Morgunblaðið - 07.05.1995, Blaðsíða 48
48 SUNNUDAGUR 7. MAÍ 1995
MORGUNBLAÐIÐ
FRÉTTIR
Flemming Sörensen einn varaforseta Alþjóðasamtaka flugmannafélaga
Hámarksflug’vakttími
ver ði 12 stundir
Morgunblaðið/jt
EINN af varaforsetum Alþjóðasamtaka flugmannafélaga, Flemming Sörensen frá Danmörku, átti
stutta viðdvöl hérlendis á dögunum og ræddi þá m.a. við starfsbræður sína í sijórn og öryggis-
nefnd Félags íslenskra atvinnuflugmanna. Frá vinstri: Gunnar Guðmundsson, Steinar Steinarsson,
Flemming Sörensen og Kristján Egilsson.
FLUGMÁLAYFIRVÖLD í Evrópu,
JAA, hafa að undanförnu unnið að
setningu nýrra og samræmdra
reglna um flugrekstur og eiga þær
að taka gildi árið 1997. I þeim eru
meðal annars ákvæði um flugtíma
sem JAA vill rýmka en Alþjóðasam-
tök flugmannafélaga, IFALPA, hafa
mótmælt.
-Gildistöku kaflans um vinnutím-
ann var frestað en þar eru uppi
hugmyndir um að lengja flug- og
vakttíma sem við teljum að stofni
öryggi manna í hættu. Samtök flug-
manna vilja halda sig við 12 klukku-
stunda hámark en JAA fer fram á
14,5 klst. Við teljum okkur geta
sýnt fram á það með rökum að svo
langur tími sé varasamur, segir
Flemming Sörensen flugstjóri hjá
Maersk Air í Danmörku en hann er
einn af varaforsetum IFALPA og
hefur síðustu árin einkum haft af-
skipti af vinnutímamálum í starfi
sínu fyrir samtökin.
Sérstök nefnd á vegum NASA,
Geimferðastofnunar Bandaríkjanna
hefur rannsakað þessi mál og tekið
saman skýrslu um grunnreglur og
leiðbeiningar um vakt- og hvíldar-
tíma í atvinnuflugi. í nefndinni sátu
m.a. sérfræðingar frá Bandaríkjun-
um og Þýskalandi og byggja Al-
þjóðasamtök flugmannafélaga á
þessari skýrslu þegar þau leggjast
gegn lengingu á flugtíma. í skýrsl-
unni segir að miklar framfarir hafi
orðið í allri tækni og afkastagetu í
fiugi en hin líkamlega geta mannsins
hafi lítið breyst. Rannsóknir undan-
farna fjóra áratugi hafi fært mönn-
um margs konar þekkingu um svefn,
tímamismun, árvekni og aðra mann-
lega þætti og hvemig hæfni manna
í starfi tengist þessum þáttum. Þær
hafi staðfest að hjá flugmönnum
dragi úr hæfni og árvekni vegna
svefnleysis, tímamismunar og
vinnuálags sem vaktaskipulag þeirra
og flugáætlanir leiði af sér. Ljóst
sé að geta mannsins sé þungamiðjan
í því hvernig öryggi og afköstum sé
háttað í flugi.
-Flugrekstur hefur breyst mikið á
síðustu áratugum og krefst þess að
flugmenn sinni störfum sínum allan
sólarhringinn, stundi næturflug, fari
milli tímabelta og meiri afkastageta
flugvéla hefur einnig leitt til krafna
um lengri flugtíma og allt þetta er
eðlilegt, segir Flemming Sörensen.
-En eins og skýrslan segir er vitað
að áhrif þessara þátta em margvís-
leg á mannlega getu og við viljum
gæta þess að flugfélög geri ekki slík-
ar kröfur um vinnutíma að þær
gangi út yfír öryggi. Við megum
aldrei samþykkja að öryggið víki
fyrir hagkvæmnissjónarmiðum og
teljum að við höfum vísindaleg rök
fyrir því að mótmæla áætlun JAA
um að ná 14,5 klukkustunda flug-
vakt og telur nefnd NASA 12 tíma
algjört hámark. Upplýsingar og
gögn úr fluginu sýna að eftir 12 tíma
vakt fer hæfni og árvekni manna
minnkandi og hver vill taka slíka
áhættu? Við emm mjög upptekin af
umhverfismálum og veltum jafnvel
fyrir okkur hvernig nautgripir sem
við erum að leggja okkur til munns
hafa verið fóðraðir en er ekki líka
rétt að spyija um hvíldartíma flug-
manna?
