Morgunblaðið - 29.04.1995, Blaðsíða 12

12 LAUGARDAGUR 29. APRÍL 1995
AKUREYRI
MORGUNBLAÐIÐ
Dalvíkurbær selur Samheija
hlut sinn í Söltunarfélaginu
BÆJARSTJÓRN Dalvíkur samþykkti á fundi
á þriðjudag að selja Samheija hf. eignarhlut
sinn í Söltunarfélagi Dalvíkur hf. Dalvíkurbær
átti rúmlega 36% hlut í fyrirtækinu. Kaupverð-
ið er 50 milljónir króna.
Rögnvaldur Skíði Friðbjörnsson, bæjarstjóri
á Dalvík, sagði að fyrir nokkru hefðu Samheija-
menn sent óformlegt erindi til bæjarstjórnar
þar sem spurst var fyrir um hvort til greina
kæmi að bærinn seldi hlut sinn í fyrirtækinu.
Viðræður hefðu staðið yfir um tíma og í kjölfar-
ið borist formlegt erindi þar sem Samheiji
bauðst til að kaupa hlut Dalvíkurbæjar á 50
milljónir króna.
Fýsilegur kostur
„Við töldum þetta fysilegan kost í stöðunni.
Við losum um okkar hlut og opnum fyrir mögu-
leika á að efla atvinnulífið hér á Dalvík með
öðrum hætti,“ sagði Rögnvaldur Skíði. Hann
sagði að féð yrði lagt í Atvinnuþróunarsjóð
Dalvíkur sem hefur að markmiði að efla at-
vinnulíf staðarins, þangað gætu menn sótt
framlög og styrki til verkefna á því sviði.
„Við metum það svo að vilji forsvarsmenn
atvinnulífsins kaupa hlut sveitarfélaga í fyrir-
tækjum telji þeir sér það hagkvæmt eigi
sveitarfélögin ekki að hindra þá í því. Við telj-
um þessa sölu á okkar hlut hið besta mál og
treystum því að kaupandinn muni efla og auka
starfsemi fyrirtækisins," sagði bæjarstjórinn á
Dalvík.
Samheiji keypti meirihluta í Söltunarfélagi
Dalvíkur fyrir fáum árum af Kaupfélagi Eyfirð-
inga og einstaklingum og með kaupum á hlut
Dalvíkurbæjar á félagið nánast allt fyrirtækið.
Samheiji á einnig stóran hlut í rækjuverksmiðj-
unni Strýtu á Akureyri.
Fyrirtækið gerði í vetur samning við Royal
Greenland á sviði markaðsmála og í kjölfarið
verður rækju pakkað í neytendaumbúðir í verk-
smiðjum fyrirtækisins.
Morgunblaðið/Rúnar Þór
Hressar húsmæður
MESSUR
AKUREYRARKIRKJA: Sunnudaga-
skóli Akureyrarkirkju fer á hátíð
sunnudagaskólans í Ólafsfirði á
morgun og verður lagt af stað frá
Akureyrarkirkju kl. 10. Öll börn sem
sótt hafa skólann í vetur eru velkom-
in ásamt foreldrum. Messað verður
i Akureyrarkirkju á morgun kl. 14.
GLERÁRKIRKJA: Guðsþjónusta
verður í kirkjunni á morgun kl. 11.
Sunnudagaskóli kirkjunnar fer til
Ólafsfjarðar, lagt af stað kl. 10 og
heimkoma áætluð k!. 14. Foreldrar
hvattir til að fara með bömunum.
HJÁLPRÆÐISHERINN, sunnu-
dagaskóli kl. 13.30, hjálpræðissam-
koma kl. 20. Miriam Óskarsdóttir
talar. Allir velkomnir. Heimilasam-
band fyrir konur kl. 16 á mánudag.
Hjálparflokkur á fimmtudag kl.
20.30.
HVÍTASUNNUKIRKJAN: Sam-
koma í umsjá ungs fólks kl. 20.30 í
kvöld. Safnaðarsamkoma kl. 11 á
morgun, vakningarsamkoma, ræðu-
maður Vörður L. Traustason kl.
15.30, biblíulestur kl. 20.30 á mið-
vikudag.
KAÞÓLSKA kirkjan við Eyrar-
landsveg: Messa kl. 18 í dag, laug-
ardag, og kl. 11 á morgun, sunnudag.
ÞÆR eru hressar húsmæðurnar
á Svalbarðseyrinni, fara út í
nánast hvaða veðri sem er og
ganga rösklega langa vega-
lengd. Þó svo hann blási að norð-
an og lítt sé vorlegt um að litast
voru þær hinar hressustu í gær-
morgun þegar ljósmyndari
rakst á þær á þjóðveginum á
Svalbarðsströnd.
Fitlar á
Kaffi Króki
DJASSTRÍÓIÐ Fitlar spilar á Kaffi
Króki á Sauðárkróki annað kvöld,
