Morgunblaðið - 04.05.1995, Qupperneq 6

6 FIMMTUDAGUR 4, MAÍ, 1995
MORGUNBÍAÐIÐ
FRÉTTIR
Morgunblaðið/RAX
900 bátar og skip á sjó
SJÓSÓKN í gær var sú mesta, það sem af er
þessu ári. Um hádegishilið voru 770 bátar á sjó
samkvæmt upplýsingum Tilkynningarskyldunn-
ar, en þar á bæ töldu menn að alls kæmu um
900 bátar og skip á skrá frá upphafi gærdags-
ins til loka hans. Krókabátar voru fjölmennir á
sjó, enda trillukarlar óþolinmóðir eftir langvar-
andi banndaga og ógæftir. Töluvert var um
báta á Faxaflóa, en þeir voru mjög dreifðir.
Litlar fréttir voru af aflabrögðum síðdegis, en
víða hafa bátarnir verið að fá vel á krókana og
í netin.
Bjarnacey^
Jan Mayen
\(N^REGUR)
Veiðislóð íslensku
skipanna í síðustu viku
ISLANI) / 65
FÆREYJAR
BRETtiAND
Síldin veiðist
í færeyskri
landhelgi
TVEIR færeyskir bátar fengn síld í
gær, á milli fímmtu og sjöttu lengd-
argráða, um fjörutíu mílur sunnan
marka færeysku landhelginnar og
Síldarsmugunnar. Samkvæmt upp-
lýsingum frá Útgerðarmannafélagi
Færeyja voru það skipin Júpíter og
Finnur fríði, sem höfðu fengið sæmi-
lega góð köst. Að minnsta kosti tveir
bátar til viðbótar ætla á miðin í dag.
Síldin hefur verið á leið til suðvest-
urs undanfarna daga. Að sögn Sveins
Sveinbjömssonar, fiskifræðings hjá
Hafrannsóknastofnun, hefur síldin
færzt mun nær íslenzkri lögsögu með
göngu sinni inn í færeysku lögsög-
una, en ómögulegt er að fullyrða
hvort hún gengur inn í íslenzka lög-
sögu.
Sveinn segir að minnsta kosti
tvennt gera það ólíklegra að síldin
komi inn í íslenzku lögsöguna. Ann-
ars vegar sé vitað að Austur-íslands-
straumurinn sé sterkur og kaldur um
þessar mundir og því geti verið
kuldaskil austan við lögsöguna, sem
síldin hætti sér ekki í gegnum. Hins
vegar sé nú ískaldur sjór á hinum
gömlu slóðum síldarinnar fyrir Norð-
urlandi. „En það eru allir mjög
spenntir,“ segir Sveinn.
írar á leið í Síldarsmuguna
Skipstjómarmenn á hátt í tíu ís-
lenzkum síldveiðiskipum gera ráð fyr-
ir að verða komnir í Síldarsmuguna
í dag, en í síðustu viku veiddu íslenzk
skip talsvert af síld syðst á svæðinu.
Mikill áhugi er á meðal útgerðar-
manna á síldveiðunum og má búast
við að fleiri skip bætist í hópinn á
næstu dögum. Þá hefur Morgunblaðið
heimildir fyrir því að frétzt hafí af
írskum skipum, sem séu á leið á veiði-
slóðina í Síldarsmugunni.
Tvö færeysk skip fengu
síld um 40 sjómílur inni
í færeyskri lögsögu
Fullyrðing innlends bjórframleiðanda
um að ríkið niðurgreiði innfluttan bjór
Fjármálaráðu-
neytið telur
ekki um mis-
munun að ræða
INDRIÐI H. Þorláksson, skrifstofustjóri í fjármálaráðuneytinu, vísar
þeirri fullyrðingu Baldvins Valdimarssonar, framkvæmdastjóra Vik-
ing hf. á Akureyri, á bug að ríkið niðurgreiði innfluttan bjór. Bald-
vin sagði í Morgunblaðinu í gær að ríkið greiddi götu innflutts bjórs
á óeðlilegan hátt, m.a. með fyrirkomulagi á flutningi.
