Morgunblaðið - 03.08.1995, Side 15

MORGUNBLAÐIÐ
FIMMTUDAGUR 3. ÁGÚST 1995 15
kostnaðar vegna þessarar tilteknu
viðgerðar, þar sem hún fór alfarið
fram áður en nýju fjöleignarhúsa-
lögin tóku gildi. Aftur á móti þótti
henni sýnt að viðvarandi ágreining-
ur væri um það, hvort raðhúsið
teldist eitt hús í skilningi núgild-
andi laga.
Orðrétt segir í lögum um fjöl-
eignarhús: Með húsi í lögum þess-
um er átt við byggingu sem varan-
lega er skeytt við land og stendur
sjálfstæð og aðgreind frá öðrum
húsum eða skilur sig þannig frá
þeim þótt sambyggð eða samtengd
séu að eðlilegt og haganlegt sé að
fara með hana samkvæmt lögum
þessum sem sjálfstætt hús. Enn-
fremur segir í lögunum að sameign
sé allir hlutar húss innan og utan,
og lóðar sem ekki eru ótvírætt sér-
eign. Einnig teljast öll kerfi sam-
eign og tækjabúnaður, lagnir og
tilfæringar, sem þjóna aðallega
þörfum heildarinnar eða hluta
hennar með þeim hætti að sann-
gjarnt og eðlilegt sé að allir eigend-
ur eða eftir atvikum tiltekinn hópur
þeirra, beri kostnað og áhættu af
þeim.
Raðhúsalengjan er eitt hús
Álit kærunefndar í þessu máli
var að líta bæri á raðhúsalengjuna
sem eitt hús og allur kostnaður
vegna viðhalds utanhússs ætti því
að vera sameiginlegur. Auk þess
að vísa í núgildandi lagareglur, tók
nefndin tillit til þeirra sjónarmiða
sem ’fest höfðu í sessi í gildistíð
eldri laga. Taldi nefndin því að jafn-
an væru löglíkur fyrir því að sam-
byggingar, sem að öðrum skilyrð-
um uppfylltum, falla undir ákvæði
ijöleignarhúsalaga, teldust eitt hús
í skilningi þeirra laga og ættu því
að lúta reglum þeirra, a.m.k. varð-
andi ytra byrði og eignarumráð
yfir því. Bent var á að þessi megin-
regla væri þó ekki án undantekn-
inga.
í álitsgerð nefndarinnar kom
fram að fjölmörg atriði þyrfti að
meta í hverju einstöku tilviki, þegar
skorið væri úr um hvort samtengd
hús teldust eitt hús eða fleiri. Með-
al annars þyrfti að meta úthlutun-
arskilmála, lóðarleigusamninga,
hönnun, þar með talið burðarþol
og lagnakerfi, byggingar- og við-
haldssögu, þinglýstar heimildir,
útlit húss og fleira. Benti nefndin
á að eigendur sambyggðra húsa
geti verið skyldugir til að hafa
samráð á grundvelli laga um
Ijöleignarhús varðandi útlitsatriði,
enda þótt húsin teldust að öðru
leyti sjálfstæð hús. „Hins vegar
geta útlitsatriði og viðhaldsatriði
blandast, t.d. hvað varðar klæðn-
ingu. Getur sú spurning vaknað
hvort allir eigi að ráða útliti við-
gerðar en einungis sumir að borga
fyrir hana. Þá ber þess að geta að
atriðum eins og viðhaldssögu húss
er jafnan ekki þinglýst á eignina.“
Nefndin fjallar, í álitsgerð sinni,
um almenn atriði um raðhús og
segir að meiri líkur séu á að rað-
hús teljist sérstök bygging en önn-
ur sambyggð hús, enda séu þar að
jafnaði fyrir hendi fleira sem styður
undantekningu frá meginreglunni.
