Morgunblaðið - 07.07.1995, Blaðsíða 8

8 FÖSTUDAGUR 7. JÚLÍ 1995
MORGUNBLAÐIÐ
FRETTIR
Biskup lendir í
óeirðum í Betlehem
Gta^íuaJO'
ÞEIR virðast líka þekkja hann blessaðan í útlandinu, Gunna mín. Hann er eins og- gatasigti . .
Framkvæmdir stöðvaðar
við leikskóla í Laugarnesi
FRAMKVÆMDIR við byggingu
leikskóla á lóð við Laugamesskóla
hafa verið stöðvaðar í bili á meðan
kannað'er með hvaða hætti verður
hægt að koma til móts við íbúa hverf-
isins.
Þá hefur verið ákveðið að halda
fund með íbúum Bústaðahverfis
vegna leikskóla sem fyrirhugað er
að reisa við Hæðargarð.
Umferðin helsta vandamálið
Árni Þór Sigurðsson, formaður
Dagvistar barna, sagði að fjölmargar
ábendingar hefðu komið fram á fundi
með íbúum Laugameshverfis, sem
haldinn var fyrr í vikunni. I fram-
haldi var ákveðið að stöðva fram-
kvæmdir um sinn á meðan kannað
væri með hvaða hætti væri hægt að
leysa aukna umferð í nágrenni skól-
ans. Tilnefndir hafa verið fjórir full-
trúar íbúa í vinnuhóp með tveimur
embættismönnum borgarinnar auk
Áma og sagðist hann eiga von á að
á næstu dögum kæmi í ljós hversu
langan tíma þyrfti til að finnan við-
unandi lausn.
Búið er að grafa gmnninn og sagði
Ámi að kannað yrði hvort til greina
kæmi að flytja skólann til á lóðinni,
þannig að hann yrði á mótum Hof-
Fundur verður
haldinn með íbúum
vegna leikskóla við
Hæðargarð
teigs og Reykjavegar. „En síðan
komu fram ýmsar aðrar ábendingar,
sem mundu draga úr umferð við
Gullteig," sagði hann. „Þá yrði um-
ferðin að Ieikskólanum ekki eins
mikið mál. Bent var á að talsvert
væri um gegnumakstur um Gullteig
frá Blómavali og Grand Hótel í stað
þess að aka um Reykjaveg og kemur
til greina að skoða hvað hægt sé að
gera til að draga úr þeirri umferð.“
Mótmæli vegna Hæðargarðs
Við Hæðargarð er fyrirhugað að
reisa leikskóla og hafa borgaryfir-
völdum borist nokkur mótmæli frá
íbúum, sem lýsa áhyggjum yfir um-
ferðarþunga, og einnig er bent á að
þegar séu tveir leikskólar í nágrenn-
inu. „Þetta svæði var mjög umdeilt
á sínum tíma,“ sagði Árni. „En það
er annað þegar um er að ræða lítinn
leikskóla eða stórbyggingu sem íbúar
mótmæltu á sínum tíma. Þama er
náttúrulega mikil umferð en reynslan
er sú að hún reynist minni en gert
var ráð fyrir í upphafi."
Sagði hann að þrátt fyrir leikskól-
ana tvo sem fyrir eru í hverfinu
væri biðlistinn mjög langur eftir
skólavist eins og í Laugarneshverfi.
„Það er mjög snúið í þessum grónu
hverfum að fínna lóðir og auðvitað
kostar allt svona aukna umferð,"
sagði hann.
Víðtækari kynning
Gert er ráð fyrir að fundur með
íbúum Bústaðahverfis verði haldinn
í næstu viku. „Mér finnst nauðsyn-
legt að fara í gang með kynningu
áður en ráðist er í framkvæmdir
þannig að við lendum ekki í sambæri-
legu máli og við Gullteig," sagði
Ámi. „Þar var þetta mjög bagalegt,
þar sem grenndarkynning hafði farið
fram án þess að þar kæmu fram
mótmæli, aðeins ein eða tvær at-
hugasemdir. Það er svo annað mál,
sem mér fínnst að borgaryfirvöld
þurfa að skoða, og það er hvort þess-
ar grenndarkynningar eins og þær
hafa verið lagðar upp hingað til séu
of takmarkaðar. Þær eigi kannski
að vera víðtækari heldur en venjan
hefur verið.“
Reglugerð Evrópusambandsins um vinnu barna og unglinga
Ráðherra skipar nefnd
PÁLL Pétursson félagsmálaráðherra
hefur skipað sérstaka nefnd til að
fjalla um aðlögun fslands að tilskip-
unum Evrópusambahdsins um vinnu
barna og unglinga, sem lagt er til
að verði tekin upp í samninginn um
Evrópskt efnahagssvæði.
