Morgunblaðið - 11.09.1996, Blaðsíða 1

Morgunblaðið - 11.09.1996, Blaðsíða 1
72 SIÐUR B/C/D/E 0fttnnUid>tití STOFNAÐ 1913 206. TBL. 84. ARG. MIÐVIKUDAGUR 11. SEPTEMBER1996 PRENTSMIÐJA MORGUNBLAÐSINS Netanyahu hnýt- ir í Sýrlendinga New York, París. Reuter. BENJAMIN Netanyahu, forsætis- ráðherra ísraels, sagði í gær að hann væri bjartsýnni á það að samningar tækjust við Palestínu- menn en að friður kæmist á við Sýrlendinga. „Sýrlendingar vilja . . . hefja samninga á ný með því að segja við okkur „Við þurfum að semja um framtíð Gólan-hæða og því verðið þið að verða við kröfu okk- ar um að þið látið Gólan-hæðir af hendi"," sagði Netanyahu á fundi í New York með athafnamönnum úr bandaríska viðskiptalífinu. ísraelar og Sýrlendingar hafa ekki ræðst við frá því að gengið var að kjörborðinu í ísrael í maí og stjórn Netanyahus, sem er and- víg því að láta „land fyrir frið", komst til valda. Sýrlenska blaðið al-Baath sagði að Netanyahu stæði í vegi fyrir viðræðum með því að virða að vettugi fimm ára tvíhliða samn- inga og bætti við að forsætisráð- herra Israels hefði „rekið nagla í líkkistu friðarferlisins þegar hann setti fleiri hindranir og ómöguleg skilyrði". Netanyahu ræddi á mánudag við Bill Clinton Bandaríkjaforseta í Washington og skoraði að því loknu á Sýrlendinga að hefja frið- arviðræður skilyrðislaust. Bandarískir embættismenn sögðu að verið væri að leita leiða til að fá ísraela og Sýrlendinga að samningaborðinu. Útspil Frakka Frakkar vilja leika stærra hlut- verk í Miðausturlöndum og buðust í gær til að aðstoða ísraela við að hefja friðarviðræður við Sýrlend- inga á ný. David Levy, utanríkis- ráðherra ísraels, ræddi í gær við Jacques Chirac, forseta Frakk- lands, og Hervé de Charette utan- ríkisráðherra og kvaðst hafa beðið þá að koma boðum til Sýrlendinga og Líbana. Farouq al-Shara, utanríkisráð- herra Sýrlands, var í Frakklandi í síðustu viku og Chirac heldur í næstu viku til Miðausturlanda. Reuter Kosninga- barátta í Bosníu YFIRMAÐUR liðsafla Atlants- hafsbandalagsins í Bosníu, bandaríski aðmírállinn Joseph Lopez, sagði í gær að allt yrði gert til að koma í veg fyrir of- beldi vegna kosninganna í Bosníu um helgina. Haris Silajdzic, fyrrverandi forsætisráðherra Bosníu, skoraði í gær á alla aðilja að leggjast á eitt um sameiningu Bosniu. „Bosnía er sögulegt samfélag þriggja þjóða [Serba, múslima og Króata] og verði einhver þeirra undanskilin verður engin Bosn- ía," sagði Silajdzie á kosninga- fundi í'lokks síns í gær. Ekki hafa allir verið málsvarar einingar og skipuleggjendur kosninganna, Öryggis-pgsam- vinnustofnun Evrópu (ÖSE), sekt- uðu í gær þjóðernisflokkinn, sem er víð völd á yfirráðasvæði Serba, um 50 þúsund dollara (3,3 milljón- ir króna) fyrir að reka áróður fyrir aðskilnaði og samruna við Serbíu. A myndinni sjást stuðnings- menn Serbans Vojislavs Seseljs, öfgamanns og þjóðernissinna, á kosningafundi í Banja Luka. Reuter Hálf öld frá kölluninni MOÐIR Teresa flutti i gær ræðu í tilefni af því að hálf öld er lið- in frá því að hún fékk þá köllun að starfa í þágu fátækra. Þetta er fyrsta ræða hennar frá því að hún var útskrifuð af sjúkra- húsi í vikunni sem leið eftir 18 daga baráttu við hjartasjúkdóm og lungnabólgu. Móðir Teresa ávarpaði nunnur í trúboðsreglu, sem hún stofnaði árið 1949, í Kalkútta. „Þið hafið heitið að fórna ykkur í þágu fá- tækra og verðið að halda því áfram. Þetta er besta leiðin til að þjóna Guði," sagði hún í höf- uðstöðvum reglunnar. Móðir Teresa hefur lýst 10. september 1946 sem „innblást- ursdeginum". Þá hafi hún fengið þá köllun frá Guði að helga líf sitt líknarstörfum. Regla hennar rekur nú 544 heimili fyrir börn og fátæka í rúmlega 80 borgum víða um heim. írakar ögra Bandaríkj- unum þrátt fyrir hótanir Bagdad, Washington. Reuter. ÞUSUNDIR Kúrda í írak flúðu í gær í átt til írans í kjölfar þess að borg- in Sulaimaniya féll í hendur Kúrdum