Stuðningur frá
Alþjóðasamtökum flugfarþega
Frá íslandi hélt hann til Bandaríkj-
anna til viðræðna við félög bandarí-
skra og kanadískra flugmanna en
ætlunin er að stofna vinnunefnd til
að koma sjónarmiðum IFALPA betur
á framfæri við flugmálayfirvöld í
Evrópu. Kristján Egilsson formaður
FÍA segir félagið styðja álit IFALPA
en í dag er hámarksflugtími félaga
FÍA 9 klst. og vakttími alls 15 klst.
en þessir tímar em ekki að öllu leyti
sambærilegir við JAA og IFALPA
vegna lítils háttar mismunar á skil-
greiningu á upphafi og endi flugvakt-
ar. Kristján segir að þrátt fyrir fyrir-
mæli í 52. grein laga um loftferðir
þess efnis að ráðherra skuli setja í
reglugerð ákvæði um lágmarkshvíld-
artíma flugmanna til að tryggja
fyllsta öryggi hafi enginn samgöngu-
ráðherra sett slíka reglugerð og að
þær reglur séu einungis í kjarasamn-
ingum FÍA við flugrekendur. Auk
félaga flugmanna segir Flemming
Sörensen að Alþjóðasamtök flugfar-
þega hafi lýst stuðningi við álit IF-
ALPA.
Flemming Sörensen er að lokum
spurður hvemig horfi með atvinnu-
flug á næstunni - em flugmenn ekki
bara að skapa fleiri störf með óskum
um takmarkaðan flugtíma? -Reglur
um flugtíma koma ekkert atvinnu-
möguleikum við. Þar emm við fyrst
og fremst að ijalla um öryggismál
og ég legg áherslu á að þegar ör-
yggi er annars vegar em málamiðl-
anir ekki til umræðu. En varðandi
atvinnuhorfur er það að segja að
mörg flugfélög þurfa næstu árin að
ráða fyölda nýrra flugmanna. Þetta á
kannski einkum við félög í Norður-
Evrópu, Lufthansa, KLM, BA og SAS
en einnig bandarísk og félög í Austur-
löndum og Asíu. Það er því þörf á
mörg hundmð og sjálfsagt þúsundum
nýrra flugmanna á næstu ámm.
Framkvæmdastj ór i
Samtaka iðnaðarins
Skekkir
samkeppn-
isstöðuna
SVEINN Hannesson, framkvæmda-
stjóri Samtaka iðnaðarins, segist
ekki trúa öðm en breyting verði gerð
á áfengislögunum á komandi vor-
þingi í þá vera að einkasala Áfengis-
og tóbaksverslunar ríkisins verði af-
numin og ÁTVR hætti í kjölfarið
innflutningi og umsýslu með bjór.
Núverandi fyrirkomulag skekki sam-
keppnisstöðuna innlendum framleið-
endum í óhag.
„Það er eflaust hvergi til í heimin-
um svona fyrirkomulag eins og við
búum við, þar sem starfsmenn ríkis-
ins era að vasast í því að panta,
semja um hagstæða flutninga og
flytja inn bjór, dreifa honum og sjá
um alla þætti, þeir jafnvel sækja
hann í verslanir og hella niður þegar
hann er útranninn," sagði Sveinn.
Astæðulaus umsýsla ríkísins
Hann sagði innlenda framleiðend-
ur ekki ósátta við að innflutnings-
gjald á erlendan bjór var afnumið
1. maí að kröfu eftirlitsstofnunar
EFTA, en vissulega hefði það verið
fellt niður mun fyrr en áætlað hafði
verið, það hefði átt að falla niður
1. desember árið 1996.
„Við hefðum viljað að samtímis
því að gjaldið var afnumið hefði
ÁTVR hætt að flytja sjálft inn, okk-
ur finnst ástæðulaust að starfsmenn
þessarar ríkisstofnunar sjái um alla
umsýslu varðandi þennan innflutning
eða þætti mönnum ekki óeðlilegt ef
ríkið kostaði innflutning á gosdrykkj-
um eða gúmmístígvélum eða öðmm
vömm í samkeppni við innlenda
framleiðslu. Svona fyrirkomulag
tíðkast hvergi annars staðar í heimin-
um.
Að okkar mati ætti ÁTVR að
kaupa allan bjór út úr tollvöm-
geymslu, þá sætu menn við sama
borð og ekki yfir neinu að kvarta.
Við höfum lært það í iðnaðinum, að
ef við stöndum okkur ekki í eðlilegri
samkeppni þá hjálpar okkur engin,“
sagði Sveinn.
Heildsöluálagningin sem sett var
á þegar innflutningsgjaldið var af-
numið, 12 krónur á kippu af erlend-
um bjór og 2 krónur á innlenda fram-
leiðslu, er að mati Sveins viðurkenn-
ing á þeim sjónarmiðum iðnaðarins
að töluverður kostnaður fylgdi um-
sýslu með bjórinn.
Framkvæmdastjóri Viking á Akureyri
50 ár liðin frá lokum seinni heimsstyijaldarinnar
Misskilningur að rot-
varnarefni séu notuð í bjór
Minningarguðsþj ónusta
o g minningarathafnir
BALDVIN Valdimarsson fram-
kvæmdastjóri Viking hf. á Akureyri
segir það mikinn misskilning að inn-
lendir bjórframleiðendur noti rot-
varnarefni í sína framleiðslu eins og
fram hafí komi í máli Þorsteins
Halldórssonar innflytjenda Bitburg-
er-bjórs, en þar dró Þorsteinn mjög
í efa að innlendur bjór væri sambæri-
legur að gæðum og sá innflutti,
geymsluþol hans væri minna og í
hann bætt rotvarnarefnum.
