Morgunblaðið - 16.08.1995, Síða 25

MORGUNBLAÐIÐ
MINNINGAR
MIÐVIKUDAGUR 16. ÁGÚST 1995 25
BERGLJÓT
EINARSDÓTTIR
+ BergTjót Ein-
arsdóttir var
fædd að Bæ í Lóni,
A-Skaftafellssýslu,
9. janúar 1911 og
þar ólst hún upp.
Foreldrar hennar
voru Þuríðúr Sig-
urðardóttir frá Vík
í Lóni, f. 1882, og
Einar Högnason
frá Horni í Nesjum,
f. 1872, bóndi í Bæ.
Systkinin voru alls
13. Bergljót bjó um
hríð á Eskifirði og
með Kristni Pét-
urssyni, sambýlismanni sínum,
eignaðist hún tvær dætur,
Svanhildi Sigríði, húsm. á
Þórshöfn, og Ernu Hafdísi
Berg, húsm. í Reykjavík, en
þær eru báðar látnar. Þau
Kristinn slitu samvistum, en
hann er nú látinn. Á Reyðar-
firði bjó Bergljót nær fjóra
áratugi og sambýl-
ismaður hennar var
Pétur Jónasson,
sem nú er látinn og
með honum eignað-
ist hún fjögur börn
er upp komust:
Guðbjörgu Oldu,
húsm. Reyðarfirði,
Báru Kolbrúnu,
húsm. Eskifirði,
Siggerði Svövu,
húsm. Reyðarfirði,
og Víði Má, húsa-
smið Reyðarfirði.
Grétar Heimir dótt-
ursonur þeirra Pét-
urs ólst þar einnig upp að
miklu leyti en þau Pétur slitu
samvistum. Bergljót flutti til
Reykjavíkur 1979 og átti þar
heima síðan. Þar giftist hún
eftirlifandi eiginmanni sínum,
Bjarna Pálssyni.
Bergljót verður jarðsungin
frá Áskirkju í dag kl. 13.30.
HORFIN er af heimi hugumkær vin-
kona mín. Hennar samfylgd átti ég
svo undurgóða um langa leið ævinn-
ar og söknuði þrungin þökk fer um
sinni.
Leifturmyndir liðins tíma líða hjá,
sem ljósblik skær fara þær um hug-
ann ein af annarri og halda honum
föngnum.
Svo margs góðs er að minnast,
margra mætra stunda, þar sem hún
Begga var hin veituli gefandi, vissu-
lega er sólbjart yfir þeim öllum í
endurminningunni. Til baka er horft
meira en hálfa öld og mynd ungrar
hugþekkrar konu merlar í huga og
minningamergð sækir að.
Inn í bernskuheim minn bar þessi
unga laglega kona á næsta bæ með
sér nýjan ferskan andblæ, í hispurs-
leysi sínu og með hressandi hlýju
fasinu var hún öðruvísi en aðrir
gestir, einörð og ákveðin var hún í
skoðunum sem hún ótrauð kom á
framfæri og talaði enga tæpitungu.
Glaður hlátur hennar ómaði um eld-
húsið heima og hver koma hennar
brá birtu yfir hversdagsins gráa
amstur og annríki, slík var útgeisl-
un þessarar ungu konu sem ósljálf-
rátt hreif fólk með sér. Á þessa
björth bernskumynd bar aldrei
skugga. Öll okkar kynni um áratuga
skeið voru á einn veg, því þar fór
kona sem var einlægur vinur vina
sinna, heit í lund en heil, greind
kona sem átti fastmótaðar skoðanir
góðrar ígrundunar, glaðsinna og
bjartsýn í einlægni sinni en ein-
beitni um leið.
Við leiðarlok nú er svo margt sem
mér ber að þakka og aldrei var laun-
að sem vert væri, svo umhyggusöm
og elskuleg var hlýja hennar í minn
garð og minna, órofatryggð hennar
engu lík. Örlæti hennar í því efni
ekki takmörk sett, enda naut ég
þess I ríkum mæli og mætti aðeins
nefna sem dæmi þann höfðingsskap
henanr að hafa mig sem hádegis-
gest heilan vetur og allt var það svo
ofursjálfsagt.
Hún Begga mín skilaði svo sann-
arlega dtjúgu dagsverki, önn hennar
var ærin um dagana, hún var mynd-
virk kona að hverju sem hún gekk,
heima og að heiman, en hún vann
löngum mikið utan heimilis og hvar-
vetna munaði um handtökin hennar,
hjá henni áttu atorka og kappsemi
ágæta samfylgd, svo við ofurkapp
jaðraði á stundum.
Begga var í eðli sínu léttlynd og
jafnlynd en um leið skaprík og eng-
inn þurfti lengi að velkjast í vafa
um álit hennar á hveiju einu. Hún
átti ríka réttlætiskennd, hjarta henn-
ar sló ævinlega með þeim sem áttu
erfíða leið gegnum lífið, hiklaus og
einbeitt tók hún einarðlega málstað
hins smáa og veikburða og orð henn-
ar áttu það til að vera beinskeytt
og beitt, beint í mark.
