Morgunblaðið - 07.07.1995, Blaðsíða 44

MORGUNBLAÐIÐ, KRINGLAN I, 103 REYKJA VÍK, SÍMl 669 1100, SÍMBRÉF 569 1181,
PÓSTHÓIjF 3040, NETFANG MBUaCENTRUM.lS / AKUREYRl: HAFNARSTRÆTI 86
FÖSTUDAGUR 7. JÚLÍ 1995
VERÐ í LAUSASÖLU 125 KR. MEÐ VSK
Borgarstjóri í umræðum um ársreikning 1994
Spánverjarnir tveir heilir á húfi í Hrafnsfirði
Hlutdeild í vsk.
ekki fráleit

ÁRSREIKNINGUR Reykjavíkur-
borgar fyrir árið 1994 kom til síð-
ari umræðu í borgarstjórn í gær-
kvöldi. í máli Ingibjargar Sólrúnar
Gísladóttur borgarstjóra kom fram
að minnkandi tekjur borgarinnar,
m.a. vegna ákvörðunar um að af-
leggja aðstöðugjaldið, hefði leitt til
þess að fjárhagsstaða borgarinnar
væri ekki jafn sterk og áður. Borg-
arstjóri sagði ekki fráleitt að sveit-
arfélög fengju hlutdeild í virðis-
aukaskatti í tengslum við verk-
“efnaflutninga frá ríki til sveitarfé-
laga.
Borgarstjóri sagði að skýringin
á eyðslu umfram fjárhagsáætlun
kynni að vera innbyggð í fjármál
Víkingaskipið
Kröfur
. í öryggis-
skyni
BENEDIKT E. Guðmundsson, sigl-
ingamálastjóri, segir að þegar rætt
var um að hefja smíði víkingaskips
hér á landi hafi verið sammælst um
samstarf Siglingamálastofnunar og
Gunnars Márels Eggertssonar skipa-
smíðameistara um útfærslu.
Það hafi verið gert til að tryggja
öryggi farþega og skipvetja. Ætlunin
hafi verið að nota skipið til farþega-
flutninga og þar gildi strangar reglur.
Stofnunin fór í vetur fram á styrk-
ingar á skipinu, sem ekki eiga að
hafa áhrif á útlit þess, að sögn Bene-
dikts. Hann segir þetta hafa verið
lágmarkskröfur og að þannig hefði
skipið fengið haffæriskírteini á af-
mörkuðum svæðum að sumarlagi.
Gunnar Marel skipasmiður segist
búinn að styrkja skipið sem kostur
er. Breytingarnar sem krafíst sé
hafi hins vegar neikvæð áhrif á sjó-
hæfni skipsins og geri það hættulegt.
■ Siglingamálastofnun krefst/4
stofnana. Þá kunni skýringin einnig
að vera að menn beri einfaldlega
ekki næga virðingu fyrir ijárhagsá-
ætluninni. Þess sæjust mörg dæmi
í skýrslu borgarendurskoðunar.
Þriðja skýringin gæti verið sú að
menn hefðu einfaldlega ekki nægi-
lega góð stjórntæki í höndunum til
að fylgjast með hvort þeir stefndu
fram úr áætlun eða ekki og sýndist
henni sú skýring vega þungt.
Borgarfulltrúar lýstu yfir mikilli
ánægju með skýrslu borgarendur-
skoðunar. Skýrslan væri óvenju ít-
arleg og vel unnin og gæti orðið
öflugt stjórntæki.
■ Hlutdeild í tapi/4
Morgunblaðið/Gunnlaugur
Skagamenn
ábeinu
brautina
íslandsmeistarar Skagamanna
unnu Fram í gærkvöldi 3:0 í
1. deild og á sama tíma tapaði
KR fyrir IBV í Eyjum 0:1. Þar
með hafa Skagamenn náð 9
stiga forystu í deildinni, þegar
aðeins hafa verið leiknar sjö
umferðir.
■ Leikir kvöldsins/Cl-3
Morgunblaðið/Golli
ÞRÍR björgunarsveitarmenn leggja af stað til leitar frá Bæjum á Snæfjallaströnd síðdegis í gær.
Fólkið virtist
hissa á leitinni
ísafirði. Morgunblaðið.
SPÁNVERJARNIR tveir, sem
Ieitað var viðDrangajökul í hart-
nær sólarhring, fundust um kl.
16 í gær, heilir á húfi.
Sex björgunarsveitarmenn frá
Bolungarvík fóru um þrjúleytið
í gær á bát í Jökulfirði að svip-
ast um eftir tveimur Frökkum,
sem eru á göngu á svipuðum slóð-
um og Spánverjanna var leitað.
Um kl. fjögur fundu þeir fólkið,
mann og konu á þrítugsaldri, í
sæluhúsi í Hrafnsfirði.
Að sögn Reynars Vilmundar-
sonar, skipstjóra á Hjördísi, sem
flutti björgunarmennina, skildi
fólkið þá ekki í fyrstu en konan
kom út í bátinn og komst í sima-
samband við spænskumælandi
mann í Bolungarvík.
