Morgunblaðið - 19.04.1996, Blaðsíða 52
MewdBd
-setur brag á sérhvern dag!
K3RKJUGARÐS
KLÚBBURJNN
ÞJOÐLEIKHUSIÐ
MORGUNBLAÐIÐ, KRINGLAN I, 103 REYKJAVÍK, SÍMI 569 1100, SÍMBRÉF 569 1181,
PÓSTHÓLF 3040, NETFANG MBL@CENTRUM.1S / AKUREYRl: HAFNARSTRÆTI 85
FÖSTUDAGUR 19. APRÍL 1996
VERÐ í LAUSASÖLU 125 KR. MEÐ VSK
Júríj Retsjetov sendiherra Rússlands
Taka togarans
hefði getað spillt
samskiptum
JURIJ Retsjetov, sendiherra Rússlands hér á landi, segir að íslenzk
stjórnvöld hafi brugðizt rétt við að þjóðarétti er þau réðust ekki til
uppgöngu í rússneska togarann Dmitríj Pokramovítsj eftir að hann
hafði verið staðinn að veiðum innan íslenzkrar lögsögu í byrjun
mánaðarins. Sendiherrann segir að taka togarans hefði getað spillt
samskiptum íslands og Rússlands.
Retsjetov segir að hann
hafi fengið upplýsingar frá
sjávarútvegsráðinu í
Moskvu um að fyrirskipuð
hafi verið „gaumgæfileg
og óhlutdræg rannsókn á
ástæðum og aðstæðum
atviksins, sem átti sér stað
2. apríl“. Retsjetov segir
að niðurstaðan verði gerð
kunnug, en hún liggi enn
ekki fyrir.
Mun ekki endurtaka sig
„Sjávarútvegsráðið segir ekki að
það viðurkenni að togarinn hafi
verið fyrir innan lögsögumörkin, en
það segist taka málið alvarlega,
vill rannsaka það og mun láta okk-
ur vita um niðurstöðuna," segir
Retsjetov. Hann telur hins vegar
að líta megi á viðbrögð sjávarút-
vegsráðsins sem tryggingu fyrir því
að landhelgisbrot af þessu tagi end-
urtaki sig ekki.
Retsjetov segir að samkvæmt 73.
grein hafréttarsáttmála Sameinuðu
þjóðanna sé strandríki heimilt að
ákveða uppgöngu í skip til að
tryggja að farið sé eftir lögum og
reglum, en það hafi ekki skyldu til
slíks og ákvæði greinarinnar þýði
alls ekki að taka skips sé eina úr-
ræðið. I 59. grein sáttmálans segi
jíifnframt að ef hagsmunir rekist
á, skuli leysa deiluna „á sanngirnis-
grundvelli og með tilliti til allra
þeirra atriða sem máli skipta enda
sé höfð hliðsjón af mikilvægi við-
komandi hagsmuna fyrir hvern að-
ila um sig og þjóðasamfélagið í
heild.“
„Þess vegna tel ég að þegar
ákveðið var af hálfu íslenzkra yfir-
valda að grípa ekki til frekari að-
gerða hafi verið farið rétt með
málið samkvæmt kröfum
þjóðaréttar," segir sendi-
herrann. Hann segist telja
að hefði verið gripið til
frekari aðgerða gagnvart
rússneska skipinu hefði
það getað spillt samskipt-
um landanna.
Smugan er ekki úthaf
Retsjetov segir að sín
persónulega skoðun sem lögfræð-
ings sé að ekki megi gleyma réttar-
stöðu Smugunnar í Barentshafi.
Hann telur hana falla undir skil-
greiningu hafréttarsáttmálans á
„umluktu eða hálfumluktu hafi“
vegna þess að hún sé umkringd
lögsögu Noregs og Rússlands. Þessi
skilgreining Smugunnar er um-
deild, en í 123. grein hafréttarsátt-
málans eru reglur um það hvernig
ríki, sem liggja að umluktu eða
hálfumluktu hafi, skuli haga sam-
starfi sínu.
„Strandríkin fara með umsjón
þess hvemig eigi að hagnýta auð-
lindir, og ef þau telja það nauðsyn-
legt bjóða þau öðrum hlutaðeigandi
ríkjum, til dæmis íslandi, að taka
þátt í samstarfinu," segir Retsjetov.
„Þetta þýðir ekki að' strandríkin
Noregur og Rússland geti tekið ein-
hver skip á þessum slóðum. En
þetta er sem sagt ekki opið haf og
hingað til hefur allt sem betur fer
farið friðsamlega fram í Smugunni.
Þess vegna tel ég að ef við eigum
að taka tillit til almenningsálits á
íslandi, því ekki að taka líka tillit
til almenningsálits í Rússlandi? Sér-
staklega í Norður-Rússlandi fylgist
fólk vel með þessum málum. Þess
vegna held ég að það eigi að reyna
að leysa svona árekstramál á frið-
samlegan hátt.“
Júríj Retsjetov
1,6 km
vamargarð-
ar fyrir um
400 millj.
IDROGUM að tiilögum um upp-
byggingu varnargarða á Flateyri
er gert ráð fyrir allt að 20 metra
háum og 50 metra breiðum görð-
um til að leiða snjóflóð framhjá
byggð og í sjó fram. Garðarnir
yrðu alls 1,6 kílómetrar að lengd
og áætlaður heildarkostnaður um
400 milljónir króna.
