Morgunblaðið - 12.02.1995, Blaðsíða 9

MORGUNBLAÐIÐ
SUNNUDAGUR 12. FEBRÚAR 1995 9
Notkun
mannbrodda
þyrfti að
vera meiri
FJÖLMÖRG slys urði í hálkunni
í vikunni er að líða. Mjög dró þó
úr komum á slysadeild Borgar-
spitalans er leið á vikuna, en
mikið álag var á deildinni um síð-
ustu helgi. Enn koma inn nokkur
tilfelli á degi hverjum.
Jón Baldursson, yfirlæknir á
slysa- og sjúkravakt Borgar-
spítalans, segir ekki nógu algengt
að gamla fólkið noti mannbrodda.
„Eg hugsa að þessum slysum
myndi fækka mikið ef fleiri not-
uðu þá. Svo er gamalt húsráð að
líma stamt límband á skósóla eða
heftiplástur, þótt það sé ekki eins
gott og broddarnir. Besta ráðið
er svo að vera bara sem minnst
á ferli í hálkunni," sagði Jón.
Brotfyrir ofan úlnlið
algengust
Ágúst Kárason, læknir á Borg-
arspítaia, sérfræðingur í bæklun-
arskurðlækningum, tekur undir
þetta og mælir eindregið með
notkun mannbrodda. Máli sínu til
stuðnings nefnir hann að enginn
hinna fjölmörgu, sem komu um
síðustu helgi eftir að hafa dottið
í hálku, hafi verið á mannbrodd-
um.
Hann sagði algengustu hálku-
slysaáverkana vera brot rétt fyr-
ir ofan úlnlið vegna þess að fólk
bæri fyrir sig höndina þegar það
dytti.
FRÉTTIR
Brotin en hafa ótrauð
sinnt störfum sínuni
ÓLAFUR Laufdal veitingamaður,
Indriði H. Þorláksson, skrifstofu-
stjóri í íjármálaráðuneytinu, og
Helga Gunnarsdóttir arkitekt eru
á meðal fjölmargra fómarlamba
hálkunnar. Ólafur og Indriði eru
fótbrotnir en Helga ökklabrotin.
Þau eru í gipsi en hafa sinnt störf-
um sínum eftir bestu getu.
Indriði datt á fímmtudaginn í
síðustu viku í Ingólfsstrætinu.
Hann tognaði illa um ökklaliðinn
og önnur pípan í fótleggnum brotn-
aði. Hann fór í aðgerð og þurfti
að vera á sjúkrahúsi í tvær nætur.
„Ég hef komið til vinnu hluta
dags og sinnt því sem ég tel hafa
verið mest aðkallandi. Ég reyni að
halda sem mest kyrru fyrir og sinni
því minna þeim þáttum sem krefj-
ast þess að maður sé á ferðinni."
En hann er ekki laus við fundar-
setur því hann á sæti í samninga-
nefnd ríkisins og hún er þessa
dagana að reyna að ná samningum
við kennara. „Það er nú einmitt
það sem maður hefur látið ganga
fyrir,“ sagði Indriði.
Hefur komið ýmsu í verk
Ólafur Laufdal datt fyrir rúmri
viku að kvöldlagi. Hann vissi ekki
að hann væri fótbrotinn, hélt að
hann myndi jafna sig, og fór til
útlanda morguninn eftir.
„Ég haltraði því um í fjóra daga
án þess að fara til læknis, studdi
mig bara við regnhlíf og harkaði
Morgunblaðið/Kristinn
INDRIÐI H. Þorláksson, skrif-
stofustjóri í fjármálaráðuneyt-
inu, fótbrotinn og í gipsi.
af mér. Menn trúðu því ekki þegar
í ljós kom að ég var brotinn.“
Hann segir að þetta trufli sig í
raun sáralítið þótt óneitanlega sé
bagalegt að verða fyrir svona
óhappi. Hann segist gera allt sem
hann þurfi heima, fólk hringi í
hann þangað. Þá segist hann vera
að vinna upp ýmislegt sem hann
hafi ekki komið í verk áður.
Allt gengur hægar
Helga Gunnarsdóttir arkitekt
datt á svelli 17. janúar. Hún var
að stytta sér leið yfir fáfarið svæði
og átti erfitt með að gera vart við
sig. En hún var svo heppin að
kona nokkur labbaði fram á hana.
„Það var alveg stórkostlegt að
hún skyldi finna mig, bara nokkr-
um mínútum eftir að ég datt. Hún
ætlaði ekkert að eiga leið þama
um en ákvað allt í einu að breyta
til að labbaði fram á mig. Ég er
óskaplega þakklát því það var ekki
fýsilegt, með ökklann úr liði og
margbrotinn, að þurfa að skríða í
snjónum," segir Helga.
Helga þurfti að vera eina nótt
á spítala og var síðan rúmliggjandi
í nokkra daga en hún má ekki stíga
í fótinn í tvo mánuði. „Ég er búin
að vera á fótum mestallan tímann
og hef komið mér upp vinnuað-
stöðu heima. Ég reyni að sinna
verkefnum þaðan, nota mikið síma
og tölvu en það gengur allt hægar
en venjulega. Það er erfitt að sitja
við borð vegna þess að fótleggur-
inn þarf alltaf að vera beinn og
ég þreytist fljótt. Ég hef ekkert
farið á vinnustofuna en sem betur
fer hafa viðskiptavinirnir verið
mjög skilningsríkir, annars gengi
þetta ekki.“
Helga segir að fjölskyldan og
vinir stjani við sig, álagið á þá
hafi verið mikið en hún hafi ekki
fengið neina utanaðkomandi hjálp.