Samkvæmt upplýsingum Morg-
unbiaðsins hafa önnur EES-ríki,
bæði ESB-ríkin og Noregur, gefíð
til kynna að þau séu að verða lang-
eyg eftir ákvörðun íslands um tiiskip-
un þessa og aðra, sem snýr að vinnu-
vernd og vinnutíma.
Að sögn Berglindar Ásgeirsdóttur,
ráðuneytisstjóra í félagsmálaráðu-
neytinu, var öðrum EES-ríkjum
greint frá því á fundi í lok síðasta
mánaðar að fjallað yrði um tilskipan-
imar í tveimur nefndum. Annars
vegar yrði fjailað um vinnuverndar-
tilskipunina í samráðsnefnd hags-
munaaðila og ráðuneyta, sem fjallað
hefur um nýja EES-löggjöf á sviði
félagsmála. Hins vegar yrði sett á
stofn ný nefnd til að fjalla um bama-
verndartilskipunina.
Bænda- og kennarasamtök
með fulltrúa
Að sögn Berglindar mun sú nefnd
verða skipuð fulltrúum Alþýðusam-
bandsins, Vinnuveitendasambands-
ins, menntamálaráðuneytisins, fé-
lagsmálaráðuneytisins Kennarasam-
bandsins og Bændasamtakanna.
„Með þessu er verið að setja í
gang vinnu við að athuga hvemig
við getum aðlagað okkur að þessum
tilskipunum, hvaða áhrif þær hafi
og hvaða breytingar þurfi hugsan-
lega að gera,“ segir Berglind. Hún
segir ekki bráðliggja á ákvörðun, þar
sem reglugerðirnar eigi ekki að taka
gildi í ESB fyrr en á næsta ári.
„Skilaboð okkar til Evrópusam-
bandsins hafa verið á þann veg að
þessi vinna hjá okkur, til þess að við
getum aðlagazt, sé komin í gang,“
segir hún.
Alþjóðleg útgáfa Eiðfaxa
Vaxtarbroddurinn
í kynningu á ís-
lenzkri hestamennsku
Rafn Jónsson
RIT um íslenzka
hestinn, sem gefið
er út á ensku og
þýzku og dreift er til tólf
landa innan Evrópu auk
Bandaríkjanna og
Kanada, nefnist Eiðfaxi
International. Annað tölu-
blað ársins 1995 kom út
nú á dögunum.
Ritstjóri Eiðfaxa - hins
íslenzka sem erlenda -
er Rafn Jónsson. Hann
var fenginn til að skýra
frá hinum auknu alþjóð-
Iegu umsvifum í útgáfu-
málum íslenzkra hesta-
manna.
- Hvenær hófst út-
gáfa Eiðfaxa Internati-
onal og hvert er umfang
útgáfunnar?
„Þetta hófst með því
að við sendum 400 erlend-
um áskrifendum Eiðfaxa á ís-
lenzku með þýðingarútdrætti, þar
sem meginatriði textans í íslenzka
blaðinu voru þýdd á þýzku, ensku
og sænsku.
Fyrir rúmu ári var svo tekin
ákvörðun um að ráðast í að gefa
út sérstakt blað fyrir útlendinga.
Á það ráð var brugðið að þýða
úrval greina úr.íslenzka blaðinu,
sem höfðað gætu til erlendra
áhugamanna um íslenzka hestinn,
auk þess sem nokkrar greinar
voru samdar sérstaklega fyrir er-
lendu útgáfuna.
Viðbrögðin við fyrstu tilrauna-
útgáfunni voru góð - við þreföld-
uðum strax áskrifendafjöldann, í
1100. Síðan hefur þetta gengið
jafnt og þétt upp á við; blaðið
kemur núna út íjórum sinnum á
ári á ensku og þýzku og áskrifend-
ur eru orðnir um 1500 talsins.
Ef áætlanir okkar ganga upp
verða áskrifendur orðnir um 3000
fyrir árslok 1996.“
- Er ekki markaðssetning á
slíku blaði erfið?
