Morgunblaðið - 31.07.1992, Qupperneq 11

MORGUNBLAÐIÐ FÖSTUDAGUR 31. JÚU 1992
11
Sjónarmið landsbyggðarfull-
trúa í ferðamálaráði varðandi
ráðstefnuskrifstofu Islands
eftir Karenu Erlu
Erlingsdóttur ,
Þann 15. maí sl. var undirritaður
samningur um Ráðstefnuskrifstofu
íslands. í stofnsamningi er m.a.
sagt um hlutverk hennar, að hún
skuli koma upplýsingum um ísland
á framfæri á alþjóðamarkaði og
kynna möguleika landsins til funda-
og ráðstefnuhalds og móttöku
hvataferða.
Reykjavíkurborg, Flugleiðir hf.,
Félag ísl. ferðaskrifstofa og Sam-
band veitinga- og gistihúsa stóðu
að stofnun ráðstefnuskrifstofunnar
ásamt Ferðamálaráði íslands, en
þess má geta að Ferðamálaráð er
langstærsti hluthafinn.
A síðasta fundi Ferðamálaráðs
var kosið um fulltrúa Ferðamála-
ráðs í ráðstefnuskrifstofunni.
Framkvæmdastjórn Ferðamálaráðs
kom fram með tillögu á fundinum
þess efnis að starfsmaður Ferða-
málaráðs, Magnús Oddsson, yrði
þessi fulltrúi. Ekki voru allir ráðs-
menn samþykkir þessu, m.a. á þeirri
forsendu að þeim þætti það eðli-
legra að fulltrúinn yrði kosinn úr
röðum ráðsmanna sjálfra.
Önnur ástæða er reyndar sú að
mörgum fannst væntanleg stjórn
ráðstefnuskrifstofunnar endur-
spegla valdasamþjöppun hags-
munaaðila á höfuðborgarsvæðinu
og vildu gjarnan fá inn einn aðila
sem einnig bæri hagsmuni ferða-'
þjónustu á landsbyggðinni fyrir
brjósti. Því kom fram mótframboð
þar sem stungið var upp á Paul
Richardssyni, framkvæmdastjóra
Ferðaþjónustu bænda.
Án þess að rekja þetta mál nánar
fór fram lýðræðisleg kosning og
niðurstaðan varð sú að Paul Ric-
hardsson var kosinn fulltrúi Ferða-
málaráðs í Ráðstefnuskrifstofu ís-
lands með meirihluta atkvæða.
Þessari niðurstöðu ráðsins gat
háttvirtur samgönguráðherra, Hall-
dór Blöndal, af einhveijum ástæð-
um ekki sætt sig við og fór fram
á það við framkvæmdastjórn að hún
tilnefndi nýjan fulltrúa. Fram-
kvæmdastjóm varð við þeirri ósk
og þrátt fyrir það að Ferðamálaráð
hafi þegar af ofangreindum ástæð-
um „hafnað" starfsmanni Ferða-
málaráðs, mælti framkvæmda-
stjómin aftur með honum.
Ráðherra skipaði síðan Magnús
Oddsson í stjórn ráðstefnuskrifstof-
unnar. Það hlýtur að vekja undmn
manna að ráðherra skuli grípa inn
í mál með þessum hætti. Það vekur
óneitanlega upp þá spurningu af
hvetju Ferðamálaráð sé yfírleitt að
koma saman til þess að fjalla um
og taka afstöðu í hinum ýmsu mál-
um, þegar ekkert mark er síðan
tekið á því af þeim sem völdin hafa.
Ég verð nú líka að lýsa undmn
minni á starfsmanni Ferðamála-
ráðs, annars hæfum manni, að hann
skuli aftur gefa kost á sér í þetta
embætti, eftir það sem á undan er
gengið.