Indriði segir að áður en inn-
flutningsgjald á bjór hafi verið
afnumið 1. maí sl. hafi ráðuneyt-
ið rætt við innlenda bjórframleið-
endur á vettvangi Samtaka iðn-
aðarins. Bjórframleiðendur hafi
þar lagt fram gögn um skoðun
sína á þessum málum þar sem
m.a. hefði komið fram að þeir
teldu að í þeim viðskiptum sem
ÁTVR ætti við innflytjendur fæl-
ust ákveðin fríðindi sem þeir
nytu ekki. Eftir að hafa farið
yfir þær ábendingar hefði verð-
ákvörðunarreglum ÁTVR verið
breytt. Þá hefðu innlendir fram-
leiðendur strax komið þeirri
skoðun sinni á framfæri að þeim
þætti ekki nógu langt gengið.
ÁTVR nýtur
stærðar sinnar
Indriði segir ekki rétt sem
kemur fram í máli Baldvins að
ÁTVR kosti innflutning bjórs að
langmestu leyti. „Það er ekki hið
rétta í málinu heldur kaupir
ÁTVR þennan bjór af innflytj-
endum erlendis, sér um flutning-
inn og bætir flutningskostnaði
við grunnverð. Hins vegar má
benda á að flutningskjör sem
ÁTVR fær vegna stærðar sinnar
eru hagstæð og kemur það fram
í verði til neytenda," sagði Indr-
iði.
Indriði segir að þeir þættir,
sem eðlilegt var talið að kæmu
inn í verðmyndun, hefðu verið
metnir og hefðu það fyrst og
fremst verið lagerkostnaður og
fjárbinding vegna hans og vinna
við innflutninginn. „Þessum lið-
um er ásamt flutningskostnaði
bætt við þegar verð á erlenda
bjórnum er ákveðið og áður en
álagning kemur á hann með
sama hætti og innlenda bjórinn,
þ.a. við teljum að með þessum
breytingum hafi verið skapað
fullt jafnræði á milli innflutts
bjórs og erlends hvað varðar við-
skipti við ÁTVR. Við myndum
því ekki ráðleggja innlendum
framleiðendum að fara í kæru
út af þessu máli,“ sagði Indriði.
Enn hallar á
innfluttan bjór
Þorsteinn Halldórsson um-
boðsmaður Bitburger-bjórs seg-
ist furða sig á ummælum Bald-
vins vegna þess að enn halli tals-
vert á innfluttan bjór. Til dæmis
sé áðurnefnd gjaldtaka vegna
geymslu- og fjármagnskostnaðar
4 krónur á hvern lítra innflutts
bjórs en 67 aurar á hvern lítra
innlends bjórs.
Þá dregur hann í efa fullyrð-
ingar Baldvins um að innlendur
bjór sé sambærilegur að gæðum
og nefnir því til stuðnings að
geymsluþol þess bjórs sem hann
flytur inn, sem sé ógerilsneyddur
og án aukaefna, sé margfalt á
við innlenda bjórinn og þó sé
bætt í hann rotvarnarefnum. Þá
segist hann furða sig á því að
innlendir framleiðendur hafi get-
að lækkað sína vöru nú um leið
og innflutningsgjald hafi verið
fellt niður og bendi það til þess
að á henni hafi verið okrað áður.
Fagstjórnendur Borgarspítala ræða við heilbrigðisráðherra
Rekstur spítalans
á öryg-gismörkum
Tugir sjúklinga hafa þurft að dvelja
á göngum spítalans
FAGSTJÓRNENDUR Borgar-
spítalans hitta heilbrigðisráðherra
í dag til að gera honum grein
fyrir vaxandi vinnuálagi á spíta-
lanum og óviðunandi starfsumhverfi, en
að sögn Sigríðar Snæbjörnsdóttur, hjúkr-
unarforstjóra, er rekstur spítalans nú á
öryggismörkum.