Baldvin sagði að hver og einn
framleiðandi gæti í raun ákveðið
lokadagsetningu á sinni framleiðslu
og Viking hefði t.d. allt niður í einn
mánuð á kútabjór. „Ef menn vildu
gætum við tífaldað þennan tíma, en
það er alls staðar í heiminum í gildi
sama lögmálið, bjórinn er bestur
ferskastur, hann byrjar að telja nið-
ur strax og hann kemur út úr verk-
smiðjunni. Við viljum tryggja að
okkar framleiðsla sé ávallt ný og
því settum við okkur það markmið
að selja kútabjórinn aldrei eldri en
eins mánaðar gamlan,“ sagði Bald-
vin.
Sambærilegur að gæðum
Hvað þau ummæli Þorsteins varð-
ar að innlendir framleiðendur bættu
rotvamarefnum í bjórinn sagði Bald:
vin vera misskilning á ferðinni. í
þann bjór sem settur væri í dósir og
flöskur væri bætt efninu E-300, sem
í raun væri C-vítamín. Það væri gert
til að hindra að súrefni gengið í sam-
band við bragðefni og bjórinn oxað-
ist. „Það má vera að misskilningurinn
sé til kominn vegna þessa,“ sagði
Baldvin.
Framkvæmdastjóri Viking sagði
að íslenski bjórinn væri fyllilega sam-
bærilegur að gæðum og sá erlendi.
Munurinn væri hins vegar sá að ís-
lenski bjórinn væri ferskari og í því
lægi munurinn. Einnig væri hér á
landi greiður aðgangur að tæm og
góðu vatni, en við slíkan lúxus
byggju ekki allir bjórframleiðendur,
en hér á landi þyrftu menn ekki að
nota endurunnið vatn.
MINNINGARGUÐSÞJÓNUSTA og
minningarathafnir í tilefni af því að
50 ár em liðin frá lokum síðari heims-
styijaldarinnar verða haldnar í
Reykjavík á sunnudag og mánudag.
Minningarguðsþjónusta í Dóm-
kirkjunni hefst með ávarpi Davíðs
Oddssonar forsætisráðherra á sunnu-
daginn kl. 11. Hr. Ólafur Skúlason,
biskup íslands, sér um predikun og
með honum þjóna dómkirkjuprest-
arnir sr. Hjalti Guðmundsson og sr.
Jakob Ágúst Hjálmarsson. Kammer-
kór Dómkirkjunnar syngur undir
stjóm Marteins H. Friðrikssonar
organista.
í fréttatilkynningu frá Biskups-
stofu segir að fómarlamba hildar-
leiksins mikla verði minnst. Þegar
milljónir manna hafi látið lífið í
hatrömmustu átökum er orðið hafi í
Evrópu. Enn séu ógróin sár frá þess-
um tíma. Beðið verði fyrir friði um
heimsbyggðina og að skilningur og
kærleikur ráði í samskiptum manna
í stað aflsmunar og vopna.
Biskup hefur beint þeim tihnælum
til presta að tímamótanna verði
minnst í guðsþjónustum í kirkjum
landsins.
Minningarathafnir
Nordmanna
Norska sendiráðið í Reykjavík
gengst fyrir athöfnum til að minnast
Friðardagsins 8. maí. Minningarat-
höfn verður í Fossvogskirkju á mánu-
daginn kl. 17. Sr. Ingunn Hagen flyt-
ur ritningarorð og bænir. Sálmar
verða sungnir samkvæmt tillögum
norsku þjóðkirkjunnar og Kirkjur-
áðsins. Nils Ó. Dietz, sendiherra,
flytur minningarorð.
Stuttar minningarathafnir verða í
.Fossvogskirkjugarði kl. 17.45 -
18.45 sama dag. Blómakransar
verða lagðir við minnismerkið um
fallna norska hermenn í Fossvogs-
kirkjugarði og síðan við minnisvarð-
ann um Herdeild 330 í Nauthólsvík.
Á Islandi er samstarf um hátíðar-
höldin milli sendiráðs Noregs, Nord-
mannslagets, Félags Norðmanna á
Islandi, norska hernaðarráðunaut-
arins hjá varnarliðinu á Keflavíkur-
flugvelli Torbjörns Braset yfirfor-
ingja og sr. Ingunnar Hagens.
FuIItrúi norskra hemaðaiyfír-
valda, Per-Oscar Jacobsen flugliðs-
foringi frá flughernum í Suður-Nor-
egi, verður viðstaddur hátíðarhöldin
hér. Viðstaddir verða einnig fulltrúar
íslenskra yfirvalda, kirkju landsins
og frá varnarliðinu á Keflavíkurflug-
velli. Þeim Norðmönnum og íslend-
ingum, sem sigldu á norskum her-
skipum og flutningaskipum, er sér-
staklega boðið við þetta tækifæri.
Aðrir sem áhuga hafa, em velkomn-
ir til athafna þessara. Þær fara að
mestu leyti fram á norsku.