Morgunblaðið - 27.03.1996, Síða 11

MORGUNBLAÐIÐ
FRETTIR
MIÐVIKUDAGUR 27. MARZ 1996 11
„Skriðdreki“
fyrir fatlaða
FATLAÐIR íþróttamenn héldu
íslandsmót sitt um helgina og
var keppt á Akranesi í öllum
greinum nema sundi, það fór
fram í Sundhöll Reykjavíkur.
IA og Iþróttafélagið Þjótur á
Akranesi höfðu veg og vanda
af framkvæmdinni þar og tókst
hún með ágætum. Eitt af því
sem Skagamenn gerðu var að
fá „skriðdrekann" sem hér sést
að láni, en þetta er tæki sem
fer með hjólastóla upp og niður
stiga.
„Okkur vantaði eitthvað til
að gera fólki kleift að komast
ferða sinna í mannvirkjum þar
sem allt er ekki klappað og klárt
fyrir fatlaða," sagði Jón Run-
ólfsson, formaður í A, í samtali
við Morgunblaðið. „Við höfðum
samband við fyrirtæki sem eru
með lyftur og annað í þeim dúr
og endirinn varð sá að Heild-
verslunin Árvík lánaði okkur
þennan skriðdreka, eins og þeir
kalla hann. Þetta er samt frið-
samur skriðdreki og í alla staði
hinn besti gripur. Við viljum
endilega eiga hannog vinnum
að því,“ sagði Jón. Á myndinni
má sjá Ingvar Ingvarsson, bæj-
arfulltúa á Akranesi, reyna
gripinn.
Flugfélagið Atlanta
160 starfsmenn
í pílagrímaflug
BOEING 747 flugvél á vegum
Flugfélagsins Atlanta flutti 160
starfsmenn flugfélagsins til Jedda
í Saudi- Arabíu á laugardag. Starfs-
mennirnir, flugfreyjur, flugþjónar,
flugmenn, flugvirkjar, og flugvél-
stjórar starfa við pílagrímaflug á
vegum fyrirtækisins frá Jedda til
áfangastaða á borð við Kúala
Lúmpúr, Bangkok, Jóhannesar-
borg, Brússel, Kaupmannahöfn og
til áfangastaða í Pakistan, Indlandi
og Tyrklandi næstu tvo mánuði.
Þora Guðmundsdóttir, annar
eigandi flugfélagins, sagði að 360
manns störfuðu fyrir flugfélagið í
Jedda og Nígeríu. Fjórar Boeing-
vélar eru í Jedda og ein í Nígeríu.
Eftir tveggja mánaða pílagríma-
flug frá Jedda tekur við svokallað
kennaraflug með kennara frá
Jedda til og frá heimkynnum þeirra
í Egyptalandi.
Þóra sagði að flogið hefði verið
með 100.000 farþega til og frá
Jedda á síðasta ári og áætlað væri
að farþegafjöldi yrði um 25% meiri
í ár. Samningur flugfélagsins um
flug til og frá Jedda nær fram i
september.
Asfalt fyrir rúmar 100 milljónir
BORGARRÁÐ hefur samþykkt til-
lögu Innkaupastofnunar Reykja-
víkurborgar um að taka
100.396.800 króna tilboði Skelj-
ungs hf. í kaup á asfalti.
Tilboð Skeljungs miðast við níu
þúsund tonn. Alls bárust þrjú til-
boð til Malbikunarstöðvar Reykja ■
víkur. Tilboðin voru miðuð við
listaverð í Rotterdam og eru því
háð breytingum á olíumörkuðum.
Eitt tilboðanna reyndist óljóst.
Mismunur milli hinna er rúmar
7,2 millj. og var því lagt til að
gengið yrði að lægra tilboðinu.
Rússar fordæma móts-
hald FIDE í Bagdad
RÚSSNESKA skáksambandið hefur
sent frá sér yfirlýsingu þar sem
ákvörðun FIDE-ráðsins og forseta
FIDE (Alþjóða skáksambandsins),
Kirsans Iljúmzhinov, að halda einvígi
milli Anatolís Karpov heimsmeistara
og Gata Kamskí áskoranda í Bagdad
í júní er fordæmd.
Undir yfirlýsinguna ritar Andrei
Makarov forseti Rússneska skák-
sambandsins og varaforseti FIDE. í
henni segir meðal annars að með
ákvörðuninni sé verið að lýsa stuðn-
ingi við hryðjuverk Saddams Hussein
og að hún sé siðlaus. Hefur fram-
kvæmdaráð Rússneska skáksam-
bandsins ennfremur hvatt formann-
inn til þess að beita áhrifum sínum
sem varaforseti FIDE svo að ákvörð-
unin verði afturkölluð.
Skáksamband Þýskalands hefur
jafnframt lýst andstöðu sinni við
ákvörðun FIDE og þá hafa borist
þakkir til íslendinga frá Skáksam-
bandi ísraels, fyrir að mótmæla stað-
setningu einvígisins. Er henni líkt
við þá ákvörðun Alþjóða ólympí-
nefndarinnar að leyfa Ólympíuleika
í Þýskalandi nasista árið 1936, sam-
kvæmt upplýsingum frá Einari S.
Einarssyni svæðisforseta FIDE á
Norðurlöndum.
í frétt frá Skáksambandi, sem
barst í gærkveldi segir að auk skák-
sambanda íslands, Danmerkur, ísra-
els, Rússlands og Hollands hafi bor-
izt hörð mótmæli frá Svíþjóð og
Sviss. Bandaríska skáksambandið
bíður enn átekta, og bíður eftir
ákvörðun utanríksráðuneytisins þar
í landi vegna ótta við málshöfðun
Kamski-feðga og skaðabótakrafna
sem nema hálfu andvirði verðlauna-
fjárins, einni milljón dollara.
Komdu sæl Auður min!
Hvernig vissiröu að þetta var ég?
Ég fann það bara á mér. Veistu það Auður að ég held að
straumarnir á milli okkar séu svo sterkir að ég hreinlega vissi
að þetta varst þú að hringja áður en ég lyfti simtólinu...
POSTUR OG SIMI
Sækja þarf um þjónustuna hjá Pósti og síma. Ársfjórðungsgjald er kr. 190,-
Til að sjá númerið þarf síma með sérstökum skjá.
Einnig er hægt að festa kaup á þar til gerðum skjá sem tengdur er við símann
Athuga skal að númer þess sem hringir birtist ekki þegar hringt er
frá útlöndum eða úr NMT farsímakerfinu.