Morgunblaðið - 24.09.1996, Page 24

I
24 ÞRIÐJUDAGUR 24. SEPTEMBER 1996
MORGUNBLAÐIÐ
LISTIR
MEIMNTUN
RúRek 96 djass-
hátíðin hafin
Morgunblaðið/Jón Svavarsson
NORRÆNA kvennahljómsveitin lék við
góðar undirtektir á Hótel Sögu.
RúRek djasshátíðin var
sett í hljómleikasal Fé-
lags íslenskra hljómlist-
armanna í Rauðagerði
síðastliðinn sunnudag.
Guðjón Guðmundsson
var viðstaddur.
FRAM komu nokkrir af þeim mörgu
tónlistarmönnum sem leika á hátíð-
inni, sem er, eins og nafnið ber með
sér, samstarfsverkefni Ríkisútvarps-
ins og Reykjavíkurborgar. Þetta er
í sjötta sinn sem þessir aðilar blása
til djasshátíðar. Hógværð eða hag-
sýni, nema hvort tveggja sé, ein-
kennir RúRek að þessu sinni. Engin
stór númer til að trekkja að. Þetta
eru veruleg vonbrigði og afturför frá
því sem verið hefur síðustu ár. Ekki
er við skipuleggjendur hátíðarinnar
að sakast. Þeir vinna sitt verk af
alúð. En það vantar greinilega pen-
inga inn í hátíðina. Kaupmannahafn-
arborg, sem er um tíu sinnum fjöl-
mennari en Reykjavík, hefur hlúð
að sinni hátíð. Samstarf hefur verið
með borginni og Tuborg verksmiðj-
unum um að fjármagna hátíðina sem
er orðin aðdráttarafl fyrir djassunn-
endur víða um heim.
Sú hefð hefur skapast við setn-
ingu okkar litlu hátíðar að borgar-
stjóri, útvarpsstjóri og formaður FÍH
leiki stefið góðkunna sem a.m.k.
tvær kynslóðir íslendinga hafa alist
upp við. Það hefur hljómað milli
dagskrárliða og á undan dánarfregn-
um á gömlu Gufunni. Á því varð
engin breyting og að þessu sinni var
stefið leikið á pákur.
Sagður kunna 2.000 lög
Jon Weber er Kanadamaður og
er sagður kunna að minnsta kosti
2.000 lög utanbókar og geta spilað
þau í öllum tóntegundum. Þetta er
hinn mesti páfagaukur og kynnti
hann lögin þrjú sem hann flutti á
íslensku. Weber leikur á tónleikum
í minningu Guðmundar Ingólfsson:
ar á Kringlukránni annað kvöld. I
Rauðagerði flutti hann Tryggva
eftir Guðmund. Weber er flinkur
píanisti en hann sýndi þó engin sér-
stök tilþrif einn við píanóið á sunnu-
dag.
Margir hafa ugglaust í hyggju að
sjá og heyra Tríó Péturs Óstlund.
Ekki vegna þess að Pétur hafí haft
með sér sænska kollega sína á Rú-
Rek, því það gerði hann ekki. Held-
ur vegna þess að Pétur er magnaður
djasstrommari og verður í slagtogi
með tveimur af fremstu djassleikur-
um landsins. Ekta píanótríó með
Eyþór á slaghörpuna og Þórð
Högnason, þann hljómmikia, á
kontrabassann. Gestir í Rauðagerði
fengu sýnishorn af galdri þeirra, vel
þekktum standördum, Just a
Terrible Dream, All the Things You
Are. Mjög fagmannlegur djass, vel
leikið og laust við alla áhættu.
Án skrautfjaðra
Björn Th. Árnason, formaður Fé-
lags íslenskra hljómlistarmanna og
skólastjóri tónlistarskóla FÍH, hélt
stutta tölu og að henni lokinni lék
hljómsveit Stefáns S. Stefánssonar
efni af nýútkominni plötu, / skjóii
nætur. Sex lög sem eru á plötunni
samdi Stefán með andlegri uppörvun
frá ljóðabálki Sveinbjörns I. Bald-
vinssonar, / þorpi drottningar engl-
anna. Á undan lögunum flutti höf-
undurinn Ijóðin, sem hann samdi
þegar hann bjó í Los Angeles. Þetta
er mestanpart viðkvæm tónlist,
tregablandin og laglínurnar eru fal-
legar. Stefán hefur valið alveg réttu
mennina til þess að flytja tónlistina
með sér. Heyra má meira af tónlist
Stefáns í Leikhúskjallaranum annað
kvöld.
Um kvöldið lék svo Norræna
kvennahljómsveitin á Hótel Sögu.
Tvær íslenskar konur voru þar í
hópi, Guðrún Hauksdóttir gítarleik-
ari og Andrea Gylfadóttir söngkona
sem kom fram með hljómsveitinni
sem gestur.
