Morgunblaðið - 18.07.1992, Blaðsíða 36

ttrgmitribrittfr
MICROSOFT. einarj.
WlNDOWS. SKÚLASONHF
MORG VNBLADID, ADALSTRÆTl 6, 101 REYKJAVlK
SÍMI 691100, SlMBRÉF
!F 691181, PÓSTHÓLF 1555 / AKVREYRI: HAFNARSTRÆTl 85
LAUGARDAGUR 18. JULI 1992
VERÐ I LAUSASOLU 110 KR.
Fiskveiðisamningur íslands og EB:
Ráðherra greinir á
um kröfur á hendur
Evrópubandalaginu
RÁÐGERT er að halda samningafund í Brussel nú á mánudag
um gagnkvæma fiskveiðisamninga við Evrópubandalagið. Ekki
verða frekari fundir að sinni, þar sem samninganefndarmenn EB
eru að fara í sumarleyfi. Samkvæmt upplýsingum Morgunblaðsins
er ágreiningur um það hversu langt beri að ganga í kröfum á
hendur EB, á milli þeirra Jóns Baldvins Hannibalssonar utanríkis-
ráðherra og Þorsteins Pálssonar sjávarútvegsráðherra. Heimildir
Morgunblaðsins herma að ólíklegt sé að niðurstaða fáist í málinu
á fundinum i Brussel á mánudag, sem hefði það í för með sér að
samningar lægju niðri til haustsins og þvi væri ekki hægt að bera
slíkan samning undir Alþingi sem kemur saman þann 17. ágúst
næstkomandi.
Þorsteinn Pálsson sjávarútvegs-
ráðherra sagði í samtali við Morgun-
blaðið í gær að síðustu samninga-
fundimir hefðu gengið bæði vel og
illa. Um mörg atriðanna væri nú
endanlegt samkomulag, eða útlit
fyrir að hægt yrði að ná góðu sam-
komulagi. „Það hefur hins vegar
strandað á einu þýðingarmiklu atr-
iði sem er gagnkvæmni í fram-
kvæmd. Við höfum lagt á það
áherslu að fyrsta viðmiðun verði
loðnuvertíð og það fari eftir veiði-
árangri hennar hvort EB fái fullan
kvóta af karfa,“ sagði Þorsteinn.
Hann sagði að Evrópubandalagið
hefði hins vegar sagt að þeir vildu
Kaupstaður í Mjódd:
Sígarettum
fyrir millj-
ón kr. stolið
STÓRÞJÓFNAÐUR var framinn
í versluninni Kaupstað í Mjódd í
fyrrinótt og þaðan stolið sígar-
ettum að verðmæti ein milljón
króna. Farið var inn á vörulager
verslunarinnar og sígaretturnar
teknar þaðan. Málið er í rann-
sókn hjá RLR.
Samkvæmt upplýsingum frá
RLR uppgvötvaðist þjófnaðurinn er
starfsfólk verslunarinnar mætti til
vinnu um klukkan 8 í gærmorgun.
Voru þá horfin af lagemum 450
karton af sígarettum eða 9 stórir
pappakassar með 50 kartonum
hver. Talið er að innbrotsþjófamir
hafi notað sendiferðabifreið til að
koma góssinu undan.
Lögreglan beinir þeim tilmælum
til fólks að hafa samband hafi það
orðið vart mannaferða við verslun-
ina í fyrrinótt, eða því boðið mikið
magn af sígarettum til sölu.
einungis bera saiúan útgefnar veiði-
heimildir.
Eftir því sem næst verður komist
er hinn gagnkvæmi fiskveiðisamn-
ingur nánast frágenginn, að undan-
skildum skilyrðunum fyrir gagn-
kvæmninni { veiðiheimildunum.
Samninganefnd EB hefur haldið því
sjónarmiði til streitu að hér sé um
samning að ræða, sem fjalli um
veiðiheimildir, en ekki afla upp úr
sjó. Því segja þeir að áhættan um
hvort aflinn næst eða næst ekki,
hljóti að vera áhætta þess sem afl-
ann á að fá. Þeir hafa því hafnað
þeirri kröfu, sem íslendingar munu
hafa borið fram, að undirlagi Þor-
steins Pálssonar sjávarútvegsráð-
herra, að trygging verði í samningn-
um um að tiltekið aflamark náist
upp úr sjó.
