Morgunblaðið - 30.03.1993, Qupperneq 4

4
MORGUNBLAÐIÐ ÞRIÐJUDAGUR 30. MARZ 1993
Tap Borgeyjar hf. á Höfn í Hornafirði í fyrra var 195 milljónir króna
Eignasala og hlutafjár-
aukning fyrirhuguð
HEILDARTAP síðasta árs á rekstri Borgeyjar hf. á Höfn í
Hornafirði varð 195 milljónir kr. Bæjarfélagið á Höfn lagði
á síðasta ári fram 100 milljónir kr. í hlutafé fyrirtækisins,
en Sturlaugur Þorsteinsson bæjarstjóri telur litlar líkur á
því að bæjarsjóður leggi fram meira fé í fyrirtækið, greiða
verði úr erfiðleikum þess með hlutafjáraukningu og sölu
eigna, eða hvorutveggja. Kvótastaða fyrirtækisins er góð.
Hugsanlegar ástæður fyrir hinni
löku afkomu á síðasta ári eru lækk-
andi afurðaverð og léleg síldarver-
tíð, sem þó var burðarás rekstrarins
á haustmánuðum. Fyrirtækið er
mikið skuldsett og nam fjármagns-
kostnaður í fyrra 140 milljónum kr.
í byijun síðasta árs var Útgerðarfé-
lagið Samstaða hf. sameinað Borg-
ey hf. og 1. júlí yfirtók félagið sjáv-
arútvegsstarfsemi KASK. Greitt
var fyrir með yfírtöku skulda og
hlutabréfum í Borgey hf. jafnframt
því að bæjarfélagið lagði fram 100
milljónir kr. í hlutafé.
Alvarlegt mál
„Okkar afskipti helgast fyrst og
fremst af því að veija kvótastöðu
bæjarfélagsins almennt. Ef aukið
hlutafé kemur ekki inn í fyrirtækið
er kvótasala framundan. Þessar 100
milljónir kr. voru lagðar fram í þeim
tilgangi að veija kvótastöðuna. Það
verður að segjast eins og er að
þetta var það stór upphæð að mér
fínnst varla koma til greina að
bæjarsjóður leggi meiri peninga í
fyrirtækið. Hins vegar hefur ekki
verið rætt um það í bæjarstjórn.
Þetta er afskaplega alvarlegt mál
og við lítum það alvarlegum augum.
Ég gæti ímyndað mér að það þyrfti
um 300 milljóna kr. hlutaijáraukn-
ingu til að laga stöðu fyrirtækis-
ins,“ sagði Sturlaugur.
5.200 tonna kvóti
Hann sagði að gengisfellingin
væri að fullu gjaldfærð en tekjur
af henni kæmu ekki fram fyrr en
í reikningi fyrir þetta ár. „Umskipt-
in í rekstrinum eru ekki mjög mik-
il, en fyrirtækið er afar skuldsett
vegna þess að það hefur verið mik-
ið fjárfest í kvóta. í allt er kvótinn
5.200 þorskígildistonn, þ.e.a.s.
sameiginlegur kvóti Borgeyjar og
Höfn
Séð yfir til hafnarinnar.
dótturfyrirtækisins Hríseyjar."
í yfirlýsingu stjórnar Borgeyjar
segir að endurfjármagna verði
reksturinn. „Vegna brýnnar þarfar
á nýju áhættufé inn í fyrirtækið
hefur stjórn félagsins átt viðræður
við lánardrottna og fjárfesta. Von-
ast er til að skriður komist á þau
mál á næstunni.“
Heimild
til að leita
tilboða í i
reksturimi
AÐALFUNDUR Lífeyrissjóðs i
Tæknifræðingafélags íslands
hefur samþykkt að stjórn félags-
ins verði heimilað að leita form-
lega tilboða í rekstur sjóðsins.
Tillögur bárust fyrir aðalfundinn
um breytingu á rekstrarformi líf-
eyrissjóðsins sem felur í sér að
stjórn sjóðsins verði heimilað að
hefja könnun á því hvort rétt sé
að leggja niður skrifstofu sjóðsins
og fá verðbréfafyrirtæki til að ann-
ast rekstur hans og ávöxtun fjár-
muna hans, en í lífeyrissjóðnum eru
1.240 milljónir kr.