Flosi Sigurðsson, verkfræðing-
ur á Verkfræðistofu Sigurðar
Thoroddsen, segir að við hönn-
unina hafi verið miðað við að
mannvirkin stæðust snjóflóð sem
næði 150 metrum lengra en fióðið
sem féll á byggðina í október, það
er flóð sem talið er að falli að
meðaltali á 500 til 1.000 ára fresti.
Segir hann að garðarnir stöðvi
meginhlutann af enn stærri flóð-
um. „Við teljum okkur fullnægja
skilyrðum Veðurstofunnar um
öryggi, að áhættan verði innan
ásættanlegra marka,“ segir Flosi.
Meta verkfræðingarnir árlega
áhættu einstaklinga á þessu svæði
eftir að varnargarðarnir hafa
verið byggðir og telja hana vera
flóð sem koma að meðaltali á
5.000 ára fresti.
■ 20metragarðar/10
Bæjarstjóri Akur-
eyrar um sameiningu
Jákvætt
fyrir at-
vinnulífið
BÆJARRÁÐ Akureyrar fjallaði á
fundi í gær um hugmyndir Sam-
heija um samruna þriggja dóttur-
fyrirtækja sinna, Strýtu, Söltunar-
félags Dalvíkur og Oddeyrar, við
Útgerðarfélag Akureyringa.
Ákveðið var að fela bæjarstjóra að
vinna frekar að málinu.
„Bæði ég og aðrir bæjarráðs-
menn teljum þetta áhugavert út-
spil, sem ástæða er til að skoða til
hlítar,“ segir Jakob Björnsson bæj-
arstjóri.
„Þetta er mjög athyglisverð hug-
mynd og svona sameinað fyrirtæki
yrði mjög sterkt og myndi örugg-
lega hafa jákvæð áhrif á atvinnulíf
á svæðinu," sagði Björn Snæbjörns-
son, formaður Verkalýðsfélagsins
Einingar í Eyjafirði.
■ Viðræður/26
Tölvumynd/VST/ísgraf/J6n G. Egilsson
Frakkar í
hrakningum
á fjöllum
Hellu. Morgunblaðið.
Flugbjörgunarsveitinni á Hellu
barst um klukkan 14 í gær
beiðni um að sækja í Land-
mannalaugar tvo Frakka sem
lent höfðu í hrakningum á leið
sinni yfir landið.
Frakkarnir höfðu lagt af
stað á gönguskíðum frá Akur-
eyri 6. apríl og hugðust ganga
þvert yfir landið. Ferðinni átti
•v að ljúka í dag á Skógum und-
ir Eyjafjöllum. Þegar í Land-
mannalaugar var komið var
annar mannanna orðinn mjög
sárfættur og óskuðu þeir að-
stoðar. Jeppi björgunarsveitar-
innar komst að Frostastaðar-
vatni skammt frá Laugum en
þaðan varð að sækja mennina
og búnað þeirra á snjósleðum.
Stöð 3 um breytingar útvarpsréttarnefndar á úthlutun sjónvarpsrása
Endurskoðunar krafist og
að úthlutun verði stöðvuð
ÚTVARPSSTJÓRI Stöðvar 3 sendi útvarpsrétt-
arnefnd bréf í gær þar sem óskað er eftir að
nefndin endurskoði ákvörðun sína um að taka
tvær sjónvarpsrásir af Stöð 3 og úthluta þeim
til Sýnar. Jafnframt er þess krafist að fyrirhug-
uð úthlutun rásanna til Sýnar verði stöðvuð.
Gunnar Hansson, stjómarformaður Stöðvar 3,
sagði að fyrirtækið hefði lagt í verulegan kostnað
við undirbúning útsendinga á þeim rásum sem
nú hefðu verið teknar af því. Úm væri að ræða
kostnað vegna tækjakaupa og kaupa sjónvarps-
efnis. Hann sagði að Stöð 3 hefði ekki haft neina
vitneskju um að útvarpsréttamefnd hefði í hyggju
að svipta stöðina tveimur rásum. Meginatriðið
væri þó að með þessu væri verið að skekkja sam-
keppnisstöðu Stöðvar 3 á sjónvarpsmarkaðinum
og styrkja stöðu Stöðvar 2 og Sýnar, sem væru
að stærstum hluta í eigu sömu aðila.
Jón Ólafsson, framkvæmdastjóri Stöðvar 2,
sagði að þessi ákvörðun útvarpsréttarnefndar,
að taka tvær rásir af Stöð 2, kæmi sér á óvart.
Hann lýsti óánægju með hana. Hún kæmi til
með að hafa áhrif á rekstur Fjölvarpsins_en
Stöð 2 hefði lagt í verulegan kostnað við upp-
byggingu þeirra tveggja rása, sem nú hefðu
verið teknar af fyrirtækinu.
Kjartan Gunnarsson, formaður útvarpsréttar-
nefndar, sagði að nefndin hefði ekki átt annan
kost en að afgreiða ósk Sýnar um fleiri sjón-
varpsrásir á þann hátt að svipta Stöð 2 og Stöð
3 rásum sem stöðvarnar hefðu fengið úthlutað.
Nefndin hefði haft ótvíræðan rétt til að taka
þessa ákvörðun. Hann sagði þennan skort á sjón-
varpsrásum tímabundinn þar sem tækniframfar-
ir gerðu kleift að þjappa 7-10 sjónvarpsdagskrám
saman í eina örbylgjurás. Þegar þessi tækni
hefði verið tekin í notkun hér á landi gæti nefnd-
in úthlutað 220 rásum í stað 22 eins og staðan er
í dag.
■ Krefst þess að ákvörðunin/6
■ Meðleyfií4áránreglulegra/10