Ríkisstjómin mun ræða þetta mál
á fundi sínum í dag og samkvæmt
upplýsingum Morgunblaðsins í gær
var talið líklegt að þeir þorsteinn
Pálsson sjávarútvegsráðherra og
Jón Baldvin Hannibalsson utanríkis-
ráðherra reyndu að nota helgina til
þess að ræðast við og komast að
sameiginlegri niðurstöðu fyrir fund-
inn á mánudag.
Morgunblaðið/Þorkell
Heimsókn í Ráðhúsið
Opinberri heimsókn Richard von Weizsácker forseta Þýskalands er
lokið. í gær hélt Markús Öm Antonsson borgarstjóri mótttöku í
Ráðhúsi Reykjavíkur fyrir Þýskalandsforseta og var það fýrsta opin-
bera mótttakan í Ráðhúsinu fyrir þjóðhöfðingja. Á myndinni sjást
borgarstjóri og Þýskalandsforseti ganga úr Ráðhúsinu.
Sjá nánar bls. 14-15.
Tvö þyrlu-
útköll á
sama tíma
vegna slysa
TVÖ þyrluútköll urðu á svo til
sama tíma í gærkvöldi. í bæði
skiptin var um slasaða Þjóð-
verja að ræða i tveimur lands-
hlutum. Var annar Þjóðverjinn
sóttur af þyrlu Landhelgisgæsl-
unnar að Skaftafelii en hinn
sótti þyrla frá varnarliðinu að
Búrfelli.
Samkvæmt upplýsingum frá
Landhelgisgæslunni komu
hjálparbeiðnirnar til stjómstöðvar
Landhelgisgæslunnar með fímm
mínútna millibili um kvöldmatar-
leytið. Ákveðið var að senda þyrlu
Landhelgisgæslunnar strax í
Skaftafell því í fyrstu var talið að
þýski ferðamaðurinn þar væri al-
varlega slasaður.
Þjóðveijinn mun hafa verið að
klifra í Svarthömrum norður af
Skaftafelli er hann hrapaði niður
í gljúfur. Allar aðstæður voru mjög
erfiðar fyrir þyrluflugmennina en
þeim tókst að lokum að ná honum
upp og fljúga með hann á Borgar-
spítalann. Meiðsli hans reyndust
síðan ekki eins alvarleg og í fyrstu
var talið.
Þjóðveijinn sem sóttur var af
þyrlu varnarliðsins að Búrfelli mun
hafa slasað sig í Landmannalaug-
um er hann hrasaði þar af vél-
hjóli sem hann var á. Lögreglan á
Hvolsvelli sendi sjúkrabifreið í
Landmannalaugar og með henni
var hann fluttur að Búrfelli þar
sem honum var komið um borð í
þyrluna sem einnig flaug með
hann á Borgarspítalann. Hann
mun vera alvarlega slasaður eftir
vélhjólaslys þetta.
Breskur sérfræðingur mælir með 40% niðurskurði á þorskkvóta á næsta ári:
Tillögur uin veiðikvóta verða
byggðar á vísindaþekkingu
- segir Þorsteinn Pálsson sjávarútvegsráðherra
JOHN Pope, breski sérfræðingur- heimilaðar veiðar á 150 þúsund
inn sem unnið hefur tölfræðilega tonnum. Skýrsla Pope barst Þor-
úttekt fyrir Þorstein Pálsson sjáv-
arútvegsráðherra, mælir með því
að þorskveiðikvóti næsta árs verði
skorinn niður um 40% og einungis
Mokveiði á Kögurgrunni:
Skip fá 301 í hali
MOKVEIÐI var hjá togurum vest-
ast á Kögurgrunni nú seinnipart
vikunnar og algengt að menn
væru að fá þetta 30 tonn í hali
af stórum þorski en nokkuð horuð-
um. Ásgeir Guðbjartsson skip-
stjóri á hinu kunna aflaskipi Guð-
björgu ÍS segir í samtali við Morg-
unblaðið að eftir mjög góða veiði
á fimmtudag hafi nokkuð dregið
úr þessu og menn að fá 2-8 tonn
i hali á föstudeginum.
