Morgunblaðið - 16.08.1995, Qupperneq 40

MTT#
alltaf á
Miövikudöginn
MORGUNBLAÐW, KRINGLAN I, 103 REYKJAVÍK, SÍMl 569 1100, SÍMBRÉF 569 1181,
PÓSTHÓLF 3040, NETFANG MBUSCENTRUM.IS / AKUREYRl: HAFNARSTRÆTI 85
MIÐVIKUDAGUR 16. ÁGÚST 1995
VERÐ í LAUSASÖLU 125 KR. MEÐ VSK
Morgunblaðið/Sverrir
Hávær mótmæli
BÆJARSTJÓRN nýja sveitarfé-
lagsins á Suðurnesjum sam-
■"•{jykkti í gær að kalla það Reykja-
nesbæ. Margir íbúar sveitarfé-
lagsins létu óánægju með nafnið
í ljós með því að þeyta bílflautur
við fundarstaðinn áður en bæjar-
stjórnarfundurinn hófst og var
hávaðinn svo mikill að viðstaddir
gripu fyrir eyrun. Hávaðinn
hafði þó ekki áhrif á bæjarfull-
trúana sem samþykktu nýja
nafnið með 9 atkvæðum gegn
tveimur.
■ Reykjanesbær/4
Skeljungur og Irving
Oil ræða samstarf
Ekki gengið út frá eignarhaldstengslum fyrirtækjanna
VIÐRÆÐUR standa yfír milli full-
trúa Skeljungs hf. og kanadíska
félagsins Irving Oil um hugsanlegt
samstarf fyrirtækjanna á olíu-
markaðinum hér á landi.
Samkvæmt heimildum Morgun-
blaðsins hófust þessar viðræður í
vor og leiddu m.a. til þess að Krist-
inn Björnsson, forstjóri Skeljungs,
ásamt nánustu samstarfsmönnum
heimsótti Irving-feðga í Kanada.
Hefur þessum viðræðum síðan
verið fram haldið, og samkvæmt
upplýsingum Morgunblaðsins
beinast þær einkum að því að
kanna hagræðinguna af því fyrir
bæði fyrirtækin að hafa með sér
samstarf um innflutning á elds:
neyti, birgðahaldi og dreifíngu. í
viðræðunum hefur á hinn bóginn
ekki verið gengið út frá neinum
eignarhaldstengslum milli félag-
anna.
Skilyrði beggja
aðila í athugun
Samkvæmt upplýsingum blaðs-
ins er staðan í viðræðunum nú
þannig að báðir aðilar eru að skoða
ýmis skilyrði sem gagnaðilinn hef-
ur sett fram en fullur vilji er sagð-
ur af beggja hálfu til að reyna til
þrautar að ná samkomulagi. Krist-
inn Björnsson, forstjóri Skeljungs,
vildi þó ekkert segja um þessar
viðræður þegar Morgunblaðið
hafði samband við hann í gær, og
ekki tókst að ná sambandi við
Arthur Irving yngri, sem leitt hef-
ur viðræðurnar af hálfu kanadíska
félagsins.
í nýlegu áliti Samkeppnisráðs
um kaup Olíufélagsins hf. og
Hydro Texaco A/S á hlutum í
OLÍS er önnur aðalástæðan fyrir
því að ógilda ekki þessi kaup, á
þeirri forsendu að þau feli í sér
hættu á samkeppnishindrunum á
smásölumarkaðinum, sögð sú að
verulegar líkur séu á því að Irving-
olíufélagið hefji starfsemi hér á
landi. Verði af samstarfi Skeljungs
og Irving á grundvelli yfirstand-
andi viðræðna, virðist þessi starf-
semi verða með talsvert öðru sniði
en gengið er út frá í áliti Sam-
keppnisráðs.
Veiðidagur barna
„ÉG VEIDDI hann á flugu-
stöng,“ sagði Helga Björg Ant-
onsdóttir, sex ára, sem veiddi
13,5 punda lax í Elliðaánum
um fjögurleytið í gær. Laxinn
væni veiddist í Hundasteinum,
ekki fjarri sundlauginni í
Árbæ, á svartan frances. Hann
er einn sá stærsti sem veiðst
hefur á flugu í ánum í sumar.
Vann til verð-
launa í vor
Helga var meðal yngstu
barnanna sem tóku þátt í veiði-
degi barna og unglinga sem
haldinn var í boði Stangaveiði-
félags Reykjavíkur í gær.
Fengu börnin, sem öll eru fé-
lagar í stangaveiðifélaginu, að
veiða í ánum án endurgjalds
frá klukkan þijú til níu.
Helga gekk í stangaveiðifé-
lagið í vor þegar hún vann til
verðlauna í yngri flokki barna
á veiðimóti barna og unglinga
í Elliðavatni. Þá veiddi hún
tveggja punda bleikju, þá
stærstu sem veiddist á mótinu,
og fékk að launum verðlauna-
bikar og inngöngu í stanga-
veiðifélagið.
