mat læknis
á vakt að læknisaðstoð væri ekki
nauðsynleg. Þau flug sem farin
voru skiptast í tvo flokka. Annars
vegar voru flogin 56 sjúkraflug en
leitar- og björgunarflug voru aftur
á móti tuttugu.
Fram kemur einnig í ársritinu
að ríflegur meirihluti útkalla eða
70% er utan dagvinnutíma. Því er
það ályktun skýrslunnar að þjón-
usta Þyrlusveitarinnar er nauðsyn-
leg allan sólarhringinn. Álagið er
og áberandi mest um helgar. At-
hygli vekur einnig að í júlí er sveit-
in oftast kölluð út eða 18 sinnum.
Slys á landi eru oftar orsök út-
kalls en slys á sjó. Flugóhöpp eru
Pianó og flauta á Húsavík: Cordula Hacke og Cornelia
Thorspecken.
Húsavík:
Tónleikar á sunnudag
TÓNLEIKAR verða í Safna-
húsinu á Húsavík á sunnudags-
kvöld. Leikið verður á flautu
og píanó.
Það eru þýsku listakonurnar
Cornelia Thorspecken, sem er
flautuleikari við óperuna í Wies-
baden, og Cordula Hacke, píanó-
leikari, sem koma fram á þessum
tónleikum á Húsavík og leika
fjölbreytta efnisskrá þar sem
meðal annars eru verk eftir Schu-
bert og Prokofjev. Tónleikarnir
hefjast í Safnahúsinu klukkan
20.30. Þær stöllur munu síðan
leika á tónleikum í Listasafni
Siguijóns Ólafssonar í Reykjavík
á þriðjudag.
Þyrlusveit Landhelgisgæslunnar
að störfum.
orsök aðeins þriggja útkalla á
þessu ári í stað tólf árið áður. Það
eru læknar og skipstjórar sem í
flestum tilvikum óska aðstoðar. í
öðrum tilvikum eru það lögreglu-
menn, björgunarsveitarmenn og
flugumferðarstjórar sem kalla til
aðstoð.
Meðalaldur fluttra einstaklinga
er einungis 30.5 ár en var 36 ár
á síðasta ári. Kynjamunur er mik-
ill og eru karlar 76% fluttra. Fjöldi
útlendinga sem sinnt var er nokkuð
meiri en undanfarin ár en hlutfall
þeirra er 19% af heildinni.
í skýrslunni er reynt að meta
gagnsemi þyrlu og læknis í þeim
ferðum sem farnar voru. Með til-
liti til allra útkallsbeiðna var þyrlan
talin nauðsynleg eða þýðingarmikil
í 70% tilvika, óþörf í 21% þeirra
og ónothæf í 9% tilvika. í ársritinu
er svo komist að þeirri niðurstöðu
að Þyrlusveit Landhelgisgæslunn-
ar hafi svo óyggjandi sé bjargað
10 mannslífum á árinu 1991. Með-
alviðbragðtími er loks talinn hafa
verið 32 mínútur þegar sérstaks
flýtis hafi verið óskað.
í lok skýrslunnar er tekið saman
stutt yfirlit yfír búnað sveitarinnn-
ar. Þar kemur fram að búnaðurinn
er almennt þokkalega góður. Þó
er þess sérstaklega getið að brýnt
sé nú orðið að eignast hjartarafsjá
með stuðtæki og ytri gangráði.
Önnur ný tæki mætti einnig kaupa
að mati skýrsluhöfunda og búa
þannig þyrlur gæslunnar fullkomn-
ustu tækjum. Höfundamir hvetja
að lokum til þess að keypt verði
ný og stærri þyrla þar sem það
muni augsýnilega auðvelda starf
Þyrlusveitarinnar til muna.
Stjörnubíó sýnir mynd-
ina Hnefaleikakappinn
STJÖRNUBÍÓ hefur hafið sýningar á myndinni Hnefaleikakappinn.
