Morgunblaðið - 03.03.1995, Blaðsíða 26

26 FÖSTUDAGUR 3. MARZ 1995
MORGUNBLAÐIÐ
MORGUNBLAÐIÐ
STOFNAÐ 1913
ÚTGEFANDI: Árvakur hf., Reykjavík.
FRAMKVÆMDASTJÓRI: Haraldur Sveinsson.
RITSTJÓRAR: Matthías Johannessen,
Styrmir Gunnarsson.
NORRÆNAR
BÓKMENNTIR
Á GEISLADISK
ÞAÐ ER SJÁLFSAGT og eðlilegt, að íslendingar verði
þátttakendur í því samnorræna verkefni sem ýtt hefur
verið úr vör, á sviði margmiðlunar, undir heitinu Nord-
ROM. Verkefnið er í því fólgið að setja kennsluefni í norræn-
um bókmenntum á margmiðlunargeisladisk.
Raunar sætir það furðu, að íslendingar séu eina Norður-
landaþjóðin, sem ekki hefur staðfest með formlegum hætti
þátttöku sína í þessu samnorræna verkefni. Þrátt fyrir
það, hefur verið settur á laggirnar vinnuhópur um fram-
gang verksins hér á landi og fulltrúar íslands hafa tekið
þátt í undirbúningsfundum.
Samtök móðurmálskennara hafa umsjón með starfinu í
hverju landi og hafa samtök móðurmálskennara á íslandi
yfirumsjón með starfi íslenska vinnuhópsins. Stefnt er að
því að koma á margmiðlunardiskinn bókmenntasögu Norð-
urlandanna frá upphafi, fram til síðustu aldamóta, eða til
þess tíma sem höfundarréttur tekur gildi.
Meðal þess efnis sem ætlunin er að verði á disknum, eru
sýnishorn bókmenntatexta, myndlistar, tísku, tónlistar og
byggingarsögu tímabilsins. Ráðgert er að um 300 þúsund
síður af texta, eða um tvö þúsund bækur, rúmist á diskn-
um, sem sýnir hversu stórt þetta verkefni er.
Þuríður Jóhannsdóttir, íslenskukennari og fulltrúi í ís-
lenska vinnuhópnum, greindi frá því í samtali við Morgun-
blaðið í gær, að möguleikar margmiðlunar í þessu verk-
efni, yrðu nýttir með upplestri, tónlist, myndum og jafnvel
hreyfimyndum í tengslum við efnið. Ljóst er að slík marg-
miðlun getur nýst á margvíslegan hátt, til tengingar í
kennslu, t.d. milli myndlistar, tónlistar og bókmennta.
Þetta verkefni er þarft framtak og aðild íslendinga að
því er sjálfsögð. Miðað við fyrstu áætlanir um kostnaðar-
hlutdeild, er hér ekki um slíkar fjárhæðir að ræða, að þær
eigi að torvelda jákvæða afgreiðslu málsins í menntamála-
ráðuneytinu. Ráðgert er að kostnaðurinn við þátttökuna,
sé um eða yfir 2,7 milljónir króna.
PÓSTÞJÓNUSTA Á
SAMKEPPNISTÍMUM
NÝ FJARSKIPTA- og samgöngutækni hefur fært þjóðir
heims í nábýli og gjörbreytt samskiptum fólks í veröld-
inni. Við sjáum, eða getum séð á sjónvarpsskjá, atburði
hinum megin á hnettinum, samtímis og þeir gerast. Skila-
boð, sem áður voru send bréflega, land- eða sjóveg, byggða
og þjóðríkja á milli, berast nú á nokkrum sekúndum í tölvu-
pósti eða símbréfasendingum, jafnvel heimshorna á milli.
