Morgunblaðið - 07.07.1995, Blaðsíða 18

18 FÖSTUDAGUR 7. JÚLÍ 1995
MORGUNBLAÐIÐ
LISTIR
Frönsk kvikmyndahátíð
Gaumont í hundrað ár
GAUMONT kvikmynda-
fyrirtækið stendur að
kvikmyndahátíð í sam-
vinnu við franska
sendiráðið, Alliance Francaise og
Háskólabíó dagana 7. til 17. júlí.
Franski kvikmyndajöfurinn,
Léon Gaumont, stofnaði sam-
nefnt kvikmyndafyrirtæki sitt
fyrir réttum hundrað árum síðan,
árið 1895. Fyrirtækið var það
fyrsta sinnar tegundar í heimin-
um enda jafnaldri kvikmyndar-
innar.
Brautryðjandi
Þegar í upphafi hóf fyrirtækið
framleiðslu og rannsóknir á ýms-
um tæknibúnaði og var fyrst til
að geta samræmt mynd og hljóð
í kvikmynd árið 1908. Það fram-
leiddi einnig fyrstu teiknimynd-
ina, Fantasmagoire, árið 1908.
Ör tækniþróun innan fyrirtækis-
ins leiddi til þess að það færði
út kvíamar og fljótlega hafði það
numið land vestan hafs.
Tækninýjungamar frá Gaum-
ont áttu ekki upp á pallborðið
hjá Bandaríkjamönnum fyrst í
stað. Árið 1912 ákvað fyrirtækið
því að reisa sitt eigið kvikmynda-
ver þar, sem gæti framleitt tal-
myndir. Það var svo ekki fyrr en
eftir heimsstyijöldina fyrri sem
bandarísku kvikmyndaverin náðu
yfirhöndinni og áhrif Gaumonts
fóm að minnka. Fyrirtækið gerði
hins vegar fljótlega samstarfs-
samninga við önnur kvikmynda-
fyrirtæki víða um Evrópu og í
Bandaríkjunum til að greiða fyrir
dreifingu á myndum sínum.
Heimafyrir kom það sér vel fyrir
á markaðnum og reisti t.d.
stærsta kvikmyndasal þess tíma,
Gaumont-höllina, sem tekur
3400 manns í sæti.
Blómleg starfsemi
Eftir 1946 framleiddi Gaum-
ont vinsælar alþýðukvikmyndir
og myndir eftir frumlega höf-
unda eins og Jean Cocteau og
Robert Bresson. Áttundi áratug-
urinn var afar blómlegur hjá fyr-
irtækinu og náðu margar kvik-
myndir þess miklum vinsældum.
Má þar nefna La glorie de mon
pere (Heiður föður míns) og Le
chateau de ma mere (Kastali
móður minnar). Á þessu tímabili
hóf Gaumont og framleiðslu á
íburðarmiklum óperukvikmynd-
um, eins og Don Giovanni og
Carmen.
Nú leggur Gaumont ungum
kvikmyndagerðarmönnum lið
með stuðningi við framleiðslu
kvikmynda þeirra og má í þeim
hópi nefna Luc Besson, sem m.a.
hefur gert myndirnar The Big
Blue og Nikita, og Jean Jacques
Beinex sem var leikstjóri mynd-
arinnar Betty Blue.
í Frakklandi voru framleiddar
115 kvikmyndir á síðastliðnu ári.
Þar eru u.þ.b. 4.200 kvikmynda-
salir sem taka alls um eina millj-
ón gesta í sæti en á síðasta ári
sóttu um 127 milljónir manna
frönsk kvikmyndahús.
Sex myndir
Á kvikmyndahátíðinni sem
fram fer í Háskólabíói verða
sýndar sex kvikmyndir frá
Gaumont. Eftir fyrmefndan leik-
stjóra, Luc Besson, verða sýndar
tvær myndir, Subway og The
Big Blue. Betty Blue verður einn-
ig sýnd í leikstjóm Beinex. Aðrar
myndir em L’Átalante eftir Jean
Vigo, Don Giovanne í leikstjóm
Joseph Losey og La Folie De_s
Grandeurs eftir Gérard Oury. Á
hátíðinni verða einnig sýnd sýnis-
hom úr 70 kvikmyndum sem
Gaumont hefur framleitt, þetta
eru gamlar og nýjar myndir og
þar á meðal nokkrar mjög sjald-
gæfar.
Aðgangseyrir á allar sýning-
amar er tíu krónur eða einn
franki.