En hún Begga átti einnig annan
tón og ylhlýrri. Hans nutum við vin-
ir hennar svo vel í notalegri návist
hennar.
Áfallalaus var ævi hennar ekki
en af æðruleysi var öllu mætt og
horft á ný fram á veg með vonbirtu
í sinni.
Begga las mikið og hafði af því
ærið yndi enda giögg kona og vel
greind, sem fylgdist mætavel með
því sem máli skipti í þjóðlífinu sem
og umhverfi sínu öllu. Ung skipaði
Begga sér í sveit yzt til vinstri til
varnar og sóknar fyrir vanmáttka
og snauða, tryggð hennar við mætan
málstað var alla tíð einlæg og sönn
enda málsókn hennar meitluð af
heitri sannfæringu. Þá trúu fylgd
vil ég þakka við leiðarlok.
Það var ævinlega gott að hlýða á
Beggu og hennar ráðum farsælt að
fylgja og gagnrýni hennar af góðum
vilja og umhyggju var hollt að hug-
leiða. Slíkir félagar eru gulls ígildi.
En það var hún Begga í svo ótal-
mörgu í iífinu, óspör á björt bros sín
og hjartahlýju. Höfðingi mikill var
hún heim að sækja enda húsmóðir
góð sem hafði af gestakomum yndi
eitt. Þangað lá leið mín ærið oft og
ætíð kom ég auðugri af hennar
fundi. Alls þessa er nú gott að mega
minnast.
Hjartahlý er þökk okkar Hönnu
til okkar kæru vinkonu og velgjörða-
konu og sárt um leið að hugsa til
þeirrar heimsóknar sem aldrei varð
af.
Við sendum eiginmanni hennar,
bömum hennar og barnabömum svo
og aðstandendum öðmm okkar ein-
lægar samúðarkveðjur. Mynd hennar
Beggu er í muna geymd í miklu þakk-
læti fyrir að hafa mátt eiga hana að.
Hún er kvödd klökkum huga í kærri
þökk fyrir allt það sem hún var mér
alla tíð. Yfir á ódáinslönd eilífðar er
henni fylgt í heitri þökk.
Blessuð sé hennar munahlýja
minning.
Helgi Seljan.
+ Jan Callerström
var fæddur í
Stokkhólmi 17.
apríl 1934. Hann
varð bráðkvaddur
hinn 25. júlí síðast-
liðinn í skerjagarð-
inum við Stokkhólm
þar sem hann var í
sumarleyfi með
fjölskyldu sinni.
Hann lauk stúdents-
prófi frá Hvit-
feldska mennta-
skólanum í Gauta-
borg og gekk síðan
í liðsforingjaskóla.
Hann varð sjóliðsforingi en hóf
síðan nám við Viðskiptaháskól-
ann í Gautaborg. Hann Iauk við-
skiptafræðiprófi 1963 og hóf
síðan störf við Stockholms En-
skilda Bank og síðar Skandinav-
iska Enskilda Banken. Árið
1982 tók hann sæti í banka-
stjórn Skandinaviska Enskilda
Banken, staðgengill aðalbanka-
stjóra við þann banka varð hann
árið 1985. Árið 1987 réðst Jan
Callerström til Norræna fjár-
festingabankans í Helsingfors.
Hann tók þar við starfi sem
varamaður aðalbankastjóra og
yfirmaður útlána innan Norður-
landa. Fyrstu þrjá mánuði árs-
ins 1994 var hann settur aðal-
bankastjóri Norræna fjárfest-
ingarbankans. Jan Callerström
gegndi fjölmörgum trúnaðar-
störfum. Meðal annars var hann
frá árinu 1967 stjórnarmaður í
Kungafonden Med
Folket för Foster-
landet. Hann sat í
stjórn Martin Ols-
son HAB frá árinu
1969 og í stjórn
Solvay Nordiska AB
frá árinu 1992. Þá
var hann stjórnar-
maður frá 1994 í
Chalmers tæknihá-
skólanum í Gauta-
borg.
Jón Callerström
verður borinn til
grafar frá Oskars-
kirkjunni í Stokk-
hólmi í dag.
STARFSFERILL Jans Callerströms
sem bankamanns var óvenju farsæll
og árangursríkur. Störf hans í meira
en tvo áratugi í sænskum bönkum
og tæpan áratug í Norræna fjárfest-
ingarbankanum einkenndust af
vönduðum, faglegum vinnubrögðum,
réttsýni og hyggindum. Góð dóm-
greind og jákvætt viðhorf til sam-
ferðamanna gerðu það að verkum
að hann var mikilvægur þátttakandi
í stefnumótun og ákvarðanatöku,
hvar sem hann starfaði. Hann gat
sér hvarvetna góðan orðstír. Yfir-
gripsmikil þekking hans og víðfeðm
tengsl við atvinnu- og fjármálalíf
Norðurlanda, einnig á Islandi, voru
afar mikilvæg fyrir Norræna fjár-
festingarbankann. Hann átti mikinn
þátt í því að byggja upp norrænt
útlánasafn sem í senn var því nær
laust við tap og skilaði arði.