Borgarspítalanum var gert að skera
niður rekstrarkostnað spítalans um 180
milljónir króna á þessu ári, en fyrir rúm-
um mánuði fékkst 50 milljóna króna fjár-
veiting þannig að niðurskurðurinn verður
130 milljónir króna.
Dæmi er um það á síðustu vikum að
tiltekinn sólarhring hafi rúmlega 30 sjúkl-
ingar þurft að dveljast á göngum Borgar-
spítalans og á sama tíma hafi vantað 54
vaktir hjúkrunarfræðinga. Þá hafi þurft
að fresta öllum stærri skurðaðgerðum
þennan dag vegna plássleysis á gjör-
gæsludeild. Daginn eftir hafi svo verið
framkvæmdar um 30 skurðaðgerðir á
skurðstofum spítalans, sem gróft áætlað
er 30-50% fleiri aðgerðir heldur en
mannahald gerir ráð fyrir.
Greinargerð send Iandlækni
Sigríður Snæbjörnsdóttir og Jóhannes
M. Gunnarsson, lækningaforstjóri Borg-
arspítalans, sendu landlækni síðastliðinn
föstudag greinargerð um vinnuálag og
starfsumhverfi á spítalanum. Þar kemur
m.a. fram að starfsfóJk Borgarspítalans
sé að sinna of mikilli starfsemi við of
erfiðar aðstæður með of lágar fjárveiting-
ar.
Vísað er til þess að á árinu 1994 hafi
um þriðjungur rúma skurðlækningadeilda
verið lokaður í 8 mánuði af sparnaðará-
stæðum, en það hafi engin áhrif haft á
fjölda skurðaðgerða.
Ótal tilraunir hafi verið gerðar til að
fækka rúmum í notkun, en afleiðingarnar
hafi fyrst og fremst verið þær að sjúkling-
um á göngum hafi fjölgað og aðstaða til
umönnunar og meðhöndlunar hafi versn-
að. Af þessu megi ráða að ekki sé unnt
að stýra innlögnum bráðveikra sjúklinga
til fækkunar meira en nú þegar sé gert.
Óvíst um mönnun
lækna á vaktir
Bent er á það í greinargerðinni til land-
læknis að ofangreint ástand sé það sem
ríkt hafi áður en áhrif yfirstandandi niður-
skurður um 130 milljónir króna koma
fram. í þeim tillögum sé meðal annars
gert ráð fyrir að fækka starfsmönnum
um 40 stöðuheimildir. Samkvæmt um-
sögnum forstöðulækna hafai aðhaldsað-
gerðir þau áhrif að ekki verði unnt að
standa við við kjarasamninga varðandi
orlof og óvíst verði um mönnun lækna á
vaktir, og þá sérstaklega á slysa- og
sjúkravakt.
Hættulegar húsnæðisaðstæður
í greinargerð fagforstjóranna til land-
læknis er tekið sem dæmi um vandamál
það sem stjórnendur spítalans standa
frammi fyrir hvað varðar það sem þeir
kalla hættulegar húsnæðisaðstæður sem
sjúklingum þeirra sé boðið upp á. Þannig
hafi þann 27. apríl síðastliðinn verið 8
sjúklingar með blóðsjúkdóma á Borgar-
spítalanum og vegna aðstæðna í A-álmu
spítalans hafi þeir legið inni á öldrun-
arlækningadeild B-4, en blóðsjúkdóma-
deild spítalans hefur verið lokuð síðan í
fyrra.
í greinargerðinni segir að mjög erfitt
hafi verið að sinna hjúkrun þessara sjúkl-
inga, þar sem deildin se rekin á tveim stöð-
um í húsinu, þ.e. á A-6 og B-4, og segja
megi að unmð sé á öryggismörkum. „Þetta
gengur ekki lengur og þetta býður hætt-
unni heim, segir orðrétt í greinargerðinni.