Morgunblaðið - 10.10.1993, Qupperneq 36

36
MORGUNBLAÐIÐ SUNNUDAGUR 10. OKTÓBER 1993
Nýr sendiherra Mexíkó afhendir skipunarbréf sitt
Höfuðhlutverk mitt að
treysta samband þjóðanna
ANTONIO Villegas, nýskipaður sendiherra Mexíkó á íslandi
með aðsetur í Osló, afhenti forseta íslands skipunarbréf sitt
sl. þriðjudag. Samskipti íslands og Mexíkó hafa aukist mjög
á undanförnum árum og kveðst Villegas telja það höfuðhlut-
verk sitt sem sendiherra að viðhalda ekki aðeins þeim tengsl-
um, heldur styrkja þau af megni, finna nýja fleti á samstarfi
og kanna jafnt hvernig viðskiptaleg, pólítísk og mannleg tengsl
verða treyst í framtíðinni. „Vilji stjórnvalda í báðum löndum
fyrir frekara samstarfi er fyrir hendi,“ segir Villegas, „og
aðeins þarf að kanna frekar hvaða leiðir eru í boði.“
Morgunblaðið/Þorkell
Sendiherrann
Antonio Villegas, nýskipaður sendiherra Mexíkó á Islandi.
Villegas nefnir ferðamanna-
iðnað og sjávarútveg sem dæmi
um aukna samvinnu íslendinga
og Mexíkana, og segir að mexí-
kósk stjórnvöld vilji t.d. treysta
og víkka út ferðalög íslendinga
til Mexíkó og stuðla að auknum
ferðum landa sinna hingað til
lands, því að besta leiðin 'til að
vekja forvitni um annan menn-
ingarheim liggi í gegnum per-
sónuleg tjáskipti og kunnings-
skap. „Við viljum einnig að fyrir-
æki í þessum löndum taki upp
frekara samstarf en orðið er og
bindist jafnvel höndum saman
um stofnun fyrirtækja með jafnri
áhættudreifingu. Strandlengja
Mexíkó er afar löng og þar erum
við nú að þróa fiskiðnað sem
gæti hagnast mjög á kynnum
við íslenska tækniþekkingu og
reynslu á á þessu sviði. Ekki
aðeins varðandi veiðar, heldur
einnig í vinnslu og sölu hráefnis-
ins, og þarna væri t.d. tilvalið
fyrir íslensk og mexíkósk fyrir-
tæki að leita sameiginlega
fanga,“ segir Villegas.
Hann nefnir einnig eldfjalla-
rannsóknir sem dæmi um árang-
ursríka samvinnu landanna.
Þannig hafi íslenskir vísinda-
menn starfað við hlið mexíkóskra
sérfræðinga í Háskóla Mexíkó-
borgar og skilað merkum niður-
stöðum.
Uppgangur í mexíkósku
efnahagslífi
Hérlendis hefur Villegas m.a.
fundað með Rolf Johansen, ræð-
ismanni Mexíkó, Júlíusi Sólnes,
sem þekkir mexíkóskt þjóðfélag
af eigin raun, fulltrúum stjórn-
sýslu og iðnaðar, og setið fund
hjá Utflutningsráði og með
kaupmönnum. Viðskiptafulltrúi
mexíkóska sendiráðsins í Osló
var í för með Villegas og kveðst
hann hafa tekið fulltrúann með
sér til að hann gæti kynnt sér
hérlendan markað og kannað
möguleg viðskiptatengsl, auk
þess að kanna millifærslu fjár-
magns og mögulegan stuðning
bankastofnana ef íslenskir aðilar
vildu fjárfesta í Mexíkó og öfugt.
