Morgunblaðið - 28.09.1995, Blaðsíða 15

Morgunblaðið - 28.09.1995, Blaðsíða 15
MORGUNBLAÐIÐ LAIMDIÐ FIMMTUDAGUR 28. SEPTEMBER 1995 15 Hópslysaæfing á Keflavíkurflugvelli Brotlending far- þegaþotu með 7 5 manns innanborðs Keflavík - „Markmið æfingarinnar var þjálfun í beitingu neyðaráætlun- ar Almannavarnanefndar Keflavík- urflugvallar vegna hópslyss með áherslu á þá verkþætti er tengjast störfum á vettvangi, á flutningsleið- um að og frá slysstað og í grein- ingastöð. Ennfremur þjálfun björg- unarliða í aðkomu að flugvalla- svæðinu og þeim reglum sem gilda um akstur að slysstað,11 sagði Frið- þór Eydal upplýsingafulltrúi varn- arliðsins um hópslysaæfingu sem sett var á svið á Keflavíkurflug- velli síðdegis á mánudag. Atburðarásin var brotlending Boeing 737 farþegaþotu með 75 manns innanborðs um 1 km vestur af braut 11 eftir að flugvélin hafði skömmu áður tilkynnt um bilun í stýrikerfí. Nokkur hundruð manns tóku beinan þátt í æfingunni en hún tengdist þó þúsundum á óbeinan hátt. Að sögn Friðþórs gekk æfing- in framar vonum, þó misvel og þar mætti helst nefna íjarskipti og umferðarstjórnun sem hefði betur. mátt fara. Menn hefðu verið sam- mála um að faglegi þátturinn hefði tekist ákaflega vel og menn hefðu unnið ótrúlega hratt og vel. Fjölmennar sveitir björgunar- manna, lögreglu og hjúkrunarfólks auk annarra á Keflavíkurflugvelli, Suðurnesjum og höfuðborgarsvæð- inu sem tóku þátt í æfingunni. Æfingin var samkvæmt skipulagi almannavarna á Keflavíkurflug- velli, en undirbúning annaðist slökkviliðið á Keflavíkurflugvelli. Friðþór Eydal sagðist vilja koma á framfæri sérstöku þakklæti til þeirra sem hefðu tekið að sér þátt hinna slösuðu. Morgunblaðið/Björn Blöndal FRÁ hópslysaæfingunni á Keflavíkurflugvelli. Sýning á rann- sóknarleiðangri dansks varðskips Stykkishólmi - Sýning á rann- sóknarleiðangri danska varðskips- ins Ingolf til íslands, Grænlands og Færeyja 1895-96 var opnuð í Byggðasafninu í Stykkishólmi laugardaginn 23. september sl. Sýningin er viðamikil og hefur varðveist sérstaklega vel hvað mál og myndir og muni varðar. Hún kemur hingað til Stykkishólms í tilefni þess að á Dönsku dögunum í Stykkishólmi í ár kom danski sendiherrann á íslandi hingað í heimsókn. Var hann mjög ánægð- ur með veru sína hér og hefur mikinn áhuga á að efla tengslin við Stykkishólm. Þessir dönsku dagar eru sönnun þess að sam- skiptin eru þegar farin að hafa áhrif. Að sýningunni standa Zoo- logisk Museum í Kaupmannahöfn, Líffræðistofnun Háskóla íslands og Norræna húsið. A sýningunni er kynntur í máli og myndum fjöldi af sýnum af djúpsjávardýrum. Guðrún Gunnarsdóttir, sem er í stjórn Byggðasafnsins, bauð gesti velkomna og sagði m.a. frá leiðöngrunum tveim sem farnir voru á varðskipinu og stóðu hvor í 4 mánuði. M.a. var Reykjanes- hryggurinn uppgötvaður, og okkar úpprunalega sjávardýrafræði byggðist á þessum rannsóknum, það sýna hin upprunalegu sýni og margar myndir og teikningar sem hér eru til sýnis. Guðrún kvaðst vona að þessi sýning mætti verða okkur lærdómsrík og forvitnileg