RúRek djasshátíðin er að þessu
sinni án mikilla skrautíjaðra. Þarna
er enginn Waliace Roney, Freddie
Hubbard, Fritz Landesbergen eða
Niels Henning. En Kvartett Skúla
Sverrissonar, skipaður framsæknum
tónhugsuðum frá Bandaríkjunum,
verður á Hótel Sögu á fimmtudags-
kvöld, Sextett Sigurðar Flosasonar
með m.a. Óskari Guðjónssyni og
Gunnlaugi Guðmundssyni leikur á
Sögu á föstudagskvöld. New Jungle
kvartett Pierre Dorge er enn kominn
til landsins og leikur á Borginni á
laugardagskvöld, ný norræn tónlist.
Djassunnendur geta því glaðir unað
við sitt þrátt fyrir augljós merki
samdráttar.
Jazz 96
Dagskrá RúRek 96:
Þriðjudagur 24. september
Kl. 17. Jómfrúin: Kvartett
Reynis Sigurðssonar. Frítt.
Kl. 21. Loftkastalinn: Bítslag
96. Slagverkshátíð Samspils.
Kr. 1.200.
Kl. 21.30. Leikhúskjallarinn:
Jakob Frímann Magnússon og
Egill Ólafsson ásamt Tríói
Björns Thoroddsens. Kr.
1.000.
Kl. 22. Kringlukráin: Hljóm-
sveit Eddu Borg. Frítt.
Sólon íslandus: Tríó Jóels Sig-
urðssonar. Frítt.
Sagnfræði og æviskrár frá Þjóðsögu
A
Póstsaga Islands
og Vélsljóratal
Dagskrá um
Robert Burns
FÉLAG um átjándu aldar fræði held-
ur samkomu miðvikudaginn 25. sept-
ember næstkomandi í tilefni af
tveggja alda ártíð Robert Burns, þjóð-
skálds Skota, á þessu ári. Samkoman
verður haldin í Skólabæ, Suðurgötu
26 (á horni Suðurgötu og Kirkju-
garðsstígs) og hefst kl. 20.30.
Sveinn Yngi Egilsson bókmennta-
fræðingur flytur erindi um Burns
og lesið verður úr íslenskum Burns-
þýðingum.
„Robert Burn, sem fæddist 1759
og lést aðeins 37 ára að aldri, hefur
alla tíð verið ástsæll með þjóð sinni
og reyndar víða um lönd.
Hann skipar svipaðan sess í vitund
skosku þjóðarinnar og Jónas Hall-
grímsson meðal íslendinga.
Ýmis íslensk skáld, þekkt og
minna þekkt, hafa þýtt ljóð eftir
Burns. Mörg Ijóða hans eru oft sung-
in við vinsæl Iög“, segir í kynningu.
Kaffíveitingar verða til sölu á
staðnum. Öllum er heimill ókeypis
aðgangur.
PÓSTSAGA íslands, fyrra bindi
sem nær yfír tímabilið 1786-1873,
er væntanleg hjá Þjóðsögu. Síð-
asti kaflinn fjallar um póstflutn-
ingsskipin, en ferðir þeirra voru
byijun áætlunarsiglinga til og frá
landinu. Höfundur er Heimir Þor-
leifsson sagnfræðingur og verður
þetta bindi rúmlega 500 blaðsíður
ríkulega myndskreytt. Seinna
bindið á að koma út innan tveggja
ára. Póstsagan er gefin út að til-
stuðlan Pósts og síma.
Saga Njarðvíkur eftir Kristján
Sveinsson sagnfræðing er bók sem
bæjarstjórn Njarðvíkur ákvað á
sínum tíma að láta skrifa. Fyrr á
árinu kom út Álftanessaga eftir
Önnu Ólafsdóttur Björnsson.
Þjóðsaga gefur út stéttatöl og
er skemmst að minnast Verk-
fræðingatals í tveimur bindum
sem kom út á þessu ári. Fleira
er væntanlegt í þessum flokki.
Vélstjóra- og vélfræðingatal verð-
ur gefið út að frumkvæði Vél-
stjórafélags íslands. í talinu verða
að líkindum rúmlega 7.000 nöfn
og æviskrár. Tvö fyrstu bindin
af fimm koma í haust samtals um
þúsund síður. Þijú síðari bindin
eiga að koma út að ári. Ritstjórar
eru Þorsteinn Jónsson og Franz
Gíslason.
Stefnt er að nýrri útgáfu Við-
skipta- og hagfræðingatals, en það
kom síðast út 1986. Ritið verður
mjög aukið, um 2.400 nöfn í 2-3
bindum. Ritstjóri er Gunnlaugur
Haraldsson.
Samnorræn
lestrarkeppni
í fyrsta sinn
GRUNNSKÓLANEMUM á öllum
Norðurlöndunum gefst tækifæri í
nóvember næstkomandi til að taka
þátt í samnorrænni lestrarkeppni
sem haldin verður með fjárhags-
legri aðstoð Norrænu ráðherra-
nefndarinnar. Er þetta í fyrsta sinn
sem slík samnorræn keppni er hald-
in og nær hún til alls grunnskóla-
stigsins.