Ætlar að borða
laxinn á morgun
Helga var að vonum stolt af
árangri sínum. Hún sagðist
ætla að borða laxinn á morgun
og bauð hún frænda sínum,
Jónatani Jónatanssyni, tveggja
ára, að gæða sér á maríulaxin-
um með sér. Á myndinni sést
Jónatan dást að maríufiski
frænku sinnar.
■ Beðið eftir laxinum/5
Sex ára
telpa veiddi
þrettán
punda lax
Morgunblaðið/RAX
Fjármálaráðuneytið skiptir upp tollnúmeri sem nokkrar grænmetistegundir féllu undir
Jöklasalat ber 30% toll eins
, og fyrir gildistöku GATT
Fjármálaráðherra býst við að land-
búnaðarráðuneytið heimili viðbótar-
innflutning á blaðlauki á lágum tollum
FJÁRMÁLARÁÐUNEYTIÐ hefur
skipt upp tollskrárnúmeri því sem
jöklasalat féll undir og ber nú að
greiða af því 30% toll eins og var
fyrir gildistöku GATT samningsins
1. júlí í sumar, en jöklasalat hefur
til þessa ekki verið ræktað hér á
landi. Að undanförnu hefur þurft
að greiða af því 92 króna magntoll
til viðbótar 15% innflutningstolli, en
frá gildistöku GATT 1. júlí og þar
til nú hefur verið heimilt að leggja
það 30% innflutningstoll og 194
króna magntoll til viðbótar á hvert
kíló í innflutningi.
Engar forsendur
Friðrik Sophusson, fjármálaráð-
herra, sagði í samtali við Morgun-
blaðið að það hefðu ekki verið nein-
ar forsendur til að leggja aukna tolla
á jöklasalat, þar sem það væri ekki
iramleitt hér á landi. Þegar komið
hefði í ljós að ekki hefði þurft laga-
breytingu til að skipta tollnúmerinu,
eins og talið hefði verið i fyrstu, þá
hefði auglýsing sem skipti upp toll-
skrárnúmerinu verið gefin út þegar
í stað. Þetta gilti um innflutning
jöklasalats yfir sumarmánuðina, en
áfram gilti að það ásamt ýmsu öðru
grænmeti væri flutt inn yfir vetrar-
mánuðina án tolla í samræmi við
samninga okkar við Evrópusam-
bandið.
Friðrik sagði einnig að hann ætti
von á því að landbúnaðarráðuneytið
gæfi út auglýsingu þar sem viðbótar-
innflutningur á blaðlauki á lægri
tollum yrði heimilaður, þar sem inn-
lend framleiðsla væri ekki komin á
markað, eins og reiknað hefði verið
með. Það séu því ekki rök fyrir hendi
til að beita magntollum vegna inn-
lendrar framleiðslu í stað innflutn-
ingsbanns sem gilt hafi, fyrir tíma
GÁTT samningsins, þegar innlend
framleiðsla hafi verið á markaði.
„Það ætti hins vegar ekki að koma
neinum á óvart að innfiuttur blað-
laukur hækki verulega í verði á þeim
tíma sem innlenda framleiðslan er
fyrir hendi, enda var innflutningur
ekki ieyfður á þeim tíma áður en
GATT samningurinn tók gildi,“
sagði Friðrik.
„Eg tel afar áríðandi að fram-
kvæmdin á GATT samningnum verði
eins og ráð var fyrir gert og ítreka
það sem ég hef áður sagt að það
stóð ekki til að tollar hækkuðu á
vörur sem fluttar eru til landsins
nema á þeim tímabilum þegar inn-
flutningur var ekki leyfður vegna
þess að innlend framleiðsla var í
boði, en þá koma tollar í stað inn-
flutningsbanns. Á næstunni verður
tekin saman skýrsla um framkvæmd
GATT samningsins og teknar saman
upplýsingar um innflutningsmagn
og verð og samanburður gerður við
fyrri ár. Frá mínum bæjardyrum séð
er aðalatriðið að neytendur standi
ekki frammi fyrir hærra verði en
áður. Þvert á móti eigi þeir kost á
meira vöruúrvali en var, þar sem í
stað innflutningsbanns verður nú
leyft að flytja inn vörur með til-
teknum tollum," sagði Friðrik enn-
fremur.
Flugvirkjar
sömdu um
11% hækkun
FLUGVIRKJAR og vinnuveit-
endur hafa undirritað nýjan
kjarasamning sem gildir út
næsta ár. Samningurinn færir
flugvirkjum 11,3% hækkun á
samningstímanum. Við undir-
ritun samningsins hækkuðu
laun um 6,3%, en síðari hluti
hækkunarinnar kemur til
framkvæmda 1. janúar 1996.
Þetta er svipuð hækkun og
flugmenn sömdu um fyrir
skömmu. Samningurinn færir
flugvirkjum meiri launahækk-
un en samið var um í ASÍ/VSÍ
samningunum í vor.
Enn er ósamið við flugum-
ferðarstjóra og hefur lítil
hreyfing verið á samningavið-
ræðum.