Gjörbreyttar aðstæður að þessu leyti gera aðrar, fjölþætt-
ari og strangari kröfur til póstþjónustu en áður var. Og á
tínjum sívaxandi og fjölbreytilegri fjölþjóðlegra samskipta
gildir þetta jafnt um póstþjónustu lítilla samfélaga, eins
og okkar, sem póstþjónustu stærri ríkja.
Hér á landi sem annars staðar hafa einkaaðilar látið til
sín taka á sviði póstþjónustu, til hliðar við og í samkeppni
við hefðbundna póstþjónustu. Forráðamenn Póstdreifingar
hf., sem hyggja á aukin umsvif í samkeppni við Póst og
síma (P&S), telja hins vegar að á skorti jafnstöðu í þeirri
samkeppni. Þeir hafa sent kvartanir til Eftirlitsstofnunar
EFTA, Samkeppnisstofnunar, ráðuneyta, ríkisskattstjóra
og umboðsmanns Alþingis.
Aðfinnslur Pótstdreifingar hf. varða sem fyrr segir meint-
an ójöfnuð í samkeppni við P&S, m.a. að því er varðar
afsláttarkjör og skattamál. Að auki var krafa gerð til Sam-
keppnisstofnunar um aðskilnað á milli þess hlöta þjónustu
P&S sem nýtur einkaleyfis og þess hluta sem er í sam-
keppni. Úrskurður Samkeppnisráðs var á þá iund að að-
skilja þyrfti þessa tvo þætti þjónustu P&S. Þess skyldi og
gætt að póstþjónusta háð einkaleyfi greiddi ekki niður
kostnað við aðra þjónustu. Álit ráðsins varðandi innritun-
ar- og virðisaukaþættina virðist og falla að sjónarmiðum
Póstdreifingar hf.
Meginmálið er þó að gjörbreyttar aðstæður gera nýjar
og fjölþættari kröfur til póstþjónustu og að samkeppni þjón-
ar — á þessu sviði sem öðrum — hagsmunum fólks og fyrir-
tækja.
KENNARAVERKFALLIÐ
Morgunblaðið/Sverrir
GUÐBJÖRG Skúladóttir í Klassíska listdansskólanum segir að því miður hafi ekki verið hægt að koma til móts við óskir foreldra yngri
barnanna um að færa balletttímana fram á morgun. Myndin er tekin á sjötta tímanum í gær.
Misjafnlega brugð-
ist við vandanum
Morgunblaðið/Gunnar Finnbjömsson
BÖKUNARDAGUR hjá Hans Petersen. Frá
vinstri: Sunneva, 6 ára, Þórunn Eva, barn-
fóstra, Inga Dóra, 9 ára, Helga, 11 ára, Kol-
beinn, 7 ára, Gísli, 8 ára, og Berglind Ýr, 8 ára.
UNNUR, 6 ára, fékk að fara með Fanneyju
mömmu sinni (fyrir aftan) í vinnuna i gær.
Lausleg könnun Morg-
unblaðsins gefur til
kynna að fremur fátítt
sé að starfsmenn hafi
tekið börn sín með sér í
vinnuna í yfírstandandi
kennaraverkfalli. Anna
----*------------------
G. Olafsdóttir kannaði
hvar bömin væru og
hvað þau væru að gera.
VANDI foreldra virðist helst
vera bundinn börnum á
aldrinum sex til níu ára.
Eldri böm em yfirleitt
heima. Ýmist em bömin ein heima eða
í umsjá'eldri systkina. Fáein dæmi em
um að fyrirtæki hafi tekið málin í sín-
ar hendur og hefur til dæmis verið
starfræktur „leikskóli" á vegum Hans
Petersen frá 22. febrúar. Bömum
starfsmanna Samskipa var boðið í
heimsókn í fyrirtækið í gær. Dæmi
em um að tómstundastarf hafi verið
aukið og fært fram á daginn.