Þó svo að hér hafi að sjálfsögðu
verið um leynilega kosningu hjá
Ferðamálaráði að ræða er það varla
nokkurt launungarmál að fulltrúar
landsbyggðarinnar í Ferðamálaráði
studdu kosningu Pauls Richards-
sonar. Mér finnst það heldur ótrú-
legt að það hafi ekki borist til eyrna
háttvirts samgönguráðherra sem
jafnframt er 2. þingmaður Norður-
landskjördæmis eystra, eins stærsta
landbúnaðarhéraðs á íslandi og eins
öflugasta ferðamannasvæði lands-
ins.
Háttvirtur ráðherra hlýtur að
hafa haft gilda ástæðu fyrir því að
ganga þannig á skjön við óskir
landsbyggðarinnar í þessu máli.
Á þessum síðustu og verstu tím-
um niðurskurðar á hinum ýmsu
sviðum í þjóðfélaginu og í ljósi
þeirra staðreynda að vemlegur
samdráttur er í hefðbundnum land-
búnaði, em menn í óða önn að leita
nýrra leiða í atvinnumálum til þess
að treysta byggðir í sveitum lands-
ins. Margir, m.a. stjórnvöld, em
þeirrar skoðunar að öflug uppbygg-
ing ferðaþjónustu gæti orðið „stóri
bjargvætturinn" úti á landsbyggð-
inni.
Félag Ferðaþjónustu bænda hef-
ur nú verið starfrækt í rösk 10 ár.
Tilgangur félagsins er m.a. að:
— efla ferðaþjónustu í sveitum,
Karen Erla Erlingsdóttir
— stuðla að því að hún uppfylli
kröfur neytandans,
— vinna að hagsmunum ferðaþjón-
ustubænda.
Paul Richardsson hefur verið
framkvæmdastjóri Ferðaþjónustu
bænda í 6 ár. Ég held að allir geti
verið sammála um að hann hafi
staðið sig með prýði og að undir
hans stjórn hafí Ferðaþjónusta
bænda tekið miklum framfömm.
Því ber ekki síst að þakka góðu og
öflugu markaðsstarfi. Markaðs-
starfi sem ekki aðeins hefur nýst
ferðaþjónustubændum, heldur hef-
ur það haft sitt að segja fyrir alla
ferðaþjónustu í landinu. Viðurkenn-
ingar hafa reyndar komið frá ýms-
um aðilum á því markaðsstarfi sem
Ferðaþjónusta bænda hefur unnið.
Þess má einnig geta hér að þeg-
ar Evrópusamtök ferðaþjónustu-
bænda voru stofnuð árið 1990 var
Paul Richardsson kosinn formaður
undirbúningsnefndar sem vann sið-
an að stofnsamningi og stefnumót-
un í markaðsmálum.
Samgönguráðherra, sem einnig
gegnir embætti landbúnaðarráð-
herra, hafnaði framkvæmdastjóra
Ferðaþjónustu bænda í stjórn ráð-
stefnuskrifstofunnar á þeim for-
sendum að „hann vildi einhvern sem
hann gæti treyst". M.ö.o. landbún-
aðarráðherra treysti ekki þeim ein-
staklingi sem bændur völdu sér til
þess að markaðssetja sína þjónustu.
Háttvirtur landbúnaðarráðherra
hlýtur að hafa gildar ástæður fyrir
því.
Ég verð nú samt sem áður í lok-
in að taka ofan fyrir ráðherra fyrir
það að hann skuli þó hafa sam-
þykkt formann Ferðamálaráðs,
Kristínu Halldórsdóttur, sem setið
hefur á þingi fyrir Kvennalistann í
Reykjaneskjördæmi, sem varamann
Ferðamálaráðs í stjóm títtum-
ræddrar ráðstefnuskrifstofu. Það
virðist nefnilega ekki vera hefð fyr-
ir því þegar ráða á í einhver emb-
ætti að Sjálfstæðisflokkurinn leiti
mikið út fyrir sínar herbúðir!!!