„í Mexíkó hefur nú gengið í
garð tírrfebil mikilla endurbóta á
efnahagssviðinu eftir efnahags-
kreppu í kringum 1981,“ segir
Villegas og nefnir sem dæmi að
í fyrsta skipti í aldarfjórðung er
verðbólgan ekki tveggja stafa
tala, en hún er nú rúm 9%. Er-
lendar skuldir hafa einnig
minnkað töluvert, þó að enn séu
þær um 98 milljarðar banda-
ríkjadala, og fjölbreytni útflutn-
ingsgreina hafi aukist. „Á átt-
unda og fram á níunda áratuginn
var olía um 75% alls útflutnings
frá landinu. Margvíslegur fram-
leiðsluiðnaður hefur leyst olíuna
af hólmi og hún er nú um 30%
af útflutningsafurðum okkar.
Þetta eru alls kyns vörur, allt frá
vefnaði til bíla.“
Samskipti í listum og
menningu
Sendiherrann skoðaði sig
einnig um á Þingvöllum og vitj-
aði Listasafns íslands og Kjarv-
alsstaða, og kveðst hafa orðið
undrandi á hversu einstök og
munúðarfull íslensk list væri.
Einnig hafi tilfinning íslenskra
myndlistarmanna fyrir náttúr-
unni vakið athygli hans, og seg-
ir hana skylda meðhöndlun mexí-
kóskra listamanna á landslagi.
Villeges segir fjölbreytni listalífs
í heimalandi sínu mikla og nefn-
ir því til sönnunar mexíkóska
farand-listahátíð, „Europalia ’93
Mexico“, sem fer um Evrópu og
er nú stödd í Belgíu. Þar er að
fínna 15 sýningar á allt að 3.000
ára myndlist og menjum, 50 tón-
leika, leikhúsuppfærslur, ballett,
100 kvikmyndir og bókmennta-
kynningar með þátttöku höfunda
á borð við Octavio Paz, Carlos
Fuentes, Juan Rulfo, Homero
Aridjis og José Emilo Pacheco.
Villegas kveðst vonast til að
geta átt þátt í að kynna mexí-
kóska menningu hérlendis með
einhveijum hætti, og nefnir að
nýlega var haldin hér mexíkósk
kvikmyndahátíð sem hann segist
vona að verði árlegur viðburður
héðan í frá. Hann kveðst muna
beita sér fyrir samstarfi á sviði
lista og menningar, meðal ann-
ars með því að bjóða íslenskum
listamönnum til Mexíkó og þar-
lendum listamönnum hingað.
„Ég er mjög snortinn yfir þeim
viðtökum sem mexíkósk list hef-
ur fengið hérlendis til þessa,“
segir Villegas," „og mun vinna
að því í samvinnu við stjórnvöld
í landi mínu að veita íslendingum
gleggri innsýn í menningu okkar
með því að lána hingað margvís-
legar sýningar og taka önnur þau
skref sem færa okkur nær mark-
miðum okkar um náin sam-
skipti.“
Villegas minnir að lokum á
að mexíkósk stjórnvöld veita
tveimur íslendingum námsstyrk
á hveiju ári, og kveðst eindregið
hvetja nema sem hafa áhuga á
mexíkóskri menningu að sækja
um. „Þessir námsmenn verða
sendiherrar íslands í Mexíkó og
sendiherrar Mexíkó á íslandi
þegar þeir snúa heim.“
Islenskt og færeyskt slátur
lambakjötsréttir, sem kom út
árið 1984.
'U lítri blóð
1 lítri vatn
3 sléttfullar msk. gróft salt
2 kg rúgmjöl
200 g haframjöl
150 g hveiti
1 kg mör
Umsjón: KRISTÍN GESTSDÓTTIR
Teikningar: SIGURÐUR ÞORKEUSSON
150 g hveiti
Hér á árum áður tóku
allar íslenskar hús-
mæður slátur, en eftir
stríð fór þeim fækk-
andi, sem það gerðu. Nú hin síð-
ari ár er það einkum unga fólkið,
sem tekur slátur.
Enda er sláturgerð mun auð-
veldari en áður og geymsluaðferð-
ir betri. Þegar ég var að alast upp
komu vambirnar óhreinsaðar,
hausamir ósviðnir og mörinn
þurfti að hreinsa úr ristlinum.
Síðan var slátrið geymt í súr.