Guðbjörg IS kom á miðin á þriðju-
dag og er Morgunblaðið ræddi við
Asgeir á föstudag voru þeir komnir
með 70 tonn, að mestu veidd á
fimmtudeginum. „Það var mjög góð
veiði hér í gærdag en þetta er orðið
rólegra núna,“ segir Ásgeir. „ En
þótt þorskurinn sem við höfum feng-
ið sé stór er hann grindhoraður og
greinilegt að hann skortir æti.“
Þessi mikli afli sem kom á fimmtu-
dag fékkst vestast á Kögurgrunninu
en Ásgeir segir að fiskurinn hafi
greinilega leitað þangað undan haf-
ísnum sem var í aðeins 3-4 mílna
fjarlægð frá veiðisvæðinu.
steini Pálssyni sjávarútvegsráð-
herra í gær og sagði Þorsteinn í
samtali við Morgunblaðið að til-
lögur þær um veiðiheimildir á
næsta fiskveiðiári, sem hann
myndi leggja fram i ríkisstjórn
yrðu byggðar á vísindalegri þekk-
ingu.
„Það liggur skýrt fyrir hvernig
staðið verður að ákvarðanatöku {
þessum efnum. I fyrra lagði ég mín-
ar tillögur fyrir ríkisstjórnina og hún
fjallaði um þær. Hún komst að sam-
eiginlegri niðurstöðu og ákvað að
styðja mínar tillögur og að því búnu
gaf ég út reglugerðina,“ sagði sjávar-
útvegsráðherra. „Þetta er í fullu
samræmi við ákvæði laganna um
verksvið og ábyrgð sjávarútvegsráð-
herra og þann pólitíska veruleika að
allar meiriháttar ákvarðanir ræða
menn í ríkisstjóm."
Samkvæmt upplýsingum Morgun-
blaðsins er ágreiningur um það á
milli Davíðs Oddssonar forsætisráð-
herra og Þorsteins Pálssonar sjávar-
útvegsráðherra hvort fara beri að
ítrustu tillögum Hafrannsóknastofn-
unar eða ekki. Þorsteinn var spurður
hvernig hann hygðist leggja málið
fyrir í ríkisstjórn: „Eg mun gera það
með þeim hætti að ríkisstjómin taki
afstöðu til þess hvaða leið á að fara
- hvaða markmið við eigum að setja
okkur. Við gerum okkur fulla grein
fyrir þvi' að fiskifræðin er ekki ná-
kvæmnivísindi og vísindamenn gera
mistök, en þeir láta okkur í té bestu
þekkingu sem völ er á. Ákvörðunin
sem verður tekin verður byggð á
vísindalegri þekkingu og engu öðru.
Ef við ætluðum okkur að gera eitt-
hvað annað værum við að stíga ára-
tugi aftur í tímann og ég vil ekki
standa að ákvörðun á þeim grund-
velli,“ sagði sjávarútvegsráðherra.
Þorsteinn sagði jafnframt að það
væri stjórnmálamanna en ekki fiski-
fræðinga að ákveða hvaða markmið
sett væru. Hvort stefnt skyldi að því
að byggja þorskstofninn upp, eða
hvort jafnstaða væri ásættanleg.
„Við stöndum nú frammi fyrir því
að meta hvað er okkur pólitískt fært
að gera, hvaða efnahagslegu mark-
mið viijum við setja til lengri tíma
og komast að niðurstöðu með um-
fjöllun um þessi efnahagslegu og
pólitísku markmið," sagði Þorsteinn.
Hann sagði að leiðirnar byggðu vita-
skuld á þeirri vísindalegu þekkingu
og þeim vísindalegu niðurstöðum
sem stjórnvöld hefðu nú í höndum.
Samkvæmt upplýsingum Morgun-
blaðsins mun forsætisráðherra telja
að leyfa beri a.m.k. 230 þúsund
tonna þorskveiðikvóta. Hann hefur
sagt að ríkisstjórnin í heild ætti að
taka ákvörðun um heildarafla, en
ekki sjávarútvegsráðherra einn.
„Að lögum er þetta ákvörðun sjáv-
arútvegsráðherra. Þetta er hinsvegar
stórpólitísk ákvörðun, sem varðar
afkomu allra landsmanna og afkomu
þjóðarbús," sagði Jón Baldvin
Hannibalsson utanríkisráðherra.
„Þess vegna er eðlilegt að tillögur
sjávarútvegsráðherra séu lagðar fyr-
ir í ríkisstjórn, eins og hann hefur
boðað að gert verði, og ríkisstjómin
í heild taki síðan afstöðu til þessara
tillagna."
Sjá niðurstöður Johns Popes á
miðopnu.