-Þegar haft var samband við á ann-
an tug stórfyrirtækja kom fram að
mjög fá börn höfðu verið eða vom í
vinnunni með foreldmm sínum. Afar
fátítt var að börn hefðu verið dag-
langt í marga daga á vinnustað for-
eldra sinna. Algengara var að þau
væm með þeim hálfan daginn eða
brot úr degi. Flest vom börnin á aldr-
inum 6 til 9 ára. Ef þau voru ekki í
vinnunni með foreldrum sínum voru
þau í gæslu eldri systkina, afa og
ömmu eða annarra skyldmenna. Eldri
börnin voru heima eða á rölti með
félögum sínum og einn starfsmanna
Kringlunnar sagði að unglingum virt-
ist hafa verið beitt á verslunarmið-
stöðina.
Nokkrir vinnuveitendur höfðu orðið
varir við að starfsmenn hefðu meiri
áhuga á að taka út vetrarleyfisdaga
á meðan á verkfallinu stæði og meira
væri áberandi. en ella að starfsmenn
„íjarstýrðu" bömum sínum úr vinn-
unni. Viðvera bamanna á vinnustöð-
unum eða heima á skólatíma virtist
ekki hafa áhrif á afköst starfsmann-
anna.
Með mömmu í vinnunni
Eitt þeirra bama sem var brot úr
degi í vinnunni með foreldri sínu var
Unnur Flemming Jensen, 6 ára, í 1.
HG í Austurbæjarskóla. Hún fékk að
vera í vinnunni með mömmu sinni,
Fanneyju Þorkelsdóttur, setjara á
Morgunblaðinu, í einn og hálfan
klukkutíma í gær. Reyndar sagði
Fanney að hún gæti fengið að vera
hjá afa sínum og ömmu þegar þannig
stæði á að hún væri sjálf á millivakt
og Unnur ætti að vera í skólanum en
henni hefði eiginlega ekki fundist taka
því fyrir einn og hálfan klukkutíma.
Unnur sat hljóð og var að teikna þeg-
ar blaðamann bar að garði og vinnufé-
lagar mömmu hennar sögðu að þeir
vissu ekki af henni, svo stillt væri
hún. Unnur segir sjálf að henni finn-
ist ekkert leiðinlegt í vinnunni með
mömmu sinni en hún er farin að sakna
skólans og félaga sinna
þar. Fanney tekur und-
ir með dóttur sinni og
minnir á að þegar mað-
ur sé sex ára sé skólinn
ennþá nýr og mjög
spennandi.
Létt undir með
foreldrum
Nokkur fyrirtæki
hafa reynt að létta
undir með starfsmönn-
um sínum í kennara-
verkfallinu. Samskip er
eitt fyrirtækjanna.
Ragnar Pálsson,
starfsmannastjóri,
sagði áð komið hefði
fram í skoðanakönnun
að ekki væri brýn þörf
á barnagæslu. Engu að
síður hefði fyrirtækið
viljað gera börnunum
dagamun og létta undir
með starfsfólkinu, að
minnsta kosti einn dag,
og boðið börnum á
aldrinum 7 til 13 ára
að taka þátt í fróðleiks-
og skemmtidagskrá
daglangt. „Þau komu
hérna til okkar klukkan
hálfníu . í morgun
[fimmtudag] og skoð-
uðu vinnusvæðið, skrif-
stofur og vöruhúsnæði,
fóru um borð í Helga-
fellið og fengu að sjá
Baldvin Þorsteinsson, aflahæsta
frystitogara landsmanna frá Sam-
heija. Síðan borðuðum við hér og fór-
um eftir hádegi upp í Vífilfell og í
keilu á eftir,“ sagði Ragnar. Hann
sagði að 51 barn, í umsjá tveggja
fóstra, hefði tekið þátt í dagskránni
og hefði tiltækið mælst mjög vel fyrir.
