Morgunblaðið - 09.06.1995, Síða 10

10 FÖSTUDAGUR 9. JÚNÍ 1995
MORGUNBLAÐIÐ
4-
nr
FRÉTTIR
MS brautskráir 163 stúdenta
Morgunblaðið/Jón Svavarsson
UPPHLUTURINN stendur fyrir sínu.
Vel rættist úr þrátt
fyrir verkfall
MENNTASKÓLANUM við Sund var
slitið við hátíðlega athöfn í Háskóla-
bíói, laugardaginn 3. júní, og lauk
þar með 26. starfsári skólans. Að
þessu sinni voru brautskráðir 163
stúdentar.
Hæstu einkunnir á stúdentsprófí
hlutu Vigfús Bjarni Albertsson, stúd-
ent frá náttúrufræðideild, 9,3, Bjarki
Stefánsson, einnig af náttúrufræði-
deild, 9,1, og Ólöf Eiríksdóttir, stúd-
ent úr máladeild, 9,0.
í máli rektors skólans, Sigurðar
Ragnarssonar, kom fram að vel hefði
gengið að vinna bug á vandamálum
er komu til vegna verkfalls kennara
í vetur og þakkaði hann það sam-
stilltu átaki nemenda, kennara og
annarra starfsmanna skólans. Þá
sagði hann frá vel heppnaðri upp-
færslu á söngleik sem nemendur skól-
ans höfðu veg og vanda af, en þeir
sömdu bæði tónlist og texta hans.
Rektor ávarpaði nýstúdentana og
sagðist vona að þeir hefðu eflt með
sér gagnrýna hugsun, umburðarlyndi
og víðsýni og fengið í veganesti hald-
góða þekkingu og færni sem gæti
orðið þeim til góðs í námi sem starfí.
Dúxinn frá MS
Listaverk og
sveitasæla
DÚXINN frá Menntaskólanum við
Sund er að þessu sinni Vigfús
Bjarni Albertsson. Hann er farinn
í tíu daga ferð til Lundúna þar sem
hann ætlar, ásamt tveimur vinum
sínum, að skoða listaverk og önnur
djásn í söfnum stórborgarinnar.
Vigfús Bjami hefur tekið stefn-
una á læknisfræði að hausti. „Það
er stór brekka og brött,“ segir
hann en hann ætlar að nota sumar-
ið til að undirbúa sig.
Sveitin hefur líka segulmagnað
aðdráttarafl en afi Vigfúsar
Bjarna er bóndi á Laxamýri í Suð-
ur-Þingeyjarsýslu. Laxamýri er
hlunnindajörð en þar er einnig
stórt fjár- og kúabú. Þangað ætlar
dúxinn að fara í sumar eins og
undanfarin sumur.
Morgunblaðið/Júlíus
Vigfús Bjarni Albertsson,
dúx frá MS.
&
Guðjón Guðmundsson um breytingar
á lögum um stjórn fiskveiða
Styður frumvarp-
ið ekki óbreytt
GUÐJÓN Guðmundsson, þingmaður
Sjálfstæðisflokksins, segist vera
andvígur einstökum ákvæðum frum-
varps um breytingar á lögum um
stjórn fískveiða og hefur fýrirvara
um stuðning sinn við frumvarpið
sem hann segist ekki geta samþykkt
nema gerðar verði á því breytingar.
Bindur hann vonir við að þær náist
fram við umfjöllun sjávarútvegs-
nefndar Alþingis.
Við fyrstu umræðu um frumvarp-
ið á Alþingi í síðustu viku kom fram
í máli Guðjóns að hann væri ósáttur
við úthlutun 5.000 tonna viðbótar-
kvóta sem frumvarpið gerðir ráð
fýrir'að skipt verði milli allra afla-
marksskipa annarra en fullvinnslu-
skipa. Sagðist hann telja eðlilegra
að viðbótarkvótinn kæmi eingöngu
til báta upp að ákveðinni stærð og
að sá viðbótarkvóti sem kæmi til
úthlutunar á yfirstandanandi fisk-
veiðiári væri óframseljanlegur og
kæmi eingöngu til þeirra báta sem
ætluðu að veiða þennan afla í sumar.