sunnudagskvöldið 30. apríl.
I tríóinu eru Ingvi Rafn Ingva-
son, tónlistarkennari á Húsavík,
sem leikur á trommur, Jón Rafns-
son, tónlistarkennari á Akureyri,
sem leikur á kontrabassa og Jóel
Pálsson, tónlistarkennari í Reykja-
vík, sem blæs í saxófón.
Tríóið mun flytja fjölbreytta tón-
list, jafnt þekkta standarda sem og
minna þekkt lög.
Keimur
af vori
ÞÓ svo snjó eigi eftir að
taka upp í miklum mæli og
ekki sé beint vorlegt um að
litast var ekki laust við að
fólk fyndi keim af vori í lofti
á Akureyri í gær. Sólin braust
fram úr skýjaþykkninu og þá
var ekki að sökum að spyrja,
allra hörðustu veiðiklærnar
fóru á stúfana og prófuðu
stangimar sem legið hafa
óhreyfðar í geymslunni vetr-
arlangt. Gunnar B. Arason var
einn þeirra sem renndu fyrir
fisk í gærdag.
Morgunblaðið/Rúnar Þór
Hængsmót
og íslands-
mót öldunga
í blaki
MIKIÐ er um að vera í íþrótta-
húsum bæjarins þessa helgi.
í KA-húsinu taka liðlega 200
keppendur þátt í Hængsmótinu
1995, en bogfimin fer fram í
íþróttahúsi Glerárskóla. Mótið
hófst í gær, föstudag og lýkur
með veglegu lokahófi í kvöld.
Keppt er í boccia, bogfimi, lyft-
ingum og borðtennis.
í íþróttahöllinni taka 56 lið
víða af landinu þátt í íslands-
móti öldunga í blaki. Mótið er
veglegt að þessu sinni, enda
haldið í 20. sinn. Gera má ráð
fyrir að keppendur séu allt að
700 talsins og er spilað frá kl.
8 á morgnana til miðnættis svo
unnt sé að ljúka um 150 leikjum
sem spila þarf í mótinu.
Skjöldur um
Vilhjálm
Stefánsson
FRÚ Evelyn Stefánsson Nef,
ekkja Vilhjálms Stefánssonar,
afhjúpar skjöld til minningar
um Vilhjálm Stefánsson við at-
höfn við framtíðarhúsnæði Há-
skólans á Akureyri, Sólborg,
mánudaginn 1. maí næstkom-
andi kl. 14.00.
Þorsteinn Gunnarsson, rekt-
or Háskólans á Akureyri, sagði
að heimsókn ekkjunnar til
landsins væri aðaltilefni þess
að skjöldurinn væri afhjúpaður
nú en athöfnin tengdist einnig
samþykkt Alþingis frá í febrúar
síðastliðnum um að Stofnun
Vilhjálms Stefánssonar skyldi
komið á fót á Akureyri.
Fermingar
HRÍSEYJARKIRKJA: Ferm-
ingarmessa verður í Hríseyjar-
kirkju á morgun, sunnudaginn
30. apríl, kl. 11.00. Fermd
verða:
Ingi Freyr Sveinbjörnsson,
Sólvallargötu 5.
Helga Jónasdóttir,
Miðbraut 12.
BAKKAKIRKJA: Ferming
verður í Bakkakirkju í Öxnadal
á morgun, sunnudaginn 30.
apríl, kl. 13.30. Fermd verða:
Anna Berglind Þorsteinsdóttir,
Þverá, Oxnadal.
Klara Sólrún Hjartardóttir,
Eyrarvegi 31, Akureyri.
Mótettukór
í Glerárkirkju
MÓTETTUKÓR Hallgríms-
kirkju heldur tónleika í Glerár-
kirkju í dag, laugardag kl.
15.00.
Á efnisskránni eru verk eftir
feðgana Áskel Jónsson og Jón
Hlöðver Áskelsson, messuþætt-
ir eftir Palestrina og mótettur
eftir Schutz og Bruckner.
Þetta er þriðja heimsókn
kórsins til Akureyrar. Stjóm-
andi er Hörður Áskelsson.
Tónleikar
í minningu Davíðs Stefánssonar frá Fagraskógi
í íþróttaskemmunni áAkureyri 30. apríl 1995 kl. 16.
Fram koma:
Kór Menntaskólans á Akureyri,
Tjarnarkvartettinn,
Leikhúskvartettinn,
Passíukórinn,
Gamlir Geysisfélagar,
Kór Glerárkirkju og
Karlakór Akureyrar - Geysir.
Flutt verÓa sönglög eftirýmsa höfunda við
Ijóð Davíðs Stefánssonar.
Kynnir á tónleikunum verður Erlingur Sigurðsson.
Aðgangur ókeypis.

ÍJJ tu ekki af aprílbókunum!

Ath. Stjönuuagí
Qz
ásútgáfan
Qlerórgötu 28 - Akureyri
Askriftarsími 96-24966