í samþykkt aðalfundarins segir
að ef niðurstaða stjórnar sé að flytja
rekstur til verðbréfafyrirtækis fari
fram allsheijaratkvæðagreiðsla
meðal félaga LTFÍ.
VEÐURHORFUR I DAG, 30. MARS
YFIRUT: Á sunnanverðu Grænlandshafi er aðgerðarlítil 980 mb laegð
sem grynnist, en um 500 km suðsuðaustan af Vestmannaeyjum er vax-
andi 975 mb lægð sem hreyfist norðnorðaustur.
STORMVIÐVÖRUN: Búist er við stormi á Vestfjarðamiðum, norðvest-
urmiðum, norðausturmiðum, austanmiðum, Austfjarðamiðum, suðaust-
anmiðum, Norður-, Austur-, Færeyja- og Suðausturdjúpi.
SPÁ: Lengst af dagsins verður nokkuð hvöss suðaustan- og austanátt
með rigningu um landið austanvert. Norðaustanstrekkingur og sumstað-
ar slydda á Vestfjörðum, en suðvestantil veröur vindur breytilegur, víða
kaldi eöa stinningskaldi og skúrastrekkingur.
VEÐURHORFUR NÆSTU DAGA:
HORFUR Á MIÐVIKUDAG OG FIMMTUDAG: Fremur hæg suðaustlæg
átt. Skúrir eða él sunnan- og vestanlands en léttir til á Norðurlandi. Hiti
0 til 5 stig.
HORFUR Á FÖSTUDAG: Stíf suðaustanátt og rigning, fyrst suðvestan-
lands. Talsvert hlýnandi veður.
Nýir veðurfregnatímar: 1.30, 4.30, 7.30, 10.45, 12.45, 16.30, 18.30,
22.30. Svarsfmi Veðurstofu Islands — Veðurfregnir: 990600.
•0 •A v —J Sunnan, 4 vindstig. Vindörin sýnir vindstetnu og fjaðrimar vindstyrk,
Heiðskírt Léttskýjað Hálfskýjað Skýjað Alskýjað heil fjöður er 2 vindstig.
r r r * / * * * * . í * 10° Hitastig
r r r r r * / r * r * * * * * V v V V Súld \
Rigning Slydda Snjókoma Skúrir Slydduél El ss Þoka ^
r ; ——
FÆRÐA VEGUM: (Kl.17.30ígær)
Ágæt færð er á flestum þjóðvegum iandsins, þó er ófært um Steingríms-
fjarðarheiði og Mývatns- og Möðrudalsöræfi. Vfða er hálka á vegum,
einkum á heiðum og fjallvegum.
Upplýsingar um færð eru veittar þjá Vegaeftirliti í síma 91-631500 og
í grænni línu 99-6315. Vegagerðin.
VEÐUR VÍÐA UM HEIM
kl. 12.00 í gær aö M tíma
hiti veftur
Akureyri 2 alskýjaft
Reykjavik 5 alskýjað
Bergen 4 léttskýjað
Helsinki 3 skýjaft
Kaupmannahöfn 3 skýjað
Narssarssuaq -r-11 skýjað
Nuuk +8 léttskýjað
Osló 4 skýjað
Stokkhóimur 2 atskýjað
Þórshöfn 6 súld á síð.klst.
Algarve 17 helðskírt
Amsterdam 8 heiðskírt
Borcelona 16 mistur
Bertín 4 úrkoma í grennd
Chicago 2 hálfskýjað
Feneyjar 10 heiðskfrt
Frankfurt 6 léttskýjað
Glasgow 7 rigning
Hamborg 3 snjóéi 6 sið. klst.
London 12 skýjað
LosAngeles 8 léttskýjað
Lúxemborg 6 léttskýjað
Madrtd 18 heiðskírt
Malaga 18 léttskýjað
Mallorca 18 léttskýjað
Montreal 5 skýjað
NewYork 8 þokumóða
Orlando 14 þokumóða
Parfs 9 skýjað
Madelra 17 skýjað
Róm 12 léttskýjað
Vfn 2 snjókoma
Washington 10 þokumóða
Winnipeg 0 alskýjað
Um 1400 böm inn-
rítuð í gmnnskóla
INNRITUN grunnskólanem-
enda I Reykjavík fer fram í
dag og á morgun, dagana 30.
og 31. mars.
