Morgunblaðið - 18.07.1992, Blaðsíða 22

22
MORGUNBLAÐIÐ LAUGARDAGUR 18. JÚLÍ 1992
Heysala til Svíþjóðar:
Líklegt að takist
að semja um verð
Morgunblaðið/Eiríkur
Sungið í sumarblíðunni
Þau voru á leið í Lystigarðinn til að skoða blómin
og borða nestið sitt, bömin á barnaheimilinu Hlíðar-
bóli. Þau komu í halarófu með fóstrunum sínum og
settust í grasið á meðan beðið var eftir strætó. Þar
sungu þau hástöfum „Vertu til er vorið kallar á
þig...“ þegar ljósmyndarinn tók þessa mynd.
HEYSALAN til Svíþjóðar er enn í athugun hjá Búnaðarsambandi
Eyjafjarðar. Ekki hefur verið samið um verð en borist hefur tilboð
frá Svíum sem er á þeim nótum að telja má að samningar náist. Nóg
er til af heyi í Eyjafirði.
ur vegna þess hve hey væri fyrir-
ferðarmikið.
Um verð á heyi sagði Guðmund-
ur að framleiðsluverðið væri talið
15-16 krónur á kílóið. Hins vegar
væri spurning hvort menn vildu
sætta sig við eitthvað minna ef
þeir gætu selt eitthvað umtalsvert,
nóg væri til af heyi, bæði frá fyrra
ári og þetta ár gæfi ekki síður mjög
mikið og gott hey, þannig að trú-
lega mætti segja að framleiðslu-
kostnaður væri í reynd eitthvað
minni en í meðalári.
Guðmundur sagði að Búnaðarfé-
lagi íslands hefðu borist fleiri fyrir-
spurnir um heykaup hér á landi og
þeim erindum væri þeint tii búnað-
arsambandanna. Þannig væru Ey-
firðingar nú í beinu sambandi við
Kalmar í Svíþjóð.
Ekki sagðist Guðmundur telja að
íslenska heyið væri sambærilegt því
heyi sem notað væri jafnan á þeim
slóðum sem heyskortur er mestur
af þurrkasökum í Skandinavíu..Þar
væri jafnan notað mun grófara hey,
frekar sem fyllifóður ásamt alls
kyns öðru fóðri. íslenska heyið
væri því mun næringarefnaríkara
en hey í sunnanverðum Noregi og
Svíþjóð. Það væri ekki fyrr en norð-
ar drægi í löndunum sem hey tæki
að líkjast því sem hér er.
Ekki kvaðst Guðmundur vita
hvenær búast mætti við að gengið
yrði frá samingum um heysöluna,
þetta væri ekki mál sem unnið væri
í neinu hasti, ekki væri gert ráð
fyrir að heyið yrði afhent fyrr en í
september eða október.
■ FÉLAGIÐ Augnablik gengst
fyrir sumarskemmtun í Samkorau-
húsinu á Akureyri sunnudaginn
19. júlí. Þar verður boðið upp á
gítarleik, söng, leiklist og pönnu-
kökur í hléi. Einar Kristján Ein-
arsson leikur á gítar tónverkið
Hvaðan kemur lognið? eftir Karól-
ínu Eiríksdóttur, Gyrðir Elíasson
les úr bók sinni Heykvísl og Gúmmí-
skór og fluttur verður Einleikur
fyrir Hörpu í himnaríki eftir Sjón,
Harpa Arnadóttir leikur, og Asta
Arnardóttir leikur á harmoniku.
Sumarskemmtunin hefst kl. 21.00.
■ SEGLBRETTASAMBAND ís-
lands stendur fyrir seglbrettamóti
á Pollinum á Akureyri um helg-
ina. Um er að ræða Egilsmótið á
seglbrettum og búist við að þátttak-
endur verði 15- 20 talsins, flestir
af höfuðborgarsvæðinu. Seglbretta-
mótið stendur á laugardag og
sunnudag og hefst klukkan 11.00
báða dagana. N
■ ROKKTÓNLEIKAR verða
haldnir í Dynheimum á Akureyri
í kvöld klukkan 21. Fram koma á
tónleikunum hljómsveitir frá Akur-
eyri, Húsavík og Reykjavík. Þær
eru: Kvensaxið, Hún andar, In
memoriam og S.S.K. Tónlistin sem
leikin verður er undantekningar-
laust kraftmikið rokk.