Víólutónleikar í
Keflavíkurkirkju
MARGRÉT Theódóra Hjaltested
víóluleikari heldur tónleika í Kefla-
víkurkirkju, sunnudaginn 9. júlí
kl. 16. Flytjendur auk Margrétar
era píanóleikarinn Eduard Laurel
og Ingveldur Ýr Jónsdóttir messó-
sópransöngkona.
Á tónleikunum verður blönduð
dagskrá fyrir víólu, með verkum
eftir J. S. Bach, Benjamin Britten,
Paul Hindemith og Johannes
Brahms, en verk þess síðastnefnda
er samið fyrir víólu og messósópran.
Starfar í New York
Margrét Theódóra stundaði
nám við Tónlistarskólann í Reykja-
vík, lauk þaðan burtfarar- og fíðlu-
kennaraprófí 1989 og hélt sama
ár í framhaldsnám til Bandaríkj-
anna. Hún lauk BM-gráðu frá
Juilliard- skólanum árið 1992 og
Mastersgráðu vorið 1994 frá
Mannes Collage of Music í New
York. Margrét býr og starfar í
New York.
Víða komið fram
Píanóleikarinn Eduard Laurell
nam við University of Texas og
Manhattan School of Music í New
York. Hann hefur víða komið fram
á einleiks- og kammertónleikum.
Ingveldur Yr Jónsdóttir nam við
Söngskólann í Reykjavík, Tónlist-
arháskólann í Vínarborg og Man-
hattan School of Music. Hún hefur
tekið þátt í óperauppfærslum og
haldið tónleika hér á landi og víða
erlendis.
Aðrir sum-
artónleikar
Hallgríms-
kirkju
ÞÝSKI orgelleikarinn Lothar
Knappe frá Berlín leikur á öðrum
orgeltónleikum tónleikaraðarinnar
„Sumarkvöld við orgelið" í Hall-
grímskirkju, sunnudagskvöldið 9.
júlí kl. 20.30. Hann leikur þrjú verk:
Introduction og passacaglíu í d-
moll eftir Max Reger, Þrjár róman-
tískar tónamyndir eftir Fritz
Lubrich og Orgelsinfóníu nr. 7 í
a-moll eftir Charles-Marie Widor.
Lothar Knappe fæddist 1947 í
Hamborg í Þýskalandi. Hann er lekt-
or í orgelleik við Biskuplega kirkju-
tónlistarskólann í Berlín. Lothar
Knappe hefur komið fram á fjölda
tónleika víða um Evrópu, m.a. á öll-
um Norðurlöndum, en þetta er fyrsta
heimsókn hans til Islands.
Listamað-
urinn í okk-
ur öllum
SUMARHÁTÍÐIN í smábænum
Pettineo á Sikiley er óræk
sönnun þess að í okkur öllum
býr listamaður. Á hverju sumrí
slást listamenn og listunnendur
í hóp bæjarbúa og mála lista-
verk á striga sem er um einn
kílómetri á lengd. Síðar er
striganum skipt upp og lista-
mennirnir gefa fjölskyldum í
bænum verkin. Eru flest heim-
ili í bænum ríkulega skreytt
listaverkum, sem sum hver eru
eftir þekkta núlifandi lista-
menn. í ár spreyttu listamenn-
þmir sig á því að túlka „hinn
fullkomna bæ“. Hefur hug-
myndin, sem er aðeins fjögurra
ára, sannarlega slegið í gegn.
Tónleikar í Norræna húsinu
Margverðlaunaður
danskur stúlknakór
DANSKUR stúlknakór (Nordjysk
Pigekor) frá Hjerring í Danmörku
mun halda tónleika í Norræna
húsinu á morgun, laugardag, kl.
16 auk þess sem kórinn heldur
þrenna tónleika á Suðurnesjum á
sunnudag.
Kórinn sem er skipaður stúlkum
á aldrinum 12-19, ára var stofnað-
ur 1964. Hingað til lands komu
um 30 stúlkur ásamt kórstjórn-
andanum, Gunnari Petersen, sem
jafnframt er tónlistarstjóri danska
ríkisútvarpsins.
Unnið til margra
verðlauna
Kórinn hefur öðlast ýmsar við-
urkenningar og unnið til margra
verðlauna á alþjóðlegum kóramót-
um.
Þann 9. júlí mun kórinn syngja
við messu í Keflavíkurkirkju kl.
11 og Grindvíkingar geta hlýtt á
kórinn kl. 18 við messu í Grinda-
víkurkirkju. Kl. 21 um kvöldið
syngja þær síðan í Ytri Njarðvíkur-
kirkju.
Aðgangur ókeypis
Kinabæjanefnd Keflavíkur,
Njarðvíkur og Hafna hefur veg
og vanda af heimsókn kórsins til
landsins.
Allir eru velkomnir og aðgangur
er ókeypis.