Barnagæsla
Hjá Hans Petersen var settur á
stofn eins konar Ieikskóli. Elín Agn-
arsdóttir, gæðastjóri, sagði að Hildur
Petersen, framkvæmdastjóri fyrir-
tækisins og móðir tveggja barna á
skólaaldri, hefði átt hugmyndina að
því að fara þessa leið. Skoðanakönnun
hefði verið hleypt af stokkunum, ann-
ars vegar á því hversu þörfín fyrir
gæslu væri brýn og hins vegar hvort
einhver ætti stálpaðan ungling til að
taka að sér gæsluna. „Niðurstaðan
varð sú að dóttir lagerstjórans okkar
hefur tekið að sér að hafa ofan af
fyrir og gæta barna starfsmannanna,
allt að sjö barna á aldrinum sjö til
ellefu ára. Við byijuðum 22. febrúar
og „leikskólinn" verður starfandi
þangað til verkfall leysist,“ segir Elín.
Hún segir að börnin hafi verið með
þemadaga. „Einn daginn bökuðu þau.
Annan daginn fengu þau einnota
myndavélar, fóru út og tóku myndir
og fylgdust með framkölluninni. Síðan
nýta þau ýmislegt sem til fellur í fyrir-
tækinu, t.d. pappír. Þau héldu t.d.
myndlistarsýningu. Á miðvikudaginn
var heilmikil vinna vegna öskudags-
ins. Hingað komu um 200 krakkar,
eins og í önnur fyrirtæki, og krakk-
arnir hérna afgreiddu krakkana.
Höfðu pakkað inn nammi í litla poka,
létu syngja fyrir sig og sáu um þetta."
Elín segir að gæslan hafi gengið
afskaplega vel og engin truflun hafi
orðið á vinnunni nema síður væri. Hún
sagði að framtakið helgaðist fyrst of
fremst af því að stjórnendur fyrirtæk-
isins væru þeirrar skoðunar að fyrir-
tækið væri ekki annað en starfsmenn-
irnir og vandi eins og verkfall í skóla
væri þar af leiðandi vandi fyrirtækis-
ins.
Tómstundir
Guðbjörg Skúladóttir í Klassíska
listdansskólanum í Álfabakka hefur
fært ballettíma 15 til 18 ára stúlkna
fram fyrir hádegi. „Eldri stúlkurnar,
sem byrja klukkan 10, eru mjög
ánægðar. Þær vakna, drífa sig hingað
og hafa svo daginn fyrir sér. Þeim
fannst voða gaman fyrst í verkfallinu
en auðvitað er erfitt að hafa svona
langt frí. Þær eru komnar með smá
áhyggjur, langar að drífa skólann af
enda stefna sumar að því að fara út
í nám,“ segir Guðbjörg og fram kem-
ur að stúlkunum stendur til boða að
sækja kennslustundir alla daga vik-
unnar í verkfallinu í stað þriggja til
fjögurra daga áður. Að öðru jöfnu
sækja stúlkurnar tíma síðdegis eins
og 13 til 15 stúlkurnar. Þeirra tími
hefur verið færður frá 17.40 til hádeg-
is.
Guðbjörg sagði að óskir hefðu kom-
ið um að færa fleiri tíma fyrr á dag-
inn en því miður hefði ekki .verið
hægt að verða við þeim óskum.
Af öðru tómstundastarfi má geta
þess að mörg íþróttafélög hafa komið
til móts við foreldra og börn með því
að íjölga skíðaæfíngum og færa æf-
ingatíma fyrr á daginn.
FÖSTUDAGUR 3. MARZ 1995 27-
Misheppnaðri markaðsherferð í sölu aðgöngumiða til þessa á
Heimsmeistarakeppnina í handknattleik svarað með nýju útspili
FLEIRIOG STERKARI
ÖFL í MIÐASÖLUNA
Öll skipulagning vegna HM gengur vel en
Steinþór Guðbjartsson fékk staðfest að
markaðsherferð í sölu aðgöngumiða hefur
brugðist. Mótshaldarar segja að með sameig- .
inlegu átaki fleiri og stærri aðila sé ekki
ástæða til að hafa áhyggjur af gangi þessara
mála en sú breyting hefur orðið á að ferðaþjón-
ustan hefur í auknum mæli sýnt málinu áhuga.