Með aðalhlutverk fara James Marshall og Robert Loggia. Leikstjóri
er Rowdy Herrington.
Myndin segir frá Tommy Riley skuggahverfum Chicago-borgar
sem lendir í klóm skúrka sem skipu- þar sem aðeins ein regla er í gildi,
leggja ólöglega hnefaleikakeppni í en hún er að sigra.
Eitt atriði úr myndinni Hnefaleikakappinn.
Doktorsrit-
gerð um notk-
un námsefnis
í grunnskóla
INGVAR Sigurgeirsson varði fyr-
ir nokkru doktorsritgerðsína
„The Role, Use and Impact of
Curriculum Materials in Interme-
diate Level Icelandic Classrooms"
við menntadeild Sussex-háskólans
í Englandi. Andmælendur voru
dr. James Calderhead prófessor
við Háskólann í Bath og dr. Vivi-
enne Griffiths frá Sussex-háskóla.
Leiðbeinandi var dr. Micael R.
Eraut prófessor við Sussex-
háskóla.
í ritgerðinni er
gerð grein fyrir
rannsókn á notkun
námsefnis í grunn-
skólum og á við-
horfum kennara og
nemenda til þess.
Fjölmörgum að-
ferðum ar beitt við
gagnaöflun, m.a.
vettvangsathugun Sigurgeirsson
í 20 bekkjardeildum í 12 skólum þar
sem fylgst var með kennslu í hálfan
mánuð samfellt í hverri deild. Alls
var fylgst með kennslu hjá 120 kenn-
urum. Tekin voru fomleg viðtöl við
úrtak kennara og nemenda og einn-
ig var ítarlegur spurningarlisti send-
ur úrtaki 100 kennara í 80 öðrum
skólum þar sem aflað var upplýsinga
um notkun námsefnis og skoðanir á
því.
Rannsóknin leiðir í ljós að það er
afar mismunandi eftir kennurum að
hvaða marki þeir styðjast við útgef-
ið námsefni í kennslu en flestir
treysta þó mjög á það. Mest reynd-
ist notkun útgefins námsefnis í
enskukennslu en minnst í tónmennt
og landafræði (rannsóknin tók ekki »
til íþrótta, mynd- og handmennta).
Auk námsbóka reyndist algengt að
kennarar notuðu ýmis heimatilbúin
námsgögn en þetta var einnig afar
mismunandi eftir kennurum, skólum
og námsgreinum. Önnur kennslu-
gögn (t.d. kvikmyndir, líkön, glærur)
reyndust lítið notuð og hið sama
gilti um kennsluleiðbeiningar.
Ingvar Sigurgeirsson er dósent í
kennslufræði við Kennaraháskóla
íslands. Foreldrar hans eru Bergljót
Ingvarsdóttir og Sigurgeir Friðjóns-
son. Ingvar er kvæntur Lilju M.
Jónsdóttur æfingakennara.
Ein Ijósmynda Valgeirs Sigurðs-
sonar.
■ UNGUR áhugaljósmynd&ri
Valgeir Sigurðsson opnar sína
fyrstu ljósmyndasýningu á laugar-
dag, 18. júlí. Sýningin verður í
Café Sautján í versluninni Sautján
á Laugavegi. Á sýningunni verða
17 myndir sem allar eru teknar á
þessu ári og flestar á eyjunni SIMI
sem er grísk eyja skammt undan
ströndum Tyrklands. Sýningin
stendur í þijár vikur og er opin á
verslunartíma.
■ Á PÚLSINUM í kvöld, laugar-
daginn 18. júlí, spilar hljómsveitin
Sirkus Babalú, sem er 12 manna
hljómsveit. Hljómsveitin kemur
fram sem ein heild en ýmsir ein-
staklingar innan sveitarinnar munu
koma fram sem einstaklingar og í
formi smærri sveita. Þar má nefna
m.a. eldgleypi, töframann og
trúbador sem flytur sitt eigið efni.