Morgunblaðið - 30.03.1993, Síða 34

_ .34
MORGUNBLAÐIÐ ÞRIÐJUDAGUR 30. MARZ 1993
Síðhippismi og
dauðarokkpönk
ÞRIÐJA tilraunakvöld Músíktilrauna, hljómsveitakeppni Tóna-
bæjar, sem var einskonar aukakvöld, var haldið sl. föstudag.
Þá komust áfram tvær hljómsveitir til viðbótar við þær fjórar
sem þegar hafa unnið sér þátttökurétt í úrslitum. Ekki var frum-
leika fyrir að fara þetta kvöld, en þó sitthvað forvitnilegt á seyði.
Fyrsta hljómsveit á svið hét því
sérkennilega nafni Hróðmundur
hippi, sem var ekki alveg út í hött,
því tónlist sveitarinnar var á köfl-
um síðhippísk og jafnvel Þursaleg.
Hróðmundur var geysiþétt sveit
og lífleg og komst nokkuð örugg-
lega í úrslit. Önnur hljómsveit
kvöldsins, Svívirðing, var aftur á
móti í venjulegra rokki, en svo virð-
ist sem sveitarmenn hafi ekki fund-
ið sinn stall, því víða bar á áhrifa-
völdum og hér mátti heyra S.S.Sól-
sprett, þar GCD, síðan Trúbrot og
jafnvel S/H Draum. Svo sem ekki
leiðum að líkjast, en meiri vinnu
þurfa Svívirðingarmenn að leggja
í að móta eigin stíl. Þriðja hljóm-
sveit kvöldsins var dauðarokksveit-
in Edearment. Sveitin státar af
afbragðs rymjara og er um margt
vel þétt. Margt má þó laga og
fyrsta lagið var einfaldlega ekki
nógu þungt. Þar vantaði meiri
kraft í trommuleik, en í besta lag-
inu, því þriðja, mátti heyra hvers
Edearment er megnug. Tjalz Giss-
ur var fjórða tilraunasveitin þetta
kvöld, en margir höfðu bundið við
hana nokkrar vonir. Hún uppfyllti
þó fæstar þeirra, meðal annars
fyrir hrikalegt tækjaklúður, sem
setti sveitina gjörsamlega út af
laginu í tveimur laga sinna, en hún
náði þó í úrslit. Fimmta sveit og
sú síðasta fyrir hlé var dauðarokk-
pönksveitin Suicidal Diarrhea. Þar
voru margir skemmtilegir sprettir,
sérstaklega í öðru lagi hennar,
Mamma mín er fíkill, og má segja
að á köflum hafi keyrslan minnt á
Bootlegs. Önnur lög voru þó ekki
nógu sterk, en gaman verður að
fylgjast með framhaldinu.
Fyrsta hljómsveit eftir hlé var
Hafnarfjarðarsveitin Disagree-
ment. Hún státaði af söngkonu,
líkt og reyndar Tjalz Gissur. Gít-
arpar Disagreement var ágætlega
þétt og gítarhljómur óvenju góður,
en fullmikið af sólóum sem rufu
framvindu laganna. Söngkonan
var greinilega taugaóstyrk, en stóð
sig þó vel, sérstaklega í fyrsta lag-
inu, sem var og það besta- sem
sveitin flutti að þessu sinni. Á
fætur Disagreement kom Rack frá
Laugarvatni og fyrsta lagið byijaði
Ágæt söngkona Dis- Afbragðs rymjari Söngspíra Rack hvet- Svívirðing - GCD
agreement. Endearment. ur sína menn. Draumur.
