Morgunblaðið - 21.06.1995, Blaðsíða 12

12 MIÐVIKUDAGUR 21. JÚNÍ 1995
SOUDAL
HÚSASMIÐJAN
AKUREYRI
Súkkulaðiverksmiðjan Linda flytur suður síðar á árinu
Tíu Iðjufélagar
missa atvinnu
„ÞAÐ ER vissulega sorglegt þegar
fyrirtæki sem starfað hefur í bæn-
um í áratugi flytur starfsemi sína
í burtu,“ sagði Þorsteinn Arnórsson
formaður Iðju, félags verksmiðju-
fólks, en um tíu manns í félaginu
missa atvinnu sína í kjölfar þess
að súkkulaðiverksmiðjan Linda flyt-
ur starfsemi sína til Hafnarfjarðar
síðar á árinu.
Þorsteinn sagði að um væri að
ræða fólk á öllum aldri, eða frá því
um tvítugt og til 65 ára. í hópnum
væru átta konur og tveir karlmenn.
„Við búumst við að fólkið komi
ekki allt í einu inn á atvinnuleysis-
skrá, það verður smám saman dreg-
ið úr starfseminni fram til áramóta,
eftir því sem við best vitum,“ sagði
Þorsteinn.
Um 50 manns í Iðju er nú á at-
vinnuleysisskrá og sagði formaður-
inn að menn hefðu séð það mun
svartara á þeim bæ, en á tímabili
var atvinnuleysi meðal félagsmanna
þrefalt meira en nú er. „Atvinnu-
ástandið er að mér virðist með betra
móti núna, ég hef það frekar á til-
finningunni að það sé heldur að
glaðna yfír.“
Lítil umræða
Þorsteinn sagði að lítil umræða
um flutning súkkulaðiverksmiðj-
unnar úr bænum gæti verið í tengsl-
um við mikla uppbyggingu sem
fyrirhuguð er á vegum Sölumið-
stöðvar hraðfrystihúsanna á Akur-
eyri. „En menn verða að gá að þvi
að það verða ekki svo mörg atvinnu-
tækifæri fyrir iðnverkafólk í tengsl-
um við þá uppbyggingu. Það gætu
verið á milli 10 og 15 störf við
umbúðaframleiðsluna og það er
Morgunblaðið/Rúnar Þór
Átta konur og tveir karlar hjá
Lindu missa atvinnuna.
enginn kominn til með að segja að
konur fái þau störf, en þær eru í
meirihluta þeirra sem missa vinn-
una við flutning Lindu,“ sagði Þor-
steinn.
LÍF og fjör í sumarbúðunum á Hólavatni sem eiga 30 ára afmæli í dag, miðvikudag.
Aðstaðan bætt og unnið
að landgræðslustörfum
SUMARBÚÐIR KFUM og K við
Hólavatn eru 30 ára í dag, miðviku-
dag. Sumarbúðirnar voru reistar á
árunum 1959 til 1965 og vígðar við
hátíðlega athöfn 21. júní 1965 af
séra Bjarna Jónssyni þáverandi
vígslubiskupi.
Mörg ungmenni hafa dvalið í sum-
arbúðunum frá því til þeirra var
stofnað, eða á bilinu 3.500 til 3.800
börn. Nokkru fleiri drengir en stúlk-
ur dvöldu að Hólavatni framan af,
en hin síðari ári hefur stúlkum fjölg-
að jafnt og þétt.
Hitann og þungann af starfi sum-
arbúðanna hafa þau Björgvin Jörg-
enson, kennari og formaður KFUM
á Akureyri til margra ára, og Þórey
Sumarbúðirnar við
Hólavatn 80 ára
Sigurðardóttir formaður KFUM bor-
ið. Björgvin tók fullan þátt í upp-
byggingu og öðrum undirbúningi á
fyrstu árunum og leiddi sumarstarf-
ið í áratugi eða til ársins 1988. Frá
þeim tíma hefur forystuhlutverkið
hvílt að miklu leyti á herðum Sigfús-
ar Ingvasonar guðfræðings og nú
prests í Keflavík auk þess sem fleiri
hafa lagt hönd á plóginn. Þá hafa
margir dvalargestir að Hólavatni
notið góðra veitinga Þóreyjar Sig-
urðardóttur sem hafði umsjón með
mötuneyti í mörg ár auk þess að
taka að sér forystuhlutverkið um
tíma.
Hin síðari ár hefur orðið vart
aukins áhuga fyrir dvöl í sumarbúð-
unum og kemur þar eflaust til vax-
andi þörf fyrir börn og unglinga úr
þéttbýli að komast úr daglegu borg-
arlífi en með breyttum atvinnuhátt-
um og samdrætti í landbúnaði fer
þeim borgarbörnum fækkandi sem
eiga þess kost að dvelja i sveit.
í sumar verða sjö flokkar drengja
og stúlkna í sumarbúðunum að Hóla-
vatni í júní og júlí en sumarstarfinu
lýkur með dvöl unglingahóps sem
er nýjung í starfseminni.