íslendingar eru ekki eina þjóðin
sem býr til slátur. Færeyingar búa
líka til slátur, að vísu öðru vísi
en við gerum, og mig minnir að
ég hafi heyrt að slátur sé búið til
í Norður-Indlandi, en þar er mikil
kvikfjárrækt. Danir búa til blóð-
pylsur (blodpölser) og Skotar búa
til eins konar slátur — haggis, að
vísu ekki úr blóði. Og það slátur
hefi ég smakkað og er það ekkert
ólíkt okkar slátri og sett í vömb.
Ég hefí þó ekki búið það til. En
það hefí ég hugsað mér að gera
núna í haust þegar ég tek slátrið
mitt og birti því uppskrift af því
í næsta þætti ásamt annarri upp-
skrift af dönskum blóðpylsum,
sem ég ætla líka að búa til. En
hér eru uppskriftir af íslenskum
blóðmör og lifrarpylsu ásamt fær-
eysku slátri. Allar þær uppskriftir
eru í bók minni 220 ljúffengir
1. Saxið mörinn smátt.
2. Síið blóðið gegnum vírsigti.
Blandið salti í vatnið og því saman
við blóðið.
3. Blandið saman rúgmjöli, ha-
framjöli og hveiti.
4. Hrærið blóðblöndunni út í
mjölið. Þetta á að vera meðalþykk
hræra.
5. Hrærið mörinn út í.
6. Setjið í vambakeppi, fyllið
að þremur fjórðu, saumið fyrir og
pikkið keppina með nál.
7. Sjóðið saltvatn, setjið keppina
hvern af öðrum í saltvatnið um
leið og þeir eru tilbúnir og sjóðið í
3 klst. Hafíð hægan hita og pikk-
ið meðan á suðu stendur. Færið
keppina, sem fljóta upp, í kaf með
spaða.
8. Snöggkælið keppina.
Athugið: Þessi hræra er í 10
stóra keppi.
Lifrarpylsa
2 lifrar, u.þ.b. 1 kg
4 nýru, u.þ.b. 250 g
450 g rúgmjöl
8 dl mjólk
3 sléttfullar msk. gróft salt
800 g mör
1. Brytjið mörinn smátt.
2. Hreinsið allar taugar og æðar
úr lifrinni, en óþarft er að taka
himnuna af lambslifur. Hakkið
lifrina tvisvar í hakkavél.
3. Blandið saman hveiti, hafra-
mjöli og rúgmjöli.
4. Leysið saltið upp í mjólkinni.
5. Hrærið lifrina og mjólkina út
í mjölið. Þetta á að vera þykk
hræra. Blandið síðan mörnum í.
6. Setjið í vambakeppi, þeir
mega vera nokkuð vel fullir.
Saumið fyrir. Pikkið keppina með
nál.
7. Hitið vatn með salti, sjóðið
keppina í vatninu við hægan hita
í 2 klst. Pikkið keppina meðan á
suðu stendur og færið þá í kaf,
sem fljóta upp.
Færeyskur blóðmör
1 lítri blóð
1 dl mjólk
'h kg púðursykur
2 msk. sykur
'h kg rúgmjöl
100 g haframjöl
100 g hveiti
2 tsk. kanill
3 tsk. negull
1 tsk. engifer
1 tsk. salt
'h tsk. natron (matarsódi)
400 g mör
250 g rúsínur.
1. Blandið saman rúgmjöli,
haframjöli, hveiti, púðursykri,
sykri, kanil, negul, engiferi, natr-
oni og salti.
2. Skerið mörinn smátt, saxið
rúsínurnar.
3. Blandið saman blóði og mjólk
og hrærið út í mjölið. Hrærið
mörinn og rúsínurnar út í. Þetta
á að vera frekar þunn hræra.
4. Setjið soppuna í vambakepp-
ina, fyllið þá aðeins að þremur
fjórðu, pikkið með nál.
5. Hitið vatn með salti og sjóð-
ið keppina í 2-3 klst. Pikkið kepp-
ina meðan á suðu stendur og snú-
ið þeim við, sem vilja fljóta upp.
Hafið ekki skarpa suðu, þá geta
keppirnir sprungið.