Jafnframt er stefnt að umtalsverðri lækkun á
pakkaferðum erlendis frá.
FORSVARSMENN
keppninnar
hrósuðu happi
í lok júnl á
síðasta ári þegar
Framkvæmd anefnd
HM 95 og Halldór
Jóhannsson hjá
ferðaskrifstofunni
Ratvís á Akureyri
gerðu með sér samning
sem veitti honum einkasölu
á aðgöngumiðum og tryggðu
nefndinni 150 milljónir króna í tekj-
ur. Samkvæmt heimildum Morgun-
blaðsins þurfti HM-nefndin trygging-
ar til að halda fyrirhuguðu undirbún-
ingsstarfi áfram eins og best var á
kosið. Samningurinn við Halldór
gerði nefndinni kleift að halda settu
marki með tryggingu fyrir 40 millj-
ónum frá Halldóri og Akureyrarbæ
upp á vasann en aðrir aðilar í ferða-
þjónustunni, sem áður var rætt við,
voru ekki tilbúnir að taka þátt í
ábyrgðinni. í fyrrnefndum samningi
var gengið út frá því að markaðssetn-
ing og miðasala yrðu alfarið í hönd-
um Halldórs en dæmið hefur ekki
gengið upp. Framkvæmdanefndin og
Halldór kenna fyrst og fremst bókun-
armiðstöð ferðaþjónustunnar sem
hélt hótelverði í hámarki og lauk
störfum 1. febrúar sl. og neikvæðri
umfjöllun um gang mála en talsmenn
ferðaþjónustunnar segja að miðstöð-
in hafi verið nauðsynleg til að halda
utan um bókanir í maí. Hvað sem
þessu líður liggur fyrir að
eftirspurn erlendis frá hef-
ur verið minni en reiknað
var með en hún er reyndar
í samræmi við áætlun HSÍ
frá 1991 og fjárþagsáætl-
un HM-nefndarinnar sem gerir ráð
fyrir 80 milljónum í tekjur vegna
miðasölu. Akureyrarbær hefur haft
vissar áhyggjur af gangi mála vegna
fyrrnefndrar tryggingar. Samningur-
inn kveður á um eftirlitsskyldu bæj-
arins og var síðasti fundur bæjarlög-
manns með framkvæmdastjóra HM
95 í gær en trygging bæjarins upp
á 20 milljónir stendur.
Nefndin tekur í taumana
Sala innanlands hefur verið lítil
sem engin og nánast engin hreyfing
hefur verið á sölu erlendis. í gær
voru komnar um átta milljónir í kass-
ann vegna sölu aðgöngumiða og þar
af um sex milljónir frá ferðaskrifstof-
unni Island Tours í Þýskalandi sem
keypti miða fyrir 200 manns á alla
leiki Þýskalands og úrslitakeppnina.
Framkvæmdanefndin segist ekki
hafa áhyggjur af sölumálum innan-
lands því sölutíminn sé ekki kominn
en samkvæmt heimildum Morgun-
blaðsins er nefndin á því
að markaðssetning Hall-
dórs hafí mistekist og
bókunarmiðstöðin hafí
sett strik í reikning-
inn og verið algerlega
óþörf en vegna henn-
ar hafí dýrmætur tími
farið til spillis. Að-
spurður sagði Hákon
Gunnarsson, fram-
kvæmdastjóri HM 95, að
ekki væri rétt að gera Halldór
að blóraböggli og eins bæri að hafa
í huga að áræðni hans hafí bjargað
miklu varðandi framhald undirbún-
ingsvinnunnar þegar öll sund virtust
lokuð. Hins vegar væri nýtt átak
með víðtækri kynningu að fara af
stað erlendis og ekki væri ástæða til
að örvænta.