Landið ræktað
Reynt. hefur verið að vekja áhuga
dvalargesta á ræktun landsins og
hann m.a. birst í vinnu við land-
græðslu og skógrækt á landssvæð-
inu við Hólavatn. Alls hafa þar ver-
ið gróðursettar um 16 þúsund tijá-
plöntur og verður því verki haldið
áfram, en markmiðið er að auka
skjólbelti á svæðinu.
Einnig er unnið að ýmsum endur-
bótum á þeirri aðstöðu sem fyrir
hendi er, m.a. á húsnæði og með
borun eftir góðu neysluvatni auk
þess sem niðurgrafnar vatnsleiðslur
hafa verið lagðar að húsunum, en
það gefur aukna möguleika á heils-
ársnotkun þeirra.
Stærsta hundasýning
til þessa á Akureyri
HUNDARÆKTARFÉLAG íslands
og Svæðafélag H.R.F.Í. á Norður-
landi efna til árlegrar hundasýningar
í íþróttahöllinni á Akureyri sunnudag-
inn 25. júní. Um er að ræða alþjóð-
lega sýningu þar sem hundamir
keppa um stig til alþjóðlegs meistara.
Sýndir verða 160 hundar af þijátíu
tegundum. Þetta verður stærsta
hundasýning sem haldin hefur verið
til þessa á Akureyri og verður sýnt
í tveimur sýningarhringjum samtímis.
Dómarar verða Moa Person og And-
ers Cederström frá Svíþjóð. Sýningin
hefst kl. 11 og er áætlað að úrslit
liggi fyrir um kl. 16:30.
MORGUNBLAÐIÐ
Þrjár
milljónir
vantar
TÆPAR þijár milljónir króna
vantar upp á að áætlaðar
tekjur Skíðastaða næðust inn
á liðnum vetri.
Óvenju óhagstætt veður
auk kennaraverkfalls settu
stórt strik í reikninginn og
gerðu að verkum að áætluð
innkoma náðist ekki. Góð
aðsókn að Andrésar andar-
leikunum og sæmilegir pásk-
ar auk góðrar kortasölu í
upphafi árs náðu innkomunni
þó þokkalega upp, en um
þrjár milljónir króna vantar
upp á að áætlanir stæðust.
Tilboð í upp-
gerðan troðara
Málinu hefur verið vísað
til endurskoðunar fjárhagsá-
ætlunar síðar á árinu.
Á fundi íþrótta- og tóm-
stundaráðs nýlega var einnig
rætt um bágt ástand snjó-
troðaranna í Hlíðarfjalli, en
þeir eru komnir vel til ára
sinna. Forstöðumaður Skíða-
staða hefur óskað eftir að
annar þeirra verði endurnýj-
aður og lagði hann fram á
fundi ráðsins tilboð í uppgerð-
an troðara að upphæð 8,3
milljónir króna, en nýr troð-
ari af sömu gerð kostar urn
17,5 milljónir.
„Gjugg í bæ“
skoðað betur
BÆJARRÁÐ Akureyrar
hefur óskað eftir því að at-
vinnumálanefnd taki til frek-
ari skoðunar styrkveitingu til
Flugleiða vegna kynningará-
taksins „Gjugg í bæ“.
Atvinnumálanefnd sam-
þykkti á fundi nýlega að
styrkja Flugleiðir með hálfrar
milljónar króna framlagi í eitt
ár, en óskað hafði verið eftir
þátttöku Akureyrarbæjar í
þessu kynningarátaki sem
standa á í þijú ár. Farið var
fram á 500 þúsund króna
greiðslu árlega frá bæjarfé-
laginu á þeim tíma eða sam-
tals 1,5 milljónir króna.
Styrkur til akur-
eyrskrafyrirtækja
Þórarinn B. Jónsson full-
trúi í nefndinni bókaði á fundi
hennar að hann liti svo á að
þátttaka í verkefninu væri
styrkur til akureyrskra fyrir-
tækja í markaðsátaki með
Flugleiðum. í framhaldi af
því ætti Akureyrarbær að
ganga til samninga við Flug-
leiðir um afsláttarkjör fyrir
starfsmenn og stjórnendur
bæjarins á flugleiðum sínum.
Nýjar götur í
Lundarhverfi
SAMÞYKKT hefur verið
að taka tilboði G. Hjálmars-
sonar í gatnagerð vegna
nýrra gatna í Lundarhverfi.
Sjö tilboð bárust í gatna-
gerðina, en kostnaðaráætlun
hljóðaði upp á rúmar 15 millj-
ónir króna. Öll tilboðin voru
undir áætluðum kostnaði, en
tilboð G. Hjálmarssonar var
lægst, 11,7 milljónir. Örlítið
lægra frávikstilboð frá sama
fyrirtæki þótti ekki aðgengi-
legt að mati framkvæmda-
nefndar Akureyrarbæjar.