Vill koma á
róðrardagakerfi strax
í annan stað telur Guðjón ekkert
því til fyrirstöðu að tekið verði upp
róðrardagakerfi strax og er ósam-
mála sjávarútvegsráðherra um að
nauðsynlegt sé að bíða eftir að tek-
ið verði upp fiskveiðieftirlit með
sjálfvirkum eftirlitsbúnaði um
gervitungl.
Guðjón kveðst einnig vera and-
vígur því að krókabátar verði settir
á aflamark og er með miklar efa-
semdir um það ákvæði frumvarps-
ins sem gerir ráð fyrir að krókabát-
ar geti valið á milli aflahámarks
eða viðbótarbanndaga.
Samband íslenskra sveitarfélaga
Samstarf við sveit-
arfélög í Lettlandi
SAMBAND íslenskra sveitarfélaga
og Samband sveitarfélaga i Lett-
landi hafa tekið upp formlegt sam-
starf sín á milli, en Vilhjálmur Þ.
Vilhjálmsson formaður Sambands
íslenskra sveitarfélaga og Þórður
Skúlason framkvæmdastjóri þess
heimsóttu Lettland 22. og 23. maí
sl.
Á fundum þeirra með forystu-
mönnum'Sambands sveitarfélaga í
Lettlandi var undirrituð viljayfirlýs-
ing milli sambandanna þar sem
fram kemur að þau hyggist leita
tækifæra tii að efla samstarf milli
landanna á sviði sveitarstjórnar-
mála með samskiptum sveitar-
stjórnarmanna og formlegum
tengslum milli einstakra sveitarfé-
iaga í Lettlandi og á íslandi, auk
viðskiptatengsla þar sem við á.
Sameiginlegar umsóknir
Hita- og fjarvarmaveitur í Lett-
landi, fiskveiðihafnir í Lettlandi og
tilraunaverkefni í stjórnsýslu sveit-
arfélaga eru þau verkefni sem
munu hafa forgang í þessu sam-
starfi og verður unnið í sumar að
frekari undirbúningi á þessuin
sviðum ásamt gerð vinnuáætlunar.
í haust er síðan stefnt að því að j«
haida ráðstefnu fyrir sveitarstjórn-
armenn í Lettlandi um sveitar- fe'
stjórnarmál og reynslu af tilrauna- p
verkefnum um stjórnsýslu sveitar-
félaga á íslandi.
Samböndin tvö munu undirbúa
sameiginlega umsóknir til alþjóð-
legra stofnana, sjóða og banka um
fjármögnun samstarfsverkefn-
anna.
Skiptar skoðanir um brú á Eyvindará
Akvörðun um brú-
arstæði frestað
Egilsstöðum. Morgunblaðið
Á FUNDI bæjarstjórnar Egils-
staðabæjar í vikunni var frestáð
að taka ákvörðun um brúarstæði
á Eyvindará. Bæjarstjórn hafði
áður haft orð um það á borgara-
fundi að endanleg ákvörðun yrði
tekin um val á brúarstæði á þess-
um bæjarstjórnarfundi.
Þegar kom að fundinum kom í
ijós að undirbúningsvinnu bæj-
aryfirvalda og annarra opinberra
aðila væri ekki lokið samkvæmt
lögum og reglugerðum um fram-
kvæmdir og umhverfismat. Þuríð-
ur Backman, forseti bæjarstjórn-
ar, lagði því fram tillögu þess efn-
is að ieitað yrði til skipulagsstjóra
um að mat umhverfisáhrifa færi
fram skv. lögum. „Þar verði fullt
tillit tekið til þeirra valkosta sem
til umfjöllunar hafa verið, þ.e. til
núverandi fyrirhugaðs brúarstæð-
is og brúarstæðis við Melshorn."
Tillagan var samþykkt með fjór-
um atkvæðum gegn þremur.