Pain í stuði. Ljósmynd/Björg Sveinsdóttir Suicidal Diarrhea Wilsonbróðir.
minnast Bootlegs.
vel. Galli var þó að það var ekkert
annað en byijunin, því eftir nokkr-
ar kaflaskiptingar var það skyndi-
lega búið, án þess að hafa komist
almennilega af stað. Annað lag
sveitarinnar var einnig þunnt og
það var ekki fyrr en í þriðja laginu
að eitthvað fór að gerast, en þá
var það um seinan. Þriðja sveit
eftir hlé var Joseph and Henry
Wilson. Ekki er gott að gera sér
grein fyrir hvað þeim Wilson-
bræðrum gekk til að taka þátt í
músíktilraunpm, því sveitin var
eins og stefnulaust rekald. Hvar-
vetna blöstu við brotalamir og á
köflum eins og sveitarmeðlimir
væru að leika hver sitt lagið. Só-
lógítarleikarinn sýndi þó þokka-
lega takta og ekki er vert að af-
skrifa algerlega söngvarann, en
trommuleikarinn gerði ekki meira
en hanga í takti. Lokasveit kvölds-
ins var Pain og enn með ofvirkan
gítarleikara, sem iðulega var úti á
þekju í geimaldarsólói, þegar skorti
kjölfestu. Söngvarar voru tveir, og
sérstaklega sýndi annar þeirra
mikil tilþrif og tiifinningu, þó ekki
hafi lögin boðið upp á mörg tilefni
til slíks.
Úrslit kvöldsins urðu þau að
Hróðmundur hippi og Tjalz Gissur
komust áfram, en aðrar sveitir
héldu heim í bílskúr að hugsa sinn
gang. Árni Matthíasson
Alþjóðleg teiknimyndasamkeppni barna og unglinga
30 myndir frá Islandi á sýn-
ingu í Ólympíusafninu í Sviss
UM 1.000 myndir bárust í alþjóðlega teiknimyndasamkeppni barna
og unglinga, sem haldin var hér á landi á vegum AÍþjóðaólympíu-
nefndarinnar. Keppt var í þremur flokkum og hefur dómnefnd val-
ið tíu verðlaunahafa úr hveijum flokki. Myndirnar verða sendar í
alþjóðlega samkeppni og sýningu i Olympíusafninu í Lausanne í
Sviss, sem verður opnað næsta sumar.
Allir verðlaunahafar fá sérstaka
viðurkenningu, húfu og tösku, frá
Sportmönnum, umboðsaðila Adid-
as. Handknattleikssamband íslands
gefur sigurvegurum ennfremur boli
fyrir góðan stuðning frá æsku
landsins við landsliðið að undan-
fömu.
30 verðlaunahafar
Verðlaunahafar í teiknimynda-
samkeppninni eru: Helga Katrín
Tryggvadóttir, Gnúpverjaskóla,
Unnur Kjartansdóttir, Miðhúsum
23, Sveinbjörg María Dagbjarts-
dóttir, Kirkjubæjarklaustri, Sigurð-
ur Karl Guðnason, Kirkjubæjar-
klaustri, Hulda B. Árnadóttir,
Hofsá, Svarfaðardal, Baldur Gunn-
bjömsson, Reykjavík, Guðný Guð-
bjartsdóttir, Reykjavík, Bergur Sig-
uijónsson, Seltjarnamesi, Hildur
Einarsdóttir, Kirkjubæjarklaustri,
Elísabet Halldórsdóttir, Reykjavík,
og Hildigunnur Borga Gunnarsdótt-
ir, Reykási 43.
Ingunn Bjarnadóttir, Kirkjubæj-
arklaustri, Bergmundur Elvarsson,
Reykjavík, Guðrún María Bjarna-
dóttir, Reykjavík, Guðlaug Margrét
Dagbjartsdóttir, Kirkjubæjar-
klaustri, Sigrún Margrét Guð-
mundsdóttir, Reykjavík, Sigurður
Ingi Siguijónsson, Vestmannabr.
24, Friðrik í 6. SKA í Foldaskóla,
Gunnar Már Kristjánsson, Vest-
mannaeyjum og Ragnhildur Heið-
arsdóttir, Reykjavík.
Birna Hjaltadóttir, Árneshreppi,
Hildur Sigmarsdóttir, Vestmanna-
eyjum, Hilmar Ómarsson, Vest-
mannaeyjum, Þómnn Bjarnadóttir,
Morgunblaðið/Kristinn
Teikningar skoðaðar
ÞÓRIR Sigurðsson frá skólaskrifstofu menntamálaráðuneytisins,
Þorvaldur Jónasson teiknikennari og Gísli Halldórsson formaður
Ólympíunefndar, virða fyrir sér teikningar úr samkeppninni.