„í eldri rétti var þetta óljósara þar
sem raðhús féllu ekki óyggjandi
undir hugtakið fjölbýlishús." Þá
bendir nefndin á að ákvörðun um
byggingu raðhúsa, eins og annarra
sambyggðra húsa, miðist fyrst og
fremst við hagkvæmni við slíkan
byggingamáta út frá hagsmunum
heildarinnar. „Svo dæmi sé tekið
er byggingarkostnaður raðhúss í
miðri lengju lægri en kostnaður
endaraðhúss þar sem ekki þarf
útveggjaeinangrun á þá veggi sem
byggt er að. Hið sama gildir um
viðhaldskostnað. Hins vegar er það
undir hælinn lagt hvert er verð-
mæti einstakra húsa og ekki sjálf-
gefið að endaraðhús sé verðmeira
en hin húsin. Það kann því að vera
sanngjarnast fyrir heildina, þegar
til lengri tíma er litið, að íbúar
raðhúsa búi að þessu leyti við rétta-
röryggi sem búseta í fjöleignarhúsi
getur veitt.“
FERÐALÖG
Ferðamönnum hér fjölgaði
um 3,4% í júlímánuði
Komur erlendra ferðamanna tll Islands
í janúar tll júlí 1994 og 1995
□dnaoi\
k,j
„ÞVÍ verður ekki neitað að mér
finnst ferðamannastraumur í júlí
aðeins hafa verið minni en ég ætl-
aði,“ sagði Magnús Oddsson ferða-
málastjóri. Hann sagði að samt
væri um 3,4% fjölgun að ræða mið-
að við 1994 og yrði unað við það.
Á hinn bóginn gæti verið að kominn
væri ákveðinn flöskuháls í þetta,
þ.e. flutningur farþega til landsins.
Eins og sjá má af meðfylgjandi
töflu komu alls 41.569 erlendir
ferðamenn og er það 3,4% fleiri en
í fyrra. Fjölgunin fyrstu 7 mánuðina
er 4% og ferðamenn alls 4.400 fleiri
en í júlí í fyrra. Flestir útlending-
anna voru frá Þýskalandi eða
10.825 og er því um fjórði hver
ferðamaður hér í júlí þýskur. Aukn-
ing þaðan er 4,8%. Bandaríkjamenn
eru næstir eða 4.653.
Ekki liggja enn fyrir upplýsingar
um dvalarlengd farþega, fjölda
gistinátta né gjaldeyristekjur af
komum þeirra. Ef gjaldeyristekjur
af gestum væru ámóta og meðal-
tali var á sl. ári væru gjaldeyristekj-
ur af ferðaþjónustu í júlímánuði
einum um 4 milljarðar. Miðað við
júlítölur komu að meðaltali 1.340
erlendir ferðamenn hingað á dag
auk farþega með skemmtiferða-
skipum. Komum íslendinga til
landsins í sl. mánuði fjölgaði um
liðlega 2.300 frá júlí í fyrra og voru
nú 16.954. Gestir af alls 96 þjóðern-
um komu hingað í júlímánuði.
Skrítin
fley á
Skjálfanda
UNDANFARIÐ hefur mátt sjá
skærgul og einkennileg fley
sigla úr fjörunni við Húsavík.
Þaðan berst einnig háreysti,
hlátur og skemmtan enda sam-
ankomnir ungir menn sem
bjóða upp á nýja afþreyingu -
sjókajakaleigu. Það eru Arnar
Sigurðsson og starfsmenn
Ferðamanna sem eru nú komn-
ir til Húsavíkur.
Aðspurðir segjast þeir und-
anfarin tvö ár einkum hafa lagt
rækt við Vestfirðina, einkum
.Flókalund, ísafjörð og Jökul-
firði, en telja nú tímabært að
kynna þetta í Þingeyjarsýslu.
Þeir hafa flutt með sér sjókajak
sem þeir kenna á, leigja og
fara með fólk í stuttar ferðir
samtímis því að nýta tímann
til að afla sér þekkingar á fleiri
möguleikum, s.s. hjóla- og
gönguleiðir, söfn, gisting og
handverkstæði.
Þetta nýmæli hefur mælst
vel fyrir á Húsavík, bæði meðal
heimamanna og ferðamanna.
Morgunblaðið/ÞHY BOÐIÐ er upp á skoðunarferðir á lóninu.
FERÐAÞJÓNUSTAN Jöklakaffi við Jökulsárlón.