HM-nefndin hefur alla tíð lagt ríka
áherslu á að um heimsviðburð sé að
ræða og því sé það mál allra íslend-
inga að vel takist til. Hún hefur unn-
ið sína heimavinnu og vel virðist að
öllum þáttum staðið en þó hún viður-
kenni ekki óánægju með miðasölu fer
ekki á milli mála að hún hefur haft
af henni vissar áhyggjur. Það sést
best á því hvernig hún hefur á síð-
ustu vikum komið æ meira inn í þessi
mál. Hún hefur gert samning um
miðasölu við Olíuverslun íslands hf.,
Olís, og Eymundsson og opnað kynn-
ingarbás í Kringlunni. Fyrir viku
undirritaði hún samning við Flugleið-
ir um að fyrirtækið verði opinbert
flugfélag Heimsmeistara-
keppninnar. Þar með hófst
markvisst kynningarstarf
Flugleiða erlendis sem
verður með ýmsum hætti
í gegnum 10 söluskrifstof-
ur og fjölda umboðsmanna víða um
lönd en auk þess er fyrirtækið að
vinna að sérstökum pakkaferðum
innanlands til að gera landsbyggðar-
fólki kleift að ferðast ódýrt og sjá
leiki íslands í keppninni. Síðast en
ekki síst tók HM-nefndin vel í sölu-
hugmyndir sem ferðaskrifstofan Úr-
val-Útsýn kynnti nefndinni á dögun-
um og að sögn Úlfars Antonssonar
hjá innanlandsdeild fyrirtækisins
hefst nýtt átak þess á ferðakaup-
stefnu í Berlín í Þýskalandi um helg-
ina en því verður síðan fylgt eftir á
annarri slíkri i Gautaborg í Svíþjóð
í lok mánaðarins. Úlfar sagði jafn-
framt að ferðaskrifstofan ætlaði að
bjóða upp á styttri ferðir og verið
væri að vinna í því að lækka verðið
umtalsvert, bæði vegna gistingar og
flugs.
Óþarfa skjálfti
Halldór sagði við Morgunblaðið að
salan væri eðlileg og hélt fast við
HM 95 er með
40 milljóna kr.
tryggíngu
Morgunblaðið/Kristinn
Pöntun frá Þýskalandi
HANDKNATTLEIKSSAMBAND Þýskalands pantaði 10 miða á
leiki Þýskalands og 70 miða á undanúrslitaleikina og úrslitaleik- .
inn. Á myndinni sýnir Ásdís Höskuldsdóttir, skrifstofustjóri HM
95, Gunnari K. Gunnarssyni, tæknistjóra HM 95, skeytið.
fyrri áætlanir — sagði raunhæft að
gera ráð fyrir fjögur til fímm þúsund
erlendum gestum vegna keppninnar.
Máli sínu til staðfestingar tíundaði
hann ýmsar fyrirspumir víðs vegar
að í heiminum, fyrirspurnir vegna
um 2.000 manns samtals, og sagði
ljóst að áhugi væri mun meiri en
menn gerðu sér almennt grein fyrir.
Hins vegar hafi aldrei staðið til að
hann einn og sér seldi allar ferðir
og vissulega hefði hann gert ráð fyr-
ir að stóru ferðaskrifstofumar yrðu
með stærsta hlutann. Þær hefðu sett
stólinn fyrir dymar með bókunarmið-
stöðinni en sæju núna að það þyrfti
að hafa fyrir því að selja ferðirnar
og miðana. Sér væri alveg sama
hver seldi en neyðarkall stóm aðil-
anna núna vekti óneitanlega athygli.
Samt sem áður væri það af hinu
góða að allir tækju höndum saman
og svartsýni væri engum til fram-
dráttar. Þetta væri heimsviðburður
og ef þriðji hver íslendingur færi á
völlinn eina kvöldstund ------------
gætu allir unað vel við sitt.