hliðhollum Saddam Hussein, forseta íraks, á mánudag. Margir ákváðu þó að snúa aftur til síns heima í norðurhluta íraks. Stjórn Saddams lýsti yfir því í gær að allir Kúrdar, sem hefðu búið undir verndaryæng Vesturlanda í norðurhéruðum íraks, hlytu náðun og sagði sigur Kúrda niðurlægingu Bandaríkjamanna. Bandaríkjamenn vöruðu íraka við því að reyna að gera við loftvarnir, sem skemmst hefðu í árásum bandariska flughersins í síðustu viku, og hótuðu frekari árásum. Yfírlýsingin um náðun er talin hafa verið gerð til að undirstrika að írakar hafi endurheimt ítök sín í norðurhéruðunum eftir landvinninga Lýðræðisflokks Kúrdistans (KDP), sem þeim er hliðhollur. Saddam Hus- sein missti völdin í norðrí eftir Persa- flóastríðið 1991. írakar gera við loftvarnir Bandaríkjamenn sögðu í gær að írakar hefðu gert við að minnsta kosti fj'órar af loftvarnastöðvunum, sem Bandaríkjamenn skutu á sprengiflaugum fyrir viku til að refsa írökum fyrir að láta íraska herinn liðsinna þeirri fylkingu Kúrda, sem þeir styðja, í sókninni innan verndar- svæðisins í norðri. Hótuðu þeir nýrri árás héldu írakar uppteknum hætti. íraska fréttastofan INA greindi frá því í gær að þremur loftvarna- flaugum hefði verið skotið að banda- rískum flugvélum í eftirlitsflugi og hefðu þær forðað sér. Bandaríkjamenn lýstu yfír því í gær að skærist íraski herinn í leikinn í norðri gæti það orðið afdrifaríkt. Þjóðernisbandalag Kúrdistans hafði hins vegar þá þegar tapað viðureign- inni og Lýðræðisflokkur Kúrdistans náð völdum í lykilborginni Sulaimani- ya. Flóttamannastraumur til írans Þegar borgin féll á mánudag hófst flóttamannastraumurinn til írans fyrir alvöru. Sameinuðu þjóðirnar sögðu að búist væri við að 75 þúsund manns myndu flykkjast til landa- mæranna. íranskir embættismenn sögðu að gera mætti ráð fyrir 200 þúsund manns og fóru fram á hjálp alþjóðastofnana. Vitni sögðu hins vegar að mörg hundruð bifreiðar með Kúrda hefðu snúið aftur til Sulaimaniya og hefði fólkið greinilega talið að íraskir her- menn mundu ekki leggja borgina undir sig. íraska stjórnin var kokhraust eftir sigur KDP þrátt fyrir aðgerðir Bandaríkjamanna. „I dag flagga Irakar í heila stöng en Bandaríkjamenn í hálfa," sagði í dagblaði stjórnarinnar, al-Jumhouri- ya, og var Bill Clinton Bandaríkjafor- seta líkt við „hýenu í búri, sem hleyp- ur um í leit að útleið". Borís Jeltsín færir völd til Tsjernomýrdíns Moskvu. Reuter. BORÍS Jeltsín, forseti Rússlands, lét umsjón nokkurra lykilráðuneyta að hluta til í hendur Víktors Tsjerno- mýrdíns forsætisráðherra, en í yfir- lýsingu stjórnarinnar sagði að for- setinn mundi áfram bera ábyrgð á „rauða hnappnum", sem stjórnar kjarnorkuvopnum landsins. Þessar ráðstafanir eru hluti af undirbúningi Jeltsíns undir hjartaaðgerð, sem hann mun gangast undir á næstunni. Fréttaskýrendur sögðu að með þessu virtist Jeltsín vera að hefta uppgang Alexanders Lebeds örygg- isráðgjafa, sem hafði leitað eftir yfir- ráðum yfír „valdamestu" ráðuneyt- unum. Sergei Yastrzhembskí sagði að varnarmálaráðuneytið, innanríkis- ráðuneytið og önnur ráðuneyti, sem allajafna gæfu forsetanum skýrslu, mundu bera sín mál undir Tsjerno- mýrdín, sem samkvæmt stjórnar- skránni er staðgengill forsetans. Jeltsín hefur verið í fríi frá 26. ágúst og hefur ekki verið sagt hve- nær því ljúki. Hann tilkynnti í sjón- varpsviðtali í síðustu viku að hann gengist undir aðgerð á hjarta í lok þessa mánaðar. SÞgegn kjarnorku- sprengingum Sameinuðu þjóðunum. Reuter. ALLSHERJARÞING Sameinuðu þjóðanna samþykkti í gær, eftir fjörutíu ára umræðu, sáttmála um að banna kjarnorkuspreng- ingar. Atkvæðagreiðslan í gær dugar þó ekki til. Undirskrift 44 þjóða með „kjarnorkugetu" þarf til og sögðu Indverjar, sem eru þar á meðal, að þeir mundu aldr- ei undirrita sáttmálann. 158 ríki greiddu atkvæði með sáttmálanum, þrjú á móti.

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.