MANNBRODDAR af þeirri
gerð sem sett er undir skóinn
og hægt er að smella af og á
eftir þörfum.
Mannbroddar
Seldi 50 pör
á einum degi
GISLI Ferdinandsson skósmiður seg-
ir að kippur hafí komið í mann-
broddasölu eftir að sagt var frá því
að fólk væri að brotna í hálkunni.
Gísli seldi t.d. 50 pör á mánudeginum
af einni tegund af þremur sem hann
selur mest.
„Það er sérstaklega eldra fólkið
sem er innstillt inn á mannbrodda.
Sumum finnst þetta ekki fallegt en
ég hef nú bent þeim á að það er
ennþá ljótara að vera með gipsklump
á fótunum. Þá er þetta ekki dýrt,
þeir kosta frá 750 krónum parið,“
segir Gísli.
Gísli segir að yngra fólkið komi
eftir að það brotnar. „Þá er það til-
búið. Það er með það í huga að það
hendi ekki það sjálft af því að það
sé ungt og frískt en það geta allir
dottið í hálkunni. Svo hefur maður
orðið var við að ömmur og mæður
hafa verið að kaupa mannbrodda
handa unglingum og krökkum niður
í 11, 12 ára.“
Heilsugæslustöð Kópavogs
Athugasemd vegna
fréttar um þjónustugjöld
MORGUNBLAÐINU hefur borist
eftirfarandi athugasemd frá Birni
Guðmundssyni lækni, fulltrúa
starfsfólks í stjórn Heilsugæslu-
stöðvar Kópavogs.
„I lítilli frétt í Morgunblaðinu
8. febrúar sl. er fjallað um inn-
heimtu þjónustugjalda á Heilsu-
gæslustöð Kópavogs. Þegar komu-
gjöld voru tekin upp í ársbyijun
1992 var samþykkt í stjórn stöðv-
arinnar að starfsfólk og makar
þess auk barna innan 16 ára þyrftu
ekki að greiða þetta komugjald.
Var þetta hugsað sem smá upp-
bót fyrir starsfólkið ekki síst þar
sem svipað er uppi á teningnum
hjá öðrum opinberum fyrirtækjum.
Má þar nefna að starfsfólk Ríkisút-
varpsins greiðir ekki afnotagjöld,
starfsfólk Pósts og síma fær frítt
fastagjald eftir ákveðinn starfsald-
ur og starfsfólk Ríkisspítala greið-
ir ekki fyrir læknaþjónustu.
Þannig töldum við að fordæmið
væri fyrir hendi. Með þessu væri
líka tryggt að starfsfólkið fengi
eðlilega þjónustu, þ.e. bókaði sér
tíma og þannig væri komið í veg
fyrir svokallaðar „gangalækning-
ar“ þegar samstarfsfólkið er að
bera vandamál sín upp á hlaupum.
Starfsfólk stöðvarinnar er um 50
og komur þess og úölskyldna á
árinu 1993 voru um 200 meðan
heildarkomufjöldi til heilsugæslu-
læknanna var um 24.000.
Sl. haust gerði Ríkisendurskoð-
un athugasemd við þessa niðurfell-
ingu komugjalda og taldi hana
óheimila. Þarna væri stjórnin að
ráðskast með allt að 120.000 kr.
Fyrirmæli komu því frá heilbrigðis-
ráðuneyti að þessu skyldi breytt
hið snarasta. Var þá sent bréf til
ráðherra þar sem farið var fram á
að þetta yrði heimilað. Eins og kom
fram í áðurnefndri frétt var þessu
hafnað á þeirri forsendu að þetta
hefði fordæmisgildi!
Starfsfólk heilsugæslustöðvar-
innar hefur ekki tekið þessari
ákvörðun ráðherra fagnandi. Það
er leitt til þess að vita að ekki sé
hægt að umbuna starfsfólkinu lítil-
lega fyrir vel unnin störf en það
er oft undir miklu álagi.“
Æfingabekkir í Hafnarfirði
Þú ert í...
...betri málum Höfum tekið
...ef þú stundar Itkamsþjálfun. í notkun Ijósabekk.
Sjö-bekkja æfingakerfið hentar mjög
vel fólki á öllum aldri, sem ekki hefur
stundað líkamsþjálfun lengi.
Einnig þeim sem ekki geta iðkað almenna
leikfimi af ýmsum ástæðum s.s. vöðvabólgu.
Það liðkar, styrkir og eykur blóðstreymi til
\ vöðva þannig að ummál þeirra minnkar.
x Ath! Ókcijpis kynningartími.
Afsláttar
tilboð
á tímabilinu
13.-27. feb.
8 tímar 4.400,
með afsl. 4.000.
12 tímar 6.000,
með afsl. 5.400.
25 tímar 11.600,
með afsl. 9.800.
Mánud.-fimmtud. kl. 8.10-12.00
og 15.00-21.00.
Föstud. kl. 8.10-13.00 og
laugard. kl. 10.00-13.00.
Lokað þriðjud. eftir hádegi.
betfi ma
j ÆFINGABEKKJUM
LÆKJARGÖTU 34a - 0 653034
HAFNARFIRÐI
SKRIFSTyFAN í AUSTURSTRÆTI 17, 4. HÆÐ
OPI\ IDAG KL. 14-16
SÉRKYNNING:
, uy OG BÆTT ÍHrf,
KARIBAHAFIÐ OG THAILAND VND
KYNNING MEÐ MYNDASÝNINGU Á ÆVINTÝRAFERÐINNI 2.U6. MARS
AUSTURSTRÆTi 17,4. hæö 101 REYKJAVÍK«SÍMI 620400»FAX 626564