„Salan er í eðlilegum far-
vegi,“ sagði hann. „íslend-
ingar taka seint við sér
samanber getraunasölu,
sem er 10% alla vikuna fram á föstu-
dag en tekur síðan kipp síðasta dag-
inn í hverri viku. Eins má nefna
Evrópulandsleik íslands og Svíþjóðar
í knattspymu síðastliðið haust en þá
seldust um 1.000 miðar í forsölu í
mánuð en um 13.000 miðar síðustu
tvo dagana.“
Úlfar sagði að Úrval-Útsýn hafí
mikla reynslu í því að fást við stóra
atburði og hafi góð sambönd erlend-
is sem yrðu nýtt. Málið væri að ná
til markhópanna með viðráðanlegu
verði en þegar á heildina sé litið sé
gott að fá 1.000 til 2.000 erlenda
gesti vegna keppninnar og enn væri
nægur tími til stefnu.
Guðmundur Kjartansson hjá
ferðaskrifstofunni Island Tours í
Hamborg gerði samning við Halldór
um að hann hefði einkarétt á sölu
miða í Þýskalandi. Guðmundur keypti
miða fyrir 200 manns og sagði í gær
að hann væri langt kominn með að
selja þá en í dag verður hann með
Sex milljónir í
pottinn frá
Þýskalandi
kynningu á keppninni og ferðamögu-
leikum fyrir fulltrúa 125 þýskra
handknattleiksfélaga. „Ég hef alltaf
sagt að raunhæf tala frá Þýskalandi
er um 200 til 300 miðar og það stefnir
í það,“ sagði hann. Guðmundur tók
undir gagnrýni á bókunarmiðstöðina
og sagði að helsta vandamálið hefði
verið hvað seint hefði verið farið af
stað með miðasöluna en hann gat
fyrst byijað í desember. Hins vegar
sagði hann að samstarfið við Halldór
hafí verið mjög gott og ómaklega
hafi verið að honum vegið. GuðmumL
ur sér einnig um sölu í Sviss og sagm
að eftirspurn þar væri mun minni.
„Þar hefur verið spurst fyrir um 20
til 30 miða hjá mér og eitthvað fleiri
hjá öðrum söluaðila en áhugi á hand-
bolta er ekki mikill í Sviss.“
Fyrir Islendinga
Heimildir Morgunblaðsins herma
að eftir að samningurinn við Flugleið-
ir var undirritaður hefði HM-nefndin
--------- orðið vör við gerbreytt
hugarfar í ferðaþjón-
ustunni. Æ fleiri vildu
koma inn í málið og í kjöl-
farið væri von til að hægt
sé að bjóða flug og gistingu
á lægra verði en til stóð. Vegna óun^,-
flýjanlegrar þátttöku annarra stend-
ur til að gera formlega breytingu á
samningnum við Halldór á næst-
unni, breytingu sem miðar að því að
halda samstarfinu á grunni sem allir
hlutaðeigandi sætta sig við, en samt
á þeim nótum að gerður samningur
við Halldór standi.
Árið 1991 gerði Gunnar K. Gunn-
arsson, þáverandi framkvæmdastjóri
HSÍ og núverandi tæknistjóri HM,
ráð fyrir 500 til 1.500 erlendum
áhorfendum fyrir utan liðshópa og
fréttamenn og 80 milljónum í tekjur
vegna miðasölu. „Sú áætlun er í takt
við það sem við erum að tala um
núna og hitt hefur heldur ekki breyst
að við sóttum um að halda Heims-
meistarakeppnina til þess að íslend-
ingar gætu fylgst með því besta sem
er að gerast í íþróttinni og til að
efla íslenskan handknattleik. Aðalat-
riðið er að HM er á íslandi fyrir ís^
lendinga," sagði Gunnar.