Morgunblaðið - 11.10.1994, Qupperneq 33

MORGUNBLAÐIÐ
ÞRIÐJUDAGUR 11. OKTÓBER 1994 33
Scandic parketið er auðveldara
að leggja en annað parket.
A
I Scandic hefur meira höggþol en sambærilegt parket.
Gæðamerkið
Ttygging fyrir
betri skemmtun.
| Sími 654455.
MINIMIIMGAR
ÞORÐUR KARASON
+ Þórður Kárason
fæddist í Borg-
arlandi í Helgafells-
sveit 26. janúar
1917. Hann lést á
heimili sínu í
Reykjavík 29. ágúst
síðastliðinn og var
útför hans gerð frá
Laugarneskirkju 7.
september.
MIG LANGAR í örfá-
um orðum að minnast
tveggja heiðurs-
manna. Þeir hétu báðir
Þórður og voru traustir menn, eins
og klettar sem standa upp úr haf-
inu.
Þórður Kárason afi minn starf-
aði sem lögreglumaður og varð-
stjóri hjá lögreglunni í Reykjavík
í 42 ár. Áhugamál hans voru hvers
kyns fróðleikur um ættir Islend-
inga, kennileiti á íslandi og var
hann einkar vel að sér í þeim efn-
um. Hann skrifaði og gaf út ýmis
smári t og bækur, svo sem Byggð-
ir Snæfellsness, Hjarðarfellsætt,
Laxárdalsætt og ferðasöguna
góðu, Hálfan fórum hnöttinn
kring, sem hann tileinkaði eigin-
konu sinni. Allt fram á síðasta dag
sat hann við skriftir og nú síðast
við bókina Lögguljóð sem hann
tileinkaði gömlum félögum úr lög-
reglunni og kemur hún út um
næstu jól.
Afa og ömmu, Elínu Guðrúnu
Gísladóttur frá Ölkeldu í Staðar-
sveit, varð fjögurra barna auðið.
Þau eru: Vilborg, búsett í Reykja-
vík, Kári, búsettur á Akureyri,
Gísli Þórmar, búsettur í Dan-
mörku, og Þór Elmar, búsettur á
Akranesi.
Mér verður hugsað til baka þeg-
ar ég var 11 ára strákhnokki. Afi
var leiðsögumaður um ísland og
hann og amma buðu mér í viku-
ferð upp á hálendi. Þá heyrði ég
og sá afa lýsa því sem fyrir augu
bar á undraverðan hátt, mótun
landsins og staðháttum og skildi
ég ekki þá hvernig hann fór að
því að muna alla þessa staði og
kennileiti. En afi, þessi fortíð-
argruflari, fjölmunasafnari og
plægingarmaður, eins og hann
sjálfur kallaði sig, hafði allt til
hinsta dags einstaklega gott minni
sem ég öfundaði hann af. í þess-
ari ferð kynnti hann mér ýmsar
náttúruperlur landsins og er mér
minnisstæðast þegar við gengum
inn Drekagil, skoðuðum Öskju og
syntum saman í Víti.
Um tíma sá ég afa og ömmu
sjaldnar þar sem ég flutti búferlum
norður til Akureyrar, en á ungl-
ingsárum mínum sótti ég nám til
Reykjavíkur og buðu þau mér að
búa hjá sér. Þetta urðu þrjú yndis-
leg ár. Amma, þessi hægláta,
hjartahlýja kona, afi,
svo viljafastur og
traustur, og Þórunn,
sem nú er látin, þessi
kjarkmikla kona,
sem lét sér íslenskt
málfar svo miklu
varða. Þau þijú svo
ólík en um leið svo
samstæð, báru mikla
virðingu hvert fyrir
öðru, þau gáfu mér
hvert um sig mikla
ástúð og umhyggju.
Afi studdi 'mig og
hvatti áfram í öllu því
sem ég tók mér fyrir hendur og
fylgdist með því fuliur áhuga er
ég lauk námi, stofnaði fyrirtæki
og hóf sjálfstæðan atvinnurekstur
sem síðar sameinaðist fyrirtæki
foreldra minna en þangað komu
afi og amma iðulega og þá oft
vegna bókaútgáfu hans. Síðari ár,
þegar tækifæri gafst, dvöldu þau
í sumarbústað sínum, Elínar-
Lundi, í landi Ölkeldu á heimaslóð-
um. Þangað heimsóttu þau skyld-
menni og vinir á góðum stundum.
Ó ást, setn faðmar allt! í þér
minn andi þreyttur hvílir sig,
þér fús ég offra öllu hér,
í undradjúp þitt varpa mér,
þín miskunn lífgar mig.
tÞýð. Sbj. Sveinsson)
í byijun ágúst síðastliðinn lögðu
af stað í ferð um landið þeir Þórð-
ur Kárason og mágur hans Þórður
Gíslason frá Ólkeldu, ásamt eldri
félögum úr Lögreglufélaginu í
Reykjavík. Nafnamir áttu viðdvöl
hér á Akureyri og saman áttum
við ásamt fjölskyldu minni nota-
lega kvöldstund. Mánuði frá and-
láti afa, eða 29. september síðast-
liðinn, lést Þórður Gíslason frá
Ölkeldu. Ég man eftir honum sem
bráðskemmtilegum, heilsteyptum
manni og húmorista, en um leið
hlýjum manni sem lét sér annt um
náungann. Ég votta fjölskyldu
hans mína dýpstu samúð og bið
þeim Guðs blessunar.
Amma mín! Þessir tveir menn
er voru þér svo kærir hafa lagt
af stað saman í langferð. Ég bið
Guð að vaka yfir þér.
Ó, gleði, er skín á götu manns
í gepum lífsins sorgarský.
Hinn skúradimmi skýjafans
er skreyttur litum repbogans
og sólin sest á ný.
(Þýð. Sbj. Sveinsson)
Fyrr á þessu ári létust Vilborg
Kristjánsdóttir, móðir Þórðar
Gíslasonar og Elínar Guðrúnar
Gísladóttur, og Margrét Jónsdóttir
frá Ölkeldu, kona Þórðar. Blessuð
sé minning þeirra allra.
Þórður Kárason
og fjölskylda.
SCANDIC
■

Scandic parket er vönduð gæðaframleiðsla.
Scandic er rakaþolið og umhverfisvænt.
hlutina
i viðara
samhengi!
kjarni málsins!
Scandic parket fæst sérpantað í mörgum litum.
HUSASMIÐJAN
Súðavogi 3-5 • Skútuvogi 16« Helluhrauni 16
og helstu byggingavöruverslanir
á landsbyggðinni
Scandic parket er slitsterkt og þolir mikinn umgang.
Scandic parket má slípa oftar en einu sinni.
i