Morgunblaðið - 27.03.1996, Síða 5

MORGUNBLAÐIÐ
MIÐVIKUDAGUR 27. MARZ 1996 5
Yfirlýsing
Salmonellusýking í rjómabollum hefur verið rakin til Samsölubakarís hf. Þau alvarlegu
óþægindi sem stór hópur fólks hefur nú orðið fyrir vegna þessa máls eru stjórnendum og
starfsfólki hakarísins mikið áfall og vill undirritaður fyrir hönd Samsölubakarísins hf. biðja
alla viðkomandi afsökunar.
Strax frá fyrstu stundu, er ljóst var að rekja mætti hina alvarlegu sýkingu til rjómabolla
fyrirtækisins, hafa starfsmenn og stjórnendur unnið af fullum heilindum með heilbrigðisyfir-
völdum og gert allt sem í mannlegu valdi stendur til að rannsaka og komast að niðurstöðu um
hvað olli sýkingunni. Öllum ströngustu kröfum heilhrigðisyfirvalda um aðgerðir og úrbætur
hefur verið fylgt í hvívetna og er framleiðsla fyrirtækisins fyrir þó nokkru komin í eðlilegt
horf. Engin ástæða er til að óttast frekari sýkingu.
Enda þótt rjómabollugerð sé mjög afmarkaður þáttur í starfseminni og aðskilinn frá
framleiðslu hrauða hefur Samsöluhakaríið hf. hert allar daglegar vinnureglur sínar um með-
höndlun hráefnis og vinnsluferli við allan bakstur í kjölfar þessa máls. Auk þess verður leit-
ast við að auka sjálfvirkni enn frekar þannig að gæði framleiðslunnar og vöruvöndun verði
eins mikil og mögulegt er.
Ég vil að lokum ítreka að þessi sýking hefur verið stjórnendum og starfsfólki bakarísins
þungbært áfall og mun allt verða gert sem í mannlegu valdi stendur til að útiloka slík óhöpp
um alla framtíð.
Virðingarfyllst
f.h. Samsölubakarís hf.
Erlendur Magnússon,
framkvæmdastj óri.