Höfundur er ferðamálafulltrúi
Austurlands ogfulltrúi í
Ferðamálaráði íslands.
Sigríður Gyða Sigurðardóttir,
myndlistarmaður.
Sigríður Gyða
í Þrastahmdi
SIGRÍÐUR Gyða Sigurðardóttir
opnar sýningu á vatnslita- og
olíumyndum í Þrastarlundi við
Sog í dag, föstudaginn 31. júlí.
Verkin á sýningunni eru öll
unnin á þessu ári og í fréttatil-
kynningu segir, að þar sé meðal
annars að finna hinar vinsælu
Reykjavíkurstemmningar.
Sigríður Gyða hefur haldið
einkasýningar og tekið þátt í fjölda
samsýninga hér á landi og erlend-
is. Undanfarin átta ár hefur hún
gert jólakort „Svalanna", sem er
félag starfandi og fyrrverandi
flugfreyja.
Sýningin verður opin fram í
miðjan ágúst.
Sumarsýning Norræna hússins
Myndlist
Eiríkur Þorláksson
Það hefur verið góð venja í
sýningarsölum Norræna hússins
um margra ára skeið, að efna á
sumrin til sérstakra sýninga, þar
sem íslenskir myndlistarmenn
hafa verið kynntir, einn eða fleiri
í senn. Þessar sýningar hafa stað-
ið mun lengur en sýningar á öðr-
um tímum ársins, og hafa því
verið heppilegar til þess að gefa
innlendum og erlendum ferða-
mönnum sem og öllum listunnend-
um gott tækifæri til að kynnast
ákveðnum hluta íslenskrar mynd-
listar.
Að þessu sinni hefur Norræna
húsið valið að setja upp samsýn-
ingu á verkum þriggja listmálara
af yngri kynslóðinni, þeirra Daða
Guðbjörnssonar, Helga Þorgils
Friðjónssonar og Tuma Magnús-
sonar. Þessir listamenn eiga ýmis-
legt sameiginlegt; þeir stunduðu
nám við Myndlista- og handíða-
skóla íslands á áttunda áratugn-
um, og fóru síðan til framhalds-
náms í listaskóla í Hollandi (Daði
í Amsterdam, Helgi Þorgils í Haag
og Maastricht og Tumi í Ensc-
hede). Á síðasta áratug hefur
vegur þeirra smám saman farið
vaxandi, en þeir hafa allir haldið
einkasýningar og tekið þátt í
fjölda samsýninga á síðustu árum,
bæði hér á landi og erlendis.
Samtímis eru þessir þrír list-
málarar að fást við gjörólíka hluti
í málverkum sínum, og hafa skap-
að sér afar persónuleg efnistök,
óháð þeim tískusveiflum stíla og
listheimspekikenninga sem hafa
tröllriðið listheiminum síðustu
áratugi. í ágætri sýningarskrá
fjallar Gunnar J. Árnason heim-
spekingur stuttlega um helstu ein-
kenni verka þeirra félaga, hvers
fyrir sig, og er þar á ferðinni at-
hyglisverð og fræðandi umfjöllun,
sem gott er að hafa lesið þegar
verkin eru skoðuð.
Allir sýna þeir félagar fyrst og
Daði Guðbjörnsson: Horft um öxl. 1989 (Olía á striga).
fremst málverk á sýningunni, en
í anddyri getur að líta litlar akrýl
og vatnslitamyndir sem eins konar
inngang að því sem sýningarsal-
imir bjóða upp á. Húsnæðinu er
skipt þannig að málverk eftir
Helga Þorgils og Tuma eru í
fremri salnum, en myndir Daða
eru í þeim innri. Þannig fæst viss
heildarmynd af framlagi hvers
fyrir sig, og kemur það mun betur
út en að blanda öllu saman.