Að sögn Garðars Gíslasonar,
verkefnisstjóra keppninnar á ís-
landi, er ekki um einstaklings-
keppni að ræða heldur mun hver
bekkjardeild vinna að verkefninu í
sameiningu. Síðan vinna nemendur
úr því efni sem lesið var, túlka það
og birta niðurstöður á sérstöku
veggspjaldi. „Túlkunin getur verið
með ýmsu móti, svo sem teikning-
ar, ljósmyndir, spakmæli, samtöl,
textar eða ritdómar. Síðan velur
hver skóli sigurvegara í þremur ald-
ursflokkum, þ.e. 1.-3. bekk, 4.-6.
bekk og 7.-10. bekk. Munu þau
veggspjöld verða send í landskeppni
og þeir bekkir eða hópar sem sigra
fá boli, bókaverðlaun eða peninga-
verðlaun, sem ætluð er til framlags
í ferðasjóð," sagði Garðar.
Úrval bókmennta
Tilgangur keppninnar er að efla
almennan lestraráhuga nemenda,
að vekja athygli á því mikla úrvali
sem til er af Norðurlandabókmennt-
um, hvetja til lesturs á þeim og
sömuleiðis að hafa áhrif á kennslu,
því þátttakendur lesa og túlka lestr-
arefnið og geta unnið úr því á skap-
MÍMIR, auga Auðins og Peg-
asus eru tákn norrænu lestr-
arkeppninnar.
andi hátt. Nemendur verða einnig
hvattir til að mynda samstarf við
jafnaldra á öðrum Norðurlöndum
og skiptast á skoðunum um norræn-
ar bókmenntir.
Norræna bókmennta-og bóka-
safnsnefndin (NORDBOK) og
Stjórnarnefnd um norrænt samstarf (
(NMSS) áttu frumkvæði að keppn- |
inni en af hálfu íslands á mennta-
málaráðuneytið, Samband íslenskra I
sveitarfélaga, Félag íslenskra bóka-
útgefenda, Bókavarðafélag íslands,
Samtök móðurmálskennara, Skóla-
stjórafélag íslands og Ríkissjón-
varpið fulltrúa í stjórn.
Samkeppni um hugmyndir og
gerð fræðsluefnis
Tækifæri fyrir
nemendur að
taka þátt
FRAMKVÆMDASTJÓRN Evr-
ópusambandsins (ESB) efnir til
samkeppni um gerð fræðsluefnis í
formi hugbúnaðar eða margmiðl-
unar í tilefni af „Ári símenntun-
ar“. Um er að ræða tvo flokka,
annars vegar geta nemendur í
grunn- eða framhaldsskólum lagt
fram handrit eða hugmyndir að
margmiðlunarhugbúnaði. Hins
vegar geta nemendur í stofnunum
sem veita þjálfun í margmiðlun,
þar með talið á háskólastigi, lagt
fram fullgerð margmiðlunarefni
eða -líkön.
Að sögn Ingibjargar Gísladótt-
ur, deildarstjóra hjá Rannsókna-
þjónustu Háskólans, geta bæði ein-
stakir nemendur og nemendahópar
lagt fram verkefni og mega þau
vera unnin undir handleiðslu kenn-
ara. Hins vegar má hver stofnun
aðeins leggja fram eitt verkefni.
„Þegar talað er um fræðsluefni er
það hugtak notað í víðum skiln-
ingi. Verkefnin mega vera á ís-
lensku og þau þurfa ekki að fjalla
um neitt sérstakt námsefni en
verða að tengjast þekkingu eða
þjálfun. Þau verða einnig að tengj-
ast viðfangsefnum sem eru mikil-
væg í evrópsku samhengi eins og
menningu, vísindum, kynningu á
störfum, undirbúningi fyrir þátt-
töku í atvinnulífi, svo nokkuð sé
nefnt,“ sagði Ingibjörg.
I
I
\
Umsóknir verða fyrst metnar
hér á landi og þijár umsóknir í
hvorum flokki verða síðan senda
áfram til framkvæmdastjórnar.
Umsóknarfrestur er til 11. október
nk.
-------» ♦■■4------
Nýtt tímarit |
•,Vestnorræna ungmennablaðið ^
Ozon er komið út á vegum nem-
enda í Lýðskólanum á íslandi, í
Grænlandi og
Færeyjum.
Þetta er í annað
sinn sem tímarit-
ið kemur út og
er það aðallega |
skrifað á dönsku
en nokkurt efni
er á íslensku. |
Hefur efni þess
verið notað sem ítarefni í dönsku-
kennslu á íslandi. í ritinu er fjöldi
greina og mynda sem höfða til ungs
fólks.
Tímaritið Ozon er styrkt af Nor-
rænu ráðherranefndinni, Norræna
menningarsjóðnum, Reykjavíkur-
borg o.fl. og kemur út í 25.000 ein- j;
tökum. Því er dreift til allra 10.
bekkinga í löndunum þremur. Hægt
er að náigast tímaritið í Norræna I
húsinu.