Morgunblaðið - 07.07.1995, Blaðsíða 12
12 FÖSTUDAGUR 7. JÚLÍ 1995
MORGUNBLAÐIÐ
AKUREYRI
Fimmtíu ára afmæli Ólafsfjarðar
Sýningar o g gaml-
ir barnaleikir
AFMÆLISHÁTÍÐ Ólafsfirðinga
verður hin fjölbreytilegasta og meðal
dagskrárliða eru margar sýningar
auk þess sem áhersla er lögð á að
kynna börnum og unglingum menn-
ingu liðinnar tíðar.
Ljósmyndasýningar verða í barna-
skólanum. Annars vegar er sýning á
sögulegaim ljósmyndum, en Friðrik
Olgeirsson hefur tekið samari skýr-
ingartexta með þeim. Hins vegar er
sýning áhugaljósmyndara og kennir
þar margra grasa. Má þar nefna
myndir af fólki og stemmningar úr
umhverfinu.
í Gagnfræðaskólanum er sýning
safnara. Að sögn Rósu Óskarsdóttur
eru þar margvísleg söfn íjölmargs
fólks, flöskur, pennar, bíóprógrömm,
leikskrár og margt fleira forvitnilegt
sem fólk hefur tínt saman á löngum
tíma.
Töluverð áhersla er lögð á það í
afmælisvikunni að kynna, kenna og
endurvekja gamla leiki. Jónína Ósk-
arsdótir sagði að rifjaðir yrðu upp
með bömum og unglingum ýmiss
konar boltaleikir, felu- og eltingar-
leikir vítt og breitt um bæinn á
þriðjudag og miðvíkudag: Fallin
spýta, slagbolti, yfir, þríbolti, fjór-
bolti, ein ég sit og sauma og margt,
margt fleira.
Stangveiði er ókeypis í Ólafsfjarð-
arvatni í allt sumar, en veiðimenn
þurfa þó að skrá sig á hótelinu. Þá
eru tjaldstæði í Ólafsfirði ókeypis
eins og endranær.
Horfðu glaður um öxl
í TILEFNI 50 ára afmælis Ólafs-
fjarðarbæjar hefur Guðmundur Ól-
afsson, leikari og rithöfundur, sett
saman eins konar söguannál sem
kallast Horfðu glaður um öxl.
Guðmundur sagðist hafa sett
þessa dagskrá saman að beiðni bæj-
aryfirvalda og frá því á sjómannadag
hefðu æfingar staðið yfír í Tjarnar-
borg. Þarna kæmu fram 19 leikarar
og 3 hljóðfæraleikarar, enda væri í
annálnum töluverð tónlist. Annálinn
sagði Quðmundur spanna sögu Ól-
afsfjarðar, raunar allt frá því Ólafur
bekkur kom þangað, og varðandi það
væri í leiknum sett fram sérkennileg
söguskýring. Síðan væri stiklað á
stóru um atburði í bæjarlífinu og
endað á opnun Múlaganga.
Guðmundur sagði að Horfðu glað-
ur um öxl yrði örugglega góð upprifj-
un fyrir fullorðna, einhver fróðleikur
fyrir unga en þó fyrst og fremst
gaman, því reynt væri að bregða
myndum upp í glettnislegu ljósi.
Afmælissýningin Horfðu glaður
um öxl verður frumsýnd í Tjarnar-
borg í Ólafsfirði laugardaginn 7. júlí
að viðstöddum forseta íslands, Vig-
dísi Finnbogadóttur.
Morgunblaðið/Rúnar Þór
Kuldaboli í heimsókn
KULDALEGT var á Akureyri
í gærmorgun, grátt Hlíðar-
fjallið niður undir byggð,
þoka á fjöllum og sá úrkomu-
vottur sem var þótti um of
minna á janúar en júlí. Skát-
ar, sem voru að undirbúa
fyrsta mót nýstofnaðs Skáta-
sambands Norðurlands að
Hálsi í Öxnadal í fyrrakvöld,
lentu í hríðarveðri við að
koma fyrir salernum á svæð-
inu og mótinu var frestað um
tæpan sólarhring vegna kul-
dans.
Akureyringar máttu eins
og margir aðrir íbúar á vest-
an- og norðanverðu landinu
grípa til vetrarklæða. Lopa-
sokkar, úlpur, treflar og jafn-
vel skíðagallar voru algengur
búnaður þeirra sem fóru um
sumarstrætin nyrðra í gær.
Flestir vona þó að þessum
klæðum verði sem bráðast
komið inn í skápa á ný.
atórgítarMnn
i Björn Thoroddsen |
á&áatt «o
Jóni Rafnssyni, bassa, c
í léttri sveiflu fyrir .E
matar- og bargesti. c
■ ■ * ■■' ' m
Hin frábæra
danshljómsveit
SAGA-KLASS\
áuuftt
söngvurunum
Berglindi Björk og
Reyni Guðmundssyni.
' ‘XóteC K£A
sími 462 2200.
m
Skólamálin eru enn í
hnút hjá Mývetnimmm
SKÓLAMÁL Mývetninga eru enn
óleyst og tillaga sveitarstjórnar um
lausn á skólaskipan til fjögurra ára
hefur ekki hlotið brautargengi.