Um er að ræða innritun 6 ára
barna sem hefja skólagöngu í 1.
bekk grunnskóla á komandi hausti,
en þetta eru böm sem eru fædd á
árinu 1987. Innritun þessara bama
fer fram í grunnskólum borgarinnar
milli kl. 15 og 17 báða dagana. 6
ára börn úr Rimahverfi og sækja
munu Rimaskóla næsta skólaár
verða nú innrituð í Hamraskóla.
í þessum hópi eru um 1.400 börn
skv. íbúaskrá Reykjavíkur og munu
þau skiptast milli 27 grunnskóla.
Þessi aldursflokkur er nú skóla-
skyldur sem kunnugt er og er mjög
áríðandi að foreldrar vanræki ekki
að innrita börnin nú, hvert í sinn
skóla, á þessum tilgreinda tíma.
Þá fer einnig fram þessa sömu
daga innritun þeirra barna og ungl-
inga sem þurfa að flytjast milli skóla
fyrir næsta vetur. Þessi innritun fer
fram í Skólaskrifstofu Reykjavíkur,
Tjarnargötu 12, sími 28544, kl.
10-15 báða dagana.
Hér er átt við þá nemendur sem
munu flytjast til Reykjavíkur eða
burt úr borginni, einnig þá sem koma
úr einkaskólum (svo sem Skóla ísaks
Jónssonar eða Landakotsskóla) og
ennfremur þá fjölmörgu grunnskóla-
nemendur sem þurfa að skipta um
skóla vegna breytinga á búsetu inn-
an borgarinnar.
Það er mjög mikilvægt að óll börn
og unglingar sem svo er ástatt er
um verði skráð í Skólaskrifstofunni
á ofangreindum tíma, þar sem nú
fer í hönd árleg skipulagning og
undirbúningsvinna sem ákvarðar
m.a. fjölda bekkjardeilda og kennar-
aráðningar hvers skóla.
(Fréttatilkynnin'g)
Meintar ólög-
legar veiðar
VARÐSKIPIÐ Óðinn stóð
vélbátinn Frigg VE-41 í
gær að meintum ólögleg-
um veiðum á Hafnaleir,
innan 4 mílna frá viðmið-
unarlínu.
Varðskipið fylgdi bátinum
inn til hafnar í Keflavík þar
sem skipstjórinn var yfirheyrð-
ur hjá lögreglu í gær.
Héraðsdómur Reykjavíkur
Riftunarkröfu
þrotabús hafnað
HÉRAÐSDÓMUR ReyHjavíkur hefur hafnað kröfum þrota-
bús Ólafs Laufdals Jónssonar veitingamanns um að rift
verði sölu sumarbústaðar Ólafs í Grímsnesi til sonar hans.
Héraðsdómur féllst á þau sjónarmið að um gjöf hefði ver-
ið að ræða en taldi að á þeim tíma sem sonurinn eignaðist
sumarbústaðinn, í júní 1990, hefði fjárhagsstaða Ólafs ver-
ið með þeim hætti að ekkert hefði bent til þess að hann
yrði gjaldþrota í september 1991.
Samkvæmt afsali hafði sum-
arbústaðurinn verið seldur á 1,5
milljónir króna en niðurstaða mats-
manna var að hann hafí þá verið
2,8 milljóna virði. Engar kvittanir
voru gefnar út vegna sölunnar.
Dómurinn féllst á með bústjóran-
um að ekki væru líkur á að sonur
Ólafs hefði haft fjárhagslegt bol-
magn til að greiða hið uppgefna
kaupverð af eigin fé og því hafi í
raun verið um gjöf að ræða.
Hins vegar hafi fjárhagsstaða
Ólafs, sem rak veitingastaði og
hótel, verið góð á þessum tíma og
ekkert bendi til að .honum hafí þá
mátt vera ljóst að hann yrði gjald-
þrota innan skamms. Því var sonur
Ólafs sýknaður af kröfum þrota-
búsins en hvorum aðilanum var
gert að bera sinn hluta málskostn-
aðar.
Valtýr Sigurðsson héraðsdómari
dæmdi í málinu ásamt Sigurði P.
Sigurðssyni og Sævari Sigurgeirs-
syni, löggiltum endurskoðendum.