Helgi Þorgils Friðjónsson sýnir
hér sex verk, þar af tvær seríur
mynda. Það er ákýeðin kennd
kyrrðar og tignar sem hvílir yfír
öllum myndum Helga, og ræðst
að nokkm af þeim litaskala, sem
listamaðurinn notar. Um leið er
einhver óræður kjarni dulúðar í
myndefninu; það sveiflast frá til-
finningu um mildi og gleði, líkt
og í „Svanir (nr. 7), til einhverrar
ógnar og skelfingar, sem má lesa
úr svip listamannsins í mörgum
myndanna í hinni sérstæðu seríu
„Sjálfsmynd og uppstillingar" (nr.
9), sem er alls 10 myndir. Það
myndmál sem Helgi Þorgils notar
í málverkum sínum verður sífellt
fjölþættara og ríkulegra, og ber
jafnframt í sér meiri nálgun við
mannlega hlýju en i verkum hans
fyrir nokkrum árum síðan.
Tumi Magnússon sýnir aðeins
Qögur stór málverk hér, enda
stutt síðan hann hélt stóra einka-
sýningu í Nýlistasafninu. Hinir
hreinu Qg björtu litir Tuma eru í
æpandi andstöðu við verk Helga
í sama sal, og við skoðun verk-
anna festast augu gestsins fljótt
við þær breytingar, sem koma
fram í litbrigðum einstakra flata.
Hinir hversdagslegu hlutir, sem
skerpa andstæður verkanna, leiða
skoðandann út í ýmsar vangavelt-
ur, t.d. í verki nr. 15, þar sem
listamaðurinn virðist vísa á
skemmtilegan hátt til hlutverks
tímans í myndlistinni.
Daði Guðbjömsson fyllir innri
sal Norræna hússins af málverk-
um, þar sem átök forms og flúrs
taka á sig ýmsar myndir. Daði
hefur verið í stöðugri sókn allra
síðustu ár, og virðist því hafa
fundið þann létta leikanda, sem
hæfir viðfangsefnum hans. Titlar
verkanna endurspegla kímnina
sem felst í fletinum, þar sem hin-
ir ýmsu þættir skreytni og heitra
lita takast á við ku!da og festu
grunnformanna, sem oftar en ekki
eru persónugerð í myndunum;
þetta tekst áberandi vel í verkinu
„Horft um öxl“ (nr. 18). í öðrum
myndum er Daði að gera léik úr
ákveðnum stílum eða tilhneiging-
um, t.d. í „Málverk með boðskap"
(nr. 26), sem verður að spum-
ingu, og í „Norræn angurværð"
(nr. 30), þar sem hinn norræni
drungi og tilvitnun í Edvard
Munch er dregin í efa með
ákveðnum orðaleik.
Það er ástæðulaust að alhæfa
mikið um hreyfíngar og tilhneig-
ingar í íslenskri myndlist nú á tím-
um, og því erfitt að tala um ein-
staka listamenn sem fulltrúa fyrir
slíku. Þeir félagar gefa á þessari
sýningu auðvitað fyrst og fremst
góða innsýn í eigin list, og sú
mynd sem þannig fæst er bæði
frískleg og fjölbreytt; meðan slík-
ir fulltrúar fínnast meðal yngri
listamanna er engin ástæða til að
hafa áhyggjur af örlögum ís-
lenskrar málaralistar.
Sumarsýning Norræna hússins
á verkum Daða Guðbjömssonar,
Helga Þorgils Friðjónssonar og
Tuma Magnússonar stendur til
16. ágúst.
Mörgrim fannst vænt-
anleg stjórn ráðstefnu-
skrifstofunnar endur-
spegla valdasamþjöpp-
un hagsmunaaðila á
höfuðborgarsvæðinu
og vildu gjarnan fá inn
einn aðila sem einnig
bæri hagsmuni ferða-
þjónustu á landsbyggð-
inni fyrir brjósti.“

JL HARÐVIÐARVAL M&ax
HARÐVIÐARVAL HF.
KRÓKHÁLSI 4 R. SÍMI 671010