Sigurður Rúnar Ragnarsson sveit-
arstjóri í Mývatnssveit sagði sveitar-
stjórn hafa lagt mikla vinnu í að ná
sátt um skólaskipanina, hvar skuli
kennt og hvernig. Starfshópur hefði
unnið að þessum málum og skilað
af sér skýrslu í maímánuði. „Sveitar-
stjórnin gerði svo tillögu, og af-
greiddi hana samhljóða, um tilraun
til fjögurra ára, en gegn því skilyrði
að allir samþykktu þá tilraun eins
og hún var útfærð. Við bárum þetta
undir samtök foreldra barna við
Reykjahlíðarskóla, samtök foreldra
barna við Skútustaðaskóla, foreldra-
_____L—___________________________..
ÓLAFSFJÖRÐUR
M
ittl
öfa/xf/a/Hht/'fHV/1
SO coHt
ÓtAFSFJÓRÐUR
M
tttl
U
„Horfðu glaður um öxl
Söguannáll Olafsfjarðar í léttum dúr
eftir Guðmund Olafsson í uppsetningu
Leikfélags Ólafsfjarðar.
Sýningar í Tjarnarborg, Ólafsfirði,
laugardaginn 8. júlí Kl. 20.30,
fimmtudaginn 13. júlí kl. 20.30
og laugardaginn 15. júlí kl. 20.30.
Miðapantanír (Tjarnarborg kl. 17- 21
í síma 466 2188.
Oía/'j/Ja/HÍa/'/Hen SO á/*a XCJ(JS
félög skólanna, kennara og skóla-
nefnd, þ.e.a.s. alla aðila sem við töld-
um að helst kæmu að þessu máli.
Það samþykktu þessa tillögu sveitar-
stjórnar allir aðilar nema einn hópur-
inn, samtök foreldra barna við
Skútustaðaskóla. Þar með er þetta
út af borðinu."
Málið í höndum sveitarstjórnar
Sigurður Rúnar sagði sveitar-
stjórn nú ekki eiga annan kost en
að taka sjálfstæða ákvörðun um það
hvernig skólamálum skuli hagað.
„Það hefur verið reynt að vinna þetta
eins lýðræðislega og mögulegt er
með því að gefa öllum viðkomandi
kost á að koma að málinu. Sveitar-
stjórn eygði þarna von, bar hana
undir fólkið en það náði ekki fram
að ganga. Ég sé ekki annað en nú
sé komið að því að nota hinar viðte-
knu aðferðir við ákvarðanir, að mál-
ið verði afgreitt af kjörnum fulltrú-
um í sveitarfélaginu, sveitarstjórn-
inni.“
Sigurður Rúnar sagðist reikna
með að þetta mál yrði tekið fyrir á
næsta sveitarstjórnarfundi, 13. júlí,
enda væri brýnt að taka ákvörðun
í skólamálunum svo unnt yrði að
undirbúa skólastarf næsta árs.
Eyþór Pétursson í Baldursheimi,
talsmaður foreldra barna í Skútu-
staðaskóla, sagði að tillaga sveitar-
stjórnar hefði verið tekin fyrir og
henni hafnað og lögð fram greinar-
gerð með þeirri afgreiðslu. Hann
sagði að ekki hefði verið talið unnt
að samþykkja tillöguna eins og hún
var sett fram þar sem engu hefði
mátt breyta heldur einungis sam-
þykkja tillöguna eða synja henni.
Um það sagði Sigurður Rúnar sveit-
arstjóri réfrt að menn hafi á vissan
hátt verið settir upp við vegg með
því að þurfa að segja af eða á um
tillöguna, en sér litist ekki á að auð-
velt hefði verið að taka afstöðu til
þessarar einu tillögu ef hver og einn
hefði getað sett fram breytingatil-
lögur.
Hefði þurft að
taka meira tillit
Eyþór sagði að tillaga sveitar-
stjórnar væri unnin upp úr ákveðn-
um kafla úr skýrslu starfshópsins,
„en við teljum að hún sé ekki í nógu
góðu samræmi við það sem þar var
lagt til. Það kemur allt frarri nánar
í þeirri bókun sem við lögðum fram
til skólanefndar. Ég er ekki að segja
að það hafi verið staðið ólýðræðis-
lega að þessu máli heldur hefði þurft
að taka meira tillit til þess sem segir
í þeim kafla skýrslu starfshópsins
sem tillagan er unnin upp úr.“
Á þessu stigi eru því skólamálin
í Mývatnssveit komin á borð sveit-
arstjórnar og í hennar valdi er að
kveða á um skólaskipan í sveitinni.
Einbýlishúsið Saltnes í Hrísey er til sölu
Húsið er um 100 fm
og þarfnast
viðgerðar.
Upplýsingar í síma
466-1768 á milli
kl. 20 og 22.
OpÐaflllQBI 01
Qti
SSQ BJaS» •BDD0Qfii
Raunveruleg íslensk
hamingja
Birgir Andrésson sýnir
næstu vikuna í Glugganum í
Göngugötunni á Akureyri verk
sem kallast Raunveruleg ís-
lensk hamingja. Birgir hefur
sýnt víða, heima og erlendis,
og er nú fulltrúi íslands á Fe-
neyj atvíæringnum.
Kvöldstund með Gosewitz
í kvöld, klukkan 21.00, verð-
ur í Deiglunni á Akureyri kvöld-
stund með þýska myndlistar-
manninum Ludwig Gosewitz.
Gosewitz hafði mikil áhrif á
listalíf í Evrópu á 6. og 7. ára-
tugnum en er nú prófessor við
Listaakademíuna í Munchen. í
Deiglunni les hann ljóð, sýnir
skyggnur og talar um verk sín.
Skúlptúr
Birgir Andrésson opnar á
morgun, laugardag, innsetn-
ingu sem hann nefnir Skúlptúr
í Deiglunni á Akureyri. Við-
fangsefni listamannsins er
hvernig og hvar menn skynja
og lesa myndir og hluti. Sýn-
ingin stendur til 20. júlí og er
opin kl. 11.00-18.00 virka daga
og 14.00-18.00 um helgar.