■ Á SUNNUDAG verður athöfn
við Kjarnalund, byggingu Nátt-
úrulækningaféiagsins í Kjarnaskógi
við Akureyri, þar sem minnst verð-
ur mikilsverðs starfs Árna Bjarn-
arsonar, sem lést fyrir skömmu,
að náttúrulækningarmálum og ekki
síður samskiptum íslendinga og
Vestur-íslendinga. Þar verða gróð-
ursett tré til minningar um Árna.
GA

Ekki hefur enn verið gengið frá
samningum um heysölu til Svíþjóð-
ar. Að sögn Guðmundar Steinþórs-
sonar, ráðunautar hjá Búnaðarsam-
bandi Eyjafjarðar, hafa farið fram
nokkrar viðræður milli Búnaðar-
sambandsins og sænskra aðila í
Kalmar. Dálítið hefði verið rætt um
verð en ekki væri komin niðurstaða
í þeim efnum, ennþá stæðu yfir
þreifingar. Þó sagði hann að segja
mætti að tilboð sem borist hefði frá
Svíum væri ekki lakara en svo að
mönnum þætti ástæða til að athuga
nánar hvort samningar næðust. Að
auki þyrfti að semja um flutning á
heyinu ef til sölu kæmi, en hann
væri vandasamur og kostnaðarsam-
Skjaldborg kaupir Bóka-
forlag Odds Bjömssonar
UPPLÝST var í gær að ákveðið
hefði verið að Landsbanki ís-
lands seldi bókaútgáfunni
Skjaldborg i Reykjavík Bókafor-
lag Odds Björnssonar, sem starf-
að hefur á Akureyri í 105 ár.
Bókaforlagið flyst nú til Reykja-
víkur, en Skjaldborg hefur að
undanförnu fest kaup á fjórum
öðrum bókaútgáfum. Skjaldborg
var áður starfandi á Akureyri
en fluttist til Reykjavíkur fyrir
nokkrum árum. Fyrirtækið
hyggst áfram freista þess að
gefa út bækur norðlenskra höf-
unda, að sögn Björns Eiríksson-
' ar, forsfjóra, og Heima er best
verður áfram gefið út.
Samkvæmt upplýsingum Eiríks
Jóhannssonar, fulltrúa Landsbanka
íslands, síðdegis í gær, var þá geng-
ið frá því að Bókaforlag Odds
Björnssonar á Akureyri yrði selt
bókaútgáfunni Skjaldborg í Reykja-
vík. Ekki fengust upplýsingar um
kaupverð.
Bókaforlagið hefur starfað á
Akureyri frá því 1887 og er því 105
ára þegar það er selt til Reykjavík-
ur og sameinast þar bókaútgáfunni
Skjaldborg, sem um langt skeið
starfaði á Akureyri en flutti til
Reykjavíkur fyrir rúmum hálfum
,,áratug. Björn Eiríksson, forstjóri
Skjaldborgar sagði að Bókaforlagið
yrði við þessi eigendaskipti flutt
suður. Skjaldborg myndi starfa þar
áfram með útibúi á Akureyri eins
og verið hefði. „En ég held áfram
að gefa út eftir Norðlendinga, eins
og ég hef gert,“ sagði Bjöm, „það
má segja að við höfum verið þeir
einu til að þjóna þeim því þeir hafa
gefið svo lítið út hjá POB að undan-
fömu. Ég er líka ákveðinn í að
halda áfram með Heima er best,
ætla að reyna að hysja upp um það.“
Björn Éiríksson sagði að Bóka-
forlag Odds Björnssonar væri
fímmta bókaútgáfan sem hann
hefði keypt að undanförnu. Hin
væm Ægisútgáfan, Bókhlaðan,
Tákn og Ljóðhús. „Ég held ég megi
segja að ég sé allavega einn af
þremur stærstu útgefendum á land-
inu í dag,“ sagði Bjöm. „Það er allt
í lagi að það komi fram. Reykvík-
ingar líta að vísu alltaf á mig sem
landsbyggðarmann og sveitamann
og það er allt í lagi með það, ég
skammast mín ekkert fyrir það,
enda hef ég alltaf reynt að gefa
út bækur eftir landbyggðarmenn,
ekki síst Norðlendinga."