Sá sem þetta skrifar stendur per-
sónulega í þakkarskuld við Jan Call-
erström fyrir afar farsælt samstarf
frá því ég kom til starfa sem aðal-
bankastjóri við Non-æna fjárfesting-
arbankann í apríl 1994.
Betri samstarfsmann get ég
naumast hugsað mér. í starfi sínu
við Norræna fjárfestingarbankann
lagði Jan mikið af mörkum til þess
að skapa þar jákvæðan liðsanda sem
skilaði líka góðum árangri. Hann var
alla tíð góður liðsforingi og sannur
heiðursmaður.
Skyndilegt fráfall Jans Call-
erströms er áfall fyrir okkur vini
hans og samstarfsmenn við Norræna
fjárfestingarbankann. Hans verður
sárt saknað. Sárastur er þó missirinn
fyrir konu Jans, Monicu, börn þeirra
og barnabörn. Til þeiiTa leitar hugur-
inn í dag með innilegri samúð.
Jón Sigurðsson.
Vandaðir ítgstúnar
‘VaranCeg minning
TASTEINN
Brautarholti 3. 105 Reykjavík
Sími: 562 1393
Úrval Ijóskera,
krossa og fylgihluta.
JAN CALLERSTRÖM
+
Bróðir minn,
KRISTMUNDUR ÓLAFSSON,
Brautarholti,
Akranesi;
si'ðar Sólheimum 23,
Reykjavík,
verður jarðsunginn frá Akraneskirkju fimmtudaginn 17. ágúst
kl. 14.00. Fyrir hönd aðstandenda,
Stefán Ólafsson.

Elskuleg eiginkona mín, móðir okkar,
tengdamóðir, amma og langamma,
ELÍNBORG SIGBJÖRNSDÓTTIR,
Birkihlið 5,
Vestmannaeyjum,
verður jarðsungin frá Landakirkju,
Vestmannaeyjum, laugardaginn
19. ágúst kl. 14.00.
Haraldur Hannesson,
börn, tengdabörn,
barnabörn og barnabarnabörn.
+
Útför ástkærs eiginmanns míns, föður,
tengdaföður, afa og langafa,
SIGURÐAR GI'SLA GUÐJÓNSSONAR,
Ljósalandi 23,
Reykjavík,
fer fram frá Bústaðakirkju föstudaginn
18. ágúst kl. 13.30. Jarðsett verður á
Kotströnd að athöfn lokinni.
Hrefna Guðmundsdóttir,
Björn Sigurðsson,
Guðjón Sigurðsson,
Guðmundur Rafn Sigurðsson,
Atli Már Sigurðsson,
Sigurður Valur Sigurðsson,
Kristján Örn Sigurðsson,
Vilborg Sigurðardóttir,
Vera Osk Valgarösdóttir,
Gígja Baldursdóttir,
Kristin Kristmundsdóttir,
barnabörn og barnabarnabarn.
+
Innilegar þakkir til allra þeirra, er sýndu
okkur samúð og vinarhug vegna and-
láts og útfarar móður okkar, tengda-
móður, ömmu og langömmu,
SIGRÍÐAR JÓNSDÓTTUR,
Hjarðarhaga 54,
Reykjavik.
Sérstakar þakkir til ykkar, sem veittuð
henni umönnun í veikindum hennar.
Asta Þórðardóttir, Oddur Ragnarsson,
Elsa Þórðardóttir,
Einar Þórðarson, Thelma Grímsdóttir,
barnabörn og barnabarnabörn.
+
Innilegar þakkir til allra þeirra, sem •
sýndu okkur samúð og hlýhug við and-
lát og útför ástkærs föður okkar,
tengdaföður og afa,
HARÐAR HARALDSSONAR,
Vatnsstíg 11,
er lést 2. ágúst sl.
Sérstakar þakkir færum við þeim, sem
hjúkruðu honum í veikindum hans.
Heiðrún Elsa Harðardóttir, Heimir Skarphéðinsson,
Guðni Karl Harðarson,
Inga Herdis Harðardóttir, Einar Jóhannsson
og barnabörn.
+
Innilegar þakkir færum við öllum þeim,
er sýndu okkur samúð og hlýhug við
andlát og útför
SIGURÐAR B. FINNBOGASONAR.
Camilla Sveinsdóttir,
Guðrún Finnbogadóttir, Armand Beaubien,
Geirþrúður Finnbogadóttir,
Ólafur Finnbogason, Kristjana Jónsdóttir,
Kristján Finnbogason, Kristrún Magnúsdóttir.