og gefa innsýn í hvað menn voru að fást við fyrir 100 árum, en þessir leiðangrar voru upphaf að skipulögðum sjávarrannsóknum við ísland. Guðmundur P. Ólafsson, sem hefir staðið fyrir og gefið út stór- merkar bækur um fuglana og strendur landsins, var þarna staddur. Hann lauk miklu lofsorði á sýninguna, kvað verðmæti henn- ar sérstakt fyrir okkur og sagði okkur eiga Dönum hana upp að unna. í lokin þakkaði Guðrún 'þeim Olgu Bjarnadóttur, Þóru Magnús- dóttur safnverði, Ingibjörgu Þor- steinsdóttur, framkvæmdastjóra Eflingar í Stykkishólmi, og Jör- undi Svavarssyni prófessor við sjávarlíffræði við Háskólann fyrir hversu vel þau stóðu að uppsetn- ingu sýningarinnar. Þessi sýning stóð svo bæði á laugardag og sunnudag frá kl. 14-18 og eins áttu nemendur skólanna hér í Hólminum að fá að skoða hana á mánudag og þriðjudag. Fjöldi manns sótti sýninguna og skoðaði og lýsti ánægju sinni með hversu vel up.psetningin hefði tekist. Haustsvipur fær- ist yfir landið Syðra-Langholti - Það hefur ekki farið framhjá nein- um að haustið hefur lagst með meiri þunga yfir land- ið en oft áður og vetur konungur farinn að minna á sig þó enn séu fjórar vikur til veturnótta. Vegna erfiðs tíðarfars í ágúst og nú í september má jafn- vel sjá bændur hér í Árnessýslu enn vera við hey- skap, aðallega þó að ná hánni sem er málvenja hér í sunnlenskum byggðum um seinni slátt. Heyfengur er því allvíða með minna móti og misjafn að gæðum. Það er því mikil búbót að eiga góða grænfóðursakra til að geta beitt kúnum á fram eftir haustinu eins og þeir bændur á Hlemmiskeiði á Skeiðum eiga. Er ekki annað að sjá á myndinni að kýr þeirra kunni að meta þessa góðu beit sem þær skila síðan til góðra afurða með nyt sinni. Morgunblaðið/Sigurður Sigmundsson Taflborð og klukkur í menntaskólann Egilsstöðum - Landsbanki íslands færði Mennta- skólanum á Egilsstöðum gjöf í tilefni fundar bankaráðs sem nýlega var haldinn á Austurlandi. Gjöfin var afhent í hófi sem bankinn hélt starfs- fólki sínu og viðskiptavinum á Aústurlandi. Það kom fram í máli Kjartans Gunnarssonar for- manns bankaráðs Landsbankans að það væri venja bankans að færa einhverjum aðila gjöf, sem starfaði á því svæði sem bankaráð væri að heim- sækja. Fyrir valinu varð Menntaskólinn á Egilsstöðum og voru honum færðar taflborð og skákklukkur og 250.000 kr. fjárhæð til frjálsrar ráðstöfunar. Vitara V6 Nýr eðaljeppi þar sem afl og öryggi hafa forgang. Vitara 1/6 er einstaklega aflmikill, með hljóðláta V6 vél, 24 ventla, sem afkastar 136 hestöflum. Hann er byggður á sjálfstæða grind og er með hátt og lágt drif. Nákvæmt vökvastýrið og lipur 5 gíra handskiptingin eða 4ra gíra sjálfskiptingin gera Vitara V6 auðveldan í akstri á vegum sem utan vega. Öryggisloftpúðar fyrir ökumann og framsætisfarþega, höfuðpúðar á fram og aftursætum og styrktarbitar í hurðum gera Vitara V6 að einum öruggasta jeppa sem býðst. Einstaklega hljóðlátt farþegarýmið er búið öllum þægindum sem eiga heima í eðaljeppa eins og Vitara V6.

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.