Morgunblaðið - 22.11.1996, Blaðsíða 47

MORGUNBLAÐIÐ
FÖSTUDAGUR 22. NÓVEMBER 1996 47
FERÐ LAGANEMA
ar og gerðum fræðilega úttekt á
skemmtanalífi Tel Aviv.
Aðalumræðuefni kvöldsins var
morðið á arabíska sprengjusér-
fræðingnum, Yahya Ayyash,
„verkfræðingnum", sem lést fyrr
um daginn, þennan föstudag, þeg-
ar farsími er hann átti sprakk í
höndunum á honum. Ayyash hafði
um langt skeið verið eftirlýstur af
ísraelsku leyniþjónustunni, m.a.
vegna aðildar hans að því að
sprengja í loft upp strætisvagn í
Tel Aviv, með þeim afleiðingum
að á 4. tug ísraela dó eða særðist.
Fréttin af andláti Ayyash var
gestgjöfum okkar því ekki harma-
fregn.
Það var langt liðið á hvíldardag-
inn þegar við héldum „heim“ á
leið með hýslum okkar þennan
laugardagsmorgun enda kom á
daginn að ísraelsferðin átti eftir
að verða ferð skemmtunar og lítill-
ar hvíldar.
Jerúsalem
Laugardaginn 6. janúar, á Shab-
bat, hvíldardegi gyðinga, fórum
við íslendingarnir í fyrstu ferð
okkar til Jerúsalem - vöggu
þriggja helstu trúarbragða heims
og í augum okkar kristinna manna,
borgarinnar þar sem lífi og starfi
Jesú Krists lauk. Það greip hugann
sterk óraunveruleikatilfínning, að
við skyldum vera að nálgast eitt
helsta sögusvið biblíusagnanna.
En við vorum virkilega á leiðinni
til Jerúsalem, borgarinnar eilífu,
þangað sem kynslóðirnar höfðu
komið og farið á undan okkur og
sögulegir atburðir gerst við hvert
fótmál, borgarinnar þar sem stein-
arnir tala eftir að mennirnir þagna.
í þessa ferð fórum bara við ís-
lendingarnir ásamt ísraelskum
leið- sögumanni okkar, ungfrú
Shlomit Wakshal og vini hennar,
sem hafði nýlokið herþjónustu og
kom með af öryggisástæðum.
Laganemarnir, gestgjafar okkar,
héldu hvíldardaginn heilagan. Við
fórum með rútu frá Tel Aviv og
tók ferðin einungis tæpa klukku-
stund. Eftirvæntingin eftir því að
sjá Jerúsalem jókst með hverri
mínutunni sem leið.
Allt í einu blöstu ljósir borgar-
múrar Jerúsalem við okkur, en í
kringum gamla bæinn í Jerúsalem
er 2,5 mílu virkisveggur, með 14
varðturnum og 7 borgarhliðum,
sem Suleiman mikli lét reisa 1536-
1539. Við vorum komin í Kedron-
dalinn og höfðum borgarmúrana á
hægri hönd og Olíufjallið á þá
vinstri. í hlíðum Olíufjallsins eru
margar fallegar kirkjur og hús sem
okkur gafst tímans vegna ekki
færi á að skoða nánar og sáum
við hlíðina því aðeins tilsýndar úr
fjarlægð. Meðal mest áberandi
kirkna í hlíðum Olíufjallsins eru
Allraþjóða-kirkjan, sem var reist á
rústum gamallar krossfararkirkju
og er auðþekkjanleg á málaðri
framhlið sinni, hannaðri af
Barluzzi, árið 1926 og kirkja Mar-
íu Magðalenu, með fallega, gyllta
kúpla, sem rússneski keisarinn lét
reisa seint á 19. öld. Meðal ann-
arra sögufrægra staða á Olíufjall-
inu eru Getsemane-garðurinn, þar
sem Jesú dvaldist eftir síðustu
kvöldmáltíðina og grafreitir gyð-
inga.