Litið við á Jökulsárlóni
FRÉTTARITARI brá sér á dög-
unum suður að Jökulsárlóni á
Breiðamerkursandi. Þar reka
þau Fjölnir Torfason og Þor-
björg Arnórsdóttir ferðaþjón-
ustu. Það vakti athygli að sjá
gijótgarð á austurbakka Jökuls-
ár og grjótvörn við brúarstöp-
lana.
Æðarkollurnar lónuðu við
brúna með unga sína, en viku sér
undan mannaferðum til sjávar.
En það reyndist árangurslaust,
innfallið bar þær af ferð upp
eftir ánni.
Ég tók Fjölni tali og eftir fróð-
legt spjall um framgang jökla
og hugsanlegar breytingar á
Breiðárlóni, berst talið að ferða-
þjónustunni.
Fjölnir sagði að það hefði
gengið mjög vel að undanförnu
og væri greinilegt að umferðin
hefði farið fyrr á stað en undan-
farin ár. Áleit hann að áróður
fyrir lengingu ferðamanna-
timans væri nú að skila sér.
Lífríkið er að verða ærið fjöl-
breytt hér í Jökulsárlóni. Hér
hefur verið mikil síld að undan-
förnu, sem býr sig undir að
hrygna í lóninu eins og undanfar-
in ár. Alltaf er eitthvað um loðnu
á hveiju ári, og mikið af silungi.
Selurinn á hér náðuga daga.
Verst er að silungurinn er orðinn
óætur út af hringormi. Áður sást
varla hringormur, nú horfir
hann til vandræða. Hér er tals-
vert um æðarfugl, og skúmi og
kríu fer fjölgandi.
Fjölnir er á þeirri skoðun að
lifríkið í lóninu eigi sinn þátt í
því.
FARIÐ er í skoðunarferð til Kúbu. íslendingar í Havana.
íslendingar á Kúbu
UNDANFARNAR vikur hafa hóp-
ar íslendinga verið í Cancun á
vegum Heimsferða. Ferðalangam-
ir láta vel af sér og hafa notað
tímann, farið í skoðunarferðir á
fornar slóðir Maya-indjána og til
Kúbu. Á milli skoðunarferða
stunda menn köfun og aðrar vatns-
íþróttir. Um þetta leyti er sumar
og besta veiðitímabilið og menn
hafa óspart verið á stórfiskaveið-
um.
Þetta er þriðja sumarið sem
Heimsferðir starfa í Cancun og eru
gestir hinir ánægðustu. Strendur
hvítar og sjórinn tær og ekki spill-
ir verðlag sem hefur lækkað í kjöl-
far gengislækkunar í landinu.
Vörður endurhlaðnar
á Mývatnsöræfum
Morgnnbladið. Húsavík.
ÞJOÐLEIÐIN milli Norður- og Aust-
urlands liggur sem fyrr um Mývatns-
öræfi og á milli bæja Reykjahiíðar í
Mývatnssveit og Grímsstaða á Hóls-
fjöllum er ökuleiðin 40 kílómetrar
og er greiðfær því á mikinn hluta
hennar er komið bundið slitlag. Eng-
in byggð er á þeirri leið.
Göngleiðir voru áður fyrr ekki
lagðar með ærnum kostnaði eins og
nú er gert, skemmtigöngufólki til
ánægju og til að létta því undir fæti.
Hólsfjallaleiðin var aðeins vörðuð og
var það til að vísa hina réttu og stystu
leið að feijustað á Jökulsá á Fjöllum.
Ferjustaðurinn var nokkru neðar en
brúin og leiðin því ívið lengri en nú.
Gömlu vörðurnar eru minnisvarði
liðins tíma því nú þurfa þeir sem um
Fjöllin fara aðeins að hugsa um að
fylgja veginum og er hann sléttari
undir fæti en sú leið sem fyrr var
farin. Birkir Fanndal Haraldsson,
yfirvélstjóri hjá Kröfluvirkjun, er
mikill áhugamaður um vörður. Hefur
hann tekið sig til ásamt sonum sínum
og endurhlaðið vörðurnar svo að er
Morgunblaðið/Silli
BIRKIR og synir hans hafa
endurhlaðið vörðurnar á Mý-
vatnsöræfum.
til prýði jafnframt því að vera minnis-
varði liðinna tíma.