Kirkjubæjarklaustri, Sigríður Jóns-
dóttir, Keflavík, Pála Halldóra
Magnúsdóttir, Kirkjubæjarklaustri,
Guðbjörg Vallý Ragnarsdóttir,
Vestmannaeyjum, Hrund Sigurðar-
dóttir, Nýjabæjarbr. 3, Oddný
Steina Valsdóttir, Kirkjubæjar-
klaustri, Rut Friðriksdóttir, Hólma-
vík og Sóley Gíslína Guðgeirsdóttir,
Kirkjubæjarklaustri.
Pí
5
MÁ BJÓÐA ÞÉR AÐ PRÓFA
þennan ódýra, góða og heimilislega mat'?
Lifur er ódýrt hráefni sem fæst allt árið um kring. Það er tilvalið að lækka matarreikninginn með því að hafa rétti úr lifur á borðum minnst einu
sinni í viku. Hér eru tvær góðar og einfaldar uppskriftir að ljúffengum og fljótlegum réttum úr lifur. Geriö svo vel og verði ykkur að góðu.
LAMBALIFUR MEÐ SVEPPUM OG SINNEPSSOSU
1 lambalifur, um 450 g
150 g sveppir, í sneibum
olía eba smjörlíki
salt ogpipar
11/2 dl mysa
2 1/2 dl vatn éba sob (af teningi)
1 msk sojasósa
fínt maísmjöl (maisena)
1-2 tsk dijonsinnep (ósætt)
2 msk rjómi (má sleppa)
söxub steinselja
Hreinsið lifrina, skerið hana í
þunnar litlar sneiðar og þerr-
ið þær. Steikið sveppina létt í
olíu á pönnunni, saltið þá
ögn og piprið og takið þá af
pönnunni. Bætið við olíu og
brúnið lifrina létt. Kryddið
hana með salti og pipar og
takið hana af pönnunni.
Setjið, mysu, vatn og
sojasósu á pönnuna og látið
sjóða við vægan hita í 5 mín-
útur. Þykkið sósuna örlítið
með fínu maísmjöli hrærðu
saman við kaltvatn. Hrærið
sinnepið saman við sósuna á-
samt ijóma, ef hann er not-
aður, og setjið sveppina og
lifrina út í. Látið hana sjóða
með stutta stund eða þar til
hún er heit í gegn og hæfi-
lega soðin, en alls ekki leng-
ur. Hún að vera mjúk og
gjarnan ljósrauð innst. Stráið
steinselju ofan á.
Berið réttinn fram með
soðnum kartóflum og nýju
grænmeti.
LIFRARPANNA MEÐ EPLUM OG RAUÐROFUM
1 lambalifur, um 450 g
1 laukur, saxaður
olía eða smjörlíki
salt ogpipar
1-2 græn epli
1 tsk timjan eða kryddmœra
(meiran)
1 dl súrsaðar rauðrófur í
teningum
1 dl vatn
1 dl sýrður rjómi (má slefrpa)
Skerið lifrina í þunnar sneið-
ar og síðan í ffemur litla,
jafna bita. Þerrið lifrina vel og
brúnið hana létt á pönnu á-
samt lauknum. Hrærið í á
meðan. Kryddið með salti og
pipar. Þeir sem vilja geta byrj-
að á því að velta lifrarbitunum
létt upp úr hveiti með salti og
pipar saman við.
Afhýðið eplin, takið burt
kjamann og skerið þau í ten-
inga. Blandið þeim saman við
lifrina og laukinn og steikið á-
fram stundarkom. Bætíð við
tímjani eða kryddmæm. Setj-
ið loks rauðrófuteningana og
vatnið á pönnuna. Látið sjóða
stutta stund en gætíð þess að
lifrin soðni ekki um of. Setjið
ef tíl vill sýrðan ijóma ofan á
eða hrærið hann saman við.
Berið fram með soðnum kart-
öflum eða brauði og gjarnan
hvítkálssalati eða öðm græn-
metissalati.
SAMSTARFSHÓP U R
U M SÖLU LAMBAKJÖTS