Fólkið sagðist hafa gengið
norður Drangajökul og niður í
Furufjörð og þaðan í Hrafns-
fjörð.
Voru mjög vel búin
Reynar sagði Spánveijunum
hafa liðið vel, þeir hefðu verið
vel búnir og haft nóg af öllu.
Fólkið hefði blotnað á göngunni
en haft föt til skiptanna og veður-
ofsinn og snjókoman ekki skotið
því skelk í bringu.
Reynar sagði að fólkið hefði
virst hissa að um 100 menn hefðu
leitað þess í sólarhring með ærn-
um tilkostnaði. Það hefði talið
sig halda eigin ferðaáætlun, en
því láðist þó að láta aðra vita af
henni með skýrum hætti.
■ Hundrað manns leituðu/4
Góð nýting í millilandaflugi á vepm Flugleiða í sumar
Nær fullbókað er í allt
flug tíl Bandaríkjanna
NÆR fullbókað er í flug Flugleiða til Bandaríkj-
anna í júlí og ágúst. Lægstu fargjöld eru upp-
seld í flest flug en eitthváð er til af hærri far-
gjöldum. Ennþá er hægt að fá flug til Evrópu
*á lægstu fargjöldum á flestar brottfarir.
Að sögn Einars Sigurðssonar, upplýsingafull-
trúa Flugleiða, er mjög mikið bókað til Banda-
ríkjanna frá íslandi í júlí og ágúst. „Heita má
að lægstu fargjöld á þessum leiðum séu öll upp-
seld fyrir utan einstaka ferð. Ennþá er opið í
margar ferðir á hærri fargjöldum," segir Einar.
Hann sagði að ástandið væri svipað á alla
áfangastaði félagsins í Bandaríkjunum. „Ef eitt-
hvað er þá er kannski' léttast til New York en
heita má að uppselt sé á áfangastaði í Flórída.
Annars munar afskaplega litlu,“ sagði hann.
Einar sagði ástandið í Evrópufluginu allt ann-
að. Sætaframboð þangað hefði verið aukið og
nóg til af sætum í ýmsum gjaldflokkum á alla
áfangastaði næstu tvo mánuði þótt eitthvað
væri það örlítið misjafnt eftir dögum.
Ræðst betur við vanda
vegna yfirbókana
Aðspurður um það hvort ástandið frá því síð-
asta sumar myndi endurtaka sig þegar farþegar
komust stundum ekki utan vegna yfirbókana
sagði Einar að þetta væri ekki stórvandamál en
á þessum tímá árs væru allar vélar eitthvað
yfirbókaðar. Það væri vegna þess að alltaf væri
eitthvað um að farþegar mættu ekki til flugs.
Hann sagði að félagið hefði náð betri tökum
á þessum vanda en í fyrra og mætti að hluta
þakka nýrri tölvuvinnslu og einnig samstarfi
flugfélaga um að mæta þessu og stýra því bet-
ur. Hann sagði að mjög algengt væri í Banda-
ríkjunum að fólk léki þann leik að bóka sig hjá
mörgum flugfélögum og láta sig svo vanta hjá
öllum nema einu.
Félögin mættu þessu öll með sama hætti, þ.e.
að yfirbóka eftir reiknilíkönum sem áætluðu
brottfall.
Smokkar
sprungu
í iðrum
smyglara
LÖGREGLA í Danmörku
handtók fyrir um tveimur vik-
um 37 ára gamlan íslending
nær dauða en lífi eftir að
smokkar með amfetamíni
höfðu sprungið í iðrum hans.
Efnið ætlaði maðurinn til
innflutnings hér á landi. Eftir
sjúkrahúslegu og gæsluvarð-
hald var hann framseldur til
íslands á þriðjudag og var lát-
inn laus úr haldi fíkniefnalög-
reglunnar í fyrradag.
Maðurinn var að koma frá
Amsterdam en ætlaði að fljúga
til íslands í gegnum Kaup-
mannahöfn. Þegar hann var
staddur í danska bænum Pad-
borg, rétt við þýsku landa-
mærin, 16. júní, veiktist hann
heiftarlega og lá hálf ósjálf-
bjarga á almannafæri þegar
vegfarandi kom og aumkaði
sig yfir manninn og bauð hon-
um heim.
Heiman frá sér hringdi
vegfarandinn á lögreglu til að
koma manninum undir læknis-
hendur. Lögreglumenn sem
komu á staðinn tóku hins veg-
ar eftir smokkum með amfet-
amíni í ælu mannsins og fluttu
liann á sjúkrahús.
Alls reyndist maðurinn hafa
verið með um 300 grömm af
amfetamíni í fjölmörgum
smokkum í iðrum sér.
Eftir um fjögurra daga
sjúkrahúsvist var hann
hnepptur í gæsluvarðhald í
Danmörku en þaðan var hann
framseldur til Islands og flutt-
ur til landsins í lögreglufylgd.
Hann var svo látinn laus úr
haldi hérlendis í fyrradag og
telst málið upplýst.