Bjöm sagði að Bókaforlaginu
fylgdi mikill lager, þar væru um
það bil 70 þúsund eintök af bókum
af ýmsu tagi. Hann sagðist hafa
haft lag á að nýta gamla lagera
þeirra forlaga sem hann hefði eign-
ast, hann kæmí alltaf árlega með
bókamarkað til Akureyrar og hefði
stöðugt bókamarkað hjá Skjaldborg
í Reykjavík. í sambandi við Bóka-
Akureyrarprestakall
Messa verður í Akureyrarkirkju nk. sunnudag 19. júlí kl. í 1
fyrir hádegi.
Sálmar: 504, 359, 182, 258 og 44.
Fermdur verður í athöfninni Stefán Ómarsson,
Grenilundi 9, Akureyri.
Þ.H.
Messa verður í Minjasafnskirkjunni nk. sunnudag 19. júlí
kl. 14.
Séra Jón Bjarman, sjúkrahúsprestur, prédikar.
Sálmar: 350, 359, 285, 351 og 56.
Eftir athöfnina verða Zontakonur með kaffiveitingar
í Zontahúsinu, Aðaistræti 54.
Þ.H.
Munið sumartónleikana í Akureyrarkirkju á sunnudaginn
kl. 17.
forlag Odds Bjömssonar sagðist
hann hafa í hyggju að endurútgefa
ýmsar bækur sem forlagið gaf út
áður, sagðist þekkja vel til þeirra,
enda vera alinn þar upp, hafa lært
þar prentun á sínum tíma.
Bjöm sagði um það bil 6 ár síðan
Skjaldborg hefði flust að fullu til
Reykjavíkur. Þar hefði hann ámm
saman haft útibú og eignir. Aldrei
hefði verið ætlun sín að flytja en
ekki hefði verið hjá því komist þeg-
ar um það bil 70% af veltu fyrirtæk-
isins hefði verið þar syðra.
Að sögn Bjöms er ætlunin að
ganga frá kaupunum og skrifa und-
ir samninga nú strax upp úr helg-
inni.
Fimm af aðstandendum „Sumar“ sýningarinnar
Tvær myndlistarsýn-
ingar opnaðar í Gilinu
í dag verða opnaðar tvær myndlistarsýningar í Gilinu á Akureyri.
í Myndlistaskólanum verður opnuð sýningin SUMAR, en að henni
standa sex listamenn. I Listaskálanum, vinnustofu Guðmundar Ár-
manns að baki skólanum, verður opnuð sýning á pennateikningum.
Sumar í Myndlistaskólanum
Á samsýningunni Sumri í Mynd-
listaskólanum sýna sex listamenn
verk sín. Þar sýna olíumálverk
Kristinn G. Jóhannsson, Guðmund-
ur Ármann og Sigurbjöm Jónsson.
Helgi Vilberg sýnir akrílmálverk,
Jón Laxdal klippimyndir og verk
Rósu Kristínar Júlíusdóttur eru
vattteppi, máluð með akríllitum.
Alls em á sýningunni 47 lista-
verk og má segja að viðfangsefnin
séu fjölbreytileg, spanni allt frá
skeljum fjömnnar til skýja himins-
ins. Verkin em til sölu.
Sýningin verður opnuð í dag
klukkan 14.00 en hún verður jafnan
opin klukkan 14.00 til 18.00 næstu
þijár vikur.
Teikningar í Listaskálanum
í Listaskálanum að baki Mynd-
listaskólans verður klukkan 16.00
í dag opnuð sýning á teikningum
þýskrar listakonu, Tita Heydecker,
sem starfað hefur á Akureyri um
nokkurra mánaða skeið. Tita
Heydecker er fædd í Þýskalandi en
átti um tólf ára skeið heima í Brasil-
íu. List sína nam hún í Miinchen
og hefur sýnt verk sín víða í heima-
landi sínu svo og í Reykjavík.
Sýningin á teikningum Tita
Heydecker verður opin klukkan
14.00 til 19.00 til 25. júlí.