Gegnt Olíufjallinu er Ljónahlið-
ið, en í gegnum það hlið fórum við
inn í Jerúsalem. Þess mætti geta
að þegar ísraelski herinn náði Jerú-
salem á sitt vald í 6 daga stríðinu,
7. júní 1967 réðist hann til inn-
göngu í Jerúsalem, sömu leið og
við vorum að fara, í gegnum Ljóna-
hliðið. Ljónahliðið ber í rauninni 4
nöfn. Gyðingar kalla hliðið Ljóna-
hliðið, vegna þess að sagan segir
að Suleiman mikli (tyrkneskur
valdhafi sem réð yfir Israel á 16.
öld) hafi kvöld eitt dreymt að 4
ljón væru að rífa hann í tætlur.
Draumurinn var skýrður svo fyrir
honum að ljónið, tákn Júdeu, væri
hamlaust af reiði, vegna þess að
ekki væri búið að reisa borgar-
múra í kringum Jerúsalem. Súlei-
man mikli er sagður hafa látið
reisa borgarmúrana þegar í stað,
eftir að hann heyrði þessa draumr-
áðningu. í minningu um draum
sinn, lét hann höggva 4 ljón í eitt
borgar-hliðanna, sem upp frá því
var nefnt ljónahliðið.
Kristnir menn kalla hliðið Stef-
ánshlið, því fyrsti píslavottur
kristninnar, Stefán, á að hafa ver-
ið grýttur til bana þar.
Við laganemar skírðum hliðið
síðan upp á nýtt Stefáns Máshlið
í minningu um ferð okkar og pró-
fessors Stefáns Más gegnum hlið-
ið, þennan þrettánda jóladag, 6.
janúar 1996. Ekki vita þó allir af
því og er óvíst hvort það nafn nær
að festast, nema í hugum okkar.
Loks kalla arabar hliðið fjórða
nafninu, Bab Sittia Maryan (Hlið
Maríu meyjar), því fæðingarstaður
Maríu guðsmóður er sagður vera
fyrir innan hliðið.
Þangað var ferð okkar fyrst
heitið, að húsinu þar sem María
guðsmóðir er sögð hafa fæðst. Til
þess að leggja áherslu á helgi stað-
arins var skvett á okkur vígðu
vatni við inngang fæðingarstaðar-
ins og aðeins að því búnu var okk-
ur leyft að koma inn. Við fórum
niður stiga og gengum inn í eins
konar hvelfingu þar sem María á
að hafa fæðst.
Það er skrítið til þess að hugsa
að gatan þar sem María mey á að
hafa fæðst er þekktust fyrir píslar-
göngu sonar hennar, Jesú Krists.
Þá götu, Via Dolorosa, ætluðum
við að ganga og feta þannig í fót-
spor frelsarans. Þúsundir pflagríma,
hvaðanæva úr heiminum koma ár-
lega til Jerúsalem til þess eins að
ganga eftir Via Dolorosa, krossfer-
il Krists, og minnast með því móti
kærleika Jesú sem kvaldist og dó
til þess að við mættum lifa.
Höfundur er lögfræðingvr.
Wvafr cr rétf kiukka?
( síma 155 er að finna upplýsingar um hvað I
rétt klukka er • Opið allan sólarhringinn. I pósturogsImi
Ljósmyndasýning Morgunblaðsins
NÁTTÚRUHAMFARIRNAR Á VATNAJÖKLI
OG SKEIÐARÁRSANDI hlaup á Skeiðarársandi í byrjun
nóvember eru meðal mestu náttúru-
hamfara á íslandi á þessari öld. Á svipstundu stórskemmdust samgöngumannvirki á
Skeiðarársandi og hringvegurinn rofnaði sem olli einstaklingum og fyrirtækjum á sunnan-
og austanverðu landinu miklum óþægindum.
Ljósmyndarar Morgunblaðsins fylgdust vel með náttúruhamförunum og í anddyri
Morgunblaðshússins, Kringlunni 1, hefiir verið komið upp yfirlitssýningu á völdum myndum
sem teknar voru þar.
Sýningin stendur til föstudagsins 6. desember og er opin á afgreiðslutíma blaðsins kl. 8-18
alla virka daga og laugardaga kl. 8-12.
Allar myndimar á sýningunni eru til sölu.
MYNDASAFN
KRAKKAR!
MUNIÐ EFTIR OKKUR
TANNIOGTÚPA
Öll Lionsdagatöl eru merkt:
Þeim fylgir límmiði með Tanna og Túpu og tannkremstúpa.
Allur hagnaður rennur til líknarmála.