„Markaðssetningin er sannar-
lega mikið og dýrt verkefni. í fyrra
voru að vísu hæg heimatökin, því
á Landsmót hestamanna sem þá
fór fram komu margir útlendingar
og við gátum kynnt blaðið í róleg-
heitum hérna heima. Markaðs-
setningarstarf erlendis er öllu erf-
iðara. En við erum í samvinnu
bæði við mörg hestamannafélög í
Evrópu og tímarit sem fjalla um
íslenzka hestinn í öðrum löndum.
I gegn um þessa samvinnu hefur
okkur tekizt að ná beint til okkar
markhóps.
Nýjasta tölublaðið er prentað í
sjöþúsund eintökum, sem við
dreifum til eigenda íslenzkra hesta
í Evrópu og Bandaríkjunum í
kynningarskyiii. Núna í sumar
leggjum við megináherzluna á
Noreg og Svíþjóð, auk dreifingar
á heimsleikunum í Sviss, 1.-6.
ágúst nk.
V axtarbroddurinn
kynningarstarfsemi ís-
lenzkrar hestamennsku
liggur í þessari erlendu
útgáfu. Tugir þúsunda
manna eiga og rækta íslenzka
hesta erlendis. Bara í Þýzkalandi
eru nú um 40.000 íslenzk hross.
Margir gera sér ekki grein fyrir
þessu umfangi og hvaða þýðingu
þetta hefur t.d. fyrir ferða-
mennsku hér á landi. Það eru
sennilega ekki færri en 10.000
ferðamenn sem koma hingað til
lands á ári, sem koma gagngert
vegna áhugans á íslenzka hestin-
um.“
- Hver hafa viðbrögðin verið
erlendis? Uppfyllir Eiðfaxi Inter-
national aiiar þær kröfur sem t.d.
þýzkir hestaeigendurgera til blaðs
sem þessa?
►Rafn Jónsson er fæddur í
Reykjavík þann 28. marz 1952.
Hann tók stúdentspróf frá
Menntaskólanum við Tjörnina
1973. Blaðamennskuferill hans
hófst það sumar á Morgunblað-
inu, næstu áfangastaðir voru
Vísir og Ríkisútvarpið. Hann
var um tíma ritsljóri Neytenda-
blaðsins og tímaritsins Flugs.
Hann fékkst þess á milli við
ýmis önnur störf, svo sem
kennslu o.fl. og rak í rúman
áratug eigið kynningarfyrir-
tæki. Rafn hlaut atvinnuflug-
réttindi 1981 og starfaði sem
flugmaður hjá Arnarflugi
1981-83 og hjá Flugleiðum síð-
an 1984. Haustið 1992 bætti
hann við sig háskólaprófi í
sagnfræði og hagnýtri fjölmiðl-
un við HI. Rafn hafði verið í
ritstjórn Eiðfaxa í nokkur ár
þegar hann tók við starfi rit-
stjóra um síðustu áramót.
Rafn er kvæntur Sigríði
Rafnsdóttur og eiga þau fimm
börn.
„Við uppfyllum þær kröfur og
meira til. Ég held ég geti fullyrt
að þetta sé vandaðasta útgáfan á
þessu sviði á markaðnum, hin
mjög svo jákvæðu viðbrögð við-
takenda hafa sannfært mig um
það. Erlend hestatímarit ijalla líka
töluvert um Eiðfaxa International
og taka efni úr því til birtingar
hjá sér. Eiðfaxi nýtur tvímæla-
laust trausts allra áhugamanna
um íslenzka hestinn, hvar í heimi
sem er.“
- / hverju felst þessi sérstaða
Eiðfaxa?
„Island er upprunastöð íslenzka
hestsins. Hér er þekkingin mest
og bezt á þessu einstaka hesta-
kyni. Við erum auk þess að reyna
að efla samvinnuna við erlendu
hestamannafélögin og
-blöðin, svo að Eiðfaxi
International geti orðið
e.k. alþjóðlegur frétt-
amiðill.
I þessu sambandi
ber lika að nefna, að við erum
komin inn á Internetið
[www.centrum.is/diddi]. Við
erum að vísu nýbyijuð á því, en
nú þegar höfum við fengið nokkr-
ar áskriftir í gegn um það. Inter-
netið er kjörinn vettvangur til að
eiga á bein og vandkvæðalaus
samskipti við íslandshestaáhuga-
menn erlendis.
Ég vænti þess að Internetið
eigi eftir að reynast okkur mjög
gagnlegur vettvangur í þessum
alþjóðlegu útgáfumálum og til að
rækta tengslin við vini íslenzka
hestsins vítt og breitt um heim-
inn.“
Viðtökurnar
hafa verið
mjög góðar