Á borgarafundinum í síðustu
viku komu fram skiptar skoðanir
varðandi þetta mál og höfðu hags-
munaðilar í atvinnurekstri
áhyggjur af og Iögðu fram til-
mæli til bæjarstjórnar að velja
brúarstæði við hlið gömlu brúar-
innar. Ennfremur kom fram að
þetta mál er nokkuð gamalt í
umræðu því það var á borðum
sveitarstjórnar þáverandi Egils-
staðahrepps fyrir 12 árum en var
ekki leitt til lykta þá. Samkvæmt
áætlun Vegagerðar ríkisins á að
byggja umrædda brú árið 1998.
Klofningur í
bæjarstjórninni
Meirihluta bæjarstjórnar
mynda tveir fulltrúar Sjálfstæðis-
flokksins og tveir alþýðubanda-
lagsmenn gegn tveimur frá Fram-
sóknarflokki og einum af H-lista
óháðra. Alþýðubandalagsmenn
eru með skýra afstöðu til þess að
flytja brúarstæðið á Melshorn,
sjálfstæðismenn og Framsókn
vilja gamla svæðið en H-listi er
óákveðinn að svo stöddu. „Meiri-
hlutinn er klofinn í þessu máli,“
sagði Einar Rafn Haraldsson, for-
maður bæjafráðs og oddviti sjálf-
stæðismanna, „en vegna vanþekk-
ingar okkar á nýjum reglum um
umhverfismat höfðum við ekki
lokið þeirri vinnu sem til þurfti til
að ákvörðun yrði tekin. Vegagerð
ríkisins hafði gert mat á arðsemi
og umhverfisáhrifum, sem síðar
reyndust einungis gilda sem frum-
mat, því verðum við að klára
málið og hvort það kemur til með
að enda með falli meirihlutans er
ekki hægt að segja um,“.
Breyting á aðalskipulagi
Þuríður Backman, forseti bæjar-
stjórnar og oddviti Alþýðubanda-
lagsins, sagði afstöðu þeirra þannig
að með flutningi brúarstæðis við
Melshorn væri hægt að breyta aðal-
skipulagi fyrir bæjarfélagið og huga
að nýju iðnaðarsvæði í hagkvæm-
ara byggingarlandi, en nú stendur
til boða. Ennfremur finnast okkur
rök mæla með flutningi í Ijósi greið-
ari umferðar og ekki sama um-
ferðarþunga þjóðbrautar í gegnum
bæinn,“ sagði Þuríður.
Þjóðhátíðarsj óður
Úthlutað í
átjánda sinn
LOKIÐ ER úthlutun styrkja úr Þjóð-
hátíðarsjóði fyrir árið 1995 í átjánda
sinn. Til úthlutunar í ár komu 6 millj-
ónir króna.
Samkvæmt skipulagsskrá sjóðsins
skal fjórðungur úthlutunarfjárins, 1,5
milljón króna, renna til Friðlýsingar-
sjóðs til náttúruverndar á vegum
Náttúruvemdarráðs. Annar fjórðung-
ur skal jafnframt renna til varðveislu
fornminja, gamalla bygginga og ann-
arra menningarverðmæta á vegum
Þjóðminjasafns. 21 verkefni hlaut
aftur á móti styrki samkvæmt um-
sókn að upphæð samtals 3 milljónum
króna. Alls bárust 76 umsóknir um
styrki að ljárhæð um 38 milljónir
króna.
Styrk Náttúruverndarráðs í ár
verður varið til gerðar fræðsluefnis
fyrir gestastofu við Mývatn og rann-
sókna á jarðhitasvæðinu við Geysi í
Haukadal. Einnig er stefnt að því að
auka vernd votlenda hér á landi með
framlagi sjóðsins.
Þjóðminjavörður hefur tilkynnt að
styrk Þjóðminjasafns verði varið að
hluta til útgáfu á rannsóknarverkefni
dr. Guðrúnar Sveinbjarnardóttur um
forn leirkerabrot sem fundist hafa á
íslandi. Að öðru leyti verður styrkur-
inn nýttur til annari'a verkefna sem
samræmist tilgangi sjóðsins.
I
6,
I
i
r
I
i
9